31/07/2026
سنسکرت میں ارجن پرکھش۔ ہندی میں ارجن کوہا۔ تامل میں مردتنے۔ بنگالی میں ارجن۔ گجراتی میں ساجد ان۔ انگریزی میں(arjuna) اور لاطینی میں(TeriminaliaArjuma)کہتے ہیں۔
شناخت:
یہ قد آور درخت ہمالیہ کی ترائی، بنگال، پنجاب اور یو پی میں بکثرت پایا جاتا ہے۔ پتے امرود کے پتوں جیسے قریبا چار پانچ انچ لمبے اور ایک سے دو انچ چوڑے ہوتے ہیں اور دس پتوں سے لے کر پندرہ پتے ایک شاخ میں لگتے ہیں۔پھول زرد اور ننھے ننھے، پھل تین انگل لمبے سبز۔ اس کے پہلے پانچ چھ پھل ابھرے ہوئے اور نمایاں ہوتے ہیں۔ ماہ جولائی میں اس کو پھل کثرت سے لگتے ہیں۔ دہلی اور دیگر کئی شہروں کی سڑکوں پر یہ درخت کثرت سے کھڑے ہوتے ہیں۔
طب آ یورویدکی رُو سے اس کی چھال اور پتے دوا کے طور پر استعمال کیے جاتے ہیں۔
مزاج:
اس کا ذائقہ کسیلا اور گرم تاثیر رکھتا ہے۔
فوائد:
چھال میں پایا جانے والا گلوکو سائیڈ انگریزی دواڈیجی ٹیلس (Digitalis)کی طرح دل کی دھڑکن کو ختم کرتا ہے اور دل کو طاقت دیتا ہے۔ ڈیجی ٹینس زہریلا اثر رکھتا ہے، جبکہ چھال ارجن کا گلو کو سائڈ بے ضرر ہے۔ ان کی چھال کا جوشاندہ جریان خون، دستوں و پیچش کے علاوہ پھیپھڑوں کے زخم،دِق، تھکن اور پیاس دور کرتا ہے۔
مقدار خوراک:
جوشاندہ کی شکل میں اس کی مقدار خوراک 25گرام اور سفوف کی مقدار ایک سے تین گرام تک ہے۔
درخت درجن سے تیار ہونے والے مرکبات درج ذیل ہیں۔ بنائیں اور فائدہ اٹھائیں۔
جریان خون:
سفوف چھال ارجن چھ گرام، سفوف صندل سرخ تین گرام، مصری 9گرام، تینوں کو باہم ملا کر صبح و شام چاولوں کے پانی کے ساتھ استعمال کرنے سے جریان خون میں فائدہ ہوتا ہے۔
دیگر:
ارجن کی چھال 18 گرام کو 100 گرام پانی میں رات کو بھگو رکھیں۔ صبح اُبال کر نتھار کر پی لیں۔ خون بند ہو جائے گا۔
تقطیر البول:
ارجن کی چھال 18 گرام کا جوشاندہ صبح شام استعمال کرنے سے تقطیرالبول کی شکایت دور ہو جاتی ہے۔
خونی دست:
ل
ارجن کی چھال 12گرام250 گرام دودھ بھیڑ کے ساتھ پیس کر شہد ملا کر دینے سے خونی دست بند ہو جاتے ہیں۔
دل کی کمزوری ودھڑکن:
چھال درخت ارجن ایک حصہ، پانی دس حصہ، جوشاندہ بنائیں اور آدھا سے ایک اونس پلائیں۔ محرک ومقوی دل ہے۔ اسہال، پیچش اور سنگرہنی میں مفید ہے۔
دیگر:
چھال ارجن تین گرام چینی ، 25 گرام، ابلتا ہوا گائےکادودھ 480 گرام، تینوں کو ایک جان کر کے استعمال کرائیں۔ دل کی سوجن اور درد دل کے لئے مفید ہے۔ یہ علاج ایک سال تک جاری رکھنا چاہئے۔
منہ کے کیل اور مہاسے:
چھال ارجن کا سفوف 6 گرام، شہد 12 گرام، ملا کر منہ کے کیلوں اور مہاسوں پر لگائیں۔ آرام آجائے گا۔ یہ نسخہ پراچین گرنتھ واگ بھٹ کاہے۔
زخم:
ارجن کی چھال 12 گرام، صاف پانی 60 گرام، جوشاندہ تیار کرکے چھان لیں اور اس سے زخم کو دھوئیں ۔ چند دن کے استعمال سے زخم بھر جاتے ہیں۔
کمزورئ دِل:
درخت ارجن کی چھال 25 گرام، گائے کا دودھ آدھا کلو، پانی آدھا کلو۔ تینوں کو ملاکر جوش دیں۔ جب پانی اڑ جائے تو دودھ کو چھان کر حسب ذائقہ چینی ملا کر پی لیں۔ اس سے دل کو بہت تقویت ملے گی۔
بلغم میں خون:
ارجن کی چھال کا سفوف 50 گرام، بانسہ کے پتوں کے رس میں تر کر کے کھرل کریں اور خشک کریں۔ ایسا سات بار کریں۔ پھر اس سفوف میں چینی ملا کر رکھیں،تین سے چھ گرام ہمراہ تازہ پانی دیں۔دِق کہ وہ مریض جنہیں بلغم کے ساتھ خون آتا ہو، کے لئے ازحد مفید ہے۔
ہڈی ٹوٹنا:
دودھ و گھی کے ساتھ ارجن کی چھال کا سفوف 3 گرام کا استعمال ہڈی ٹوٹنے میں ازحد مفید ہے۔
دل کی کمزوری کا علاج:
الکوحل 51 فیصد، درخت ارجن کی چھال ایک فیصد، چھال کوموٹاموٹا کوٹ کر الکوحل میں ملا کر بوتل میں ڈال دیں اور بوتل کا منہ ڈاٹ سے بند کر دیں۔ دن میں دو یا تین بار ہلا دیا کریں۔ تین دن میں چھال کا اثر الکوحل میں آ جائے گا۔ پھر نہایت احتیاط سے الکوحل کو چھان کرشیشی میں ڈال لیں اور شیشی پر مضبوط کارک لگا کر رکھ دیں۔ پانچ سے دس قطرے 25گرام تازہ پانی میں حل کرکے ہر چار گھنٹے بعد دیں۔
فوائد:
امراض دل مثلا کلیجہ جلنا، دل کا کانپنا، دل میں درد ہونا اور دل کی کمزوری میں ازحد مفید ہے۔
ارجن ماڈرن تحقیق کی روشنی میں
ڈاکٹر بوس( ایم بی بی ایس):
اس کا ایکسٹریکٹ تیار کیا گیا ہے جو امراض قلب و استسقاء بہت مفید پایا گیا ہے۔ارجن اپنے افعال و خواص میں وہی فائدہ کرتا ہے جو انگریزی دوا ڈیجی ٹیلس کاہے۔ اس سلسلہ میں:۔
1۔ ارجن کی چھال 10گرام، پانی 200 گرام، دودھ 400 گرام ملا کر نرم آگ پر پکائیں۔ جب پانی جل جائےتو چھان کر مصری ملا کر پلائیں۔ نہایت عمدہ مقوی قلب ہے جو ورم غلافِ دل اور درد ِدل میں خاص طور پر مفید ہے۔
2۔ سفوف چھال ار جن دو گرام، صندل سرخ ایک گرام، مصری کوزہ تین گرام، سب کاسفوف بنالیں۔ خوراک 6 گرام صبح اور شام اور چھ گرام شام ہمراہ پانی دیں۔ نفث الدم کے لئے مفید ہے۔
3۔ دُنبلوں اور پھوڑوں پر ارجن کی چھال پلٹس کے طور پر استعمال کرنے سے پھوڑے جلد پک جاتے ہیں۔
4۔ چوٹ و سوجن میں ارجن کا پلانا اور لگانا دونوں ہی طرح سے مفید ہے۔
5۔ جریان کے لئے 3 گرام چھال کا جوشاندہ بنا کر آدھا آدھا کپ صبح و شام دونوں وقت پلائیں۔
دِل کےمریض کے لئے ار جن درخت کی چھال:
ار جن درخت کی چھال کے استعمال سے دل کا مریض پوری طرح ٹھیک ہو سکتا ہے۔ بنارس دِشودیالیہ میں کی گئی کھوج سے یہ سامنے آیا ہے کہ اس علاج سے پوری طرح ٹھیک ہوئے لوگوں ایک ایسا مرض بھی ہے جس کی 90 فیصد دھمنیاں رک جاتی تھیں اور ڈاکٹروں نے اسے پیس میکر لگوانے کی صلاح دی تھی۔ یہ معلومات ڈاکٹر کے این اڈوپہ نے دیں۔
ڈاکٹر اڈوپہ نے بتایا کہ 100 دل کے مریض اس سفوف کو کھا رہے تھے اور اس کے اچھے نتائج سامنے آئے ہیں۔ انہوں نے بتایا کہ اس سفوف کا استعمال تازہ پانی سے کیا جاسکتا ہے یا اس کا جوشاندہ بھی بنایا جا سکتا ہے۔ اس سلسلہ میں کھوج سے یہ ثابت ہو گیا کہ ارجن درخت کی چھال کا استعمال دل کے مریضوں کے لئے مفید ہے۔ یہی بات ہزاروں سال پہلے طب آیوروید نے کہی تھی۔
جڑی بوٹیوں کی معلومات اور مزید نسخہ جات کے بارے میں جاننے کے لیے ہمارے پیج کو لائک فالو اور شئیر
کریں
Green Pakistan
