Memory Ndlovu author Ndebele Novels

Memory Ndlovu author Ndebele Novels FUNDA UDELE NDEBELE
STORIES
(2)

[01/05, 09:05] MAGATSHENI: KUSEMHLABENI LASEASON2P10 and 11"Ungixolele mama wabantwabami, angikulahlelelanga abantwana, ...
09/06/2026

[01/05, 09:05] MAGATSHENI: KUSEMHLABENI LA

SEASON2
P10 and 11

"Ungixolele mama wabantwabami, angikulahlelelanga abantwana, uyamazi lawe umfazi kaZothile, ngiyathi ngiyangena umuzwe ethi ufunani ebazukulwini bami. Umuzi lomuzi ulesiko lwawo. Singabantu besintu sikholwa lapho esikholwa khona. Bawile inkaba, yikho behlanya kanje. Ngilesimanga ngilapha. Ngala mina ukuthi baphume ezindabeni. Aluba wabelethela kwesikahulumende isibhedlela aluba bayatrenda abantwabami. Uyakwazi lawe emntwaneni angibuyeli muva. Besengilala lo Shawn. Kuyakhala lokhu ayi bo."
"Uyangithanda Xolani okwemvelo okungabuzwayo, uncedile umamazala bengingeke ngenelise mina ukumunyisa uthini uZothile.:
"Ubiza uyihlozala ngebizo, ngizathi uyelaywa kutsha."
"Angithi ngizwe ngawe. Lijabule lifile ikhehla. Uyandisile umdeni. Asizali futhi.'
"Sekumele sidinge omunye umsizi."
"Owani, ukhona uSithembile loZothile, thula wena..."
"Ngeke Xolani?"
"Kutsho uzahlala ungasebenzi njengabo ibranch eseFolosi iyabhekwa ngubani?"
"Hawu! Angifundanga mina."
"Ungakhathazeki ngalokhu ukufaka ama orders akudingi certificate. Nxa ufuna ukuhlala uzahlala ube ngu house wife angilankinga ngalokhu. Lala sizaxoxa usuqinile."
Basebevele bawamunya, kwasa equmbile ngafuthelwa ukudlula umhelo. "Qina, qina, Charity kuyadlula lokhu. Umuntu abe ngumfazi ohlala eceleni kwendoda. Iyama phela ekaXolani, ayimi emuntwini onuka ucha..."
"Mama."
"Yeyi don't mama me. Kaso funiture uCharity..."
"Uyafuthelwa lumuntu."
"Ukhulumani Xolani, hambe pheka silambile thina. Yeyi, qala umthelele amanzi okugeza , uthele konke lokhu emanzini akhe. Besewubilisa amanye engizamthoba ngawo. Ungaka hambi, ntshintsha laba asebevukile ama pamper. Ungithelele amanzi ekomitshini abilayo, anathe lapha engakadli."

"Ngenze kuphi mama."
"Uzwile angithi iyama, yenza lokhu engikutshela khona."
Walinwaya ikhanda, ephuma ngesikhatshana wangena lenkomitsho elamanzi abilayo. Yikho kanye engangikunathiswa ngumama nxa ngiqeda kubeletha. Isihaqa singumfana. "Phuma ke Xolani, ngimthobe. Sibelula isitshwala asidle sisatshisa ugxobe amaxolo lawa abe yimpuphu."
Ekuthotshweni ngangisithi umama uyangibulala. Kumamazala zazibuya okuzwayo. Ayifake ithawulo itshisa esiswini. Iphume yonke ingcekeza. Eyemithi yesintu ngasengizwile. Ngacina sengijwayele. Wathi esiyaphela uMbimbitho isisu sesibohlile. Lami sengizihambela kuhle. Ebantwaneni wayengavilaphi uXolani, engezwa osephumele uyantshintsha ethule. Nxa ephangisile ukufika bengakagezi ehle ebagezise bonke lobhudi wabo.

Kwakuntambana evele emsebenzini ethwele amapampers abantwana lezigqoko zabo, ngabona ebakhangela enikina ikhanda.
"Ngitsho mama, hayi bo! Abantwana laba badla imali edlula ukudla kwendlini."
"Amasokisi uthengile, sekuqanda khathesi, kwelizayo ingama uyilalise. Usebenza amatshe yini?"
"Charity uyamuzwa unyokozala."
"Uyabona indlela abanatha ngayo uchago, wayengasinda yini umkakho ukube bayamunya. Ukhulu wabo uthe uyabafuna bonke lomnewabo ekhaya. Izaba yinto yempelaviki."
"Uyayibona ke eyokuvuthisa indlela sengisiya ekhaya. Ubelapha ubaba kuthange ubabonile."
"Umsebenzi wabo uzenzelwa ekhaya mntanami, yabuya ekaShawn inkaba loba wayesekhulile umsebenzi wakhe wenzelwa ekhaya."
"Kulungile."
"Umsebenzi uzabe usumnengi sibili, sekumele sidinge omunye umncedisi. Yikubalalisa uChipo ngomsebenzi."
'Kunjalo sibili, pho simthole ngaphi onjengoChipo nkosiyami. Angifuni umuntu ozangihlupha kusasa."
"Ngizakhuluma laye uChipo, usamkhumbula uSimiso, umnawakhe lowana owayethi bahlangana kuyise aze avakatshe. Ngiyake ngimuzwe exoxa laye, ngabona ufuna ukutshiya lapha asebenza khona, ngambona nje elapha edlala loShawn, asazi kumbe umuntu uyantshintsha njalo."
"Khuluma laye Mamoyo, indlu le ingcolile, okungabantu kukaXolani kungathi kuyakhala, ufica esethwele nzima uChipo ngize ngithi kayekele i cleaning. Sizambona ngokwenza."
Wayefunakala omunye umsizi sibili. Saba lenhlanhla ngoba wayesengomuntu obuyela ekhaya, lapho ayesebenza khona khanya kwakungahlaleki. Ngiyakwazi lokhu ngoba lami ngake ngasebenza ezindlini. Sahamba laye ekhaya uSimiso sisiya emsebenzini wabantwana, wayezimisele ngomsebenzi wakhe ngezwa umamaza esemcoma, ebazi abantwana. Ngacina sengisekhaya labantwana. Yayingasamphathi uXolani, loba sengisithi angazihluphi ngokubuya , inhliziyo yayisala umbone esethutshile.
Wayesanda kuthwasa uNtulikazi lentuli zakhe, ngangisithi sizabuyela koBulawayo inyanga iphela yayingekho into engangijahile. Ngangisanda kuvuka, sithanyela iguma loSimiso, ngezwa umamazala esetshinga emkulwini.
"Charity, akuye emzini wakho. Iyama phela, ufuna umntanami enzeni? Ufonele uyise ebusuku etshinga ethi yimi engikwalisa ukubuyela koBulawayo, usuqinile wena since April, sesiku July khathe...."
Sathi mehlo s**a sabona ngothuli, egedini.
"Watshada wena, beka umthanyelo lowo phansi. Simiso emoteni labantwana."
"Ngitshilo kunyoko ukuthi liyamphumela lapha ilanga uXolani." Kwatsho ubabazela exhawula indodana yakhe. Kwasekumnandi ekhaya. Selokhu ngatshadayo ngangingakaze ngihlale ekhaya. "Iphelile imali yami ngochago lwalaba."
"Laba baba, ungathi kumbe bageza ngalo. Baqala nini ukudla."
"Akesimeni bantwabami silandele inhlelo zesibhedlela."
"Ungena lapha ukhukhumele kutheni wena Xolani angisalali mina ungitshayela ucingo ebusuku ubusuvukelwe angithi.."
Kwabamnandi ekhaya, laze laba semini ilanga . Yena wayesedibhisa inkomo uXolani. Sabulawela imbuzi yesitshebo. Uyisemkhulu wayephethe omunye, sathula sonke sifuna ukubona ukuthi uShawn ufuna ukwenzani lesaka ayeselendlale phansi. Wamthatha kuyisemkhulu baya kuwa bonke phezu kwesaka wakhala umntwana nango emdonsa ngesaka esiyamtshiya entubeni, watshibilika egijima. "Nanguya umntanakho mama, ngalitshela bafana bami ukuthi ngowami uKhulu."
Etsho ekhomba abanye yena esephezu kukaKhulu wakhe.
"Wagamula uswazi uyise. "Phangisa uyebuya lomntwana ngiyakukatsa."
"Angikwanisi ukumthwala."
"Uhambe laye njani ngabanawakho laba, awuzwa ukuthi uyakhala."
Wamudla kabili uyise ngoswazi wamlanda esuyamhudula waphuma esakeni . Wehluleka ukumphakamisa wacina esekhala laye. "Mphakamise angithi uhanjiswe nguwe."
"Yekela umntwana wena, lawe wawumgiqa uPopo, uyemtshiya entubeni."
"Ngizaku.."
"Khuluuuu."
Wayemsikiza nje uyise. Wahle wahlaba umkhosi. "Pho selihamba lingagezanga kutheni."
"Bayageza phambili mama."
Savalelisa sesibuyela koBulawayo, lami ngasengikhanuka indoda yami. Kwaba ngelinye idili sifika endlini.
Saze salala phakathi kobusuku.
"Ungangisoli ngingena lokuchitha."
Watsho evala impompi uXolani, yavuka imizwa, engiqabula. Wangiphakamisa engigoqele ngethawulo.
"Ngeke ukwenze lokhu baba kaShawn, ngilulambele ucansi."
Wayesengiphuzele mina, ngavele ngabamanzi sigeza, ngacela ngoba esephuzile.
"Hayi boo! Baphuma ngaphi laba?"
"Yinto owangibuza yona ngoShawn, usuhlaba umkhosi ufuna ukuvusa abantwana. Izihlahla owazigiga zazingezani. Uhlekani?"
Wangikhangela uXolani, wama , waqala phansi ukungiqabula. Saqala phansi. Wayengalali phezu kwami. Iqolo lidlala emoyeni umuntu, ngaze ngavala amehlo ngesandla. Wayekwazi ukuthi ngichitha ngayiphi indlela yikho nje wayedlala indima kababa kuqala. "Xolaniiiiiii, wangivala umlomo ngezwa esephefumulela phezulu laye.....

Memory Ndlovu
[15/05, 10:56] MAGATSHENI: KUSENHLABENI LA

SEASON 2
P11

"Ngiyakuthanda uyezwa."

Watsho uXolani, ephezu kwami, izandla zakhe zingiphahle ngapha langapha.
"Ngiyakuthanda lami."
"Pho uvalelani amehlo, ngikhangele. Izolo bengikukhumbulile, ngaludobha ucingo phakathi kobusuku sadobhana lomama. Kusele kancane ukuthi ngitshayele ebusuku, ubengeke nje avume umama, ngilale lawe. Yikho ngicine sengitshaya ucingo. Ulapha phakathi kweyami inhliziyo Charity, lokuthi ngingakuchaza njani angikwazi. Ngiyindoda ngenxa yakho, ngivumele ngikwenzele konke okufunayo empilweni yakho."
Kwehla inyembezi zothando indoda engithandayo, yehla yangiqamelisa esifubeni sayo okwesikhatshana yangithelela amanzi ngageza, yangithwala njalo. Ingifaka phezu kombeda, wayephelele kimi uXolani. Esathi uyajumeka kwavuka ababili, ngadonsa ingubo, kwangani angibezwa, wacina ehleka kuphela.
Kwasa ngelilandelayo, sengibuka umuzi wami. Kwasekukade ngacina. Kwapheka yena ubaba womuzi ukudla kwekuseni sadla siyimuli. Sisaphakathi kokudla, waqala uShawn, " mama batshele nje abantwabakho ukuthi umhlane kaChipo ngowami."
"Ngabanawakho Shawn?"
"Bonke laba, ngathi oyedwa."
"Uhlekani?"
Wabuzwa nguyise.
"Phela kuncane lokhu akudli nyama kunatha uchago."
"Lawe uyalunatha."
"Ngolwami."
Yayingeke iphele impi kuSipho labanawakhe, kubangwa indawo. Ngokwanda kwamaviki langena icala laboMthabisi kumhla zingamatshumi amabili kuNcwabakazi, ngobufakazi obabufakwe phambili kwathiwa lizangena njalo ngoLwezi. UChapiwa elakhe lalilodwa, phinde wayedlwengule ingane yesikolo.
Kwakuntambama ngipheka loChipo, uSimiso elabantwana. "Qoki, Qoki, litshona njani?"
Wasibingelela uXolani evela emsebenzini, wangiqabula wangipha ihug.
"Ngaze ngalamba, akuka vuthwa." Watsho esibukulula imbiza, ethatha ukhezo ephuma leqatha."
"Akulatswayi lapha."
"Awuu, seka Shawn."
NguChipo ngokumangala.
"Chipo, ufake lebilebile lixhwathele phakathi. Bangaphi abafana bami."
Sasala sihleka loChipo umuntu esehambe lokhezo. Sasilambile sonke , ngoba sitshone sisebenza . Ngapha labantwana. Saqedisa ukupheka , sadla sindawonye.
"Abantwana abakagezi."
Ngangilobuvila bokubagezisa, babegeze ekuseni. Ngokuthula nje uyise wabagezisa kanye lobhudi omkhulu. Ebusuku babengahluphi kakhulu.
"Seka Shawn, bengicela ukuyatshengisa umama abantwana, ngempelaviki."
"Kulungile, khona ukhuluma lamhlanje abantwana sebengaka, angikwehlukanisanga labazali."
"Ngiyazi lokhu, uyamazi unyokozala ukuthi unjani. Uyathi uyakhuluma ahle athi lina lazikhipha ziphelele nxa ngilohlupho ngiqonde eNyamendlovu."
"Akungekele mina, angifuni kukulandele, ngoba nxa sengikufuna ngitshaya ucingo, bayakuxotsha nje. Ngizakuhambisa, utshele uSimiso ukuthi alungise impahla."
"Bengithi sibaphe amaviki amabili bonke loChipo, lawe uyabe ungekho."
"Ngizavuma, kulo umnyaka uShawn uyaphambaniseka esikolo."
"Efunda yini kumbe uyabe esiyadlala."
"Ngiyakuzwa, ngizadlula ngilitshiya ngisiya eFolosi, bengifuna ukuhamba lani, kungenani , sizakuhlela ngokuya kwesikhathi. Charity ngikufuna eceleni kwami lengane zami." Wayekhathazekile uXolani wayesengifuna eduze kwakhe zonke izikhathi. Ngeqiniso wayesikhonzile ubaba wabantwabami.
Yafika impela viki, yithi labana sisiya ekhaya, uZwane wasala yedwa. "Kodwa Charity awusakhulumi ngani ukuthi uyabuya, yikho lokhu okungabantu bakho. Sipho usungubhudi omkhulu khathesi."
"Gogo, bayakhala laba, mina angifuni ku..."
"Ya wena Charity. Usuphendukile, watshiya usibukisa ngomphakathi. Ngithe ngibona imota ngalandela, lamhlanje uyisikelela emunweni, uphakathi komhlane lembeleko, abantwabami bangomabuya ekwendeni ngenxa yakho."
Saphakamisa amehlo, sonke uDorina ekhuluma ngaphandle kothango, wayeselingana lomthando.
"Kuyakusiza ukuthi awungenanga wena, abantwabami bayafika usumile. Wenda uCharity, usujwayele wena Dorina, ukhulume umi ngaphandle, ngoba ungangena lapha ngiyakugxoba ufunani kuCharity...:
"Mama.."
"Mana Charity, ngimtshele indaba zakhe, kunini engigudla ngizithulela, MaMoyo phuma ebantwaneni bami, kwakumnandi ugada nsukuzonke usiya yemukela ungakwazi ukuthi imali yabakhwenyana bakho bayemba kuwuphi umgodi, wanceda uNesisa wehlelwa yinhlanhla yamaswazi, wazenza ngcono wena, kungayisuwe lomntanakho aluba umntaka Charity uyaphila. Ungangiphandisi amangcwaba wena. Kusemhlabeni la, yonke into ilesikhathi sayo. Ngenxa yesihambi esasingathembekanga, wawuchitha umdeni, awukadubeki wena. Asikafiki isikhathi, ungaze ube uyabatshela abantu ngoCharity, nxa kutshona ilanga bakhuleka kuwonalo umuzi bezocela itswayi ngawe. Ukhohlakele wena, s**a lapha ngizakunikela ngezinja, ngaphosa ngafelwa ngumntwana ngenxa yakho."
Ngangena endlini losekaShawn, zasala zithathana phandle. Ngangizamthini umama, akula muli engelankinga zawo. Lami ngake ngayalamula umamazala esephosa izibhakera emhlanganweni, kubangwe inkomo emasimini.
"Lo, usadelela sibili."
"Ngeyomdeni leyo, uzathamba yedwa okwegadi ubabakazi."
"Kunjalo, asiyekukha amanzi lenkuni azikho. Umdala uyengaphi ngingamboni."
"Ngabona uyedolobheni siyabe siphambane laye. Wayethe uzafika kuTheo."
Sabatshiya bephethe emlonyeni sisiyagamula inkuni, wayezangena endlini umama ethatha abantwana. "Nguwe lo, Nesisa." Wayefuna ukubaleka uNesisa, wayengakholwa ayekubona, waswela lomgodi ongamginya kube kanye. "Uyaphuma uMthabisi wena Charity ngiyabuyela endlini yami, wena ulapha kutheni?"
"Ngingakithi nkazana, angilandwanga, ngivakatshile. Nxa ungikhangele ngilendaba loMthabisi mina, ngimangaliswa yikucaka kwakho. Impilo le. Isikutshise wabamnyama okwelahle."
"Ngizaku..."
Wathi ephakamisa isandla uNesisa ngasibamba, "sezadlula lezonsuku nkaza..."
"NaShawn,..."
Ngasilabhulela khatshana isandla sikaNesisa, ngangudla ngabomo wayabambelela phezu kwelitshe.
"Sizaxabana, ufika lolufika usuphosa izibhakera."
"Ngiyaxolisa.'
Ngenhliziyo ngathi kusiyaphela amaviki amabili, kuyabe sekukhala esami , bake bangithwalisa avuzayo. Wasihlabela inkukhu umama, wahlala amalanga amabili, wasitshiya esiya eFolosi umkami.....

Memory Ndlovu

[29/04, 21:46] MAGATSHENI: KUSEMHLABENI LASEASON2 8 and 9P8"Salibonani."Ngababingelalela bonke ababekhona. "Yeyi wena mn...
05/06/2026

[29/04, 21:46] MAGATSHENI: KUSEMHLABENI LA

SEASON2

8 and 9
P8
"Salibonani."
Ngababingelalela bonke ababekhona.
"Yeyi wena mntakaMbanjani, sikulindile enkundleni, manyala bani owenza koBulawayo. Yikho lokhu okuyindoda kwakho, okuthiwa kubophise abantu. Okukha amanzi ngebhara. Lizaphuma iqiniso lamhlanje. Ugcwele phamu umuzi kaDori..."
"Akuvale umlomo nakaMelinkosi, abantu baphila impilo yabo. Amanzi akhiwe ngebhara kumbe imota atshiyene ngani. Ubotshwe nguCharity lowo Mthabisi kumbe ngumthetho. He, he, sake sahlolelwa ngoDorini. Abakhwenyana bami, bangithengele lokhu lalokhuyana. Isela ngelibanjiweyo. Kusemhlabeni la, kwakuthiwa uzala amangcwaba umntaka Mbanjani. Lamhlanje siyabuthana njalo koSobhuku. Khoba kushubile, uDorina ngogijima yonke indawo edinga abangama laye, wayezenza isazi, umuntu owabonwa ngamadlozi. Yikho ukungafundi lokhu nakaMelinkosi. Indaba yaphuma ephepheni, kuthiwa yizigilamkhuba ezazihamba ziganga emakhaya..."
Watshaya izandla unakaQethu.
"Naka Qethu, uyazizwa ukuthi uthini uDorina ulomzukulu ogulayo, ngapha lonina uyagula, kuyini okwenziwe nguCharity esigabeni?"
"Lingabalekeli iqiniso bafazi, kwakumnandi kukhala ummtaka Mbanjana, lamhlanje sekukhala uDorina, seligijima ligcwala indawo yonke. Siyozwa khona, abantu babebona angani ilizwe liphethwe yibo. Imali ayithengi njabulo ngitsho lakancane..."
Bakhuluma bephikisana abantu, lathi salinda elethu ithuba. Ngangingasenguye uCharity wakudala, phinde ngangikhulwe. Zazine izigubhu, ngangiqondisa kuphela, singagcwala akhiphe. Eyokuphakamisa into ezinzima, ngangikwenza kudala.
"UNaMelinkosi ngeke wafa wantshintsha ngeqiniso. Ngingena ngaphi mina lokwenzeka emzini kaBhanda."
"Ungakufaki emoyeni. Akubizwanga wena. Kucelwe mina nguSobhuku wakini. Usungaphansi kwesandla sami. Kuyakhuluma mina, ungazihluphi?"
Wayifuqa ngamandla ibhara uXolani, ame angimelele. "Ngiyakutshiya mina, akulankuni ekhaya."
Etsho kumehlula ukuthi angitshiye okulibanganyana. Ngangisithi uyadlala uXolani, enkunini wazihambela lomntanakhe. Umama esidla amahabulo. Kwakungela msebenzi angawenziyo uXolani.
Sadla ukudla kwekuseni. Yakhala insimbi yomhlangano, wala uXolani ukuthi ngihambe, wathi kalamfazi oyahlaliswa phansi yena. Ngacelwa ngubaba kuye, wasehlonipha lokhu laye.
"Angizu ukuchitha isikhathi sabantu abadala..." esathi uyakhuluma uSobhuku thutshu ezakoLuthuli, lami ngangingaqala ukuzibona selokhu ngendayo. UXolani wayefana nje loyise. Wawungeke nje umkhethe ukuthi uphila iphi impilo. Zazintathu zonke. Zehliswa izihlalo ngabantu ababesebenza epulazini. Mhlalakho wawungayala ukuthi yibo abatshona besengadini.
Wabingelela uSobhuku labadala besigaba ubabazala, kwamangalisa abantu. Wasukuma wayakubaba esexoxe lolabadala.
"Uxolo, zakhamizi ngilandela abantwabami. Angilamalukazana ohlaliswa enkundleni mina, ewoneni. Katsho umamangala ngikhona mina yisezala laphambi kwabazali bakhe. Mhlawumbe asikwazi ukuthi umalukazana ungumhlobo bani womuntu. "
"Sukuma Dorini."
Wehluleka ukusukuma uDorina, uNesisa lo-Audrey, basebengale kwezihlahla sebethwele izicathulo. Bathi sebedingwa sebengasekho lapha. Wangibamba ngesandla umamazala wami, ngatshaya ngesonwabu ngisiyangeniswa emoteni. Wayengajwayeleki umamazala, ngenhliziyo ngathi bahloniphe ubaba.
"Bhanda, silapha ngonkosikazi nampa abemzini bayabuza ukutho owabo wenzeni, sezohlaliswa phansi lapho azalwa khona bona bazikhipha ziphelele."
Wakhweza izwi uSobhuku.
"Mina zakhamizi, angingeni ndawo endabeni yabo, kuqalwa ukulwa lake langizwa ngiwuvula owami. Angithi ngangithukwa kuthiwa ngendile pho umalukazana ulaliphi ilizwi eyinto yokuza. Indaba yomkhwenyana wakhe hatshi owami, igcwele indawo yonke. Lingalibali ukumgweba ngokuchithela inkundla isikhathi. Kuyasetshenzwa lapha ladlalwa ngumuntu likhangele. Ngangibuka nje umuntu esehla esenyuka ethi bendile abantwana bawela yinhlanhla. Wake watsho nje unakaDwalala ukuthi umuntu ongahloniphi izihlobo..lizaphaphama eseqede umdeni wonke. Ungaphi lowo Mthabisi owawumvuna Dorina. Kunjani kunje . Ngiyahamba lami ngibuyela kithi lapho okulomfazi wami lengane zami ezikwaziyo ukuthi nginguyise. Ngokuncane lokhu Dorina. Uzakubona okwabonwa nguSawuli, kusemhlabeni lapha, wasifukamela isihambi wasivalela ngemva kwesivalo. Waze wanikela ngendodakazi yakho. Wakhala umntakaMbanjana, kwahela kozeleyo, wena wahleka usulu kubone ke lamhlanje, uza enkundleni uchithela abantu isikhathi. Limgwebe lingamekeli. Uphi umntwana ongelayise, nampa abakibo kaShawn, lo wena owawumbiza ngencwaba. Wayeloyise uHazel, ngokusa kwakho laye lowo mkhwenyana wakho lakuguqula. Wayebonile uThixo yikho wamthatha... "
Ngasengimzwela khatshana uMbanjana, kwathi ethinta eka Hazel, zehla inyembezi sesulwa ngumamazala wami, sahle satshaya phansi. Wasala uShawn loyisemkhulu loyise.
"Udlile nje MaMoe?"
Wayebuza nje umamazala umoya wami uphansi. Ngacela ukuphumula kuqala wala umama, kwapheka yena ngadla. Sasesingisinda isisu. Unanane uqobo lwakhe. Ngakhipha impahla ngaziphosela phezu kombeda. "Kusemhlabeni ngeqiniso uBhanda nguye ovula umlomo enkundleni."
Ngayiswela impendulo, ngabanjwa yibuthongo ngiphezu kombeda. Ngaze ngaphaphama sekuthe hwaqa. "Uyalala mfazi kaXolani, akutsho yini ebambileyo ukuthi ungayi ku scan. Ngike ngakukhangela emini, ngaze ngakwembathisa ilenjana. Kuyadlala oku..."
"Mama."
"Ngiyatsho mina mntanami, sengiphekile."
"Angifuni kudla mina, useka Shawn ungaphi?"
"Wadlisa umntanami ukuthi akusamelanga atshede. Lalela lapha nkazana iyaphela iviki ulana...."
"Umntanakho lowo, nguyise womntanami lami."
"Manje kabuyi. Uyakhala awulanhloni, Shawn gijima uzobona unyoko."
Wangihleka umama, wangena uShawn egijima.
"Nce, nce, umuntu uyadla kakhulu atshone elele ilanga lonke. Ukutshiyile uDaddy, ubulele uthe kafuni kukuphambanisa. Usasilanda kusasa."
"Yikho ngikutshaya wena mntaka Xolani."
"Khulu-uuu, nangu sefuna ukungitshaya."
Waphuma egijima uShawn.
"Mama udlulile sibili usekaShawn."
"Siyaluma yini thina."
"Cha, ebusuku ..."
"Kutheni? Ngoba utshone ulele. Qala ugeze uthi ususidla."
"Angifuni kudla."
"Uzadla ke lamhlanje, ayikho indoda. Angithi wavula yangena."
Ngacina sengihleka nje. Kwakumnandi ukudedesa. Yaphela iviki sengijwayele epulazini. Okwami kwakuyikugeza lokuyazikhulula esambuzini. Engafuni lutho umamazala, ngihlutshelwa lama orange.
"Mntanami ngicela siye kuscan."
Yayimhlupha indaba yesisu umamazala.
"Sizabona ngakho mama, angifuni kuzitshayisa ngekhanda. Liyamazi uXolani , ngingavele ngithi lapha kwami, utshiya yonke into ayabe eyenza."
"Uthandiwe mntanami. Lathi sasesicabanga kubi ngaye, sithi mhlawumbe kukhona okukhona, kwaduba ngokuhamba udadewabo kaShawn, pho into zihlelwa ngophezulu. Ubunzima lobuhlungu owadlula kibo, sekwaphola kodwa amanxeba ayohlezi ekhona kuthi ungawakhangela lawomanxeba avuke katsha."
"Kunjalo mama. "
"Ukhangela isikhathi uthe ubuyanini uXolani?"
"Ngitsho mama, ngizabona ngaye."
"Inhliziyo ikuXolani ngiyabona mina, ngikuhambise yini?"
"Ngitsho angifuni kukuthwalisa nzima , ngingazi.."
"Angizwanga, uyabona ukuthi isisu lesi singanani?"
"Mama!"
"Cha, asihambe kuScan."
Ngala ngaze ngawuhlaba umkhosi, yalanyulwa ngubabazala esetshinga okubi.
"Usuqala ukungihluphela umalulazana angithi?"
"Hawu baba, angithi uthe..."
Ngabona ubabazala efaka umunwe emlonyeni, "hayi futhi okwakoLuthuli kunzima, walile ukugeza ekuseni umntaka Xolani, watshinga njalo, nangu omunye sengohlaba umkhosi."
"Ngizamkatsa uShawn , wale ngaliphi ukugeza."
"Kewulinge nje Charity, uzakulanda uXolani sengikubhuqile. Uyahleks wena uyala ukuya kuscan utshaywa ngubani. Uthe ufuna ezangaphakathi zembuzi nanzi ke, udle uqede ihlinzwe ekuseni."
"Ngifuna ezangaphakathi zenkomo."
"Iyahlinzwa inkomo ungabalilema lapha dlala."
Ngawudonsa umganu nganaba thwitshi emkulwini, ngazidla zinjalo ngatshaya ngavala. Ngathi sengisidla isitshwala sinjalo. Kwasekumnandi ekhaya. Kwathi sekusele amalanga amabili ukuthi aphele uMabasa, watheleka uXolani, wayevela eFolosi. Wakhulumisa abadala emi ngenyawo. Ngangingezwa kuhle lami, ngangenwa ngumqando wezulu sivela emasimini.
"Mina, ngiyasala Daddy."
"Uzabuya mntanami zingavakwa. Ngabatshela ukuthi awuzwa kuhle esikolo."
"Amanga Daddy."
Ngathi leyi angiyingeni, lakho wabongela ukuthi ukuyisemkhulu. Kathintwa uShawn esekhaya. "Lisale mama. Ngabona selisazi ukuthi ngoyini umntwana."
"Engathi wehlula wena ufuna senzeni, ngizalandela lami, angimboni kuhle umuntu wakho."
Yithi labana, siphelekezelwa lizulu, lalisina lingadlali....

Duty calls
[30/04, 19:46] MAGATSHENI: KUSEMHLABENI LA

SEASON 2

P9

Wajabula uShawn ebona uChipo loZwane., umhlane kaChipo kwasekulesikhathi wawucina umntanami lokwetshatwa nguZwane.
"Endlini kuzodingwani isisu sesiyehle kangaka naka Shawn, khona sikhule nini saba ngaka?"
"Akunake umsebebzi wakho wena Chipo, uphekeni?"
"Kuyangena ngaphi ukudla khonapho."
"Chipo."
Wakhuza uXolani, nampo beqansa loShawn, esiyamgezisa. Ngawakhangela amasteps okuya phezulu, nganyikinya ikhanda. Sasesilenga isisu. Ngangifuna lona ikamelo lami. Awaphansi ngangiwafuni.
"Singaqansa."
Ngavuma ngekhanda, ngasengikwazi ukuthi ukwehla kwami, ngiyabe ngisiyabeletha. Wavulela amanzi, ngageza . Kwabanzima ukuthi ngisukume.
"Xolani?"
"Yikho kumele uyeku scan. Angisazi mina, angisasebenzi kuhle kula amalanga."
"Angifuni ukuyaku scan, ngiyezwa ngakho. Ngicela ungincedise ngisukume kudala ngakucina."
"Sengikhona ungakhathazeki," ngamqabula wangivumela ngasengifuna ucansi nje qha!
"Ngiyakuthanda Mamoe, awukho esimeni esihle. Ngikhona angiyindawo. .."
"Kutheni ungasafuni senze, kutsho ukuthi kukhona lapho othola khona okunzima kuyini? Kungani usenza kanje."
"Sengiqedile ukukugcoba, asilale ngiyazi kuzedlula, ngiyabe sengiyindoda enjani sibili."
"Angiguli ngikhulelwe Xolani."
Ngavuka ngahlala eceleni kombeda. Wangibuka nje uXolani, ngaphuma ngatshayelela isivalo ngisiyadlula ikamelo likaShawn. Ulaka lokufuna ucansi lwaselumphinjeni. Kwakungcono aluba wayengekho uXolani duze lami.
Ngalala inhliziyo isitshayela phezulu. Ngangisakwazi ukuthi ngifunani. Umntwana wayengasadlali esiswini, yiyo into eyayisingihlupha. Ngangithi uXolani uzwa njengami. Ngaqala ukubona ukuthi useqakathekisa umsebenzi ukudlula mina. Ekuphaphameni kwami , wayelele eceleni kwami, wangisingatha. Kwasekusile.
"Ngiyalidinga mina lilapha, kulenyoka yini bedroom yenu."
"Shawn, goodmorning."
"Goodmorning Daddy."
Waphendula, ehlikihla amehlo, elobuthongo. Uyise wavuka wamgezisa kuqala kwandu ukuthi ayekudla. Wayesephungulele uChipo umsebenzi.
"Kwenzakalani Xolani?"
Ngazibuza ukuthi umamazala ufike nini?
"Mama uMamoe ukhalela ucansi akula enye into esiyibangayo. Mhlawumbe ungakhuluma laye, ngiyabe ngingaselanembeza sibili."
"Pho ke!"
"Lawe mama."
"Akunjalo ndodana, ngithini mina kunguwe indoda yakhe. Pho isama?"
"Iyama mama, uyabe engigudla ngayo .."
Ngaqabula sengiphendulile, wahleka engaqonde ukuhleka uXolani.
"Mama, ngiyaku meeting."
Watshaya izandla umamazala. Ngezwa ngezisinde esehla uXolani.
"Kwenzakalani Mamoe."
"Akula, mhlawumbe sengingumthwalo kuXolani, yena elitshayela ucingo utheni?"
"Akula mntanami, angikubonanga kuhle izolo, bala ukwehla ubuthongo. Yikho ngivuke ngovivi."
Kwakulotshiwe ebusweni buka mamazala ukuthi usenga ezimithiyo. Emini ngamfonela uXolani wathi uphakathi komhlangano. Etsho ekhweze ilizwi. Ukwenza kwakhe, kwasekungisolisa mina. Wayevuka ngovivi, abuye ngobusuku. Kwesinye isikhathi nxa ngiphaphama ebusuku eku laptop yakhe. Yaze yaphela enye iviki, ngacabanga ukuthi mhlawumbe waphatheka kubi.
KwakungoLwehlanu ntambama , kuyiviki yesibili kaMabasa. Ngangifuna ukubona ilanga nje. Selokhu ngavela ekhaya ngangikaze ngiyehle, ngangivuka ngigeze ngihlale, ngilinde ukudla. Ngangibona impilo iqhubeka kwabanye. Kimi yayindiza ndawonye okwento ezifanayo. Kwasekumunyu endlini, lomamazala wayesevala owakhe umlomo. Umthwalo wawusungaphezu kwamandla ami. Sasinyikinyeka isisu ngingasathandi lutho. Waye esehawulisa uXolani nxa engikhangele. Ngabona kungcono ukuthi ngimtshiye enjalo. Loba ngigeza ngasengisima kuShower , kumbe ngihlale. Nxa ekhona wayebuya angincedise ethule. Ngasengisesaba ukukhuluma laye.
"Kukhona engaphambanisa khona sekaShawn."
"Mamoe, kutheni uze ukhulume kanje. Angisakwazi mina, uhambela kude lami. Ngiyazwisisa isimo sibi. Kula amaviki adlulileyo, bengisebenza okuzwayo. Ngicela ukhulule inhliziyo kuzadlula awuphambanisanga. Ungakhali phela."
"Ungizwisa ubuhlungu Xolani, kwaba liphutha lami ukuthi ngizithwale, angisengumuntu ku..."
"Musa ukugadla ngamazwi, ngiyaxolisa kakhulu bengivula ibranch eVic falls. Ungakhali, awudlanga lutho lokhu kusileyo. Sikhathazekile ngawe."
"Angilambanga."
'Natha amahewu uthole amandla."
Ngasengifuna ukuba ngedwa, sisaxoxa wabe engena uShawn egijima, wathi kangeqele wabe engithuza isisu. Ngabuzwa ubuhlungu obathontela ngaphakathi.
"Sorry mama kubuhlungu."
Ngazama ukubobotheka kwala. Ngadonsa ingubo ngazivala .
"Ngicela wehle Mamoe, mhlawumbe ungahlatshwa lilanga uzafuna ukudla."
Ngancengwa ngancengeka, nganyathela kancane, "Ngifuna ukuchama Xolani, awusabambeki umchamo lo."
"Usanda kuchama nje?"
"Ngifuna ukuchama mina."
Wageleza umchamo kodwa waphelela emlenzeni.
"Uyahelelwa angithi?'
"Ucabanga ukuthi umhelo ngowokudlala, tshiyana lami wena, yikho ongilethele khona pha...."
Ngaqala ukukhupha, wangiguqisa ematepisini uXolani. Umama wayethwele imop esesula kuphela.
"Chipo, letha isikhwama singaphika ngomfazi kaXolani siyabona ingozi."
"Ngitsho mama. Hatshi khathesi kuyaphekwa ngifuna ukudla. Ngilambile mina Xolani khuluma lomama ngilambile mina."
Sazwakala isicelo sami, ngatshinga kuChipo ukuthi abisele isikhwama phezulu. Laselitshonile ilanga sekumnyama, ngihlezi evulandini, kwaphekwa ngathi kuyatshisa, akuphole. Kwasekukade ngiqalile ukopa. "Mamoe uyangaphi, sekupholile ukudla."
"Ngifuna ukuchama, hawu akusamelanga ngisukume."
Asazi ukuthi kwasekuthance yiphi ingqondo, yimi ngiqonda esambuzini esise swimming pool. Kwatshisa emlenzeni sekudabuke incipho ngisahamba phezu kwe loan. "Xolaniiiii! Umntwanaaaa."
Wagijima uXolani, ngahle ngahlala phansi, ngezwa ngomsindo we ambulance ingena. Kwazise kwasekukade beyitshayele ucingo. Waquma ipenti ngengqamu ayesidla ngayo uXolani, lokhu umntwana wayeseganxele kilo. Ngathwala sengibelethile. Ngathi kumbe, kuphelile, saba buhlungu isisu ngamandla, sisiyangena esibhedlela ngasengibelethe omunye. Ngangilamandla ngitsho ngenxa yendlala. Ngayaphaphama phakathi kobusuku sekulabonana abathathu. Ngasengilambe ngikhutshwe amathumbu.
Ngathalaza indawo yonke, kwakuthule kuthe cwaka, belele abantwana. Ngatshibilika kuhle ngoba ngangile drip esandleni, ngasengicabanga ukuthi ngihlinziwe. Ngezwa kuvuma. Wathi lothu uXolani. Wangibamba ukuze ngitshibilike kuhle, "sithandwa sami, wangithela ngenyembezi kutheni?'
"Ngabethu laba abantwana, ngiyajabula ngoba konke kucine kuhambe kuhle konke.
"Ucabangani?"
"Ngicabanga ukukukatsa sibili, baqinisile ukuthi umhelo uhambisa umqondo."
"Ngilambile, ngifuna ukudla mina. Ngabayini? Uzangixolela sithandwa sami.."
Wavuka omunye, ngezwa umoya wami utshona. Ngangilambile mina.
"Ngamankazana amabili lomfana oyedwa."
Waphola uXolani injabulo ibuzwa kuye.
Kwakukhudumala ukudla, wabanathisa uchago bonke, ngangilokhu ngilesiyezi. Wakhuluma lodokotela , wathi kabuye ekuseni, engakhathazeki. Ngahle ngathi angisazali futhi. Ukusa kwabona yibo abakoLuthuli, babebabaza bengaqede, kwakuqala emulini ukuthi kube lama triplets. Ngahle ngaphuma ekuseni, wala uXolani ukuthi ngilale futhi.
"Manje beyi 3, bayamunya njani?"
Wayengakuzwisisi umntanami. Ebukeka ekhathazekile. Yayibulewe inkomo yazotshiywa yonke endlini ukuthi ngingalambi. Wama umamazala emini lebusuku. Ngithi ngisatshibilika ngiqhutshelwe itiye. Ngelesine ilanga phakathi kobusuku, kwakhala okungabantu. Esikhundleni sokuthi athulise abantwana waqansa wayaphezulu, ngathi mehlo s**a ngabona edonsa uXolani.
"Ulele umntwana wabantu umunyisa abantwana, abathwale 9 months. Aphinde engasalali, khipha lokhu Charity. Hamba uyeyenza uchago khathesi. Ungafa mntanami, lala wena. Kukhiphe lokhu. Angithi uyise uyasebenza. Ungahlutshwa ngabantwana. Sengisiya ekamelweni lami. Ungizwe kuhle Xolani. Abasamunyi abantwana laba, ukubezwa bekhala uzangazi kuhle. Ucabanga ukuthwala abantu abathathu kunjengoba nxa uphezu kwakhe. Lala Charity."
Wangembathisa kuhle umamazala wadlula egudla uXolani etshayelela isivalo, lami ngayidonsela emehlweni. Ngangingasathandi ngokumunyisa, kwaba kuhle umama wahle wangikhulula..

Memory Ndlovu

KUSEMHLABENI LASEASON2P7"Leyakho ingane babeyibiza ngengcwaba. Sithandwa ngake ngabuthwala ubunzima. Ngalibeletha ihlazo...
05/06/2026

KUSEMHLABENI LA

SEASON2
P7

"Leyakho ingane babeyibiza ngengcwaba. Sithandwa ngake ngabuthwala ubunzima. Ngalibeletha ihlazo esigabeni ngitshaywa ngithelwa ngamanzi. Ngivela kude ngempilo. Imali yiyo eyangeza ngaqinisela kuKhulekile, kwakungela engangingakwenza. Lawe wakubona mhla ngiqala ukuhlangana lawe, uthukwa ngabantwana ulale umile ubaxotshela iminyani."
"Yena uMthabisi, wayebona angani uzafika lapha engikhona mina. Ngafunda kweqa. Uzamile konke kwehlula, emakhaya lapho ababehamba khona bebutha amantombazana, sekutshile uLoliwe loMrs Mguni baphakathi. Engithemba mhla welanga bazaqambana bodwa. Akula ngitsho olemali. Basebenzisa yonke imali behlawula abameli babo!"
"Ngafika lapha ngingemuntu walutho, wangemukela ngesihle, ngangizodlulisa umlayezo kuwe. Kanti ngize endaweni eqondileyo. Uyindoda elungileyo Deric Xolani. Selokhu ngafika kuwe. Angikaze ngibone ulutho olubi kubi. "
"Ungakhali Darling, kunengi odlule kikho."
Ngaqamela kuye , wangimbambatha. "Mlethe uselele." Etsho emamukela. Lwakhala ucingo lwami, kuyinombolo engingayaziyo. "Yemukele."
"Ayi, angifuni kulala sengibulawa yinhliziyo. Umncane uShawn, uyakuba lomnawakhe masinyane esemthathela indawo yakhe."
"Utsho phela, kungaba nzima khathesi ngoba uzithwele engaba phandle uzabona ukuthi emntwaneni angivilaphi."
"Ngiyakwazi lokhu, ngiyatsho nje. Uyintshintshile impilo yami."
"Ungatsho njalo, yimi okumele ngibonge."
Ngeqiniso wayengithandile uXolani. Engubaba okokuthi nxa ekhona endlini, wavuka kuqala uyathanyela iguma abuthe ubulongwe bezinja. Apheke sidlle siyimuli kanye labantu abasincedisayo. KwakungoLwesihlanu emine yantambama lisanda kutshaya ihola lesine. Ngalandwa nguFredy, ethunywe nguXolani. Yithi labana sisiya endlini kaAudrey. Okwakungokuqala ukufika kuyo. Yonke into yakhe uXolani waqala wayihlela. Ngangigezile ngicwebezela, wawungafunga uthi kumbe kukhona lapho engangangisiya khona. Ngangivuka ngigeza, ngigqoke kuhle loba ngizatshona endlini. Ngakhamisa ngibona uDorin enabe okomthakathi oselwe emzini. Kwakuphoselwa phandle okuzimpahla kwabo.
"Umuhle uyezwa." Yatsho ingiqabula eyami indoda.
"Charity singakhuluma mntaka malume wami."
Watsho epholile u-Audrey. Wayelokweyisa.
"Kukhulunywani Audrery, uyekhitshwa ngumntakaMbanjana, ngeke kwenzeke ngisawadla nhlamvana. Ungaphi umkhwenyana wami, azoxotsha izinja lezi."
"Ucingo lwakhe alungeni mama."
"Ngeke, mana ngimzame."
Waluzama ubabakazi, lwala ukungena.
"Yenzani masinyane, angilindi mina."
"Uzamani wena."
Watsho edonsa usekaShawn ubabakazi, ngokumazi kwami umkami wakhetha ukuthula. Basemi amadlodlongwana abantu bebukele okwenzakalayo.
"Kuphelile uyezwa. Engaze ube ubalekile umkakho. Icala aliboli. Aluba wawungumfazi omela umuzi wakhe wawuzambuza ukuthi imali wayeyithapha kuluphi ubhalo. Usephakathi uMthabisi, ngiya kuChapiwa khathesi..."
Waqaleka ubabakazi, wabe engivulela usivalo uXolani yithi labana siphuma sitshiya abafana besenza umsebenzi. "Nguwe Charity, wayekade ehlala enguxwayisa ngawe uChapiwa. Kunjani nxa kunje, lakanye ngazigwaza ngowami. Nguyakuphi labantwana."
"Lapho okulenkaba yakho khona, bazafunda impilo abantwabakho. Babemazi umuntu. Wangenzani wena, ngeke ngibe ngisaphanda amangcwaba umthetho uzadlala indima yawo, wayifica indoda yakho. Wavuna yena. Wangixotsha ngikubonisa. Phuma labantwabakho khona manje, angifuni nje ukulibona eduze kwendlu yami."
Lalibatshonele ilanga, wakhala zoma uKhulekile, zazingasaphumi ngitsho inyembezi. Kwenzeka konke lokhu laselithwele izulu. Lithe liqala ukuthonta sebengaphandle kwegedi. Sangena emoteni sadla phansi . Wayengasajwayeleki owami, loba wayengaphimiseli. "Chipo, lungani masinyane siyadla out."
"Besengiphekile.."
Watshibilika nje uXolani, wadubuka ngohleko uChipo, wamemeza uShawn ukuthi ageze. Ngemizuzu engafiki ingxenye yehola sasesilungile sisiyakudla idinner out.
"Chipo, buzongilalisa mina, ngingalala laloDaddy lomama, bayangikhipha bangilalise ekucineni kombeda. Awazi lutho Chipo ngawa ebusuku, uDaddy elele endaweni yami."
Kwatsho uShawn, sivela kudla. Kwasala emile esemangele ukuthi sihlekani. Kulobunye ubusuku, awa khona kabuhlungu umntanami.
"Hamba kuChipo, ungabuyi kimi futhi."
"Angibuyi vele. Liyangiwisa lina"
Kwatsho kuseqela emhlane kaChipo. Ngenhliziyo ngathi kuzaliwa lomnawakhe. "Kusetshenziwe mama lamhlanje, ufike emaphethelweni umsebenzi, bengingafuni ukuthi utshone umile. Lowo saBoy, elibambe lingatshoni, ukubaleka ngeke kumsize lutho. Liyeza elakhe ilanga."
"Ngiyakubona , ukhathele bekulusuku olude."
"Yebo ngeke ngivinjwe ukuthi, ngikhulise umntanami, uShawn ngizamkatsa mina. Uyahamba umntanakho nxa elele, lamuhla angilali ngenxa yakhe. Sekumele ngiyembathisa."
Kwabamnandi ekamelweni lana izulu ubusuku bonke. Laphuma lezingemnandi indaba. Sekuvele umbiko wokuthi ngiyafuneka koSobhuku.
"Bathini baba?"
Ngabuza ubaba ecingweni.
"Bathini obani wena, ngilala ngihamba labantwana ebusuku. Uyafuneka koSobhuku uzochaza wena mntakaMbamjana. Uzayifunda ivaliwe. Abadala bakulindile nje...."
"Zwana Dorini, hambe fela khatshana uyangizwa, ungimangalela ukuthi ngenzeni. Usutshaywa zinduku ke khathesi ususola mina. Ngendile mina, angisenguye wakoMoyo. Delela lapho okhona ungeqeli. Ungizwe kuhle, angibuyi lapho. USobhuku kafani njengalaba elalibanathisa itiye bakuseke. Ufike ekucineni. Yikho lehluleka ukuthatha indawo yakhe. Uyakwazi lapho engikhona uSobhuka , ubezathuma abantu bayengicela koLuthuli kuqala. Nxa kuphuthuma ubezatshayela usekaShawn ucingo angicele kuye. Ulazo inombolo zakhe..."
"Yeyi.."
Ngaluquma ucingo, esathi uyawuvula owakhe. "Sizahamba Mamoe, siyekuzwa ukuthi bakumangalele besithini. Ngizakhuluma loSobhuku mina, inkulumo ekhulunywa lapha ayisiyo engakhulunywa nguSobhuku wakini. Lowana uyakwazi ukwehlukanisa imbambo lomgogodla. Sebetshaywe zinduku zabo, sebejika njalo. Indaba yaboMthabisi izaphuma kuphephandaba. Hlala phansi ungaphathiswa ngabantu abafuna ukubukwa."
Kwaphetha yena usekaShawn. Yaphela iviki, Sas**a ngoLwesihlanu ebusuku. Wayephuzile ukufika useka Shawn. Njengenhlalayenza nxa sisekhaya uXolani, wangivusa ekuseni sisiyakukha amanzi ngebhara. "Bantwabami ekuseni lokhu."
"Selizaphuma ilanga mama."
Waphendula usekaShawn efaka izigubhu ebhareni.
"Charity inkonxa ekhanda, ungalandela indoda emuva ungathwalanga lutho, ngabona umkhwenyana wami uthwele nzima."
"Utshaywa likhanda lo."
Kwaphendula yena ehleka. Yimi ngilandela emuva. Inengi labantu lalisikha amanzi lokhu umhlangano wawuzangena emini yekuseni.
"He, le yimihlolo sibili. Umuntu okuthiwa ulemota okha amanzi ngebhara, ingaphi leyomota....

Duty calls

Ngizazama loDubeee

Address

Gaborone

Telephone

+26774298739

Website

Alerts

Be the first to know and let us send you an email when Memory Ndlovu author Ndebele Novels posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Memory Ndlovu author Ndebele Novels:

Shortcuts

Share