Quel est le site Web ?

https://www.facebook.com/106420857505359/

birvereq, Baku (2026)

22/12/2019

📚| Kitab: Modern insan və Tanrı
✍| Müəllif: Baqir Sədr
🗄| Kateqoriya: Elmi-Kütləvi , Araşdırma , Din , Fəlsəfə
📖| Məzmun: Modern insan və Tanrı kitabı iki fundamental tezisi – Allahın varlığını və həzrət Məhəmmədin peyğəmbərliyini yeni bir üslubla isbatlamağa çalışır. Bu üslub müasir elmlərdəki müddəaları isbatlamaq üçün istifadə edilən və ehtimallar nəzəriyyəsinə əsaslanan induktiv modeldir. Müəllif metodun çətinliyinə baxmayaraq, sadə misallarla mövzunun mənimsənilməsini asanlaşdırmışdır. Oxucu kitabı mütaliə etdikcə elm və iman ın öz induktiv məntiqi əsaslarında bir-birilə sıx əlaqəli olduğuna və bu baxımdan, onları bir-birindən ayırmağın mümkünsüzlüyünü dərk edir. Beləliklə, nəticə alır ki, əgər elm qəbul ediləndirsə, onda iman da qəbul edilməlidir, yox, əgər iman inkar olunursa, onda elm də inkar olunmalıdır.
Kitab geniş oxucu kütləsi üçün nəzərdə tutulmuşdur..

🗣| Tərcümə: --------
📘| Nəşriyyat: Parlaq İmzalar
📃| Səhifə: 120
💰| Qiymət:4 AZN

___
#120

21/12/2019

📚| Kitab: Uşağı Necə Sevməli
✍| Müəllif: Yanuş Korçak
🗄| Kateqoriya: Psixologiya , Uşaq Psixologiyası , Araşdırma , Ailə , Elmi-Kütləvi
📖| Məzmun: Yanuş Korçak (1878-1942) – yəhudi əsilli polyak yazarı, pedaqoq, həkim, ictimai xadim olmuşdur. 1911-ci ildən Korçak həkimlik sənətini buraxaraq özünü yetim uşaqlara həsr edib, xeyriyyəçilər taparaq yəhudi uşaqlar üçün “Yetimlər Evi” yaradıb və ömrünün axırınadək ona rəhbərlik edib. Eyni zamanda yazıçılıqla məşğul olub, “Uşaqları necə sevməli” adlı kitab yazıb. “Yetimlər Evi”ndə uşaqların özünüidarəetməsi sahəsində novator ideyalarını tətbiq edib, pedaqogikanın uşaqlar haqqında elm deyil, insan haqqında elm olduğunu irəli sürüb. Y.Korçakın uşaqlar üçün yazdığı çoxsaylı əsərləri, tərbiyə haqqında yazdığı 20 kitabı, məqalə və gündəlikləri uşaq psixologiyasının dərinliklərini öyrənməkdən ötrü qiymətli mənbədir, bu əsərlər yazıçını dünyanın ən böyük pedaqoqları sırasına qoyur. Təsadüfi deyil ki, 1978-ci il UNESCO səviyyəsnidə Yanuş Korçak ili elan olunub. Korçakın qəhrəmanlığı və əzabkeşliyi əfsanəyə çevrilib, haqqında çoxlu əsərlər yazılıb və filmlər çəkilib, Polşada və Yerusəlimdə abidələri ucaldılıb. 1942-ci ildə hitlerçilər “Yetim Evini” köçürmək əmrini verəndə, Yanuş Korçak 200 uşaqla birlikdə yük vaqonlarına doldurulub qaz kamerasına göndərilir. Son anda Korçakın azad olunmaq əmri gəlir. Lakin, Y.Korçak uşaqlardan ayrılmaq istəmir, könüllü olaraq onlarla birlikdə ölümü seçir.

🗣| Tərcümə: --------
📘| Nəşriyyat: Alatoran
📃| Səhifə: 200
💰| Qiymət: 8 AZN

___
#304

20/12/2019

📚| Kitab: Bilderberq Klubunun Sirləri
✍| Müəllif: Daniel Estulin
🗄| Kateqoriya: Proza , Qorxu-Gərilim , Macəra
📖| Məzmun:“Bilderberq Klubu” – sadəcə, nüfuz mərkəzi yox, kölgəli dünya hökumətidir. 1954-cü ildə Hollandiyanın kiçik Osterbek şəhərinin cah-calallı “Bilderberg” hotelində planetin ən nüfuzlu simalarından bir çoxu dünyanın gələcəyini müzakirə etmək üçün ilk dəfə toplaşmışdı, bu görüş Niderlandın kral ailəsi və Rokfellerlər klanının himayəsi altında keçirilirdi. Görüş başa çatanda iştirakçılar dünyanın inkişafı ilə bağlı ideyaları və analizləri bir-biri ilə bölüşmək üçün hər il toplaşacaqları haqqında razılaşmışdılar. Onlar özlərinə “Bilderberq Klubu” adını qoydular və o vaxtdan etibarən hər il bazar günlərində dünyanın hansısa hotelində toplaşırlar. Məsələ ondadır ki, dünyanın ən varlı və qüdrətli simalarının əlli ildən çoxdur iştirak etdikləri toplantılarda mövzusu müzakirə haqqında informasiya bir dəfə də olsun kənara sızmamışdır. Bəs dünyanın ən qüdrətli prezidentlərinin, krallarının və kraliçalarının planetin ən varlı sahibkarları və bankirləri ilə görüşlərdə nə haqqında danışdıqlarını bilməyə cəmiyyətin hüququ yoxdur məgər? İnsanlar “Bilderberq Klubu”nun nümayəndələrinin öz toplantılarında nələri müzakirə etdiklərini bilmirlərsə, onda cəmiyyət necə əmin ola bilər ki, “Bilderberq Klubu” pərdəarxası maxinasiyaların mərkəzi deyil?

🗣| Tərcümə: Yaşar Əsədov
📘| Nəşriyyat: Qanun
📃| Səhifə: 304
💰| Qiymət: 8.49 AZN

___
#304

17/12/2019

📚| Kitab: Uzaqdan Gələn Yağış
✍| Müəllif: Varis
🗄| Kateqoriya: Proza , Çağdaş Azərbaycan Ədəbiyyatı , Romantika , Dramatik
📖| Məzmun: Yazıçı Varisin Uzaqdan gələn yağış romanı müxtəlif dövrlərdə yaşamış gənclərin nakam məhəbbətindən bəhs edir. İmkanlı bir ailənin gözünün ağı-qarası olan 11-ci sinif şagirdi Ayla təsadüfən metroda unudulmuş bir şeir dəftəri tapır. Şeirlər o qədər xoşuna gəlir ki, gedib onların müəllifi ilə - kənddən Bakıya güzəran qurmağa gəlmiş İsmayıl adlı, şair təbiətli kasıb gənclə tanış olur. Amma bu adi tanışlıq çılğın bir sevgi macərasına çevrilir, sonradan onların üzləşdiyi müsibət isə hər kəsi sarsıdır.
Ən sevimli şagirdi olan Aylanın başına gələnlər Rəhilə xanımı daha çox dəhşətə gətirir. O, Ayla ilə İsmayılın taleyində bütün sevən gənclərin taleyinə təhlükə duyur. Rəhilə xanım zahirən xoşbəxt qadındır. Gözəl ailəsi, uşaqları, yaxşı işi var, çalışdığı məktəbdə hamı tərəfindən sevilir. Amma bu qadının heç kimlə bölüşmədiyi, içində ağır yük kimi gəzdirdiyi bir dərdi var - o, uğursuz ilk məhəbbətini hələ də unuda bilmir. Ona görə də çalışır ki, şagirdlərinə, illah da qızlara sevgi məsələsində düzgün yol göstərsin, onları mümkün yanlış addımlardan çəkindirsin. İstəyir ki, valideynlərə təsir edə bilsin, onların övladları da mələk kimi məsum Aylanın qandonduran nakam taleyini yaşamasın. Kitab geniş oxucu kütləsi üçün nəzərdə tutulub.
🗣| Tərcümə: -----------
📘| Nəşriyyat: Teas Press
📃| Səhifə: 224
💰| Qiymət: 9 AZN

___
#224

17/12/2019

📚| Kitab: Doxsan üçüncü il / 1793
✍| Müəllif: Viktor Hüqo
🗄| Kateqoriya: Klassika , Dramatik , Proza
📖| Məzmun: “Doxsan üçüncü il” Hüqonun Böyük Fransa İnqilabının son günləri haqqında qələmə aldığı sonuncu romanıdır. Əsər iki dünyagörüşü, tarixə iki baxış və bir-birindən diametral surətdə fərqlənən müxtəlif dəyərlər sistemi arasında olan amansız mübarizədən bəhs edir. Markiz de Lantenak köhnə rejimin mücəssiməsidirsə, onun qardaşı oğlu özündə respublikaçıların inqilabi ideyalarını və yeni dövrü əks etdirir. Romanda həmçinin Fransa inqilabının üç əsas xadimi-Marat, Danton və Robespyerin də fəaliyyəti barədə söhbət açılıb.

🗣| Tərcümə: Nigar Rəfibəyli
📘| Nəşriyyat: Kitab Klubu
📃| Səhifə: 328
💰| Qiymət: 6.5 AZN

___
#1793 #328

15/12/2019

📚| Kitab: Una və Selincer
✍| Müəllif: Frederik Beqbeder
🗄| Kateqoriya: Proza
📖| Məzmun: Bəşəriyyəti xilas edə biləcək ən böyük xoşməramlı yaşantı – sevgi və qan-qada, ölüm, od-alov, dağıntı mənbəyi – müharibə… Frederik Beqbederin “Una və Selincer” romanı yazarın bu iki mövzunu tarixin yaddaşına köçürmək istəyindən yaranıb. Amma buna bənzər bütün yaradıcılıq nümunələrindən fərqli. Əsərdə bu iki mövzu bir-birini təqib etmir. Heç biri digəri ilə məcburi bağlılıqda – vəhdətdə də görünmür. Hərəsi öz spesifik çalarlarının axarında inkişaf edir. Bağlılıq… bağlılıqsa, hər iki mövzunun eyni insanın taleyində kəsişməsindədir.

🗣| Tərcümə: Çimnaz Vəliyeva
📘| Nəşriyyat: Qanun
📃| Səhifə: 308
💰| Qiymət: 8.99 AZN

___
#308

14/12/2019

📚| Kitab: Ay və Tonqallar
✍| Müəllif: Çezare Paveze
🗄| Kateqoriya: Proza
📖| Məzmun: Çezare Pavezenin son əsəri və ən yaxşı romanı sayılan, 1950-ci ildə Milli Streqa Mükafatına layiq görülən “Ay və tonqallar” sol təfəkkürlü yazıçının könüllü sağollaşdığı həyatına nisgilli baxışdır. Bu kitab sərgərdan vətəninə, doğma dağlarına, meşələrinə, üzümlüklərinə, ən ülvi cavanlıq xatirələrinə qayıdışıyla bərabər, müharibənin insan talelərinə vurduğu zərbənin bariz nümunəsidir.

🗣| Tərcümə: Kifayət Haqverdiyeva
📘| Nəşriyyat: Qanun
📃| Səhifə: 224
💰| Qiymət: 6.99 AZN

___
#224

14/12/2019

📚| Kitab: Demian
✍| Müəllif: Herman Hesse
🗄| Kateqoriya: Klassika , Nobel Mükafatçıları
📖| Məzmun: Görkəmli alman nasiri, şairi, esseçisi, dünya ədəbiyyatı klassiklərindən biri, Nobel mükafatı laureatı Herman Hessenin “Demian” povesti 1919-cu ildə kitab bazarına çıxan kimi başgicəlləndirici məşhurluq qazanıb. Yazıçının ilkin yaradıcılığına aid olan bu əsər avtobioqrafik yük daşımaqla bərabər, yaddaşlardan silinməyəcək təsir gücünə malikdir. Müəllif özü öz əsərini belə izah edirdi: “Bu kitab fərdiyyəçiliyi, şəxsiyyətin təşəkkül tapmasını, yəni elə bir şeyi vurğulayır ki, bunlarsız ali həyat yoxdur. Özünə sadiq qalmağı tələb edən bu prosesdəsə yalnız bir böyük düşmən var – şərtilik, ətalət, meşşanlıq. “Şərtilik adlı yalançı Allahı qəbul etməkdənsə, hər cür cin-şeytanla döyüşmək yaxşıdır”.

🗣| Tərcümə: ----------
📘| Nəşriyyat: Qanun
📃| Səhifə: 200
💰| Qiymət: 5.49 AZN

___
#200

14/12/2019

📚| Kitab: Əbədi Ər
✍| Müəllif: Fyodor Dostoyevski
🗄| Kateqoriya: Proza , Klassika , Dramatik
📖| Məzmun: Dostoyevskinin bu əsəri ilk dəfə 1870-ci ildə “Zarya” jurnalında dərc olunub. Əsərin əsas mövzusu Velçaninovla onun mərhum sevgilisinin sonradan evləndiyi Pavel Pavloviçlə olan qarışıq münasibəti üzərində qurulub. Pavel Pavloviç mənəviyyatca zəif, arvad sözüylə oturub-duran, müəllifin təbirincə desək, işi-peşəsi yalnız kiminsə “əbədi ər”i olmaqdan ibarət olan bir obrazdır. Kitabın əsas tragik qəhrəmanı isə balaca Lizadır. Əslində atası bildiyi Pavloviç qıza hər baxışında arvadının onu başqa kişiylə necə aldatdığını xatırlayır.

🗣| Tərcümə: ----------
📘| Nəşriyyat: Qanun
📃| Səhifə: 200
💰| Qiymət: 5.9 AZN

___
#200

13/12/2019

12/12/2019

📚| Kitab: Qarabasan Meşəsi
✍| Müəllif: Burcu Ünsal
🗄| Kateqoriya: Proza , Qorxu-Gərilim , Fantastik , Uşaq Ədəbiyyatı , Mistika
📖| Məzmun:Gizli qapı. I kitab. Həyəcanla oxuyacağınız maraqlı, macəralarla dolu fantastik əsər.! Əhməd təsadüfən kəşf etdiyi gizli bir qapının arxasındakı dünyada qorxulu yuxularının əsas qəhrəmanı olan yaşıl cübbəli adamın sirrini açmağa çalışır. Əlbəttə, həmişəki kimi yenə başına oyun açıb yoxa çıxan kiçik qardaşını da tapmalıdır. Bəs qorxulu meşələrdən keçmək, qurd-quşla dolu dağları aşmaq, təhlükəli küçələri gəzmək, təpəgözlərin mağarasında gecələmək çox çətindir?
Bu sualın cavabını Əhməd və onun qəribə dostları yaxşı bilir.

🗣| Tərcümə: ----------
📘| Nəşriyyat: 3 alma
📃| Səhifə: 336
💰| Qiymət: 10 AZN

___
#192

12/12/2019

📚| Kitab: Tənha Mələk
✍| Müəllif: Fridrix Ani
🗄| Kateqoriya: Proza
📖| Məzmun: Neonasistlər tərəfindən yandırılan və bir əməkdaşı öldürülən xəfiyyə bürosuna itkin düşmüş biznesmen barədə məlumat daxil olur. Sirr pərdəsinə bürünmüş bu hadisəni araşdırmaq ahıl xəfiyyə Tabor Züdenə həvalə edilir. Yanğın zamanı öldürülmüş həmkarının və intihar etmiş dostunun itkisi ilə barışa bilməyən Züden ağır depressiya keçirir. Amma biznesmeni tapmaq üçün əlindən gələni etməli, xəfiyyə bürosunun yenidən dirçəlişinə çalışmalıdır. İtkin düşən biznesmenin keçmiş sevgililəri nəyisə gizlədir. Züden və həmkarı Patrisiya şübhəliləri izləməyə davam etdikcə şübhələr artır. Atası itkin düşmüş biznesmeni xatırlamaq istəmir. Onun keçmişi ailə üçün qəbuledilməzdir. Yustus bir ailədə həm nənə, həm qız, həm də nəvə ilə eşq macərası yaşayıb. Onun müəmmalı şəkildə yoxa çıxmasında günahkar kimdir? Dükanınıbağışladığı keçmiş sevgilisi, yoxsa nəvəsinin və qızının qisasını almaq istəyən birlikdə yaşadığı qadın?Bəlkə Yustusu keçmişi təqib edir?

🗣| Tərcümə: ----------
📘| Nəşriyyat: Yay Kitab
📃| Səhifə: 192
💰| Qiymət: 9 AZN

___
#192

birvereq

22/12/2019

21/12/2019

20/12/2019

17/12/2019

17/12/2019

15/12/2019

14/12/2019

14/12/2019

14/12/2019

13/12/2019

12/12/2019

12/12/2019

Adresse

Téléphone

Site Web

Notifications

Contacter L'entreprise

Raccourcis

Partager

Type