27/07/2026
Also i mache jetzt grad öpis wo de Guido findt, da chasch so nüm zeige u i finde doch, will i finde es spricht für d Qualität vo dem Produkt. 😊
Ja es isch brucht u ja es wird brucht u es isch mittlerwile au öpe 15 Jahr alt…
Also bi üs isch es üsi Wöschhänki u für all andere e Stakeout (Anbindevorrichtung Hund) – mer müend kei neue Name erfinde u scho gar keis neues Produkt, aber mer chönds optimiere bzw so apasse, dass es für jeder passt 😉 Au für Di u Di Hund oder Dini Hünd.
Kei flüügende Tisch u Stüehl, keis Leinegnusch sondern eifach e entspannti Lösig für Di u Di Hund / Dini Hünd. Immer meh vo üsne Kunde schätzet die individuell u «eifach» Lösig auf uf ihrne Reise.
Grad wenn mer mitem Camper oder Wohnwage unterwägs isch chunt immer d Frag betr. wie bindi mini Hünd oder min Hund a. Natürlich am liebste wänd all immer e Zuun rundume, aber leider kennet ganz vieli Hünd d «Regle» vo some Zuun nöd. Au üsi Hünd kennet Zuun u grad wenn mer a Renne unterwägs sind, wo d Möglichkeite vom Freilauf ufem Spazier igschränkt sind, finde mers au cool, wenn üsi Hünd sich chli chönd frei bewege, wenn mer aber sust unterwägs sind, bruche mer de Zuun so guet wie gar nie, wenn de als «Schutz» für üsi Hünd, will i finde eigentlich üsi Hünd selet usglastet werdet usserhalb vo üsem Camper-Garte wo i nebetbi au finde, händ sie sich nöd z versübere, aber da isch es anders Thema.
D Möglichkeit Bodeplatte hämer au mal testet – naja isch nöd so üses – 1. Mueni dra denke das i vorem fix anestelle bzw. uf Keil uefahre die Bodeplatte au na anelege 2. de Platz isch fix, d.h. i bi leider nöd so flexibel mit «verschiebe» i Schatte oder so.
BI de Variante Fahrzüüg bisch völlig unaabhänig wa für e Untergrund das vorfindsch, du bisch nöd druf agwiese, dass irgendwo Dini Bodeschrube iebringsch.
Die Varinate isch für 1 – ca. 5 Hünd geignet, je nach Grössi Hünd u Fahrzüüg. Selbstverständlich isch de Stakeout usbaubar u grad wenn Du seisch, i ha eh immer e Untergrund wo i d Möglichkeit ha öpis iezschlah chasch au die entsprechende Stakeout Stange dezue kaufe, ob Mini oder Gross isch abhängig vom Typ u de Azahl Hünd.
Mir händ immer üsi Mini Stakeout Stange debi, liecht, wenig Platz u i bi eifach flexibler mit schnell versetzte vom Stakeout. Natürlich laht sichs au mitere Bodeschrube ergänze, wenn i lieber so eini möchte ieschrube als e Stange ischlah.
Jedi Abindevorrichtig isch es Unikat. De mir setztet genau da um wo Du für Di und Di Hund / Dini Hünd u Dis Fahrzüg bzw. Din Anspruch bruchsch. Villeicht häsch Du e Leinebiisser de wär de d Stahlseil Variante die besser Option.
Segs e Einzelbefestigung für as Rad oder e Stakeout für 4 Hünd egal, de Guido beratet Dich mit sinere langjährige Erfahrig u mer findet sicher au für Di die optimal Lösig!
Chum verbi und lah Di berate, mer freuet üs uf Din Bsuech!
Zampa TierundSport Schweiz
