Koki Sr

03/08/2026

28/06/2026

في أول عدد من فقرتي كبسولة طبية capsule médicale لي راح نشارككم فيها معلومات مفيدة من مجال الدراسي ديالي، حبيت نحكيلكم اليوم على إجراء طبي بسيط في تخصص التوليد والنساء، بصح يقدر ينقذ حياة جنين ويحمي فرحة أم 🤍.
نقدرو نقولو خياطة الأمل ☀️
🤔 واش هو ربط عنق الرحم (Le Cerclage)؟هو عبارة عن غُرزة أو خيط جراحي متين يضعه الطبيب حول عنق الرحم. الهدف منه؟ نغلقوا "بوابة الرحم" مؤقتاً باش ما تتفتحش قبل وقتها ويسرى إجهاض أو ولادة مبكرة.
📅 وقتاش يندار؟غالباً يتم إجراؤه في بداية الثلث الثاني من الحمل، وتحديداً بين الأسبوع 12 والأسبوع 16، وفي حالات استعجالية يقدر يندار حتى لـ 24 أسبوع.
👩‍⚕️ شكون هما الحوامل لي يحتاجو هاد الإجراء؟لي عندها تاريخ سابق في فقدان الحمل (إجهاض متكرر) في الأشهر الوسطى (الرابع، الخامس، السادس).لي صراتلها ولادة مبكرة بزاف في حملها السابق.لي يبان عند السونار (Échographie) باللي عنق الرحم ديالها قصير أو ضعيف وما يتحملش ثقل الجنين.⚙️ كيفاش تصرى العملية؟هي عملية بسيطة جداً وغير مقلقة:تتم عبر المهبل (بدون فتح بطن).تستغرق دقائق معدودة فقط.تندار تحت التخدير (العام أو النصفي) يعني ماراحش تحس بأي ألم.
🩹 واش يصرى بعد العملية ومتى يتنحى الخيط؟بعدها: تحتاج الحامل لراحة نسبية ومتابعة دورية مع الطبيب، مع إمكانية الشعور ببعض المغص الخفيف في الأول.نزع الخيط: يتنحى الخيط بكل سهولة في العيادة عند الوصول للأسبوع 37 (يعني كي يدخل الشهر التاسع وتصبح الولادة آمنة).
🚨 علامات الخطر (اتصلي بطبيبكِ فوراً إذا ظهرت):آلام شديدة في البطن أو الظهر، نزيف دموي، نزول ماء الجنين، أو ارتفاع درجة الحرارة.

شاركوني في التعليقات إذا كنتوا تسمعوا بهاد العملية من قبل؟ وإذا عندكم أي سؤال يخص تخصصي، خلوهولي في التليقات 💬👇

28/06/2026

🔥 قصة اليوم فيها درس كبير على الرزق…

شاب جزائري من وهران، شاف حريق فعمارة والطابق العاشر فيه أطفال عالقين. ما قالش: "ماشي شغلي"، وما قالش: "نستنى الناس". خاطر بنفسه وطلع باش ينقذ أرواح.

الناس كامل شافت الشجاعة.
وبعد أيام، جاه اتصال وعرض عمل تكريمًا لي دارو.

هنا لازم نوقفو شوية…

الرزق تاع ربي عجيب.
مرات تحسب بلي لازم ألف باب يتفتح باش تتبدل حياتك… ويكون السبب موقف واحد، نية صافية، خير درتو وما كنتش تستنى عليه مقابل.

بصح كاين حاجة مهمة:
الرزق ماشي معناه نقعدو نستناو المعجزات.
الشاب خرج، تحرك، دافع، دار لي عليه… وربّي فتحلو باب ما كانش فالحسبان.

كاين لي راه يحوس على خدمة.
كاين لي يقول: "وش ندير بحياتي؟"
كاين لي حاس روحو متأخر…

يمكن الفرصة لي كتبهالك ربي راهي جاية من طريق ما تتوقعوش.
ما تحقرش أي خير.
ما تحقرش أي تعب.
ما تحقرش روحك.

دير لي عليك… وخلي لي على ربي.

﴿ وَمَن يَتَّقِ اللَّهَ يَجْعَل لَّهُ مَخْرَجًا ۝ وَيَرْزُقْهُ مِنْ حَيْثُ لَا يَحْتَسِبُ ﴾ 🤍

26/06/2026

🌿✨ يوم الجمعة… فرصة ما تتعوضش ✨🌿

اليوم ماشي كيما أي نهار…
نهار فيه ساعة استجابة، ونهار تكثر فيه الصلاة على النبي ﷺ، ونهار يفتح فيه الإنسان صفحة جديدة مع ربي.

إذا راك اليوم مهموم، متعب، ولا حاس روحك ضايع…
جرب تهدأ شوية وتدير هاد الحاجات:

📖 اقرا ولو صفحات قليلة من القرآن.
🤍 أكثر من الصلاة على النبي ﷺ.
🤲 ادعي بكل حاجة في قلبك، ربي يسمع وما يضيع حتى دعوة.
🕌 حافظ على صلاتك وحاول تقرب أكثر لربي.

يمكن دعوة اليوم تبدللك أيام كاملة…
ويمكن آية تقراها تكون سبب راحة كنت تحوس عليها من مدة.

اللهم في هذا اليوم المبارك:
اغفر لنا ذنوبنا، واشرح صدورنا، ويسّر أمورنا، وارزقنا راحة البال والرضا، واجعل القرآن ربيع قلوبنا. 🤍

صلّوا على النبي ﷺ 🌷

26/06/2026

البطالة والتفكير في "وش ندير بحياتي".
🎓📌 البطالة ماشي غير ما عندكش خدمة… مرات تكون الإحساس لي كل يوم تسقسي فيه روحك: "وش ندير بحياتي؟"

تفيق الصباح، تشوف الناس تتقدم، وحد يخدم، وحد يقرى، وحد بدا مشروع… وانت تبقى تحس روحك واقف في نفس البلاصة.

بصح حاب نقولك حاجة:
ماشي كل تأخير يعني نهاية، وماشي كل واحد بدا بكري راهو وصل. كاين ناس بداو متأخر ودارو حاجة كبيرة لأنهم ما حبسوش.

إذا راك اليوم بلا خدمة:
ما تحقرش روحك.
تعلم مهارة.
اقرأ.
جرب.
سجل فدورة.
طور لغة.
خدم على مشروع صغير.
ابحث كل يوم ولو بخطوة صغيرة.

وأهم حاجة… ما تخليش قيمة روحك تتحدد بمنصب ولا راتب.

يمكن الفترة لي راك فيها دابا ماشي ضياع… يمكن هي مرحلة تحضير لنسخة أقوى منك.

🌱 سؤال اليوم:
إذا جاك شهر كامل حرّ وما عندك حتى التزام… واش أول حاجة راح تديرها باش تبدل حياتك؟

20/06/2026

☀️ السخانة هاد الأيام راهي ما تتطاقش! ☀️

غير تخرج دقائق للشمس تحس روحك راح تذوب، كامل رانا نحوسو على الظل، الماء البارد والكليماتيزور. ومع هذا كامل، ما قدرناش نتحملو حرارة الدنيا... فكيف بحرارة الآخرة؟ نسأل الله السلامة والعافية
هادي فرصة ليك إذا كنت مفرط في الصلاة،
ولا تصلي وتقطع، ارجع لربي من اليوم قبل غدوا. الصلاة هي أول ما يُحاسب عليه العبد، وهي راحتك وسندك في الدنيا قبل الآخرة.

🌿 نصيحة من القلب
ما تخليش الصيف يروح غير في الرقاد والخرجات. خصص كل يوم دقائق قليلة لقراءة القرآن، ولو صفحة واحدة فقط. راح تحس براحة وطمأنينة ما يقدرش يوصفها الكلام.

الدنيا زائلة، والأيام راهي تجري بسرعة، فخلي عندك رصيد من الأعمال الصالحة ينفعك يوم تلقى مولاك
بما أننا في العطلة الصيفية وعندنا وقت فراغ، راح نشارك معاكم طريقة عملية وسهلة لحفظ القرآن الكريم خلال الصيف، بخطة يقدر يطبقها أي شخص مهما كان مستواه.

إذا حابين ننشرها في أقرب وقت، علقوا بـ: "اللهم صل وسلم على نبينا محمد" 🤍

ولا ادعوا بدعوة طيبة لعلها تكون ساعة استجابة. ولا تنسوا مشاركة المنشور حتى يعم الخير ويكون لكم أجر الدلالة عليه. 🌸

15/06/2026

صيفك ماشي غير رقاد وتجوز الأيام!
،عليبالي الصيف هذا كاين بزايد الفراغ، ولي معندها والو ديرو (لا قراية، لا خدمة) تطيح في فخ "الروتين الممل" وتضيع الوقت في التقرعيج والتقلاب في التيليفون بلا فايدة.
نصيحة من القلب: ما تخليش هذا الصيف يجوز عليك هكذاك!يا لوكان تتعلمي حاجة وحدة برك جديدة، المهم تخرجي بربح. طوري نفسك وعمري وقتك بما ينفعك
:📚 طوري عقلك: اقراي كتب! ماشي لازم كتب معقدة، ابداي بروايات هادفة، كتب علم نفس، أو تطوير الذات. القراءة تبدلك عقليتك وتوسعلك مداركك.
🪡 اتعلمي حرفة: الحرفة في اليد أمان من الفقر. تعلمي خياطة، طرز، صُنع حلويات، كروشي، أو حتى مهارة ديجيتال في التيليفون كيما المونطاج والتصميم. تولي تدخلي منها مصروفك!
🕌 طوري دينك: هذي هي الصح. ركزي على صلاتك في وقتها، احفظي ولو بضع سور من القرآن، اقراي سيرة الرسول ﷺ، ولا اسمعي دروس دينية تنورلك طريقك وتصلحلك قلبك.الوقت لي يروح ما يوليش، والنتيجة تع الخمول هي الندم والاكتئاب.
نوضي اليوم، ديري بروغرام صغير، وابداي خطوة بخطوة

15/06/2026

صباح الخير و النور
بكل معاني الفرح والسرور، نتقدم بأحر التهاني والتبريكات لجميع تلامذتنا الناجحين في شهادة التعليم المتوسط (BEM).
ألف مبروك لكل الناجحين في شهادة التعليم المتوسط، هنيئاً لكم هذا الإنجاز وعقبال لنجاحات أكبر في الثانوى! 🎉🎓

13/06/2026

✨ حقيقة غايبة على بزاف نساء.. علاش رانا نهاربوا من الطبيعي ونجروا للقيصرية؟ 🤔 ✨بصفتي طالبة فعلوم قابلة (Midwife)، هاد الأيام راني نلاحظ في حاجة غريبة بزااف في السبيطارات والعيادات... بكري كنا نديروا القيصرية (Césarienne) غير كي تكون حالة طارئة ولا خطر على الأم والطفل. بصح درك؟ ولات المريضة هي لي تدخل وتقولك: "يا مدام أنا حابة نولد سيزاريان، راني خايفة من الوجع!"
يا ختي الحبيبة، الخوف من الوجع طبيعي، بصح الهروب للقيصرية بلا سبة طبية يقدر يضرك كثر ملي ينفعك. رايحة نمدلك نظرة علمية ومن بعد أنتِ حكمي وشوفي شكون لي خير لصحتك وصحة وليدك
🔹 الولادة الطبيعية (الفطرة والفوائد السحرية):للأم: صحيح فيها وجع وساعات صعاب، بصح سبحان الله، بمجرد ما يخرج البيبي يروح كلش. نهارين ثلاثة توقفي على رجليك وترجعي لحياتك الطبيعية.للمولود (هادي بزاف ما يعلموهاش): البيبي كي يفوت على المجرى الطبيعي للولادة، صدره يتغسل تلقائياً من السوائل، وجهازه المناعي يتنشط بسبب البكتيريا النافعة لي ربي جعلها تمة لحمايته.
🔸 الولادة القيصرية (عملية جراحية ماشي ساهلة):الحقيقة: القيصرية راهي "عملية جراحية كبرى" (Une grande chirurgie)، فيها فتح طبقات تاع اللحم والرحم، تخدير، ومخاطر نزيف.النتيجة: الوجع تاعها ما يبداش قبل الولادة، يبدا بعد ما تولدي. السيمانة الأولى تجوز عليك صعيبة، الحركة قيس قيس، وتقدري تطولي باش ترفدي روحك وتهلاي في وليدك كيما يلزم.
يعني واش حبيت نقول ان القيصرية ربي جعلها كـ "رحمة وحل إنقاذ" كي تضياق الحالة طبياً، ماشي وسيلة باه نهاربوا من وجع ربي جعل فيه أجر عظيم وفي المخاض فايدة لجسمك ولوليدك.أنتوما لي راكم هنا (أمهات ولا مقبلات على الزواج):واش تفضلوا: وجع ساعة وتفوت (الطبيعي) ولا وجع أيام موراها (القيصرية)؟
شاركوني تجاربكم في التعليقات وخلينا ننصحوا بعضنا! 👇❤️

13/06/2026

سلام عليكم جماعة الخير 👋 !علبالي كاين لي راهم مزال مرقدوش كما حالتي 🤭 جاتني نقطة فراسي انا و كنت نتسائل براف عليها كما كاين بزاف ناس يتخلطو في صناعة المحتوى و تسويق بالمحتوى ، لازم نحطو النقاط على الحروف ونفهمو واحد المفهوم وين بزاف ناس تخلط فيه.كل يوم نشوفو عبارة "صانع محتوى" (Content Creator)، بصح واش يدير هاد الشخص حقيقة؟ وواش يفرق على واحد عندو بروجي (مشروع) وقاعد يدير في فيديوهات؟دوك نفهمو بشويا
1️⃣ شكون هو صانع المحتوى (Content Creator)؟ 🤔هذا الشخص المُنْتَجْ ديالو هو المحتوى بحد ذاته. هدفو الأساسي هو يبني جمهور، يقدم فائدة، يرفّه، أو يعلّم الناس.واش يدير؟ يكتب سيناريو، يصوّر، يطوّر أفكار، ويمونطي فيديوهات (أو يكتب منشورات).كيفاش يربح دراهم؟ يدير إعلانات للماركات (Sponsorships)، يربح من المشاهدات (إذا المنصة تخلص)، أو يدير شراكات. الجمهور يتابعو لشخصيتو وللمعلومات لي يقدمها.
2️⃣ وشكون هو صاحب المشروع لي يسوق بالمحتوى (Content Marketer)؟ 💼هذا شخص عندو منتج ملموس أو خدمة يبيعها (مثلاً: حانوت قش، كوزميتيك، دورات تعليمية، وكالة عقارية...).واش يدير؟ يصنع محتوى، بصح الهدف ديالو ماشي المحتوى في حد ذاته، الهدف هو يبيع المنتج ديالو. يدير فيديوهات يشرح فيها فوائد السلعة ديالو، كيفاش تحل مشاكل الزبون، ويقنع الناس يشرو من عندو.كيفاش يربح دراهم؟ من مبيعات المنتجات أو الخدمات ديالو مباشرة.
🛑 الخلاصة والفرق الجوهري:
صانع المحتوى إذا حبس صناعة المحتوى، يحبس الدخل ديالو تماماً (لأنو هو المنتج).
وصاحب المشروع المحتوى بالنسبة ليه هو مجرد "طريق" أو "وسيلة" باش يوصل للزبائن.💡 والحاجة الشابة وين راهي؟ أنو صاحب المشروع يقدر يتعلم مهارات صانع المحتوى باش يرجع الفيديوهات ديالو ممتعة وماشي مملة، وصانع المحتوى يقدر مع الوقت يرجع صاحب مشروع ويكريي الماركة ديالو الخاصة!
💬 دورك الآن في التعليقات:قولي، أنت لي راك تقرا في هاد المنشور... وين راك تشوف روحك؟ ادا صانع محتوى (حبيت تبني جمهور)؟ولا صاحب مشروع (حبيت تسوق لخدمتك أو سلعتك)؟شاركونا آرائكم وخلينا نناقشوها في هاد السهرة! Koki Sr @✨