30/11/2025
وصلتني مؤخرا رسالة أثرت فيّ بزاف…
شاب من إحدى ولاياتنا حكالي حكايته بكل صدق و هو يطلب توضيح مني . قال لي: “خويا، نقدر ندخل لتونس ونرجع في نفس النهار؟ أنا استفدت من حق الصرف 750€، وصرفت أنا وبابا، بصح لازم نرجع ديركت. ما يحجزوش الاورو في الحدود عند الرجوع عندي المناسبة قريب، عرسي، ومانيش لاقي باش نكمّل… راني محتاج الدراهم.”
كلامو هزّني… مشي لأنه يسقسي على السفر فقط، بصح لأن الظروف لي يعيشوها شباب بلادنا تخلّي الواحد يدور ويدور باش يلحق لحاجاتو الأساسية… حتى المناسبة لي لازم تكون فرحة، تولّي فيها الحسابات والضغط والهمّ.
هذا الشاب ما طلبش حاجة خارقة، ما سبّ، ما شكّى… غير عبّر على تعبو وحاجتو، وطلب الجواب بكرامة.
ربي يسهّل على كل شاب جزائري يحوس يبني حياتو بشرف، ويوقف معاه في أيام الضيق ويجعل أفراحكم عامرة بلا همّ ولا ضغط.
●✍️ مختار
أم قسنطينة_جيجل
