طفلي المسلم

23/11/2025

30/06/2025

تحصلت على معدل 18 ولم يبارك لها احد او يزورها احد #اليتيم دائما مظلوم وناقص حنانة رسالة توجع قلب لا تريد شيء فقط سماع كلمة طيبة مبروووك باركولها

29/06/2025

📌 لاحظت بلي بزاف داروا منشورات ردوا على الفئة لي تنمرت على صاحب أحد المراتب الثلاثة الاولى في شهادة التعليم المتوسط .... لذلك أنا ماراحش نرد عليهم بارسكوا تبالي ضـ.ـرب من الإستـ.ـهبال أنك تتنمر على إنسان جايب معدل 19 وزيد نكون انا مهـ.ـبول إذا درت راسي في راسكم ورديت بنفس النيفوا ....

مي أنا راح نحكيلكم حكاية : موسى عليه السلام كان يعاني من التأتأة في النطق ، يعني كي يهدر يتلعثم وتتخلطلوا وماتفهمش عليه مليح واش يهدر ، ففرعون كي شاف عندوا هذا العيب خرج للناس وقالهم :
{ أَمْ أَنَا خَيْرٌ مِّنْ هَٰذَا ٱلَّذِى هُوَ مَهِينٌۭ وَلَا يَكَادُ يُبِينُ﴾
(سورة الزخرف: 52) ...

_ يعني شغل يخاطب في العقول تاعهم ، قالهم أسكوا أنا خير لأن فرعون كان فصيح اللسان ، ولا هذا الشخص " المهين " عديم القيمة والذي لايكاد " يبين " ، يعني في الهدرى ماتفهمش عليه حتى واش يهدر ؟ ولا واش يقول ؟ قالهم عڨون هذا يخلط برك ...... فالله عزوجل من البداية كان قادر يرزق موسى الفصاحة في اللسان ، لكن حابنا نعرفوا بلي الرسالة تعتمد على الحق ، وبلي مهما كانت صفتك يقدر الله عزوجل يصطفيك ، فالله مايشوفش لجسمك وجمالك وفصاحتك باه يقربك منوا ، إنما يقربك ويصطفيك من أجل عملك ... القيمة عند الله العمل وليس الجسم ... ويرفع الله أصحاب العلم درجات ❤️

10/06/2025

💥 يا أستاذة ، من فضلك زيري على ولدي شوية‼️

🧕🏻 كي تدخل الأم للمعلمة وتقولها: "شدي عليه شوية، راني تعبت وما بقيتش نلقا حل"، راهي لازم تفهم شحال من حاجة قبل 👇🏻
1️⃣ أول حاجة: التربية راهي مسؤولية مشتركة
👪 (بين الوالدين والمعلم(ة))
ماشي غير طرف واحد لي يدير كلش وحدو!
لازم كل واحد يعاون الآخر باش توصل الرسالة 💪

2️⃣ ثانيًا: لازم يكون نفس المنهج ونفس الطريقة في التربية 🛤️
إذا الأم تمشي في طريق، والمعلم(ة) في طريق آخر…
الطفل راح يتلخبط وما نفوتوش النتيجة اللي حابينها 🚫

3️⃣ ثالثًا: كل واحد لازم يعرف واش عليه 📝
الوالدين عليهم دور، والمعلم كذلك…
باش يكملو بعض وماشي واحد يتهم الآخر بالتقصير.

4️⃣ رابعًا: حنا ناخذو بالأسباب… أما النتائج راهي عند ربي ☝🏻
👈 ممكن ربي يأذن بالأثر، وممكن لا، لحكمة يعلمها وحدو.
ولكن سواء وصلنا للنتيجة أو لا… رانا مأجورين إن شاء الله.

5️⃣ خامسًا: لازم نخدمو ونجتهدو ونصبروا 💪
الثمار ممكن ما تجيش ديركت، ممكن تبان بعد سنين طويلة 🌱
ما تستعجليش، الخير راهو جاي بإذن الله.

6️⃣ سادسًا: "إياك نعبد وإياك نستعين" 🤲🏻
ردّوها شعاركم في التربية!
ربي هو المعين، بلا توفيقو ما نقدروش نكملو الطريق ❤️

7️⃣ سابعًا: الدعاء سلاح كل مربي 🔑
قولي: "يا ربي صلحلي وليدي"
✋🏻 دعي له فالسجود، فقيام الليل، فكل لحظة…
ربي عمره ما راح يخيبك 🙏🏻

💌 "والذين جاهدوا فينا لنهدينهم سبلنا.."
اصبري، وجددي نيتك… وربي يفتح عليك 🌟

اذا وصلتي هنا ادعمي صفحتنا من فضلك هدفنا نشر الوعي لحماية اطفالنا🤍

09/06/2025

تربية الأولاد الذكور ماشي سهلة 👦🏼❤️

بصح كي نفهمو طبيعتهم واحتياجاتهم، نقدرو نوجّهوهم ونربّيوهم بالقلب والعقل 👨‍👩‍👦

💡 هاك 10 نصائح يعاونوك تربي وليدك وتخليه راجل راقي ومتزن:

---

1. فهم طبيعتو الحركية 🏃🏻‍♂️
الولد بطبعو يحب الحركة واللعب، هذي حاجة طبيعية. ديرلو مساحة آمنة يفرّغ فيها طاقتـو.

---

2. علمو يعبّر على مشاعرو 🥺
ماشي لازم يكون "قاسي" باش يولي راجل. خلّيه يعرف باللي الرجولة ماشي ضعف كي يعيط ولا يهدر على مشاعرو.

---

3. كون قدوة ليه 👨‍👦
الطفل يتعلم الرجولة من باباه ولا من الرجال لي دايرين بيه. خليك قدوة محترمة ومتوازنة قدامو.

---

4. هدَر معاه بصراحة 🗣️
هو محتاج يسمع الحق منك إنت، ماشي من الزنقة. هدَر معاه من الصغر على جسمو، الحدود، الأخلاق…

✳️ كي يرجع من المدرسة، من عند العايلة، من الحومة... اسقسيه:

📌 شكون هدر معاك اليوم؟
📌 كاش واحد ضايقك؟
📌 كاش واحد شدك وحدك؟
📌 قالك ما تقولش لماما ولا لبابا؟
📌 تحب تروح لهذ البلاصة مرة أخرى ولا لا؟

👂 هذي الأسئلة لازم تولي روتين يومي بلا ما تخوفو، فقط باش تبني ثقة وحماية حقيقية ❤️

---

5. اعطيه مسؤوليات في الدار 🧹
خليه يشارك: يعاون، يشد، يرتّب… هكا يكبر عندو الثقة في نفسو.

---

6. صحّحلو أخطاؤو باحترام ✋
أكيد راح يغلط، بصح صحّحلو بطريقة محترمة، لأن كرامتو تهم كيما عقلو.
📌 نبّهيه مرّة، وتغافلي مرات… ماشي كل حاجة نعلّقو عليها.

---

7. علمو يحترم النساء 👩‍👦
الاحترام يبدا من الدار… يشوفك كيفاش تهدر مع ماما، ختو، خالتو… راح يقلدك أكيد.

---

8. ما تخوّفوش من الغلط ❌
شجعو يجرب، يطيح، ويتعلم. الرجولة ماشي فالنجاح، الرجولة فالقيام بعد السقوط!

---

9. صبر عليه 🧘‍♂️
الطفل الذكر يقدر يكون عنيد، يحب يجرب حدودك… الصبر، التوازن، وثبات القوانين بلا عنف هم المفتاح.

---

10. خليه يحس بالفخر 😌
كلمة كيما: “أنا فخور بيك” تقدر ترفع معنوياتو وتخليه يحلّق!

---

🔁 بارطاجيها مع أم ولا أب عندهم وليد، خلي الخير ينتشر 🤲

#الجزائر #طفلي

08/06/2025

🔺 : لاَ تَجلد صَغيركَ بالمُقَارنات: «عُقدٌ نَفسية»

يحزنني كلّ الأطفال الذين تربّوا في مضمار السباق، والذين جلدوا بسوط المقارنة، مع بن الجيران الأفضل منه في النطق، وقريبه الأحسن منه في الكتابة، وأخيه الذي يسمع الكلام ولا يناقش.. ربّوا أولادكم علىٰ مقارنة الذات بالذات، علىٰ أنّك اليوم أفضل من أمس، وغدًا يجب أن تكون أفضل من اليوم، لا تغتالوا مساحاتهم الآمنة بعقدة النقص والكمال . 🌺🌾

08/06/2025

عقول اطفالنا تتسمم كل يوم بسبب هذه القناة CN بالعربية ، احذفوها و احمو اطفالكم.

06/06/2025

عيدكم مبروك 🐑🌙

صح عيدكم كامل، ربي يجعلو عيد فرحة، صحة، ومحبة 🌸
ربي يتقبل منّا ومنكم صالح الأعمال 💫
عيدكم مبارك، وكل عام وأنتم بخير 🌹

31/05/2025

📌 بمناسبة اليوم العالمي للطفل، لازم نهدروا على موضوع مهم: التنمر في المدارس 🏫

👶 التنمر مشي لعب، راهو يؤثر بزاف على نفسية الطفل:

يضعف ثقته في روحو

يخليه يخاف، يسكت، وما يحبش يروح للمدرسة

ممكن يدخل في اكتئاب أو يفكر يهرب أو يأذي روحو 😞

⚖️ القانون الجزائري (قانون 12-15) واضح:

يحمي الطفل من العنف النفسي واللفظي، ومنهم التنمر.

اللي يتسبب في التنمر ممكن يتعاقب (غرامة أو حبس) حسب الحالة.

📞 كي يتعرض الطفل للتنمر:

ولي أمره أو أي شخص يقدر يبلغ الشرطة، وكيل الجمهورية أو إدارة المدرسة.

الجهات المختصة تتدخل وتدير اللازم.

👨‍👩‍👧 نصيحة للوالدين:

راقبوا أولادكم، شوفوا واش راهو يصرالهم.

كونوا سندهم، وعلّموهم ما يسكتوش إذا تعرضوا للأذى.

الطفل لازم يحس بالأمان وبلي كاين اللي يوقف معاه ❤️