03/08/2024
نصيحة للسائقين وللناس لي تنظم الرحلات ، كي تروحو لمدينة ساحلية نعرفو بلي تلحقو بكري للبحر قبل ((09)) ومع السخانة لولاد لي يروحو معاكم يحبو يدخلو يعومو وخااااااااااااصة كي يكون البحر طالع شويا يعني فيه ليفاڨ ( هايج ) متديوهمش للبحر قبل 9 راهم الاغلبية لي يموتو كل نهار يموتو قبل 9 وبعد 7 تاع لعشيا والاغلبية كاامل لي يموتو من الولاية الداخلية ، على خاطر ميعرفوش لبحر بلي فيه بزاف حوايج دونجي وخاصة لولاد صغار لي بين. 9و 10 حتى 18 ولا 19 هذو لي ديما يموتو والسبب تاعهم كامل ، هوما الشوافرة ولا الناس لي نظمت الرحلة يلحقو قبل 9 تاع الصباح يدوهم ديراكت يعومو ومعلبالهم بلي حراس الشواطئ ميكونوش على خاطر يخدمو من 9 تاع الصباح حتى 7 تاع لعشيا ، ولي غرق قبل الوقت واحد ميقدر يجبدو ، مذبيكم ديرو حسابكم ومتريسكيوش بولاد الناس وبارك الله فيكم
