El Eulma Pêche

El Eulma Pêche Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de El Eulma Pêche, Magasin de vente en gros, العلمة-ولاية سطيف, El Eulma.

28/08/2026

الله أكبر و الحمد الله قافلة شباب العلمة
اكثر من 850 مابين شاحنة كبيرة و صغيرة كانت من العلمة الى جيجل و بجاية و عنابة وطارف .

نتقدم بأصدق عبارات التعازي والمواساة إلى أهلنا وذوي ضحايا الحرائق الأخيرة التي مست العديد من ولايات الوطن، راجين من المو...
28/08/2026

نتقدم بأصدق عبارات التعازي والمواساة إلى أهلنا وذوي ضحايا الحرائق الأخيرة التي مست العديد من ولايات الوطن، راجين من المولى عز وجل أن يتغمد أرواحهم الطاهرة بواسع رحمته ومغفرته، وأن يسكنهم فسيح جناته، وأن يلهم أهلهم وذويهم جميل الصبر والسلوان.
كما نسأل الله تعالى الشفاء العاجل للمصابين، والسلامة والحفظ لكل المتضررين، وأن يحفظ بلادنا وأهلها من كل مكروه.
إنا لله وإنا إليه راجعون.

28/08/2026

هذه أرضنا و رانا عايشين فيها، و الشعب تاعنا راه عايش في أرضه مهما كان الثمن.

الجزائري للجزائري رحمة شعب واحد ، قلب واحد من قلب العلمة، نرسل سنداً وأخوة لأهلنا في المناطق المتضررة. #تضامن #العلمة ...
28/08/2026

الجزائري للجزائري رحمة
شعب واحد ، قلب واحد
من قلب العلمة، نرسل سنداً وأخوة لأهلنا في المناطق المتضررة.
#تضامن #العلمة #جيجل #بجاية #الجزائر

27/08/2026

كيف هي الأحوال في المناطق المتضررة ؟
ربي يحفظ البلاد و العباد و يفرج علينا إن شاء الله

قلوبنا تعتصر حزناً على الفاجعة اللي ألمّت ببلادنا وإخواننا..ربي يرحم خاوتنا الذين قضوا في الحرائق ويجعلهم من الشهداء، وي...
27/08/2026

قلوبنا تعتصر حزناً على الفاجعة اللي ألمّت ببلادنا وإخواننا..
ربي يرحم خاوتنا الذين قضوا في الحرائق ويجعلهم من الشهداء، ويشفي المرضى والجرحى، ويصبر كل عائلة فقدت عزيز.
ربي يحفظ البلاد والعباد ويجيب الخير إن شاء الله.

حرك السلعة تتباع ​ هل صح كاينة منها ؟​ تابعني تعرف بزاف صوالح على البيزنس : هذه حيلة ذكية ومعروفة عند التجار، ومعندهاش ع...
21/08/2026

حرك السلعة تتباع
​ هل صح كاينة منها ؟
​ تابعني تعرف بزاف صوالح على البيزنس :
هذه حيلة ذكية ومعروفة عند التجار، ومعندهاش علاقة بالزهر برك، بل هي علم النفس التسويقي، كي تحرك السلعة من بلاصتها وتبدلها في الحانوت، تصرى بزاف صوالح:
​
​1_ كسر الملل البصري:
​ الزبون اللي يدخل عندك ديما يولي يتعود يشوف نفس الديكور ونفس التستيف لدرجة أصبح ما يشوفش السلعة كامل ، كي تبدل البلاصة، عين الزبون تطيح عليها من جديد وكأنها سلعة جديدة دخلت اليوم.

​2_ إحياء السلعة "الميتة":
​كاين سلعة تكون في ركن مظلم ولا في بلاصة عالية بزاف أو واطية ما تبانش، وما يشوفها حتى واحد، وتطول. بصح كي تجيبها للعين وتديرها في بلاصة استراتيجية، تتباع في بلاصتها الجديدة.
​
​3_ إعطاء انطباع بالجديد:
​الحانوت اللي ديما متبدل ومنظم بطريقة جديدة يوحي للزبون بلي المحل دائم الحركة وفيه سلعة جديدة ديما تدخل وتخرج، ماشي قديمة ومغبرة.
​
​ 4_ اكتشاف مسارات جديدة للزبون:
​ أحياناً تغيير مكان الرفوف أو الطاولات يخلي الزبون يدور في الحانوت كامل وما يخرجش بالزربة، وهذا يخليه يشوف صوالح ما كانش ناوي يشريهم
​
​ باختصار:
​احركة السلعة في التستيف هي طريقة ذكية باش تخدع عين الزبون وتخليه يشوف الحانوت بمنظور جديد كل مرة!

20/08/2026

دولتنا تتيح لك أن تعمل، وأن تكسب المال، وأن تنتقل من الفقر إلى الثراء في ظرف أشهر. وتمنحك الفرصة لفتح المشاريع وبناء نفسك حتى تصبح رجل أعمال انطلق من الصفر.

لكن تأكد من أمر واحد: كل شيء مراقب، ومكانش دينار واحد، مهما كان مصدره أو حجمه، إلا ويمكن معرفة من أين أتى وأين صرف . وحين تقع في المحظور، سواء عن علم أو عن جهل، قد يفتح أرشيفك كاملا، وتراجع تفاصيل مسارك من سنواتك الأولى إلى لحظة بدء التحقيق.

من السذاجة أن يعتقد الإنسان أن هناك من سيمنحه المال بلا مقابل، أو سيوفر له كل ما يحتاج إليه دون غاية أو مصلحة. في هذا العالم، لا توجد امتيازات مجانية، ولكل شيء ثمنه أو هدفه.

فالنهاية، من الأفضل أن يلعب الإنسان على قده، وأن يعرف حجم المخاطر التي يتحملها، وألا يتوهم أنه مركز الكون، وأن القواعد التي تنطبق على الجميع ستتوقف عنده، أو أن الحياة قررت أن تمنحه معاملة استثنائية لا يحظى بها سائر البشر.

للتذكير فقط !نهار الجنازة الكل هرول.. تصاور، ستوريات، وجري وراء "التفاعل".وبعد 20 يوم فقط.. نساتهم الدنيا، وكأن 28 روح م...
19/08/2026

للتذكير فقط !
نهار الجنازة الكل هرول.. تصاور، ستوريات، وجري وراء "التفاعل".
وبعد 20 يوم فقط.. نساتهم الدنيا، وكأن 28 روح ما راحتش في لحظة!
​حقيقة مرّة: الناس تتأثر أيام، تنساك في أسابيع، وتكمل حياتها عادي.. وما يبقى معاك غير عملك.
​نذكّر نفسي ونذكّركم جميعاً بضرورة التزوّد بالعمل الصالح في هذه الدنيا؛ لا تتغروا بها، ولا تغركم كثرة الوجوه والناس الملتفة حولكم اليوم.. فكلها فانية، وكل من عليها فان، ولن ينفعك غداً إلا ما قدّمت يداك.
​اللهم ارحم ضحايا حادث بومرداس، واغفر لهم واجعل مثواهم الجنة، وازرق أهاليهم الصبر، ولا تجعل الدنيا أكبر همّنا ولا مبلغ علمنا.

كاين ناس يقولوا التجارة شطارة..بصح كيفاش تفسر تاجر يشري "على الزهر" وسلعتو ما تباتش؟ كامل نعرفوا هذاك التاجر لي يبان "ني...
14/08/2026

كاين ناس يقولوا التجارة شطارة..
بصح كيفاش تفسر تاجر يشري "على الزهر" وسلعتو ما تباتش؟
كامل نعرفوا هذاك التاجر لي يبان "نيّة"، يدخل للسوق يشري برك بلا حسابات معقدة، وتحس باللي السلعة هي لي تجري موراه وما تباتش عندو.
هذه الظاهرة في التجارة عندها تفسير حقيقي، وماشي كامل "زهر" كما يبان من برا. إليك واش راه صاري كواليس:
​
​"بركة النية" (الصدق والقناعة)
هذا النوع من التجار غالباً يخدم بـ "قناعة"؛ يربح قليل ويبيع بزاف.
الزبون ذكي، كي يدخل عند تاجر ويحس باللي ما راهش حاب "يستغلوا " أو يطمع فيه، ويشوفو يتعامل بـ "نية صافية"، يرتاحلو نفسياً. هذه الراحة النفسية ترجع الزبائن أوفياء، والسلعة تطير. في علم التسويق، هادي يسموها
La fidélité des clients
(ولاء الزبون)، بصح هو يدير فيها بالفطرة.
​
2. "شطارة غير واعية" (الفطرة التجارية)
هذا التاجر لي تبالك يشري "على الزهر"، غالباً راهو عايش في السوق وعندو "حاسة سادسة" طورها بالوقت بلا ما يفيق.
هو ما قراش تسويق في الجامعة، بصح عينو وقاع السوق يخلوه يعرف واش يمشي واش ما يمشيش بالفطرة. يروح يشري سلعة يبانلك خيرها عشوائياً، بصح هو في لاوعي تاعو عارف باللي الغاشي يحبها.
​
3. التوفيق في الرزق (البركة)
في النهاية، التجارة هي أكثر مهنة مرتبطة بالتوكل. كاين ناس ربي يعطيهم "القبول".
تلقى زوج حوانت قدام بعضهم، نفس السلعة ونفس السعر، واحد غاشي عليه والآخر قاعد. هنا يدخل التوفيق الإلهي لي يجي مع طيبة القلب ودعوة الخير.
​
الزهر والنية يفتحوا الأبواب، بصح الممارسة هي لي ترجعها مهارة فطرية.

Adresse

العلمة-ولاية سطيف
El Eulma

Téléphone

+213659255239

Site Web

Notifications

Soyez le premier à savoir et laissez-nous vous envoyer un courriel lorsque El Eulma Pêche publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type