شباب حي نجمة شطيبوا

20/03/2026

08/05/2025

كي تشوف أصحاب السيارات تاع 800 مليون و مليار دايرين لاشان على الخرفان تاع رومانيا تفهم الجيعان كيفاش يخمم .

08/11/2023

Un grand merci à mes nouveaux followers ! Bello Bello, Malak Malek, Ahlem Ahlem, سعاد سعاد زروقي, Rø Łįz

06/08/2022

ردد معي لاإله إلاّ الله محمد رسول الله

04/08/2020

اليوم ركبت مع طاكسي 🚕 من البلاد والسائق كان ملتزم بالإجراءات الوقائية ولابس كمامة وقفازات . وانا كنت مش لابس كمامة .
اول ما طلعت جبدلي كمامة من الكوفري وقالي تفضل خويا ألبسها .
الصراحة انا حشمت من روحي وتبهدلت، حكمتها عليه لبستها وقلتلو :
- بارك الله فيك وربي يكثر من امثالك ، والله حاجة مليحة والحمد لله مازال كاينة ناس عندها وعي كيفك .
- قالي : إااي والله .. هذي مسؤوليتنا ولازم نلتزموا بهذي الامور لسلامتنا .
- وبقينا نحكيو على كورونا وبدى يقصصلي كفاه الدول المتقدمة قدرت تتغلب عليها وولات لحياتها الطبيعية والدولة تاعنا ما عرفتش تسير المرحلة وتتمسخر بالشعب والمنظومة الصحية فاسدة وتمديد الحجر ......الخ .
- المهم وصلت جبدت سلكت الكورسا ونزلت ، عاود عيطلي وقالي اخويا تعيش رجعلي الكمامة برك .
قلتلو : علاه ؟
قالي : كون يركب واحد ومش لابس كمامة نمدهالو يلبسها كيما درت معاك
- قلتلو : من نيتك صح ؟
قالي : إااي والله ... هذي مخليها للاجر والوقاية بنفس الوقت كيما انت ولي قبلك استفادو منها خلي لي وراك ثاني يستفاد منها .
- قلتلو : هاك يا عمي ربي يثبت الاجر وتحيا الجزائر .
وانا نقول علاه الاصابات باقية تطلع برك . والسيد داير الطاكسي مصنع للكورونا 😁🙈