16/08/2022
#إعتراف فتاة:
موقف صرالي لبارح عبرة كبيرة
ماعنديش بزاف درت الحجاب الشرعي
هبطت لاري نستنا في بيس المهم لاعلينا وانا نستنا جات طفلة واش نقولكم حطة لابسة كلاسيك وشعر مطلوڨ ومكياج الحق تهبل (كنا واقفين غير انا وهي برك فلاري) بعد انتظار طويل شرف البيس حبس قدامي قدقد نزل الرسوفور (جاي جان هك بلاك يدير26سنةولا) وجيت نطلع كما حطيت رجلي لقيتو قالي اختي انزلي دقيقة خلي الأخت تطلع صدقوني تشوكيت كيفاه يعني خليها تطلع شغل انا مانبانش للحظة كنت راح نقولو والله ماني رايحتها معاك بصح حشمت أيا ضربتلو خزرة ونزلت فاتت هي عليا طلعت قالي اطلعي درك طلعت وانا رايحة نطرطق لقيت زاد قالي اقعدي هنا برك (فالكولوار هههه ) وكلت ربي وقعدت بحدا زوج نسا
علابالكم دعيتو حتى كرهت وغاضتني عمري كيفاش هذي نتاع هي حطة عليا لبسة خير مني راهي متحلبة عليا لاعلينا وصلنا وحد لاري حبس البيس نزلت باش ينزلو لي لورا لقيتو قدم قالي اختي اسمحيلي على الجاست تاع قبيل بصح البلاصة لي كنتي راح تقعدي فيها كانت بين الرجال على هديك ماحبيتكش تطلعي قلت هديك اي تقعد برك باينة بلي ماعلابالهش بغاشي نتي احترام حجاب لي كنتي لبساتو ماحبيتش تركبي مع رجال
صدقوني مالقيتش واش نقولو راحت الهدرة عاودت ركبت وكي طلعت شفت مع البلاصة مليح لقيتها صح فالاخر غييير الرجال من تما وانا نخمم مع روحي تسما هدي هي نظرة الرجال للطفلة لي ماديراش حجاب مالڨري بلاك مسكينة طيبة وخاطيها بصح حكم عليها بمجرد انها لابسة حطة ديرة مكياج وماديراش خمار
العبرة لي ديتها من الموقف هدا انو صح الناس تحكم بالمظاهر مهما تقولي حبيبتي بلي الإيمان فالقلب بصح الناس لاتعلم بالقلوب والمظهر تاعك يعكس شخصيتك بلاك هدا الموقف لي خلاني نتمسك اكثر بالحجاب وقعدت نخمم بلي أنا تاني في يوم من الايام كانت الناس تشوفني بنفس نظرة الاحتقار حتى عفت روحي صراحة
ولهذا نقولك الزينة ادا حبيتي ترضي ربي والناس تحترمك استري روحك باسكو اللبسة غير المحتشمة والموضة مكانش فالاسلام وربي سبحانه و تعالى كون شاف فيها خير مايحرمهاش🌸
ربي يهدينا
❤
منقول للأمانة
