06/11/2025
🩷 نصايح ماما اللي لا يمكن تنسيها 🩷
اسمعي يا ست الكل 😍
ماما قالت:
وأنتي بتسلقي الفراخ، حطي الملح من أول التسوية مع التوابل 👌
لكن اللحمة لأ! سيبي الملح للآخر علشان تطلع طريّة ومش تشد منك 🥩لو لحمة كبيرة ضيفي رشة سكر وعلي النار اول نص ساعة وبعدين هدي النار خالص وسيبيها تستوي هتبقي زبدة والملح اخر عشر دقايق ضيفه
عصرة لمونة في شوربة البط والفراخ هتشيل اي زفارة
وأنتي بتقلي الكبدة… جربي تحطي على الردة شوية دقيق 🤫
هتخلي لونها فاتح وشكلها يفتح النفس 😋
أما البامية 🫶
اعصري نص ليمونة في النص كده علشان تفضل ماسكة نفسها ومتفكّش 💚
وفرّي مجهودك…
افرمي كمية ثوم وشيليه في الفريزر، كده تبقي جاهزة على طول لأي طبخة 👩🍳
وخدي بالك 👀
الخضرة تتغسل قبل التقطيع، علشان متفقدش الفايدة الجميلة اللي فيها 🌿
لو السمك كبير 🐟
اعملي فيه فتحتين بسكينة حامية علشان يتتبل كويس ويتستوي مظبوط من جوه 👌
وحركة بسيطة كده يا ست الكل 😅
رشي رشة ملح صغيرة على السمنة قبل ما تحمّري اللحمة، هتلاقي الطرطشة راحت خلاص 😂
وجربي دي 👇
باكو فانيليا على الفيشار… الريحة هتخلي البيت كله يدوّرك 😍🍿
ولإذابة الدجاج المجمد بسرعة 🐔
حطيه في مية عادية فيها رشة ملح… هيبقى زي الفل في وقت قصير!
💡 وللمقادير السحرية:
كل لتر لبن = ربع كوب رز (للرز بلبن) 🥣
كل كوب لبن = معلقة كبيرة ممسوحة نشا (للمهلبية) 🍮
وفي الكيك والمعجنات؟
ضيفي معلقة خل صغيرة، هتخليها هشة وطريّة كأنها من محل 😍🎂
أما الكفتة؟
كيلو لحمة حمرا عليه ربع كيلو دهن ورغيف عيش مبلول ومعصور…
مش هتكش ولا تفك منك أبداً 👌🔥
وفي المعجنات… استخدمي خميرة بيرة دوبّيها في شوية مية دافية
هتديكي نتيجة أحسن بكتير من البودر 😍
ولو العجينة فيها لبن أو زبادي؟
حطي الاتنين مع بعض وادعيلي 😂
النتيجة: عجينة هشة وطعمها يجنن 😋
وعندك جبنة بيضا كتير وخايفة تبوظ؟
اغلي شوية مية، وحطي فيهم معلقتين لبن بودرة، وبعدها نزّلي الجبنة
هتعيش معاكي في التلاجة ٣ شهور ولا كأنها لسه معمولة 🧀💖
قبل ما تحطي الحبهان في الأكل، دوسي عليه بالسكينة خفيف
هتطلعي منه نكهة تحفة تخلي الطبخة ريحتها تملى البيت 💚
منقول
وفي الآخر…
صلّوا على الحبيب المصطفى ﷺ ❤️
