By Yasmina

By Yasmina 🌸 Aesthetic stationery بجماليات مختلفة ✨
✏️ أقلام | دفاتر | ملصقات | أدوات مكتبية
📦 توصيل القاهرة والجيزة
💬 اطلب من الـDM أو WhatsApp 👇
wa.me/201115766444

مساء الخير احنا في مكتبة ياسمينا وصلتلنا معلومة مش متأكدين منها بخصوص سبلايز المدرسة المصرية ELS وهي أن ال Glue sticks ا...
06/09/2026

مساء الخير

احنا في مكتبة ياسمينا وصلتلنا معلومة مش متأكدين منها بخصوص سبلايز المدرسة المصرية ELS
وهي أن ال Glue sticks اللي في الصورة ده المدرسة ماقبلتوش علشان مش مكتوب عليه Non toxic

فاحتياطي وعلشان ماتتفاجئوش أو تتعطلوا تقدروا تبدلوه من المكتبة بنوع تاني مكتوب عليه Non toxic والنوع ده افضل واغلى وبدون دفع الفرق ، مشاركة مننا في مكتبة ياسمينا في تدارك اللخبطة اللي دي

وياريت تبعتوا الرسالة دي على جروب الواتس آب علشان لو في حد اشترى مننا السبلايز و ماعرفناش نوصله

🟧 الاستبدال المجاني متاح فقط للعملاء الذين قاموا بشراء ال Supplies list من مكتبة ياسمينا

شكرا ليكم وسنة دراسية موفقة إن شاء الله
مكتبة ياسمينا .. مكتبة حلوة في مدينة نصر 💙 💛

زمان كانت حاجة المدرسة عادي وكنا بنجلد الجلاد ونحط التيكت والدنيا جميلة 🥰فجأة بقت Supplies list وتفاصيل دقيقة تخلينا نلف...
26/08/2026

زمان كانت حاجة المدرسة عادي وكنا بنجلد الجلاد ونحط التيكت والدنيا جميلة 🥰

فجأة بقت Supplies list وتفاصيل دقيقة تخلينا نلف على حاجات غريبة ونحط ادينا على قلبنا لاحسن تطلع Supplies المدرسة غلط ونرجع تاااني نلف
اصل ال Glue ده رفيع مش Chunky .. والوايت بورد دي ٣٠ مش ٣٥
تفاصيل بتزود القلق والتوتر
وتخلي ال Back to school 🏫 حدوتة تخوف 🤦‍♂️

في مكتبة ياسمينا هنرجعلك فرحة مشوار حاجة المدرسة وهنركز بدالك في تفاصيل ال Supplies 🔍

بداية العام الدراسي الجديد 👨‍🏫 مش في أول يوم مدرسة 🙂‍↔️ وانما في مكتبة ياسمينا 💙

✅ خدمة عملاء مميزة
✅ تنوع في المنتجات والأنواع 🎒
✅ خبرة في التفاصيل السهلة والبايخة بتاعة المدارس
✅ من ١٠ إلى ١٥ ٪ خصم 💰
✅ مع Vouchers خصومات على منتجات وخدمات تانية 🎟️

في مكتبة ياسمينا قسمنالك Supplies المدرسة لأربع فئات 🟡 الفئة A : براندات عالمية مشهورة ، طبعا جودتها ممتازة وسعرها عالي🟡...
26/08/2026

في مكتبة ياسمينا قسمنالك Supplies المدرسة لأربع فئات
🟡 الفئة A : براندات عالمية مشهورة ، طبعا جودتها ممتازة وسعرها عالي
🟡 الفئة B : منتجات بجودة ممتازة برضو بس براندات أقل شهرة وسعرها متوسط.
🟢 الفئة C (الاقتصادية): منتجات أقل جودة لكن مش وحشةوسعرها تحت المتوسط
🟤 الفئة D (الشعبية): منتجات سعر قليل ، ممكن مش احسن جودة
لكن أعلى توفير

يعني هنوفرلك كل ادوات المدرسة وهنوفرلك كمان في الميزانية علشان تخرجوا خروجة حلوة بعد مشوار المكتبة 🌹

وعام دراسي سعيد لكل الطلاب واولياء الأمور والمدرسين واحنا وكل الناس إن شاء الله 🥰

مكتبة ياسمينا .. مكتبة حلوة في مدينة نصر 💙💛

سكان مدينة نصر .. ومدارس مدينة نصر 🏫 .. واولياء أمور مدينة نصر ..المدارس قربت والسبلايز Supplies اتعرفت 🎒بس اللي يمكن بع...
26/08/2026

سكان مدينة نصر .. ومدارس مدينة نصر 🏫 .. واولياء أمور مدينة نصر ..
المدارس قربت والسبلايز Supplies اتعرفت 🎒
بس اللي يمكن بعض الناس ماتعرفوش إن مكتبة ياسمينا بتخطط لتوسيع نشاطها.
السنة دي بنجرب نظام جديد علشان تجربة شراء حاجات المدرسة تكون اسهل ، ومن غير زن ولا خناق ولا توتر

هتحجز ميعادك اللي يناسبك وهيكون حد مننا مستنيك انت بس ، وفي خلال ١٥ إلى ٣٠ دقيقة هتكون اخترت واشتريت ومستعد لاول يوم دراسة.

كمان تقدر تزورنا اون لاين Video call هتقدر تختار منها كل اللي يناسبك وكانك في المكتبة .. وتيجي تستلم وبس 🎁

وده لان الخصومات عندنا حاجة مهمة بس كواليتي خدمة العملاء اهم.

احجز ميعاد أو شرفنا على طول أو زورنا بالڤيديو كول

مكتبة ياسمينا .. مكتبة حلوة في مدينة نصر 💛💙

وانت بتشتري الوان شمع خلي بالك ان في حاجة اسمها Wax crayons و حاجة اسمها Oil pastelنظريا الـ Oil Pastel او الوان الشمع ا...
14/08/2026

وانت بتشتري الوان شمع خلي بالك ان في حاجة اسمها Wax crayons و حاجة اسمها Oil pastel

نظريا الـ Oil Pastel او الوان الشمع الزيتية أفضل وأغلى وتأثيرها فنيا افضل لو حد محترف او بيحاول يحترف الرسم او مهتم بيه.

بتسمح بدمج الألوان ببعضها (Blending) بطريقة فظيعة سواء بالصوابع أو بمنديل، وبتطلع تدرجات رهيبة في اللوحات والمناظر الطبيعية.

عيوبها: بتطبع بسهولة على الإيد وعلى الورقة اللي وراها، وبتتخلص بسرعة لو الطفل داس عليها جامد.

لكن المشكلة ان السوق في انواع إسميا هي Oil pastel وسعرها اقل لكن جودتها مش احسن حاجة خالص.

الالوان الشمع بقى العادية
ناشفة شوية، ملمسها شمعي خفيف، وتغطيتها خفيفة أو شفافة نسبياً.

مميزاتها انها نظيفة في الاستخدام، مش بتسيح بسهولة في الإيد، وسعرها اقتصادي جدا (مقارنة بالزيتية الأصلية) ، وآمنة تماماً للأطفال الصغار.

أفضل استخدام: للأطفال في سن مبكرة (KG) عشان يلونوا رسومات كرتونية بسيطة من غير ما الدنيا تتبهدل.

علشان كدة وانت بتقارن الأسعار مهم تعرف ان مش السعر بس هو اللي يحدد اختيارك ، ومش معنى ان السعر غالي ان ده المنتج اللي يناسبك ولا ان السعر قليل ان المنتج ده مش حلو.

مكتبة ياسمينا .. مكتبة حلوة في مدينة نصر 💛💙

زمان كان الصلصال هو صلصال .. بس دلوقتي الاختيارات كترت. وبقى مهم نبقى عارفين ايه اللي اولادنا بيمسكوه بايديهم لفترات مش ...
13/08/2026

زمان كان الصلصال هو صلصال .. بس دلوقتي الاختيارات كترت.
وبقى مهم نبقى عارفين ايه اللي اولادنا بيمسكوه بايديهم لفترات مش قليلة


عندك مثلا 👈 الصلصال العادي (التقليدي)
بتاع زمان اللي كلنا لعبنا بيه وإحنا صغيرين.
مميزاته: طري، ألوانه تجنن، وسعره في المتناول.
عيوبه: مالوش علب لحفظه، بينشف لو اتعرض للهواء، وبيسيب أثر ساعات في الإيد أو الفرش.

أفضل استخدام: للأطفال الصغار عشان ينمي عضلات إيدهم وخيالهم في أشكال مؤقتة.

أفضل الانواع هي جوفي وفيبركاسل
وفي انواع تانية شعبية شوية ، بتقضي الغرض برضو بشكل مناسب جدا ، وفي نفس الوقت اقل تكلفة نسبيا ، ودي بتكون مناسبة اكتر لما تشتري كارت صلصال ومعاه بعض قطع التشكيل

وفي كمان 👈علب الـ (Play Dough)
العجينة الآمنة الملونة اللي ريحتها حلوة.

مميزاته انه آمن جداً جداً لو الطفل حطه في بقه (مصنوع من دقيق وملح ومواد طبيعية)، وطري ومريح للاستخدام اليومي.

عيبه انه عمره قصير وبيجف بسرعة لو العلبة اتقفلت غلط.

أفضل استخدام: للأطفال من سن صغيرة جداً (تحت الإشراف) عشان يلعبوا ويشكلوا براحتهم من غير قلق.

وده اللي بيتطلب أكتر في المدرسة.

واخيرا 👈 الصلصال الهوائي أو الفوم كلي (Air Dry Clay / Foam Clay) ☁️

الخفيف، الناعم، اللي عامل زي القطن أو المارشملو في ملمسه.

مش بيوسخ الإيد خالص، وزنه خفيف جداً، وبينشف لوحده لو سيبناه في الهواء من غير فرن ولا وجع دماغ.

عيوبه: بمجرد ما بينشف بيبقى ثابت ومش بنقدر نعدل عليه، ولازم نقفل علبته كويس جداً وإلا هيتحجر.

بيستخدم علشان يعملوا مجسمات وشخصيات كرتونية لطيفة وتنشف ويزينوا بيها أوضتهم.

شاركنا في الكومنتات: إيه أكتر نوع صلصال بتحب تستخدمه أو طفلك بيتعمل بيه؟ وسواء كنت بتلعب بيه عشان تفصل أو عشان الشغل

لو علشان المدرسة يبقى علب الـ Play dough هي افضل اختيار.

مكتبة ياسمينا .. مكتبة حلوة في مدينة نصر 💛💙

الفايلات الشفافة U shape هلاقي حد بيبيعها بـ 2 جنيه وحد تاني بـ 5 جنيه ، ده مش فرق أسعار بين مكان والتاني ، ده غالبا فرق...
12/08/2026

الفايلات الشفافة U shape هلاقي حد بيبيعها بـ 2 جنيه وحد تاني بـ 5 جنيه ، ده مش فرق أسعار بين مكان والتاني ، ده غالبا فرق وزن الفايل ، في فايلات خفيفة بتتقطع بسرعة وفايلات متوسطة تستحمل شوية ، وفايلات تقيلة ليك وللزمن.

اختيار الفايل بخليه على اساس طبيعة الاستخدام ، يعني لو ورقة هتتسلم في خلال كام يوم ، فانا مش محتاج فايل تقيل في اي حاجة خالص ، لو فايل هستخدمه لحد اخر السنة يبقى اخليني في المتوسط ، لو فايل هحتفظ في بعقود مثلا او شهادات او حاجة هحتفظ بيها على طول يبقى المتوسط برضو .

لو حاجة هحتفظ بيها مدة كبيرة بس هستخدمها كتير وهطلع وادخل الورق كذا مرة يبقى خليك في الفايل التقيل

ولو احنا بنتكلم عن Supplies المدرسة يبقى خليك في الخفيف او المتوسط.

مكتبة ياسمينا .. مكتبة حلوة في مدينة نصر 💛💙

الـ Post ده مش بوست مكتبة أد ما هو بوست انسان طبيعي .. انا كولي أمر بشوف الـ Supplies list لاول مرة بتكون لها تأثير مفاج...
11/08/2026

الـ Post ده مش بوست مكتبة أد ما هو بوست انسان طبيعي .. انا كولي أمر بشوف الـ Supplies list لاول مرة بتكون لها تأثير مفاجئ شوية.

وببدأ ادور على المكتبة اللي هشتري منها .. وكل ما بسأل اكتر بشوف اسعار مختلفة. وببدأ دماغي تحتار مين وفين الاختيار الصح اللي اطلع منه مشتري الحاجات اللي انا عاوزها (اللي ممكن اكون مش مقتنع ببعضها) وفي نفس الوقت أوفر قدر الامكان لان بداية الدراسة مش Supplies بس .. في مصاريف تانية كتير.

فالتفكير في التوفير هنا أمر أساسي والمخ بيفكر فيه بشكل تلقائي.

بس احنا محتاجين نوقف التلقائية او ننظمها شوية.

وخلي الغلبة للمكان اللي تستريح فيه.
لان بغض النظر عن في أماكن اصلا غالية لسبب او لآخر ..
فالمنتجات فيها تنوع كبير لو عرفته هرتاح اكتر وانا بشتري.

في Posts جاية هنكلمكم عن بعض الفروق في اسعار المنتجات وازاي تختار بناء على احتياجك مش السعر او الدعاية.

مكتبة ياسمينا .. مكتبة حلوة في مدينة نصر 💛💙

07/08/2026

شركائنا 🤝

🔴مؤسسة الخدمات النفسية والثقافية
14 زهراء مدينة نصر - 01099600558
الخدمات المتاحة : جلسات التقييم النفسي للأطفال ، جلسات تعديل السلوك ، جلسات الدعم والعلاج النفسي ، جلسات العلاج الأسري والزواجي ، جلسات العلاج الجمعي.

توفر خصم يتراوح بين 20 - 40 % لخدمات الصحة النفسية للأطفال من خلال قسائم مشتريات مكتبة ياسمينا 💛💙

🔴 BrandsHub
فيلا ٦١ المنطقه الرابعه الحي الثاني التجمع الخامس
01036709009
المنتجات: أشهر براندات الملابس الرجالي الأصلية.

يوفر خصم 10% من خلال قسائم مشتريات مكتبة ياسمينا 💛💙

🔴 عاصم مصيلحي للاستشارات القانونية
14 زهراء مدينة نصر
الخدمات المتاحة: مستشار قانوني متخصص في قضايا الأسرة ، ذو رؤية اصلاحية ، ويهتم بالحلول القانونية التي تضمن السلامة النفسية والاجتماعية للأطفال.

يوفر خصم 25% من خلال قسائم مشتريات مكتبة ياسمينا 💛💙

🔴 G CLUB with Ahmed Goda
14 زهراء مدينة نصر
الخدمات المتاحة: خدمات التسويق الشخصي Personal branding لأصحاب الاعمال.

يوفر خصم 10% من خلال قسائم مشتريات مكتبة ياسمينا 💛💙

في نظريات تسويق كتير بتتكلم عن ازاي التاجر يكسب ولاء العميل. بس هل يا ترى في نظريات بتهتم بازاي العميل يكسب ولاء المكتبة...
06/08/2026

في نظريات تسويق كتير بتتكلم عن ازاي التاجر يكسب ولاء العميل.

بس هل يا ترى في نظريات بتهتم بازاي العميل يكسب ولاء المكتبة (او التاجر أيا كان) ؟ 🤔

احنا مانعرفش في نظريات كدة ولا لا ، بس احنا لما بنتواصل مع الموردين وبنشتري بضاعتنا بنبقى بنفكر في عملائنا بالاسم .. X بيحب كذا وميزانيته كذا ، هنجيب المنتج ده علشان Y هيحتاجه قبل الامتحانات .. الخ.

فمش بس المهم يكون عندنا عملاء كتير ، بس يهمنا يكون عندنا عملاء واثقين فينا
وحابين مشوار المكتبة.

مكتبة ياسمينا .. مكتبة حلوة في مدينة نصر 💛💙

Address

٨١ عمارات الفتح الحي السابع مدينة نصر
Cairo

Telephone

+201115766444

Website

Alerts

Be the first to know and let us send you an email when By Yasmina posts news and promotions. Your email address will not be used for any other purpose, and you can unsubscribe at any time.

Shortcuts

Share