06/08/2026
كلام نهائى فى البكالوريا:
بعد حضور تدريب البكالوريا نقدر نلخص الموضوع فى الاتى:
١. المنهج خمس وحدات فقط وده كلام نهائى
٢. الطالب هيتعامل مع المنهج و الاسئلة من خلال السياق و وجهة النظر
Learning through context and perspective
يعنى ببساطة هتلاقى اسئلة تحتمل اكتر من اجابة كل اجابة ممكن تبقى صح من وجهة نظر الطالب. فى مثال تم عرضه فى التدريب لطالب على مكتب و بيستخدم اللاب توب بتاعه و سألك:
What is he doing?
كل طالب ممكن يجاوب من وجهة نظرة والاجابة تبقى صح.
٣. كلمة السر فى التعامل مع reading a و writing هى JRE. يعنى ايه؟
- Judgement
- Reason
- Evidence
يعنى الطالب هيعبر عن رايه و السبب و الدليل على صحة الراى.
٤. الاسئلة المقالية لن تقل عن 50 % و ممكن تزيد و الكلام النهائى بعد ١٥ / ٨
٥. مفيش حاجة اسمها درس grammar واحد هتشرحه للطالب.
Structure will be implied in context.
ممكن الوحدة تستخرج منها اكتر من درس grammar و ده من خلال reading texts.
٦. القصة بنسبة كبيرة و لكن غير مؤكده
Great Expectations
٧. المواصفات النهائية للإمتحان مش قبل شهر ١٢ و ممكن بعد كده كمان
٨. الطالب ملزم بالحضور و التقييمات و اختبارات شهرية كشرط لدخول الامتحان
٩. فرص دخول الامتحان للمواد الاساسية انجليزى و لغة عربية و تاريخ ٤ محاولات مش اتنين بس. الاولى مجانية و التلاتة بفلوس. محاولتين فى تانية و محاولتين فى ٣. هتقولى طب الانجليزى و العربى فى تانية بس، هقولك ايوه بس ممكن الطالب و هو فى تالتة يمتحنهم محاولتين بفلوس
خلص الكلام. إيه رأى حضراتكم؟
#بكالوريـــا
#ثانوي
