04/09/2026
من فضلكم البوست من غير اسم
أنا أرملة من 6 شهور، وعندي 3 بنات و عايشه في شقتي بعيده عن بيت عيلة جوزي بس أهل جوزي الله يرحمه ناس محترمين جدا ومن يوم وفاته وهما واقفين جنبي أنا والبنات ومقصروش معانا في أي حاجة خالص يشهد ربنا وعايشة في فضل ونعمه
جوزي كان تعبان قبل وفاته فترة جوالي شهرين
وأخوه الوحيد كان دايما موجود وبيساعده وكان زعلان عليه اوي بصراحه وكان نفسه يعمل اي حاجه عشان يتعافى من مرضه لكن امر الله نافذ
وبعد وفاته فضل واقف معانا وبيسأل علينا باستمرار
واي طلب نحتاجها بيعملها على طول وكان معايا خطوة بخطوة في ورق المعاش وورق الوصايه على ولادي
وبصراحة من معاملته ديه ليا ولبناتي خلتني أتعلق بيه وأشوف فيه صفات كنت بتمناها
بس المشكلة انه هو متجوز وعنده طفل ومراته يعتبر صاحبتي ووقفت جنبي جامد في طروفي اللي عديت
وكمان أنا أكبر منه ب ٤ سنين لكن فرق السن مش فارق معايا في حاجه و حاسة إنه مش هيكون عائق بينا لاننا تعرف بعض من زمن وخلاص اتعودنا على بعض وياما هزرنا وضحكنا وخرجنا مع بعض حتى ايام ما كان جوزي عايش بس كله طبعا في حدود الادب والاحترام ومرعاة انه سلفي وانا مرات اخوه وعمره ما تجاوز حدوده معايا لانه هو كشخص متربي ومؤدب ومتعلم
بس المشكلة إني بدأت أحس إن مشاعري ناحيته مش مجرد إعجاب وأنا بصراحة حاسة إنه كمان ممكن يكون عنده نفس الإحساس دلوقتي لكن محدش فينا قادر يتكلم عشان حساسية الموضوع
أنا بفكر أصارحه بمشاعري واشيل عنه الحرج واقوله حتى إني موافقة على الجواز منه لو هو عايز وموافق
وأسيب له القرار و تحديد هو عايز ايه و كل حاجة تبقى برأيه حتى لو قرر إن الموضوع يفضل في أضيق الحدود في البداية او سر خالص
لكن خوفي الحقيقي إنه يكون بيعتبرني مرات أخوه وأم بنات أخوه وبس
وخايفه لو اتكلمت معاه ومكنش في دماغه زي ما انا متخلية أخسره وأخسر الشخص اللي واقف جنبي وبقفل من ناحيتي وتبقى مصيبة كمان لو راح حكى لمراته
مش عارفة اعمل ايه و أبدأ معاه الكلام إزاي ولا حتى اختبر مشاعره ناحيتي ازاي ولا ابدا ألمح له واشوف لو هو عنده نية يتكلم في حاجه زي ديه ولا لا
رايكم ايه ينفع افتح الموضوع بنفسي ولا الأفضل اسيبه هو اللي ياخد الخطوة الأول ياريت تنصحوني بجد لاني حاسه اني مش عارفه افكر وخايفه ابوظ الدنيا والدنيا تخرب مني خالص واتفضح او يتكلموا عليا لو مراته عرفت بالكلام ده وتبقى كارث
