14/10/2024
كنت راكن العربيه على جنب بشتري حاجه ولما رجعت اركب العربيه لقيت بنوته عندها ٩سنين مع واحده ست قاعدين جنب العربيه فلما ركبت العربيه جتلى البنوته عند الزجاج ايلى جنبى ومن غير ما تطلب حاجه طلعت فلوس ونزلت الزجاج واديتهلها
المهم فى كل ده ايلى جاي
شافت البنوته جنبى على الكرسى عيش كيزر
فطلبت منه وانا كنت جايب على قد الاسره بالظبط
فديتها فلوس ثانى وقلتلها اشترى ليكى بالفلوس ديه
ولسه هتحرك بالعربيه حسيت انى مقدرش أمشى واسيبها
بعد ما شافت العيش الكيزر واتمنته فرجعت ثانى
ونديت عليها وديتها
مش متخيلين فرحة الطفله وانا بديها
انا عينى كانت هتدمع حسيتها بنت من بناتى وكأنى بجيب ليها حاجه.
انا روحت البيت كلت انا وزوجتي وبناتى وشبعنا واتبقى عيش سبحان الله بركة من ربنا علينا.
هذا فضل من الله علينا جعلنا نشعر بالآخرين..
الحمد لله والفضل لله وحده.