04/09/2026
#دردشه 🗣️
تعالوا كده أقولكم على حاجة 👂🏻❤️
هو إزاي العميل يقدر يحدد أو يقيّم سعر التورتة، من غير ما يكون عارف أسعار الخامات أو عنده أي خبرة بالمجال؟ 🤔
يعني حضرتك اشتغلت قبل كده في المجال علشان تقول:
"التورتة دي بسيطة، مفيهاش شغل!"
أو:
"إزاي سعرها يبقى كده؟ دي غالية جدًا!" 😅
طب لما تطلب تورتة تكفي 25 فرد، من وجهة نظرك المفروض تكون بكام؟ 🤔
خلينا نتفق على حاجة…
لو عايز تعرف السعر الحقيقي، روح لأي محل مشهور واطلب تورتة مخصوص على مزاجك، وقارن السعر… بس ادفع من غير ما تفاصل أو تدخل في نقاش إن الحاجة غالية أو إنك شايفها مش مستاهلة. 😄
أنا كواحدة ليها خبرة في المجال، ومش هقول خبرة كافية لأن الواحد كل يوم بيتعلم حاجة جديدة، عندي على الأقل خبرة تخليني أقدر شغل اللي قدامي وأعرف هو يستاهل سعره ولا لأ.
بس حضرتك متخيل أنا بستخدم إيه من أجهزة وأدوات؟
ومتخيل كمية الخامات اللي بتدخل في التورتة؟
ومتخيل الهالك اللي ممكن أخسره علشان أوصل للشكل والفينش اللي قدامك؟
ومتخيل إن الفلوس اللي باخدها في التورتة مش كلها مكسب؟!
ممكن اكتر من نص المبلغ يروح ف إن أشتري بيه خامات وأدوات، وممكن أضطر أصلّح عجان أو جهاز تمن إصلاحه يوصل لقيمة تورتة أو أكتر! 😅
وده كله علشان حاجة واحدة بس:
إن اسمي يفضل زي ما هو… بنفس الجودة، ونفس المستوى، ونفس الفينش اللي اتعودتوا عليه. ❤️✨
الحاجات دي مش دايمًا بتبان للعميل، وده طبيعي جدًا…
لأن اللي بيشوفه في الآخر هو التورتة بس، مش كل اللي حصل وراها علشان تطلع بالشكل ده.
فـ شكرًا من قلبي لكل حد بيقدّر شغلي، وخاماتي، ووقتي، ومجهودي، وبيبقى عنده نظرة حقيقية للتعب اللي ورا كل قطعة بعملها. ❤️🙏🏻
وللعلم بس…
هتلاقوني من أرخص الناس اللي بتشتغل في المجال ده، مقابل التعب والمجهود وجودة الخامات والفينش الـ Perfect اللي بطلعه. 😌❤️
واللي جرّب شغلي أكيد فاهم أنا بتكلم عن إيه. 🥰🎂
ودي تورته من داخل تلاجتى النضيفه الصغننه المتواضعه 👇🏻🤭
وكان معاها كب كيك بنفس الوانها بس الوقت ملحقتش اصور 😁🥰
