08/07/2026
🚨 تحذير مهم جدًا قبل ما تشتري أي موبايل “شامل الضريبة”
للأسف اكتشفنا في الفترة الأخيرة إن في بعض التجار بيلفوا على نظام الضريبة بطريقة ممكن توقع العميل في مشكلة كبيرة بعد كده.
كل موبايل حاليًا ليه رقمين IMEI، والمفروض عند سداد الضريبة يتم تسجيل الرقمين على تطبيق تليفوني.
لكن اللي بيحصل إن بعض التجار بيدفعوا الضريبة على IMEI واحد فقط، أو بيجمعوا IMEI من جهازين ويدفعوا عليهم ضريبة واحدة، ويبيعوا الجهاز للعميل على إنه “مدفوع الضريبة بالكامل”!
طيب التاجر استفاد إيه؟
لو ضريبة الجهاز حوالي 31,500 جنيه، فهو بيوفر جزء كبير من قيمتها، وبالتالي يقدر يبيع بسعر أقل من أي تاجر بيدفع الضريبة بالطريقة الصحيحة، ويحقق مكسب أكبر في نفس الوقت.
لكن مين اللي هيدفع الثمن؟
للأسف… العميل.
أي تحديث للنظام أو غلق للثغرة دي، ساعتها هيظهر إن الجهاز الضريبة بتاعته مش متسددة بالكامل، وصاحب الجهاز هيكون مطالب بدفع الضريبة المتبقية، واللي ممكن توصل إلى 31,500 جنيه، بدل ما كان فاكر إنه وفر كام ألف جنيه.
❌ متشتريش موبايل لمجرد إنه أرخص من السوق.
✅ اطلب دائمًا التأكد إن الرقمين IMEI مدفوع عنهم الضريبة، لأن ده حقك، وأمان ليك.
التوفير الوهمي النهارده… ممكن يكلفك أضعافه بكرة.
ومتخليش فرق كام ألف جنيه يخليك تتحمل مشكلة أنت مالكش ذنب فيها.
