11/01/2025
جماعة بعد اذنكم مفيش حجز تأنى
أنا بقدر الناس الناس مش ملتزمة بكلامها للاسف
لما ابقى منزلة ليكى ستارة ب١٥٠ج
طولها ٢٧٠يعنى داخلة فى ٣متر قماش غير تمن الشريط والحلقات غير بقى القص والتفصيل والسرفلة والتخريم وتركيب الحلقات علشان فى الاخر حضرتك تاخدى حاجة محترمة وبالسعر ده يبقى بصراحة احنا عاملين اللى نقدر عليه اوى ادخلى المحلات الكبيرة وشوفى نفس الخامات اللى عندى دى وكمان أقل فى الفنش والتشطيب بكام
أنا مش ساعة ما ربنا كرمنى بالشغل من اكتر من ٨سنين وانا بحاول اوفر لست البيت كل حاجة تحتاجها بأقل سعر وأفضل الخامات والغالى موجود والوسط موجود مفيش الأقل ده مش بدخله المحل اصلا
ولولا اختلاف الاذواق لبارت السلعة واحنا متفقين على كده
بلاش تعطلينى بعد ازنك فى احترام كده بقولك بعد ازنك
وانا مش بعمم علشان فى ناس معايا قد كلمتها ستات ورجالة كلمتها واحدة 👌💪بشكرهم الصراحة
أنا مش هنزل اسكرينات بكمية حجز وفى الاخر مفيش حد استلم غير القليل
وابعت لحضرتك هتستلمى الرد اه جاية اه بكرة اصل حصل ظروف اصل وفصل وحجج
السؤال بقى انتى لو مش محتاجة الحاجة ايه لزوم انك توقفى حال غيرك أنا الترمت معاكى بحجز تدخلى زبونه محتاجة اللون اللى حضرتك حجزاه اضطر اقولها محجوز للاسف وتمشى طب ليه اللى بيحصل ده
حتى مفيش تقدير زى ما قدرتك وتعتذرى عن الحجز برسالة ياستى
الحاجة هتطلع لالف غيرك
أنا اكتر حاجة اكرهها فى الشغل عدم التقدير بصراحة
متزعليش منى بعد كده 🥲
