22/07/2017
حكاية عشق # # #
فكرة ملابس المحل جتلى لما كنت بلف علشان اشترى لولادى لبس من اى مكان سواء ف كوم حماده او خارجها
كنت بشترى ولبس غالى بس مكنتش بقتنع 100% باللبس لحد ما عرفت شغل الباله مبقاش الموضوع موضوع لبس وخلاص
الموضوع بقى عشق لكل قطعه بشوفها ف الشغل ده والمس خامتها بايدى
اد ايه الاجانب عندهم ذوق عالى جدا واهتمام بالخامات
المهم فيه ناس كتير بتدخل المحل على اساس ان اللبس بواقى تصدير
يا جماعه اللبس بتاعنا استعمال خارج استعمال اجانب بواقى التصدير ده شغل مصرى كله غير الاستعما
فيه ناس بتدخل لما تعرف تخاف وتقولك يكون فيه مرض او حاجه وكلام كتير غيره
اولا اللبس بمجرد غسله مفيش اى مشكله فيه انا ولادى كان عندهم حساسيه من اللبس الجديد وبمجرد لبس المستعمل
بخاماته القطنيه العاليه اختفت المشكله
عاوزه نفس الذوق ونفس الاشكال بس جديد اوكى محلات التوكيلات ف كل مكان بس سعر القطعه اقل حاجه من 300 جنيه
وهيا دى الفكره انى البس ولادى حاجه ذوقها عالى جدا وخامه عاليه بس بسعر اقل بكتير من اسعار المحلات الاستغلاليه
وفيه حاجه الشغل ده مع الغسيل بيبقى احلى واحلى والالوان مستحيل تبهت وبيزيد جماله بعد كل غسله
حبيت اعرفكم بس طبيعة الشغل علشان لقدر الله قفلنا لاى ظرف تدور ع اللبس ده ف اى مكان وتشتريه
وكل اللى جرب الشغل ده عرف قيمته
