29/07/2026
أعمل ايه في أول سيشن عشان اظبط الانطباع الأول عني؟!
بص يا عزيزي الTeacher عشان تعمل Rapport جامد مع الطلبة بتوعك في 3 حاجات مهمين.
1-Respect
لازم تحترم الطلبة بتوعك عشان يحترموك. خليك ايجابي معاهم وبلاش تحكم على حد من خلال مظهره أو طريقة كلامه وبلاش تديله انطباع انك أعلى منه.
2-empathy
انك تبقى قادر تشوف الدنيا من منظوره هو وقادر تحط نفسك مكانه. مش مجرد انك عايز تأدي اللي عليك وتخلص وهو بقى فهم مفهمش جه بدري متأخر ملكش فيه. لا انت بتعامل انسان مش آلة.
3-Authenticity
من الآخر انك تكون نفسك. متحاولش تتصنع وتعيش الدور. خليك بشخصيتك الطبيعية عادي جدا متخبهاش ورا ال title بتاعك. أعرف ناس كتير بيحبوا يترسموا ف الكلاس وعايشين الدور أوي وهم برة الكلاس حمادة تاني خالص متعش الدور يا عم الله يباركلك خليك بطبيعتك.
