18/07/2026
بورتريهات الفيوم (او بورتريهات مومياوات الفيوم) هو الاسم الحديث لمجموعة من اللوحات اللى اترسمت على الخشب و كانت بتتلزق على المومياوات فى مصر ايام الرومان.الرسومات دي اتلقت فى كل انحاء مصر بس اهم و اكبر مجموعة كانت موجودة فى الفيوم و اللى منها جه اسم البورتريهات. المصريين القدام كانو بيحطو قناع (ماسك) على الموماويات علشان تتعرف عليه الروح و يمكن هو دا الاصل اللى ورا البورتريهات بتاعة الفيوم.اللوحات ابتدت تترسم فى القرن الاول قبل الميلاد و مش معروف بالظبط امتا بطل المصريين العرف او التقليد دا و الدراسات الحديثة قدرت انه استمر لحد القرن التالت الميلادي و بعديها بدأت تظهر الايقونات المسيحية القبطية اللى بتعتبر امتداد للفن المصري ده.
