20/02/2020
انهاردة إن شاء الله هيكون كلامنا عن دراسة الجدوي لمشروع الارنب😊🐇
عاوز اقول حاجة في الاول وهي أن دراسة الجدوي الي عقولها هتكون ل10امهات ودكرين ودا أقل عدد هتقدر تحقق منه دخل محترم وتحس أن المشروع جايب همه وزيادة مع العلم انك لو لسه مبتدأ تماما ومتعرفش حاجة عن المجال فممكن تجرب في نتايتين ودكر لحد ما تتعلم وبعد كدا تزود العدد من انتاجك 👀 وكمان الدراسة دي للناس الي ممعهاش رأس مال كبير وعايزة تبدأ مشروعها لكن لو في رأس مال اكيد حاجات كتير هتكون مختلفة😊
مبدأيا هنحسب التكاليف :
١-١٠امهات ×٢٠٠ جنيه سعر الام البكر =٢٠٠٠جنيه
٢_دكرين×٢٥٠ جنيه سعر الدكر البالغ عمر ٧شهور =٥٠٠جنيه
١٢عين امهات +٢٠ عين فطام =٣٥ عين×٥٠ جنيه سعر العين المتوسطة=١٧٥٠جنيه
٤-العلف هيكون حوالي ٨ شكاير للامهات والذكور والفطام حتي بيع أول دفعة يبقي ٨×٢٧٠ سعر الشكارة =٢١٦٠جنيه
٥- المياة والكهرباء والمصاريف النثرية حتي بيع أول دفعة =200جنيه
٦- مكانك يكون مظبوط وجيد التهوية ولا يوجد به حشرات أو حيوانات أو طيور مع الارانب ودي هتحتاج منك تتعب شوية عشان تظبط المكان صح لان المكان مهم جدا
إجمالي التكاليف= ٦٦١٠
كدا التكاليف تمام😂💪
ندخل بقي في الأرباح :
١- ١٠ امهات متوسط إنتاج الام ٧ يعني ٧٠ حتة فطام علي عمر ٣٥يوم يكون متوسط الوزن بالميت ٧٥٠ جرم
٢-في خلال ٣٠ يوم يكون عمرهم ٦٥يوم ويكون متوسط الوزن ١٩٠٠ جرام
يعني ٧٠×١,٩٠٠=١٣٣ كيلو× ٤٥ جنيه متوسط سعر الكيلو =٥٩٨٥ جنيه
اي دا يعني أنا خسرت😡
لا انت مخسرتش انت لميت يعتبر ٨٥٪ من التكاليف بتاعتك ولسه عندك المشروع !!! طب أنا هكسب ازاي ؟؟ هقولك
الأمهات طبعا هتكون متلقحة بعد الولادة بعشر ايام يعني هتكون بتبيع الدفعة الأولي وبتفطم الدفعة التانية
الدفعة التانية هتقعد عندك شهر هتاكل علف هي والأمهات والذكور ٨ شكاير زي ما قولنا يعني ٢١٦٠ جنيه
هتبيع الدفعة التانية بردو ب٥٩٨٥
اذن هيكون مكسبك من الدفعة التانية ٥٩٨٥-٢١٦٠=٣٨٢٥ جنيه
تشيل منهم ٦٢٥ جنيه بقيت التكاليف بتاعتك يبقي فاضل
٣٢٠٠ ودا هيكون مكسبك في شهرين ي هندسة😂ماعدا اول مرة هتستني ٣ شهور
طبعا مع الوقت انت هتحتاج تكبر المشروع فتبدأ تسيب إحلال من عندك وهيقل المكسب بس هيساعدك علي انك تكبر مشروعك وهيرجعلك باضعافه تاني
نصيحة أخيرة مني 😚
ابدأ مشروعك في الشتاء ولما الموضوع بظبط معاك ابدأ ظبط مكانك وركب خلية تبريد وشفاط عشان متخسرش في الصيف وتصفي مشروعك 🤔
إن شاء الرحمن البوست الجاي هيكون عن اي الي مطلوب منك بعد ما جبت الارانب وانشأت مزرعتك😄
متنسوش اللايك والشير ولو حد عنده استفسار او مشكلة يكلمنا علي رسايل الصفحة
#جولدرابت 🐇🐇
