صيدلية د/ آية محمود الجميل

06/06/2025

22/05/2023

لو بتدوخ دوخينى يا لمونه DIZZINESS فكر فى ودانك الجوز لا مؤاخذة ياصديقي..بوصلتك فى ودانك فين فوق وفين تحت وبعيد قد ايه وطرى ولا ناشف ده بردو بتحدده ودانك ياصديقي..لو التهابات أذن او احتقان زور او مخبوط او صوت عالى أو مريض سكر او سنك كبير او دال تلاته أقل من 60 او انيميا فبالتالي مشكله تدفق دم للأذن ودوخه وميل للقيء وقرفان وعايز الحمام لامؤاخذه ياصديقي..البيتاسيرك 16 والإستيجرون مرتين ومجموعه فيتامين (ب) العظيمه ياصديقي..نبات الجينكو بيلوبا شفااااااء ويدور ويحرك فيك الدم ويفتح نفسك على الحياه ويظبطلك الكلام ياصديقي..الجنزبيل منقوع ويكون مصحح وحبيبنا خل التفاح العضوى الأصلى وأمنع الأكل الغلط مسبب الالتهابات زى السكر والدقيق واى حاجه عدت على مصنع واللبن البقرى والمقلى وممكن تاخد مضاد حساسيه فتره قصيره ياصديقي..وسبحان من وهب لنا السمع والبصر لنتزن على قدمين ياصديقي..بس خلاص.

22/05/2023

👈ليه بنفضل نتابع أدوية زي الماريڤان بتحليل ال INR خصوصا؟
👈١-الماريڤان من أشهر أدوية السيولة anticoagulant واللي سبق واكلمت عنها بالتفصيل ..وعادة بيتم متابعة جرعتها بتحاليل السيولة وخصوصا بتحليل ال prothrombin time وده النورمال بتاعه بيبقى لحد ١٣ ثانية تقريبا..بس المشكلة إنهم لقيوا إن التحليل ده خصوصا بتختلف النورمال بتاعته من معمل للتاني باختلاف التكنيك المستخدم ..طيب إيه الحل؟
👈٢- الحل إننا هنعمل نسبة بين ال pt اللي طلع قي العينة مع النورمال pt بتاع المعمل فالمفروض تكون تقريبا النسبة الطبيعية للشخص العادي تطلع واحد صحيح..وحطوا حوالي 0.2 فوق وتحت ك variation وبالتالي أصبح النورمال من 0.8 ل 1.2 والنسبة ديه سموها international normalized ratio أو ال INR وطبعا ممكن نحتاج تكون أعلى من 1.2 مع بعض المرضى اللي عندهم مخاطر عالية للجلطات يعني مع الماريڤان بنفضل تكون النسبة تتراوح ما بين ال 2 لل 3..وظه على أساسه بتحدد هل محتاج تزود الجرعة ولا تنقصها..وطبعا ده بيكون كل أسبوعين المفروض يتعمل أو على الأقل بصورة شهرية..لكن متبقاش جرعة الماريڤان جرعة مطلقة وثابتة أبدا.

19/05/2023

السيلينيوم Selenium معدن نادر ونفيس وحيوى وعامل مساعد والتككه الأخيره لتفعيل وتنشيط 25 بروتين مختلف ومهم وأساسي ياصديقي..السيلينيوم بينشط بروتين بيخلق ويوجه الحيوان المنوى تجاه البويضه ومن غيره عقم لأن الحيوان المنوي هيلف حولين نفسه دوخينى يا لمونه للأسف ومكناش جينا وبنتكلم يا صديقي..السيلينيوم المحترم بيحول هرمون T4 الغير نشط إلى T3 النشط والفعال ومن غيره قصور غده درقيه وهمدان وكسلان وبردان ودمك تقيل ووزنك زايد وألم فى رقبتك وشعرك هايش وبيتساقط ياصديقي..بينشط الكبد لانه بيلعب ويلاعب ويصنع ويخلق (الجلوتاثيون) الرهيب ومتنساش أسمه واللى هوا مضاد أكسده أول وأيقونه ومضاد التهابات فعال ومنظم مناعه ومن غيره تضخم قلب وسرطانات وخمول والانسان يعطل وتنهار الصحه بعيد عنك ياصديقي..السيلينيوم للمناعه والطاقه والرجولة ومن غيره ضباببه فى الدماغ وتركيز صفر وعضامك مكسره ومش قادر ياصديقي..بيتركز فى الغده الدرقيه ويفعل انزيماتها وينشط الكبد ويضاد اكسده انسجه الكلى ويجدد خلاياك لانه بيدخل ف تصنيع الDNA وبالتالي تصنيعك انت نفسك ياصديقي..فى البيض البلدى واللحمه والكبده وشوربة العضم وكل حاجه من البحر والحاجات الخضراء والخميره والبقوليات المنقوعه والمكسرات خاصه الجوز البرازيلي ربنا يرزقنا ويرزقك ياصديقي..ببنضف جسمك من الزئبق والرصاص والألمونيوم وباقى المعادن الثقيله ويقاوم الفيروسات والسموم ويجيبلك نونو ويقوى ذاكرتك وممكن تجيبه كبسولات يوميا تلت شهور من الصيدليه باسم Selenium ACE أو أى إسم تانى وأمنع الأكل الغلط اللى بيستنزفه زى السكر والدقيق واى حاجه عدت على مصنع واللبن البقرى و المقلى وعالج مشاكل جهازك الهضمى عشان تمتص السيلينيوم النفيس من 50..300 ميكروجرام يوميا بالهنا والشفا ياصديقي..والسيلينوم معدن فى الأرض وقاع البحر يحقق كلام ربنا سبحانه منها خلقناكم بالمعنى الحرفي فسبحان من خلق السيلينيو ..بس خلاص .

14/05/2023

خدعوك فقالو إن فيتامين (ب) اتناشر B12 هوا أهم فيتامين لآلام أسفل الضهر مع ان الصح هوا فيتامين(ب) اتنين B2 اللى إسمه الريبوفلافين مع احترامنا الشديد وحبنا وتقديرنا وإنبهارنا وتعصبنا للفيتامين (ب) اتناشر ياصديقي..الريبوفلافين مظلوم ومش معروف وحقه مهضوم مع إن من غيره جسمك مش هيمتص اى فيتامين تانى من مجموعة فيتامين (ب) مهما كان كتيييييير ياصديقي..مهم للعين والأعصاب والأغشيه المخاطيه والماده الوراثيه ويحميك من السرطان ويساعد على النمو ويقلل التوتر ياصديقي..بيبنى أعصابك وجلدك ومن غيره خد عندك تشقق زوايا الفم ومتعرفش تضحك وتضخم واحمرار لسان وينعم ومتعرفش تطلع لسانك وتقرحات فم ومتعرفش تاكل ودهون حوالين الأنف وشكلك يبقى غريب وانت مش انت هزلان تعبان ولونك مخضر وآنيميا ورعشه وتنميل أطراف ووسطك مكسور وعينك بتدمع وبتحمر ونظرك يضعف وصداع نصفى وفقدان للشهيه وللسمع بعيد عنك ياصديقي..موجود فى اللحمه والكبده والطيور والاسماك والبيض والجبن واللبن والمكسرات والفول والورقيات الخضراء وعيله الكرنب والخميره وغيرهم ياصديقي..تخيل إن الريبوفلافين بينشط إنزيمات بتخلق الماده الوراثيه DNA وتدى خلاياك الطاقه يبقى اقولك عنه ايه واللا ايه واللا ايه ياصديقي..اقولك احمد ربنا سبحانه اللى خلق لك الريبوفلافين B2 الرهيب ياصديقي.

05/05/2023

نووم العوافي مش هيجيلك وهيخصمك ليالى طويله لو نقص في جسمك المغنيسيوم Mg العبقري بتاع النوم والروقان ياصديقي..هتفضل ساعتين قبل ما تنام تمد فى رجلك وتلمها عشان تمللمل القديمين اللى بيحصل عشان نقص المغنيسيوم والثيامين اللى هوا ب واحد B1 واللى بيساوي فى وجهة نظري 1000 فيتامين ياصديقي..شدد عضلى مؤلم ليلا وكمان بالنهار بمجهود ومن غير مجهود وبلزمه ومن غير لزمه لو نقصك معدن الراحه اللى هوا المغنيسيوم Mg ياصديقي..اكتر من تلتميه 300 عمليه حيويه انزيميه تخص الأيض والتفكير والطاقه وغيره مبيحصلوش إلا فى حضور الأفندي اللى اسمه المغنيسيوم Mg العبقري والمنشط للإنزيمات ياصديقي..انسولينك بيعتمد عليه امتصاص دال تلاته D3 بتاع الشمس و العضم والمناعه والنفسيه والمضاد للالتهابات بيعتمد عليه حالتك الجنسيه المتينه والمستمره والمتفجره انت والهانم بيعتمد علي المغنيسيوم بتاع الروقان ياصديقي..من غيره يحصلك امساك وامعاءك تكاد تكون مشلوله ومن الآخر المغنيسيوم Mg هوا اللى بيدخلك الحمام بسلام لامؤاخذه ياصديقي..أهميته فى العضم ومنع هشاشته راس براس مع الكالسيوم ويمكن اهم منه فى البناء والصلابه وتقليل ومنع الالتهابات..لو عينك بترف وجلدك بيقشعر من غير سبب والاكل فاقد طعمه ومبتحلمش وريقك ملزق ومشاكل جهاز هضمى وهرش مناطق حساسه فكر على طول فى المغنيسيوم العبقري ياصديقي..بيظبط ضربات القلب السريعه وينظم ضغطك ومن غيره ضغطك يرتفع ويعالج الاكتئاب ومقاومه الأنسولين ومش عارف اقولك ايه واللا ايه عن المغنيسيوم العبقري ياصديقي..موجود فى الحاجات الغاليه للأسف زى اللحمه والكبده والاسماك والبيض والمكسرات والذي منه لاكن بردو موجود فى اللب بأنواعه والبقوليات المنقوعه و الخضروات والفاكهه كلها و الورقيات الخضراء وشوربة العضم او فوار ابيماج من الصيدليه مرتين يا صديقي..أنصحك بالليمون بقشره خلاط دون سكر مع اى حاجه لونها أخضر وخياره واشربهم طازه هيجيلك المغنيسيوم العضوى المريح ومتنساش تدعيلى

03/05/2023

فيتامين K2 كاف اتنين(Menaquinone) مش موجود فى الطبيعه ياصديقي..بيتصنع بواسطه البكتيريا النافعة اللى فى امعاء الحيوانات والطيور والاسماك عن طريق تحويل كاف واحد K1 اللى موجود في الحاجات الخضرا واللي بيدوب فى الدهون واللى بيحميك من النزيف ياصديقي..وبعد ما يتصنع تمتصه امعاء الحيوانات و تلاقيه فى دهون الحيوانات والطيور وكبدهم وكلاويهم والمخ والبيض والسمك و الزبده البلدى والسمنه والجبن الصفرا ولو خمرت خضروات هتلاقى فيها كاف اتنين ياصديقي..بيحميك من ترسيب ووجود الكالسيوم فى غير مكانه الصحيح((العضم والسنان)) فبيشيل الكالسيوم من الكلى فمفيش حصوات ويشيل الكالسيوم من الاعصاب فميحصلش تنميل ويشيل الكالسيوم من المراره فميحصلش حصوات ويشيل الكالسيوم من عروقك فميحصلش تجلط وميحصلش شوكه عظميه ولا جير سنان وياخد الكالسيوم ده كله ويحطه فى العضم والسنان فخد عندك عضام حديد وسنان قويه ياصديقي..من 50..ل 100 ميكروجرام كاف اتنين الرهيب يوميا فى صوره mk7 واسمه فى الصيدليه Mena-Q 90..ومعاه عشره آلاف وحده من دال تلاته بعد الغدا يوميا ويا سلام لو معاهم كبسوله أملاح مراريه عشان تهضمهم وتمتصهم وتمنع ترسيب الكالسيوم وتفك جسمك وتليينه وتحمد ربنا على نعمه كاف اتنين ومتنساش تدعيلى

30/04/2023

البيض Eggs ياصديقي بيزعلني أنا وأنت فى السعر وبيصلحنا بفوايده منقطعة النظير وسوبر فود وبتاع كله ..أنقى بروتين لدرجه أنه شفاف ..معادن نادره زى اليود بتاع الغدد والسيلينوم بتاع الكبد وتنشيط الدرقيه والزنك بتاع المناعه والجلد والذكاء والرجولة والتخصيب عند الإناث ياصديقي..ومعادن غير نادره زى الكالسيوم والفسفور والل هيخليك تنور لأنه بتاع الطاقه والعظام والدوره الدمويه والمغنيسيوم بتاع الراحه والبوتاسيوم بتاع القلب وحمض المعده ومقاومه الأنسولين ياصديقي..البيض فيه حديد ونحاس بتوع الانيميا ومنجنيز المضاد للسرطانات..البيض حقيقى غنى بالكولين بتاع الذاكره والتركيز وعلاج الكبد الدهنى واللى بينزلك فى الوزن ياصديقي..كمان البيض فيه الاميجا تلاته حبيبه قلبى اللى بيتكون منها مخك وأعصابك وتمنع تجلط الدم وأقوى مضاد التهابات ده غير صبغين عظيمين ورهيبين اسمهم ((زاثين وليوتين)) اوعى تنسى أسمهم لونهم برتقالي محمر وبيبنولك شبكيه عينك ويحموك من العمى لا قدر الله ياصديقي.. دهون صحيه وأربع فيتامينات بتدوب فيها دوب وهما دال تلاته بتاع امتصاص الكالسيوم وكاف واحد اللى بيحمى من النزيف وكاف اتنين اللى بيمنع ترسيب الكالسيوم وههE مضاد السرطان والف A العظيم بتاع النظر والمناعه والجلد وعلاج تقرحات الأغشيه المخاطيه واللى بنسموه ريتينول ياصديقي..البيض يكون بلدى والفراخ متربيه فى الخلاء والقلى بالسمنه البلدى والحاجه الوحيده اللى مش عنده فيتامين سي المحترم للأسف ياصديقي..سبحان الرزاق العظيم..ومتنساش تدعيلى ياصديقي بس خلاص

22/03/2023

👈بالنسبة لجرعات الأنسولين طويل المفعول زي اللانتوس وقصير المفعول زي النوڤورابيد فطبعا هنحتاج برضه نعدل جرعتها في رمضان.

👈١-بالنسبة لجرعة الأنسولين طويل المفعول زي اللانتوس مثلا فتعديل الجرعةت بيعتمد هنا حضرتك بتاخده مرة ولا مرتين..وهيكون كالتالي:
⛔لو حضرتك بتاخده مره يوميا فهنقلل من الجرعة بمقدار من ١٥ ل ٣٠٪ وهناخدها مع الافطار .
⛔لو حضرتك بتاخد جرعتين يوميا..هناخد جرعة الصبح مع الافطار عادي وجرعة بليل هناخدها مع السحور بس هنقلها بمقدار ٥٠٪.
👈٢-بالنسبة للأنسولين قصير المفعول زي النوڤورابيد والأكترابيد مثلا فهنا تعديل الجرعة هيكون كالآتي:
⛔جرعة الفطار هتفضل زي ما هي مع الافطار..جرعة الغدا هنطنشها ونشيلها خالص..جرعة العشا هتكون مع السحور وهنقللها بمقدار من ٢٥ ل ٥٠٪.