27/06/2026
Maaliif akka galgalli barataa cimaa, yeroo baay'ee, harka barataa isa cimaa hintaaneetti akka kufuuf deebii quubsaa qaba. Itti dhiyaadhaa ilaalaa. .......?
Hiyyeessotaa fi dureessota!
Poor dad kana jala phd cirtificate baatee hiyyeessa akkamitti ta'e,Richi dad kana jala immoo kutaa 8 qofa baratee duroomeera...akkamitti?
Barnoonni callaatti yoo hin jijjiiramne kaanserii sammuu namatti ta'a,warreen akkasii akka isaan hin jijjiiramne kan godhu confort zone(haala keessa jiran haala mijataadha jedhanii of amansiisuu isaaniidha)kanaaf kallattii kamiin iyyuu waanta biraa yaaduu fi hojjechuun kufaatii itti fakkaata,jireenyi isaanii miindaa ji'aa isaanii qofaan daangeffamaa jechuudha,Kanaaf yeroo kam beekumsa utuu qabanii garba ta'anii jiraachuuf saaxilamu,yeroo hunda maallaqni isaan argatan isaan waan hin geenyeef wantota gurguddaa karoorsuu hin danda'an,kanneen wantoota guguddoo fedhan immoo hatuu,matta'aa fudhachuu fi k.k.f n hawwaasaa fi waaqaan wal dhabanii jireenya gammachuu hin qabne jiraatu.
Kana hunda kan isaanitti fide of ilaaluu dadhabuu isaaniiti,utuu dhuguma dandeettii isaanii beekanii akkas garba ta'anii hiyyummaa jala hin jiraatan ture. Yoona uffata meeqa jijjiirrachuuf guyyaatti 3 foon nyaattee dhugaatiin garaa of ruurressaa ooluun jireenya sitti fakkaata ta'a,of hin gowwomsin lafa kanarratti kan ati uumamteef hojjechaa ooltee biddeen nyaattee buluuf miti,namni hundi akeekaa fi kaayyoo waaqayyo isa uumeef qaba,gara addunyaa kanaa gaafa dhuftu iccitii addunyaa kanaaf furmaata ta'u waaqayyo si keessa kaa'eeraa jechuudha,ati garuu isa hubattee ofiifis dhalootaafis furmaata ta'uu irra biiroo namaa keessa ruuqamtee waa'ee qaala'insa jireenyaa mataa cabaa oolta.
Qarshiin duroomuun siif hawwaa jira sitti hin fakkaatin,qarshii danuu qabaatee mandarakee keessa raata'aan meeqatu jira,Wanti an siif hawwu inni guddaan mul'ata qabaachuu keedha,yeroo tokko tokko nama danuutti gaa'ila dhaabanii daa'imman barsiifatanii hojii qabsiisuun mul'ata itti fakkaata,Mul'anni maaliree.....akkamiin mul'ata kee beektee irratti hojjechuu dandeessa? Birmadummaa dinagdee akkamiin goonfachuu dandeessa?
Barreessaan Roobert Koyaasaakiidha. Garaagarummaa hojjetaafi hojjechiisaa jidduu jiru isa sirrii lafa kaa'a. Sooressi maaliif akka soorome, hiyyeessi maaliif akka hiyyoome suura kaasee namaa ibsa. Maaliif akka galgalli barataa cimaa, yeroo baay'ee, harka barataa isa cimaa hintaaneetti akka kufuuf deebii quubsaa qaba. Itti dhiyaadhaa ilaalaa.
"Abbaa laman qaba!" jechuun eegala, barreessichi karaa kitaaba isaa kanaa (RICH DAD, POOR DAD). 'Ajaa'iba! Abbaa lama irraa dhalatuu?' jechaan dubbisuu itti fufe. Innis hin dhaabne, ittuma fufa. Abbaan isaa inni tokko sooressa, inni biraan immoo hiyyeessa akka ta'etti hima. Abbaan isaa inni tokko baay'ee kan barateefi digirii hedduu of harkaa kan qabudha. Faallaa kanaa, abbaan isaa inni biraan immoo kutaa 8ffaa iyyuu kan hin xumurredha. Lamaanuu hojii isaaniitti cimoofi milkaa'oo ta'uun immoo wal isaan fakkeessa. Garuu inni tokko rakkoo maallaqaan mudatama, inni biraan immoo nama sooressa beekamaa ganda isaaniiti. Inni tokko doolaara miiliyoona kudhan maatii, mana waaqeffannaa isaafi gargaarsa biraaf dhiisee du'e. Inni biraan immoo, waraqaa ittiin liqiin irraa kanfalamu dhiiseefii du'e. Inni kun, isa hiyyummaa dhala isaa dhaalchisee du'edha.
