Read me bookstore

30/07/2026

ስህተት የመሥራት ፍርሃት እርምጃ ከመውሰድ ሲያግዳችሁ
የውድቀት ወይም የተሳሳተ ውሳኔ የማሳለፍ ፍርሃት ወደፊት እንዳትራመዱ የሚያስራችሁ ከሆነ፣ ጥንቃቄያችሁ እንደ ጥንካሬ ማገልገሉ ቀርቶ እንቅፋት ሆኖባችኋል ማለት ነው።
ከዚህ አይነቱ ስህተት ራስን ለመጠበቅ፣ ማድረግ በፈለጋችሁት ሁኔታ ዙሪያ በሚገባ ማሰብ፣ ማቀድና ሊደርስ የሚችለውን ችግር ተሻግሮ የመሄጃ ዝግጅት ማድረግ አስፈላጊ ነው፡፡
አንድን ነገር ለማድረግ ያደረባችሁ ጉጉት ሚዛናዊ ጥንቃቄ እንዳታደርጉ ከገፋፋችሁ
ነገሩን ለማከናወን ያላችሁ መነሳሳት ከማቻኮሉ የተነሳ ያለ ጥበብ፣ እቅድ ወይም ያለ በቂ ዝግጅት በጥድፊያ እንድትራመዱ የሚያደርጋችሁ ከሆነ፣ እርምጃችሁ ጉዳት የሚያስከትል ሊሆን ይችላል፡፡
ከዚህ አይነቱ ስህተት ራስን ለመጠበቅ፣ ለጋለው ስሜታችሁ ጊዜን መስጠት፣ በሁኔታው ዙሪያ የበሰሉ ሰዎችን ማማከርና እውነታ-ተኮር እቅዶችን ማውጣት አስፈላጊ ነው፡፡
ዋናው መርህ ሚዛንን መጠበቅ ነው፦ በድፍረት እርምጃ ውሰዱ፣ ነገር ግን ከማስተዋልና ከጥንቃቄ ጋር ይሁን።

መልካም ምሽት! Eyob Mamo

28/10/2022

28/10/2022

“… ያችኛይቱ ሔዋን ከአዳም ተገኝታ የተሠራችና አዳም ወደ እርስዋ እያየ ‘ይህች አጥንት ከአጥንቴ ይህች ሥጋ ከሥጋዬ ናት’ የሚላት ናት፡፡

ይህችኛይቱ ሔዋን ድንግል ማርያም ግን ከአዳም ጎን የተገኘች ሳትሆን አዳምዋ ክርስቶስ ሥጋው በጅራፍ ግርፋት ሲቆስልና አጥንቶቹ ሲቆጠሩ በጭንቀት እያየች ‘ይህ አጥንት ከአጥንቴ ነው ፤ ይህ ሥጋም ከሥጋዬ ነው’ የምትል ሔዋን ናት፡፡

የቀደመችዋ ሔዋን አዳምዋ በእርስዋ ምክንያት ጠፍቶ ‘አዳም ሆይ ወዴት ነህ?’ ተብሎ ሲፈለግ በዛፎች መካከል ሆኖ ከአባቱ ከእግዚአብሔር ‘ፈርቼ ተሸሸግሁ’ የሚል አዳም ነበረ::

ሁለተኛይቱ ሔዋን ድንግል ግን አዳምዋን ፍለጋ የምትጨነቅና ወዴት ነህ? ስትለው አዳምዋ ‘በአባቴ ቤት እኖር ዘንድ እንዲገባኝ አታውቁምን’ ብሎ የሚመልስላት ከአባቱ እቅፍ ያልተለየ አዳም እናት ናት፡፡

ለድንግል ማርያም ክርስቶስ ከእርስዋ የተገኘ አዳምዋ ብቻ ሳይሆን በቀናተኞቹ ቃየኖች አይሁድ በግፍ የተገደለባት አቤልዋም ጭምር ነው፡፡ ልዩነቱ የአቤል ደም ወንድሙን የሚከስስ ደም ሲሆን የእርስዋ ልጅ የክርስቶስ ደም ግን ‘ከአቤል ደም ይልቅ የሚሻለውን የሚናገር’ ‘ከኃጢአት ሁሉ የሚያነጻ ደም’ ነው"

ዲያቆን ሄኖክ ኃይሌ
የብርሃን እናት ገጽ 103