Omega Books

09/10/2026

ጥንቆላ እና ተያያዥ ጉዳዮች በኢትዮጵያ
◄◆◆◆◆◆◆◆◆◆◆◆◆◆►
ኢትዮጵያ የክርስትና፣ መንፈሳዊነትን ከምሥጢራዊነት ጋራ የሚያቀናጁ፣ ብዙ ጊዜም የንጉሥ ሰሎሞንን ስም እና ሥልጣን የሚጠቅሱ፣ አስደናቂ የአስማት እና ለፈውስ እየተባሉ የሚጻፉ ክታቦች (Magical Scrolls) እና ዕውቅ ልማዶች ይገኛሉ። እነዚኽ በዐዋቂዎች የሚዘጋጁ ክታቦች፥ ሰዎችን ከክፉ መናፍስት፣ ከበሽታዎች እና ከመጥፎ አድል የሚያድኑበት መንገድ ነበር። በሚገርም ሁኔታ የእነዚኽ ክታቦች የመጠቀምያ ጊዜያቸው ማለቂያ ቀን (Expiry Date) አለው።

መፍትሔ ሥራይ ማለትም ለመርዝ እና ድግምት ማርከሻ መድኃኒት የሚጠቀሙበት የጸሎት ክፍል አላቸው። ሥራይ፥ የመርዝ ማርከሻ መድኃኒት ቢባልም፥ አብዛኛውን ጊዜ በሽታው ርኵስ መንፈስ ወይም ጋኔን ነው። ጋኔን ሰውን ይይዛል፤ ለበሽታ ይዳርጋል።

በልማዳዊው እምነት፥ ማናቸውም በሽታ ምንጩ ጋኔን (evil spirit) ነው፤ ተብሎ ይታመናል። ጋኔን የአምላክ ስም ሲጠሩበትና መስቀል ሲያሳዩት ብንን ትንን ብሎ ይጠፋል። ስመ አምላክ ጠርተው የጸለዩበት ጠበል፣ ጋኔን ለአመጣው ሕማም መፈወስ ይቻላል።
ጸሎቱን በብራና ላይ ጽፎ በልጅ አንገት ላይ ቢያንጠለጥሉት፥ አጋንንትን ያርቃል። አጋንንት ከሚያመጡት በሽታ ይከላከላል። ችግሩ፣ ጸሎቱ፥ ምሥጢራዊ ስመ አምላክ ነው፤ በሚል የሐሰት እና ያልታወቁ ነገሮችን መያዙ ነው።

እንዲያውም፥ ጸሎቱን ቅዱስ ጸሎት ለማስመሰል፥ እንደማንኛውም ቅዱስ ጸሎት፥ “በስመ አብ ወወልድ ወመንፈስ ቅዱስ ፩ዱ አምላክ። ጸሎት በእንተ መፍትሔ ሥራይ” እያሉ ይጀምራሉ።

እነዚኽ፣ መፍትሔ ሥራይ የሚባሉት “የአስማት ጸሎቶች” ብዙ ዓይነት ናቸው። ለዓይነ ጥላ፥ ለራስ ምታት፥ ለጎን ውጋት፥ ለሆድ ቍርጠት፥ ፅንስ፥ ላለማስወረድ(ሾተላይ)፥ ለሚልፈሰፈስ የወንድ ብልት፥ ለትምህርት የሚረዳ፥ የሚያፋቅር፥... ወዘተ አሉ። በጣም የሚገርመው አጋንንቱም እንደ ሰው ብሔር አላቸው። ከእነዚኽም መካከል፣ ዓይነ መሃይምናን፥ ዓይነ ጋላ፥ ዓይነ ቅማንት ወጋፋት፥ ዓይነ ወይጦ፥ ዓይነ ማያ፥ ወዓይነ ደዋሮ፥ ወዓይነ ዳሞት፥ ሥራየ ጎንደር ወበጌምድር፥ ሥራየ ዳውንት ወመቄት፥ ሥራየ ዋድላ ወመቅደላ፥ ሥራየ ደላንታ
ወላስታ፥ ሥራየ አምባሰል ወወገራ፥ ሥራየ አረሚ ወአምሐራ ወዢራ፥ ሥራየ እስላም ወክርስቲያን. . .ወዘተ ይገኙበታል።

ከአስማት ጸሎቶች አንዱ ጸሎት፥ “መርበብተ ሰሎሞን” ይባላል። ሰሎሞን ሰይጣናትን የሚያጠምድበት ጸሎት ማለት ነው። ይህ የ19ኛው መቶ ክፍለ ዘመን ጽሑፍ፣ “መርበብተ ሰሎሞን” በሚል ርእስ፣ አጋንንትን ለመያዝ በንጉሥ ሰሎሞን የተጻፈ አስማታዊ ጸሎት ነው። “መርበብት” የሚለው ቃል “የሰሎሞን መረብ” ተብሎ ይተረጎማል። ይህም ንግሥ፣ አንድ ሰው ዓሣ በመረብ እንደሚያጠምድ ሰሎሞን አጋንንትን በድግምቱ ያጠምዳቸው እንደነበርና መናፍስትን የመያዝ ተግባርን ያመለክታል። መጽሐፉ ከጠላቶች፣ እንደ አንበሳ
ወይም ነብር ከሚታዩ ክፉ መናፍስት፣ እና ከተለያዩ በሽታዎች ለመከላከል የሚረዱ ጸሎቶችን ያካትታል።

መናፍስትን በመጥራት፣ በድግምት፣ በአስማት፣ በመተት፣ በሌላም የሰውን ኹኔታ ወይም ነገር ለመለወጥ የሚመጣውን ለመግለጥ የሚሠራ ሰው ጠንቋይ ይባላል። አስማተኛ ማለት፣ ትርጉማቸው ወዲያው ወይም በግልጽ የማይታውቁ ስሞችን እየጠራ ሰይጣናዊ ተግባራትን የሚያደርግ ማለት ነው። መተት ማለት ማፍዘዝ፣ ማጨለም፣ ማስመስል ማለት ሲኾን፣ በዐይን ላይ የሚደገም አስማት
ነው። ለምሳሌ፥ ኢያኔስና ኢያንበሬስ የተባሉ የግብጽ ጠንቋዮች መተት
አዋቂዎች ነበሩ። ድግምት ደግሞ ፍለጠው ቁረጠው እያሉ በአጋንንት ስም መራገም ነው።

ጥንቆላ፣ በአብዛኛው የአገራችን ክፍል በኹለት ዓይነት መንገድ ሲከናወን ይታያል። አንደኛው ወገን፡- ባለ ዛር፣ ባለ አውሌ ወይም ውቃቤ የኾኑትን ያካትታል። ኹለተኛው ወገን ደግሞ በተለምዶ ደብተራ254 የሚባሉትን ዐዋቂዎች ያካትታል። ባለ ዛር ወይም ባለ ውቃቤዎች፤ አውሌ ወይም ዛር የሚባሉት፣ በሰው ላይ ሰፍረው አምልኮን ለራሳቸው የሚወስዱ የአጋንንት ወገን ናቸው።

በኢትዮጵያ እንደሚታመነው፣ ዛር፥ ለሚያምኑት ሰዎች የማይታይ ግን የወደፊቱን ማየት የሚችል፣ የዓለምን ችግር ሊፈታ እስኪችል ኀይል ያለው፣ ከሥጋ ደዌ ውጭ ማናቸውንም በሽታዎች ማዳን የሚችል፣ በአንጻሩ ደግሞ የማያከብሩትን ሰዎች መጉዳት፣ መግደልና ማጥፋት የሚችል መንፈስ ነው።

በአፈ ታሪኩ እንደሚነገረው፣ ዛሮች፥ የሰው ዓይነቶች እንጂ አጋንንት አይደሉም። እንደ ሰው ኹሉ፣ ዛሮች ገሚሶቹ ጥሩ ሲኾኑ፣ ገሚሶቹ ደግሞ መጥፎ ናቸው ተብሎ ይታመናል። የዛር አለቆች እርስ በርሳቸው ሲዋለዱ ኀይለኛ ዛር ይወልዳሉ፤ የዛር አለቆች ከዛር አሽከሮቻቸው ጋራ ሲዋለዱ ደግሞ የዛር ውላጅ ይፈጥራሉ። የዛር ውላጆች ኀይላቸው አነስተኛ ነው። ዛር ጠሪዎች ዛሮችን በስማቸው ሊያውቋቸው ይችላሉ። ከእነዚኽ ስሞች ውስጥ ጠቋር፣ ግራኝ፣ አንበሶ፣ ከድር የሚባሉት ይጠቀሳሉ። እነርሱ እንዲህ ይበሉ እንጂ፣ ዛር የሚባሉት፥ በሰው ላይ ሰፍረው አምልኮን ለራሳቸው የሚወስዱ የአጋንንት ወገን ናቸው።

በእንዲህ ዓይነት ልማድ ውስጥ ያሉ ሰዎች፡- ድቤ(ከበሮ) መምታትን፣ ዕጣን ማጠንንና መዝሙርን የሚመስሉ ሥርዓቶችን ያከናውናሉ። አንዳንድ ተከታዮች የዛር መናፍስትን ለመቆጣጠር ወይም ለማባረር የሰሎሞንን ጸሎቶች፣ ምልክቶች ወይም ድግምቶችን ሊጠቀሙ ይችላሉ።

በአጠቃላይ ሲታዩ በተለምዶ ዐዋቂ/በዓለ መድኀኒት/ የሚባሉት የሚያዘጋጇቸው ክፉ ጽሕፈቶች መግቢያ፣ አስማት፣ ጠልሰምና ባለ መነጽር ፊደላት፣ ጥንቃቄና ገቢር የሚባሉ ዋና ዋና የመዋቅራዊ ቅርጽ አካላትን ይይዛሉ።

ከመጽሐፉ ገጽ 186 - 190 የተወሰደ

◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►
መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ።
!!!!!!!!
💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ! አሁን ይዘዙ
ኦሜጋ መጻሕፍት ነን!!

07/10/2026

የሮሜ መልእክት ማብራሪያ - ቅዱስ ዮሐንስ አፈወርቅ እንደተረጎመው
◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►

“ስለዚህ እርስ በርሳቸው ሥጋቸውን ሊያዋርዱ እግዚአብሔር በልባቸው ፍትወት ወደ ርኵስነት አሳልፎ ሰጣቸው” (ቁ. ፳፬)

በዚህ ቃሉ ሕግን ማጣመም ኃጢአተኝነት እንደኾነ እነርሱን፡- “ለልባቸው ፍትወት አሳልፎ ሰጣቸው” እንዳለው እነርሱን ከሌላው የለያቸው ይህ እንደኾነ ገለጸልን። በአንድ ሠራዊት ላይ አለቃ የነበረ ሰው በጦርነት ውስጥ ሳለ ወታደሮቹ የእርሱን ትእዛዝ ለመስማት ባለመፍቀዳቸው ምክንያት በእርሱ ላይ ጫና ቢበዛበት ፈቅዶ ሳይሆን ለጠላቶቹ አሳልፎ ሊሰጣቸው ይችላል። እንዲሁ እግዚአብሔር ከእርሱ የኾነውን ትእዛዝ ለመቀበል ፈቃደኞች ያልሆኑትን ሰዎች እንዲሁ ይተዋቸዋል፤ እነርሱ አስቀድመው ባይተውት ኖሮ እርሱም የራሱን ድርሻ ይፈጽምላቸው ነበር። እርሱ ፍጥረት ትምህርት ትሆናቸው ዘንድ ሰጣቸው። የሚጠቅማቸው ምን እንደኾነ ይረዱበት ዘንድ ምክንያትንና አእምሮን ሰጣቸው። ሀኖም በዚያ ዘመን ከሚኖሩ ሰዎች መካከል አንዱ ስንኳ ይህን ዕውቀት ነፍሱን ያድንበት ዘንድ አልተጠቀመበትም፡፤ ነገር ግን ከተሰጣቸው በተቃራኒ አደረጉ።
በእነርሱ ላይ መሆን ያለበት ብይን ምንድን ነው? እነርሱን በማስገደድ ወደዚህ መሳብ ነውን? እንዲህ ቢሆን ኖሮ እነርሱን ጻድቃን ባለደረጋቸው ነበር። ከዚህ በኋላ የእርሱ ተግባር የሚኾነው እነርሱን መተው ነበር፤ ስለዚህ ይህን አደረገ፤ በዚሀ መልክ ያለ ማንም ጫና እርሱን ትተው በማመንዘራቸው ምክንያት በመጣባቸው መከራ እጅግ አሳፋሪ ከኾነ ነገር ይሸሹ ዘንድ እንዲህ አደረገ። የንጉሥ ልጅ ከሆኑት አንዱ አባቱን ቢያዋርድና ከወንበዴዎችና ከነፍሰ ገዳዮች፣ ከመቃብር ሰርሳሪዎች ጋር መሆንን ቢመርጥ በአባቱ ቤት ከሚሠራው ሥራ ይልቅ የእነርሱን ሥራ ቢመርጥ፤ አባቱ ይተወዋል ልትል ትችላለህ፤ በዚህ አጥፊ በኾነው ተግባሩ ምክንያት ከሚቀበለው ጽኑ መከራ የተነሣ ምናልባት ከዕብደቱ ሊማር ይችል ይሆናል በማለት። ነገር ግን ሌሎች ኃጢአቶችን ለምን አላነሣም ለምሣሌ ነፍሰ ገዳይነትን ወይም ቅንዓትን ወይም ሌሎችንም ጨምሮ ለምን አላነሣም ስለምን ርኩሰትን ብቻ አነሣ?

እኔ እንደሚመስለኝ በዚያ ጊዜ የነበሩ ታዳሚዎቹና ይህን መልእክት የተጻፈላቸው ወገኖች እንዴት ያሉ እንደነበረ እንድንረዳ ፈልጎ ነው። እነዚህም እርስ በእርሳቸው ሰውነታቸውን ያረከሱ ናቸው” በዚህ ሊያስገነዘብ የፈለገው በከፋ ኃጢአት ውስጥ እንዳሉ ነው። እነዚህ ሰዎች የገዛ ሰውነታቸውን ለማርከስ እንዲህ ዓይነት ዓመፃና ርኩሰት እንዲፈጽሙ የሌሎች አይዞ ባይነት አላስፈለጋቸውም፤ ነገር ግን በገዛ ሰውነታቸው ላይ በጠላትነት ተነሥተው ራሳቸውን ጎዱ አዋረዱም። በዚህ ምክንያት “ይህም የእግዚአብሔርን እውነት በውሸት ስለ ለወጡ በፈጣሪም ፈንታ የተፈጠረውን ስላመለኩና ስላገለገሉ ነው፤ እርሱም ለዘለዓለም የተባረከ ነው፤ አሜን” (ቁ. ፳፭) በማለት በእነርሱ ላይ ክስን ማቅረቡ።

በዚህ ቃሉ ቅዱስ ጳውሎስ እጅግ የሚያዋርድና የሚያሳፍሩ የጣዖት አምልኮ በተለይ ያነሣል፤ ሌሎችን ግን ጠቅልሎ ይናገራል። ይህም ፍጥረትን ከፈጣሪው ይልቅ ማገልገል የአረማውያን ተግባር እንደኾነ ለማሳየት ነው። በዚህ ምክንያት “ፈጣሪን ትተው የተፈጠሩትን አመለኩ” በማለት ይከሳቸዋል። እንዲህ ማለቱ እርሱ በእነርሱ የሚጎዳ ኾኖ አይደለም፤ ምክንያቱም እርሱ ለዘለዓለምም የተባረከና የማይለወጥ አምላክ ነው። ሰዎች እርሱን ቢነቅፉት ከክብሩ ሊያዋርዱት ከቶ አይቻላቸውም።

ሰዎች በሚንቋቸው ላይ ባለማዘን፣ የሚሰድባቸውን መልሶ ባለመስደብ፣ እጃቸውን በሚያነሡባቸው ላይ ባለማንሣት፣ በሚዘብቱባቸው ላይም ባለመዘበት፣ በዚህ ኹሉ እግዚአብሔርን ሊመስሉ ይገባቸዋል። ይህ ደካማ ባሕርይ ያለው ፍጥረት እንዴት ይህን ሊታገሥ ይችላል? ሊባል ይችላል። አንተ በኾነብህ ነገር የማትቆጣ ከኾነ ይህን በቀላሉ ማድረግ በእርግጥ ይቻልሃል። እንዴት ኾነ? ያለመቆጣት ይቻላልን? ተብሎ ሊጠየቅ ይችላል፤ እንዴት ነው አለቆጣት የሚቻለው? እስቲ ንገረኝ፤ አንድ ሕፃን ልጅ ቢሰድብ ለስድቡ ስድብን ትመልስለታለንህ? ወይስ ትቆጣለህን? በእርግጠኝነት አታደርገውም። በዚህ ብትቆጣ ግን ራስህን ቀሊል ሰው እያደረግህ አይደለምን? እንዲሁ ለወንድማችንም እናድርግ፤ በዚህ ምክንያት በወንድማችን መከፋት ከእኛ ይርቅልናል። ምክንያቱም እኛን የሚሰድቡ ሰዎች ከሕፃናትም በላይ ማስተዋል የጎደላቸው ናቸውና። ከነቀፋም የራቅን መሆንን አንሻ፤ ነገር ግን የሚነቅፉንን እንታገሣቸው። በክብር ተጠብቀን እንድንቆይ የሚያደርገን ይህ ብቻ ነውና።
ይህ ግን ለምን እንዲህ ኾነ? ምክንያቱም አንተ በራስህ ላይ አለቃ ስለሆንህ ሌላው ግን ዓለቃው ሰው በመሆኑ ነው። አልማዝ ያረፈበትን ምት አንጥሮ እንዲመልስ አትመለከትህምን? አንተ ግን እርሱ ተፈጥሮ ኾኖ ተሰጥቶታል፤ ልትል ትችላለህ።

አንተም ነጻ ፈቃድህን ተጠቅመህ ይህን ታደርግ ዘንድ ችሎታው በተፈጥሮ ተሰጥሃል። እንዴት? ሦስቱ ብላቴናዎች በእሳት ውስጥ ተጥለው እሳቱ እንዳላቃጠላቸው፤ ዳንኤልም ወደ አንበሶች ጉድጓድ ተጥሎ አንዳችን ጉዳት እንዳልደረሰበት አታውቅምን? ይህ በዚህም ዘመን ተፈጽሞአል። ዛሬም በሚያስፈራ ጥርሳቸው ሥጋችንን የሚበጫጭቁ ቁጣና ዝሙት በእኛ ላይ ተነሥተውብን ይሆናል።

እንዲህ ከኾነ ዳንኤል እንምሰለው እነዚህ ክፉ ፈቃዶች በጥርሳቸው ነፍስህን እንዲጎዷት አትፍቀድላቸው። ይህን ግን በጸጋው ነው የሚቻለው ልትል ትችላለህ። አዎን በፈቃዳችን የምንፈጽማቸው የጽድቅ ሥራዎች ወደ ጸጋው የሚመሩን ናቸውና። እንዲህ ዓይነት መልካም ጠባይን ልማድ ለማድረግ ሰውነታችን የምናሠለጥነው ከኾነ ጸጋው ያግዘናል። ጠላታችን ምንም እንኳ ጨካኝ ቢሆን ጫፍህን እንኳ ሊነኩ አይቻላቸውም። በአንድ አገልጋይ ሰውነት ፊት እንዲህ ከፈሩ፤ የክርስቶስ አካል ሕዋሳት የኾነውን እኛን በሚመለከቱበት ጊዜ እንዴት የበለጠ አይፈሩ?

አንድ ሰው ከስርቆት ባይመለስ ከማኅበረሰቡ መገለል በራሱ ፈቃድ አምጥቶታል። በእርግጥ ብዙዎች ከዘማውያን ጋር በመዳራት፣ ትዳርን በማፍረስ፣ ጠላታቸውን በመቀበል በእነዚህ ክፉ አናብስት ጥርስ ውስጥ ገብተዋል። እነዚህ አናብስት ወደ እነርሱ የተጣሉላቸውን ከአየር ላይ ቀልበው ሥጋቸውን የሚቀራመቱ አናብስት ናቸው። (ዳን ፭፥፳፬) በዳንኤል ግን እንዲህ አልኾነም፤ እኛም በማስተዋል ብንመላለስ ይህ አይፈጸምብንም። ነገር ግን እርሱ ከተደረገለት በላይ ለእኛ ያደረግልናል። እርሱን አንበሶች አልጎዱትም፤ እኛም በፊቱ የሚንቀጥቀጥ መንፈስ ቢኖረን እኛን ሊጎዱ የሚመጡ ኹሉ ለጥቅም ይሆኑናል።

ቅዱስ ጳውሎስ እንኳ እርሱን ባሳዘኑትና ወጥመድን ባኖሩበት ቁጥር ክብሩ ይበልጥ እየጨመረ ይበራ ነበር። ጻድቁ ኢዮብ ከጽኑ ስቃይ በኋላ ነቢዩ ኤርምያስም ከጥልቅ የውኃ ጉድጓድ ከጣለ በኋላ፣ ሙሴም ደምን ከተጠሙ አይሁድ እጅ ካመለጠ በኋላ፣ እንዲሁም ኤልሳዕ ዕድሜ ጠግበው በቅንጦት በመኖር ሳይሆን በመከራና በፈተና ውስጥ ካለፈ በኋላ የብርሃን አክሊል ተቀዳጅተዋል። እንዲህም ስለኾነ ጌታችን መድኀኒታችን ኢየሱስ ክርስቶስ ይህን የመልካም ሥራ መሠረት መሆኑን ስለሚያውቅ ለደቀ መዛሙርቱ፡- “በእኔ ሳላችሁ ሰላም እንዲሆንላችሁ ይህን ተናግሬአችኋለሁ። በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ።” አላቸው። (ዮሐ ፲፮፥፴፫) ምንድን ነው ታዲያ በእነዚህ በሚያስፈሩ ነገሮች የተነሣ ብዙዎች ከዚህ ፈጥነው አይሸሹምን? ሊባል ይችላል፤ አዎን ነገር ግን ይህ የፈተና ባሕርይ አይደለም ከእነርሱ ድክመት የተነሣ የሚናገሩት ነው። ኾኖም እርሱ “ለሰው ኹሉ ከሚኾነው በቀር ምንም ፈተና አልደረሰባችሁም፤ ነገር ግን ከሚቻላችሁ መጠን ይልቅ ትፈተኑ ዘንድ የማይፈቅድ እግዚአብሔር የታመነ ነው፥ ትታገሡም ዘንድ እንድትችሉ ከፈተናው ጋር መውጫውን ደግሞ ያደርግላችኋል” ብሎ አስተህምሮናልና። (፩ቆሮ ፲፥፲፫) የማይጠፋውን የክብሩን አክሊል ደፍተን ድል መንሣታችን እንዲታወጅልን በእርሱ ጸንተን እንድንቆም የምሕረት እጆቹን ይዘርጋልን፤ በጌታችን በመድኀኒታችን በኢየሱስ ክርስቶስ ጸጋና ለሰው ልጆች ባለው ፍቅር፤ ክብርና ምስጋና በእርሱ ከእርሱ ጋር ለአብ እና ለመንፈስ ቅዱስ ከዘለዓለም እስከ ዘለዓለም ይሁን አሜን!
ከመጽሐፉ የተወሰደ

◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►
መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ።
!!!!!!!!
💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ! አሁን ይዘዙ
ኦሜጋ መጻሕፍት ነን!!!

05/10/2026

Omega Books

ሐመረ ቅኔ - ዘሊቀ ሊቃውንት ያሬድ ሽፈራው - ገጽ 404

ዘይእዜ

እምታሕቲት ምድር ዘሰማርያ ኀበ ሉዓላዊት ገነት እንተ ኢሀለዋ አምሳል።
እምአህጉረ ሲባዮን ወሱባማ ሱራሕ እዝራ ወኤልያስ ሐምል፡፡
በደመና ሰማይ ተመስጡ እስከ ሥጋሆሙ ሐመልማል፡፡
እስከነ ደኃሪ ይንበሩ ዘእንበለ ኀጕል፡፡
እስመ ኀረዮሙ ከርም እግዚአ ነጐድጓድ አዛል፡፡
እስከነ ደኃሪ ይነበሩ ዘእንበለ ኀጕል፡፡

መወድስ

እግዚአብሔር ዝናም ለዘንረዮሙ ደመናት አርዳእ ይቤሎሙ ሕፅነ ሴሎ።
ኀበ ዘርአ ምእመን ሀለወ ወኀበ ዘርአ ሞዓብ ሀሎ፡፡
ሑሩ ወመሀሩ ወስብኩ ሕገ ወንጌልየ ወአጥምቁ ኵሎ፡፡
በመንጽሔ ኵሉ ማየ ቀላይ ዘተጠምቀ ይድኃን ወዘኢተጠምቀ በአቅልሎ።
ጥምቀተ ማየ ናጌብ ይደየን ደይነ ቢታንያ ሣህልሎ፡፡
ወከመ አእምርክሙ ኅቡዓተ ልሳናተ ረዊፅ ወአንቀልቅሎ፡፡
አነ አነ አምላከ ኀይሎ ኀይሎ፡፡
እፌኑ ኀቤክሙ ጰራቅሊጦስሀ ነፋሰ አውሎ፡፡

፪ መወድስ

ሠራዊተ ክረምት ንጉሥ ዘኢትዮጵያ ጊሜያት አገቱ ፆማዕተ ደብረ ኀየል ማዕምቀ፡፡
እስመ ውስተ ፆማዕት ተኀብዐ ወተሠወረ ጥዩቀ፡፡
ፈያታይ ይብስተ ቅድምና ዘሰይፈ አጠቀ፡፡
ወቀነተ ኵርዳላቀ ወምስለ ክረምት ንጉሥ ተዳዳቄ አክዓብ ተዳደቀ፡፡
ወዐሉሂ ከመ ቃርሑ ናእከ ደማስቆ መብረቀ፡፡
ለኀበ ፆማዕቱ እስከ ፆማዕቱ ዘኢያድለቅለቀ አድለቅለቀ፡፡
ሠራዊት ጊሜያት ጸወርት እስከ ፀላኢሆሙ ወድቀ፡፡
ነጐድጓደ መንገኒቀ ነጐድጓደ መንገኒቀ፡፡

◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►
መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ።
!!!!!!!!
💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ! አሁን ይዘዙ
ኦሜጋ መጻሕፍት ነን!!!

03/10/2026

ይደውሉልን!
0941555550

ርዕስ : የአማርኛ የቤተክርስቲያን መዝገበ ቃላት ቅጽ 1 -6
አዘጋጅ : ዶ/ር ሥርግው ሐብለ ሥላሴ
ዘውግ : ጥናትና ምርምር
የሕትመት ዓመት : 2018

‎
‎ዶ/ር ሥርግው ሐብለ ሥላሴ ከአባታቸው ከመሪጌታ ሐብለ ሥላሴ ዘውዴና ከእናታቸው ከወ/ሮ ዘውዲቱ ደስታ ሰኔ 8 ቀን 1921 ዓ. ም. አዲስ አበባ ከተማ ተወለዱ። ባገራችን ሥርዓትና ባሕል መሠረትም ዕድሜያቸው ለቀለም ትምህርት በደረሰ ጊዜ አዲስ አበባ በሚገኘው የልደታ ደብር ፊደል ቆጥረው ዳዊት ደግመዋል። ከዚያም በኋላ ዘመናዊ የአንደኛ ደረጃ ትምህርታቸውን አዲስ አበባ የቅድስት ሥላሴ ትምህርት ቤት( የዛሬው ቅድስት ሥላሴ ዩኒቨርሲቲ) አጠናቀቁ። በጊዜው ከመንግሥትም ከቤተ ክርስቲያንም ተመርጠው ከቀረቡት የኢትዮጵያ ተማሪዎች አንዱ ሆነው ግሪክ አገር ቆሮንጦስ ከተማ የሁለተኛ ደረጃ ትምህርታቸውን እንዲከታተሉ እዚያ ከሚገኘው መንፈሳዊ ትምህርት ቤት በ1942 ዓ. ም. ተላኩ። ይህንን ትምህርት አጠናቅቀው እዚያው ግሪክ አገር ባለው አቴና ዩኒቨርስቲ ገብተው ከአራት ዓመት በኋላ የባችለር ዲግሪያቸውን በቲዎሎጂ ጥናት ተቀበሉ። ከፍተኛ ትምህርታቸውን በመቀጠል 1950 እስከ 1952 ዓ. ም. ድረስ በጀርመን አገር በሚገኘው ቦን ዩኒቨርስቲ በጥንታዊ ታሪክ ምርምር የዶክትሬታቸውን ማዕረግ ተቀበሉ። ከዚያም በኋላ አገራቸውን ለማገልገል ወደ አዲስ አበባ ተመለሱ።
‎
‎የአዲስ አበባ ዩኒቨርሲቲ የታሪክ ትምህርት ክፍል እንዲቋቋም ካደረጉ ምሁራን መካከል ዋነኛው እርሳቸው ነበሩ። ከዚህ ጊዜ ጀምሮ እስከ 1970 ዓ. ም. ድረስ ለ17 ዓመታት በጊዜው ቀዳማዊ ኃይለ ሥላሴ ዩኒቨርስቲ (የዛሬው አዲስ አበባ ዩኒቨርስቲ) የጥንታዊና መካከለኛ ዘመን ሥልጣኔና ታሪክ የመጀመሪያ ምሁር ሆነው ሠርተዋል። በተጨማሪም ቅድስት ሥላሴ መንፈሳዊ ኮሌጅ የቲዎሎጂ አስተማሪ በመሆን አገልግለዋል። አገልግሎታቸውን በመምህርነት ብቻ ሳይወሰኑ ተመራማሪነታቸውንም አጣምርው እንደ London University ፤ በአሜሪካንም አገር እንደ Harvard University እና Princeton Univeristy ፤ በጀርመን አገር Heidlberg University፤ እንዲሁም በሆላንድ Lieden University በመሳሰሉት በዓለም በታወቁ ዩኒቨርስቲዎች በፌሎሽፕ እየተመረጡ በተለያየ ጊዜያት በከፍተኛ ደረጃ ልዩ ልዩ ጥናቶችን አከናውነዋል።

‎ፕ/ር ሥርግው በትምህርት ዓለም ካሳለፏቸው ዘመናት በላይ በመምህርነትና በምርምር እስከ ሕይወታቸው ፍጻሜ ድረስም ሠርተዋል። ‎በዚህም መሠረት ለተማሪዎችና ለተመራማሪዎች እጅግ ጠቃሚ ሆነው የሚገኙ መጻሕፍትንና ሥነ ጽሑፎችን አዘጋጅተው አሳትመዋል። ከድርሰቶቻቸው ውስጥ ዋና ዋናዎቹን ለመጥቀስ ብቻ ያህል፦በእንግሊዘኛ ቋንቋ በ1961 ዓ. ም. የታተመው Bibliography of Ancient and Medieval Ethiopian History፤ በ1963 ዓ. ም. የታተመው Ancient and Medieval Ethiopian History to 1270 ፤Church Dictionary የቤተ ክርስቲያን መዝገበ ቃላት ፤ወይ አዲስ አበባ ወይ አራዳ ሆይ ፤Bookmaking in Ethiopia እና ግብረ ምኒልክ ናቸው።
‎
‎እነዚህ መጻሕፍቶች ከኢትዮጵያ በተጨማሪ በአውሮፓና በአሜሪካ የሚገኙ እውቅ በሚባሉ ዩኒቨርስቲዎችና መጻሕፍት ቤቶች ቀርበው የኢትዮጵያን ታሪክ ለሚያጠኑ ሁሉ እንደዋና የምርምር ዶክሜንት (Reference Document) ሆነው እስከ ዛሬ ድረስ ይገኛሉ፤ ወደፊትም ማገልገላቸውን ይቀጥላሉ። እነዚህም መጻሕፍት ከታተሙ በኋላ ዶ/ር ሥርግው የፕሮፌሰርነት ማዕረግን ለመቀበል በቅተዋል።
‎
‎ፕ/ር ሥርግው በአማርኛ ቋንቋ ለመጀመሪያ ጊዜ የቀረበውን በ14 ቅጽ የተተነተነውንና የታሪክ ምንጮችን የያዘውን ሰፊ የቤተ ክርስቲያንን መዝገበ ቃላት ማዝጋጀታቸው ያስደንቃቸዋል። ይህም ሥነ ጽሑፍ እስከ ዛሬ ድረስ ለታሪክ ተመራማሪዎች የልሳነ መጻሕፍትና መዛግብት ተመራማሪዎች እንዲሁም ለቤተ ክህነት ሊቃውንትና ለትምህርተ መለኮት ደቀ መዛሙርት ትልቅ አገልግሎትን በማበርከት ላይ ይገኛል። በተለይም የኢትዮጵያን ጥንታዊ የሥነ ጽሑፍ አቀራረጽንና የመጻሕፍት አጠራረዝን የሚገልጽው Bookmaking in Ethiopia የተባለ መጽሐፍ ዝግጅት ለቤተ ክህነት ምሁራን አገልግሎቱ ሰፊ ነው ።
‎
‎ በመጨረሻም በ1992 ዓ. ም. የአፄ ምኒልክን የሕይወት ታሪክ በተለይ የኢትዮጵያ ንጉሠ ነገሥት ከውጪው ዓለም ጋር ኢትዮጵያን እንዴት እንዳገናኝዋት የሚያብራራ ብዙ ኢትዮጵያውን የተደነቁበት መጽሐፋቸውም ተጠቃሽ ነው። ከነዚህ መጻሕፍት በተጨማሪ ከሃያ ያላነሱ የኢትዮጵያንና የቤተ ክርስቲያንን ጥንታዊ ታሪክ የሚመለከቱ ልዩ ልዩ ጥናታዊ ጽሑፎች በበርካታ የዓለም ቋንቋዎች አዘጋጅተው አቅርበዋል።
‎
‎ሌላው ፕ/ር ሥርግው ለአገራቸው ካበረከቱአቸው ዋና ሥራዎች አንዱ ሆኖ የሚቆጠረው የኢትዮጵያ ብራና መጻሕፍት ድርጅት(EMML) መስራች ሆነው ያገለገሉበት ጊዜ ነበር። የዚህ ድርጅት የመጀመሪያ ሥራ አስኪያጅ ሆነው ከ1966-1971 ዓ. ም. በተለያዩ ገዳማትና አድባራት በመዘዋወር በብዙ መቶ የሚቆጠሩ የጥንት ጽሑፎች በማይክሮፊልም ተቀርጸው ለታሪክና ለሚቀጥሉት ትውልድ እንዲቆዩ ያደረጉ ሰው ናቸው።
‎
‎ከወይዘሮ ሰላማዊት መኰንን ጋር ሐምሌ 1958 ዓ. ም. በታዕካ ነገሥት በዓታ ቤተ ክርስቲያን የሠርግ ሥነ ሥርዓታቸውን ፈጸሙ። ከዚህም ትዳር አምስት ልጆች ናዖድ፣ ብሌን፣ ፈቃደ ሥላሴ፣ ናብሊስና አሜንን አፍርተዋል። ከነዚህም ልጆች መካከል የሦስቱን ትዳር ለማየት በቅተው፤ ሦስት የልጅ ልጆች ሆሣዕና፣ ልያና እምነትን ለማቀፍ ችለዋል። ፕ/ር ሥርግው ባደረባቸው ሕመም ምክንያት በግዕዝ መዛግብት ጥናትና ምርምር እያካሄዱ ሳለ ታኅሣሥ 29 ቀን 1996 ዓ. ም. በሚዩኒክ ከተማ በጀርመን አገር ከዚህ ዓለም በሞት ተለዩ። ‎

ምንጭ sergew.com
‎
‎
‎

30/09/2026

ምስካየ ኅዙናን መድኃኔ ዓለም፡- የመድኃኔ ዓለም ጽላት በ1895 ዓ.ም ከኢትዮጵያ ወደ ኢየሩሳሌም ተወስዶ ሲጸለይበት ቆየ። ጠላት ኢትዮጵያን
1928 ዓ.ም ከወረረ በኅላ ኢትዮጵያን ተሰደው እንግሊዝ አገር ለነበሩ ሥርዓተ አምልኮ መፈጸሚያ ይሆን ዘንድ በ1929 ዓ.ም ከአምስት ልዑካን ጋር ተልኮ እዚያ እስከ 1933 ዓ.ም ከቆየ በዃላ ሥላሴ ሆስፒል ቅጽር ግቢ ውስጥ ምስካየ ኅዙናን መድኃኔ ዓለም በመባል ተሠይሞ ተተክሎ ቆይቶም በ1942 ዓ.ም የአሁኑ ቤተ ክርስቲያን ሕንፃ ስላለቀ ሚያዚያ 27 ቀን ታቦቱ እዚህ ዙሮ አገልግሎን በመስጠት ላይ ይገኛል።

ምንጭ:- የቤተ ክርስቲያን ጸሎት/ አዲስ አበባ 1963 ዓ.ም ገጽ 7-9

◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►
መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ። ኦሜጋ መጻሕፍት ነን!!!
!!!!!!!!
💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ! አሁን ይዘዙ

28/09/2026

ገብርኤል፦ /ጳጳስ/ እንደ ገድለ መርሐ ክርስቶስ አባባል 95ኛ ጳጳስ ነበር። የመጣው ከአባ ሚካኤል ጋር በ143ዐ ዓ.ም በዐፄ ዘርዓ ያዕቆብ ዘመነ መንግሥት ነበር። ዐፄ ዘርዓ ያዕቆብ ምን ዓይነት ስምምነት አድርገው እንደሆነ አናውቅም በአንድ ጊዜ ሁለት ጳጳሳትና አንድ ኤጲስ ቆጶስ አቡነ ዮሐንስን አስመጣ። በምናውቀው መሠት እስከዚያን ዘመን ድረስ ከግብጽ የሚመጣው አንድ ጳጳስ ብቻ ነበረ።

ጳጳሳቱ ኢትዮጵያ ከደረሱ በኋላ ሀገሪቱን ከሁለት ከፍለው ሚካኤል በሰሜን ገብርኤል በመካከል አገር በሸዋ ሁነው ክህነትን ይሰጡ ነበር። ግን ንብረታቸው የጋራ እንጂ የግል የለም። ስለዚሁ ጉዳይ አንድ ተአምረ ማርያም ላይ እንዲህ ተጸፎአል። “ወእንዘ አባ ሚካኤል ይሁበ ክህነተ በምድረ አምሐራ በእንዘ አባ ገብርኤል ይሁበ ክህነተ በምድረ ሴዋ ወኀቡራነ ግእዝ ክልኤሆሙ። ወድሙር ኲሎ ንዋየሙ በከመ ሥርዓተ ሐዋርያት ወአልቦ ዘይብል እምክልኤሆሙ ዝሰ ዘዚአየ ንዋየ ውእቱ። //አባ ሚካኤል በአምሐራ ምድር ክህነትን ሲሰጥ አባ ገብርኤልም በምድረ ሸዋ ክህነትን ይሰጥ ነበረ። በጠባይ ሁለቱም አንድ ነበሩ። በመካከላቸው ይህ የኔ ሀብት ነው የሚል አልነበረም። ከእነርሱ በፊት እንደነበረው እንደ አባ በርተሎሜዎስ እነዚህ ሁለት ጳጳሳትም አቡነ ሚካኤል፣ አቡነ ገብርኤል የአይሁድ ሰንበትን መከበር የሚቃወሙ ነበሩ። ኢትዮጵያ እንደደረሱ ይህን ጉዳይ በተመለከተ አንድ ጉባኤ ጠርተው ነበር። በሰንበተ አይሁድ በቅዳሜ ጉዞ አንሄድም ብለው በጉባኤው ያልተገኙትን ቀጧቸው።

ዐፄ ዘርዓ ያዕቆብ ከልጅነቱ ጀምሮ የሁለት ሰንበትን አከባበር በሚደግፉ መነኮሳት እንክብካቤ ያደገ እንደመሆኑ የቅዳሜን ከእሑድ እኩል መከበርን ከልብ የሚደግፍ ነበረ። ስለዚህ ይህን ሐሳብ እንዲቀበሉ ሁለቱን ጳጳሳት ማግባባት ጀመረ። እነርሱን ለማሳመን ነገሩ ቀላል አልሆነም፣ ረዥም ጊዜ ፈጀ። ከብዙ ውጣ ውረድ በኋላ ጳጳሳቱ ቅዳሜንም እንደ እሑድ ለማክበር ተስማሙና የደብረ ምጥማቅ ጉባኤ በ1442 ተጠራ። ስለዚህ በመጽሐፍ ብርሃን እንዲህ ተብሏል፣ “ወሶበ ሰምሁ አበዊነ ጳጳሳት አባ ሚካኤል ወአባ ገብርኤል ዘንተ ነገረ ኀብሩ ምስሌነ በአክብሮ ክልኤሆን ሰንበታት ወጸሐፉ በእደዊሆሙ አክብሮቶን። ወበእንተዝ አብሖለ እግዚአብሔር ዘማእከሌነ ወዘማእከለ ጳጳሳት ወዘማእከለ ደቂቀ ማዕቀበ እግዚእ። ናሁከ ኀበርነ ንሕነ ወአበዊነ ጳጳሳት በአክብሮ ክልኤሆን ሰንበታት። አባቶቻችን ጳጳሳት አባ ሚካኤልና አባ ገብርኤል ይህን ነገር በሰሙ ጊዜ ሁለት ሰንበቶችን በማክበር ከእኛ ጋር አንድ ሆኑና በእጃቸው ስለአክብሮታቸው ጻፉ። እንዲህ እግዚአብሔር መነጣጠልን ከእኛና ከጳጳሳቱ እንዲሁም ከማዕቀብ እግዚእ ልጆች መካከል አራቀ። አሁን እኛና አባቶቻችን ሰንበታትን በማክበር አንድ ሆነ”። አቡነ ገብርኤል ለብዙ በኋላ ታላላቅ መነኮሳት ለነበሩ አበው ክህነትን ሰጥቷል። ከእነዚሁ ጥቂቶችን በመጥቀስ አቡነ መብዓ ጽዮን፣ አቡነ መልከ ጼዴቅ፣ አቡነ ሕፃን ሞዓ፣ አቡነ ዮሐንስ ዘደብረ ዘመዶ ይገኙበታል። እነዚህ ሁሉም በኢትዮጵያ ኦርቶዶክስ ተዋሕዶ ቤተክርስቲያን ቅዱስ ናቸው።

አቡነ ገብርኤል ከአቡነሚካኤል ይልቅ የዕድሜ ባለጸጋ ነበረ። ጓደኛው አቡነ ሚካኤል ከሞተ በኋላ የእርሱንም ሀገረ ስብከት ጨምሮ አገልግሎት ይሰጥ ነበር። የሞተው በዐፄ ዘርዓ ያዕቆብ ዘመነ መንግሥት ላይ ሳይሆን አልቀረም። ምክንያቱም በእደ ማርያም ሲነግሥ ስሙ አልተወሳም።
ምንጭ፣ S. Kur Gadla Marha Krestos, CSCO Scr. Aeth, t.62, (Louvain, 1972), p.85 EMML 3987 fol.102v C. Conti Rossini, IL Liber della Ince del, Negus Zar’s Yacob, CSCO Scr. Aeth. t.51 (Louvain 1965), p.153; EMML 4553 fol. 20r, EMML 2353 p.95; EMML 7053 fol.39r, EMML 3378 fol.140 v

◄◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆►

መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ። ኦሜጋ መጻሕፍት ነን!!!

!!!!!!!!

💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ! አሁን ይዘዙ

26/09/2026

#መስቀል ዕፀ ሕይወት ነው።
#መስቀል ዕፀ መድኃኒት ነው።
#መስቀል ዕፀ ትንቢት ነው።
#መስቀል ዕፀ ዕረፍት ነው።

#መስቀል ሰይጣንን የሚያጠፋ ምሳር ነው። የአጋንንትንም ራሶች የሚቆርጥ ሰይፍ ነው።

#መስቀል ርኵሳን መናፍስትን የሚወጋቸው የእሳት ዘገር ነው። የአመስቴማውያንንም ሠራዊት የሚመታ የመብረቅ ጦር ነው።

#መስቀል ማኅተመ ሥላሴ የሌለው ሰው ወደእርሱ ሊቀር በው የማይቻለው አምባ መጠጊያ ነው።

#መስቀል ከግራም ከቀኝም ለሚመጣ ጠላት የጽድቅ ጋሻ ነው። ጳውሎስ ውጊያችሁ ከሥጋና ከደም ጋር አይደለምን እንዳለው መስቀል የጦር መሣርያ ነው።

#መስቀል የጦር ውጋት ሊቀድደው፣ የቀስትና የዘንግም ጫፍ ሊበላው የማይችል የሃይማኖት ጥሩር ነው።

#መስቀል አማሌቃውያንን ለመዋጋት በራፊድ በረሐ በተዘረጋው በሙሴ እጅ አምሳል የተሠራ ነው።

#መስቀል በሙሴ እጅ ወደ ውስጥ በተጨመረ ጊዜ መራውን ውኃ በቀር በረሐ ያጣፈጠ ነው።
መስቀል የቅድስናና የንጽሕና ማኅተም ነው።

#መስቀል ለሚጋደሉ የድል አክሊል፤ ወደ በጉ ሰርግ ለተጠሩትም የሰርግ ልብሳቸው ነው።

#መስቀል የማይነጥፍ ምንጭ፣ በቁዔትም ጥቅምም የሞላበት የክብር ጉድጓድ ነው።

(ውዳሴ መስቀል - በአባ ጊዮርጊስ ዘጋስጫ)

💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ!

23/09/2026

ርዕስ፦ የዘገየ ሣቅ

ይዘት፦ ግለ ተረክ

አዘጋጅ ፦ ዶ/ር ተሾመ ሽብሬ ከልክሌ
◄◆◆◆◆◆◆◆◆◆◆◆◆◆◆◆◆◆►

መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ። ኦሜጋ መጻሕፍት ነን!!!

!!!!!!!!

💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550

አሁኑኑ ይዘዙ!

21/09/2026

“የሚያሳድዱአችሁን መርቁ፥ መርቁ እንጂ አትረግሙ።” (ቁ.፲፬)

ቅዱስ ጳውሎስ እርስ በርሳችን እንዴት መተሳሰብ እንዳለብን ካስተማረንና የቤተ ክርስቲያንን አባላትን እንደ አንድ አካል አድርጎ ካዋሐደ በኋላ፥ በመቀጠል በሰማያዊው ስፍራ ወደሚደረገው ፍልሚያ አመራ። ከዚህ መልእክት ተነሥቶ ተጋድሎውን ቀለል ያደርግላቸዋል። ምክንያቱም ከራሱ ወገኖች ጋር ያለውን ግንኙነት እንደሚገባው መልካም ካላደረገ፥ ከማያውቃቸውና ለእርሱ እንግዶች ከሆኑት ጋር ሰላም መፍጠር እጅግ ይቸገራልና። ከእነርሱ ማለትም ከቤተ ክርስቲያን አባላት ጋር በሰላም መኖርን ያወቀ ሰው ከውጭ ካሉት ጋርም በቀላሉ ተላምዶ መኖር ይችላል። ስለዚህ ቅዱስ ጳውሎስ “የሚያሳድዱአችሁን መርቁ” ብሎ አስተማረ። “የሚያሳድዱአችሁን መርቁ” ብቻ አላለም፤ ይልቁንም ከዚያ እጅግ የላቀ ነገርን ጠየቀን። በቀልን አለማድረግን ጥበብን ገንዘብ ካደረገ ሰው የሚጠበቅ ነው፤ ጠላትን መመረቅ መልአካዊ ሥራ ነው።

“መርቁ” ካለ በኋላም፥ ኹለቱንም በአንድ ላይ እንዳናደርግ “አትረግሙም” በማለት ቀድሞ ያስተማረውን ያጸናዋል። የሚያሳድዱን ወገኖች ለእኛ ሰማያዊ ዋጋን የምናገኝባቸው ናቸው፤ ስለዚህ በመንፈስ ማስተዋልንን ገንዘብ ያደረግህ እንደኾነ፤ ከዚህ በረከት በተጨማሪ ሌላ ታላቅ በረከትን ትቀበላለህ። አንተን ጠላት ያደረገህ ሰው አንተን በማሳደዱ እርሱ ምድራዊ ጥቅምን ሊያገኝ ይችላል፤ አንተ ግን እርሱን በመመርቅህና ለክርስቶስ ያለህን ታላቅ ፍቅር በተግባር ስላሳየህ ታላቅ ሰማያዊ ዋጋን ለራስህ ታዘጋጃለህ። የሚያሳድደውን የሚረግም ሰው መከራን ስለ ክርስቶስ በመቀበሉ ደስተኛ እንዳልኾነ እያሳየ ነው። የሚመርቅ ግን ለእርሱ ያለውን የፍቅሩን ታላቅነት እየገለጠ ነው። ስለዚህ ፍጹም ሰማያዊ ዋጋ እንድታገኝና ደስታህ በግዴታ ሳይሆን በምርጫህ የመጣ ደስታና ሐሴት እንጂ የጭንቀትና የኀዘን አለመሆኑን ለጠላትህ ታስተምረው ዘንድ ፈጽመህ አትንቀፈው።

እንዲህ ያደረግህ እንደኾነ ጌታችን መድኀኒታችን ኢየሱስ ክርስቶስ፡- “ሲነቅፉአችሁና ሲያሳድዱአችሁ በእኔም ምክንያት ክፉውን ኹሉ በውሸት ሲናገሩባችሁ ብፁዓን ናችሁ።” (ማቴ. ፲፭፥፲፩) ብሎ ያመሰግንሃል። ሐዋርያትም ስለ ክርስቶስ በመነቀፋቸው ብቻ ሳይሆን፥ ከተገረፉ በኋላም ጭምር በደስታ ወደ ቤተ ክርስቲያን የተመለሱት በዚህ ምክንያት ነበር። (ሐዋ. ፭፥፵—፵፩) ከዚህም በላይ የኾነ ሌላ ትልቅ በረከትም ታገኛለህ፤ እርሱም ባላጋራዎችህን በቅንነትህ ድል በመንሣት ወደ ዘለዓለማዊ ሕይወት እየተጓዝክ መሆንህን በተግባር በማስተማርህ የምታገኘው ዋጋ ነው። ጠላትህ መከራ እየደረሰብህ ሳለ አንተን ደስተኛና ከፍ ባለ መረዳት ውስጥ እንዳለህ ከተገነዘበ፥ ከዚህ ምድራዊ ሕይወት የላቀ ሌላ ተስፋ እንዳለህ ከሕይወትህ ተነሥቶ በግልጽ ያስተውላል። አንተ ግን የምታለቅስና የምታዝን ከኾነ፥ ወደ ሰማያዊው ሕይወት ለመሔድ እየተጋህ እንደሆንህ እንዴት ሊማር ይችላል? ከዚህም በተጨማሪ በሚያደርስብህ ነቀፋ ሳትበሳጭ በተቃራኒው ግን ስትመርቀው ሲያይህ፥ አንተን ማናደዱን ይተዋል። ይህ ታዲያ እንዴት ያለ መልካም ብድራትን ይዞልህ እንደሚመጣ አስተውል። እንዲህ በማድረግህ ከእግዚአብሔር ዘንድ ሰማያዊ ዋጋን ታገኛለህ፣ ፈተናህም ይቀልልሃል፣ ጠላትህም ማሳደዱን ይተዋል፣ እግዚአብሔር ይከበራል፣ በአንተ ትዕግሥትም ያ ስሑት ሰው እግዚአብሔርን መፍራትን ይማራል።

ድርሳን ሃያ ኹለት
የሮሜ መልእክት ማብራሪያ - መምህር ሽመልስ መርጊያ እንደተረጎመው

መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ። ኦሜጋ መጻሕፍት ነን!!!
!!!!!!!!
💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ!

15/09/2026

ርዕስ፦ ወልታ ጽድቅ

አዘጋጅ ፦ በአማን ነጸረ
◄◆◆◆◆◆◆◆◆◆►

ጥንተ አብሶ:- ምሥጢራዊ (መጽሐፋዊ) ትርጕሙ

ኦሪት ዘፍጥረት ምዕራፍ 3፡17 እንደ ነገረን አዳም የፈጣሪውን ትእዛዝ በመተላላፉ “ርግምተ ትኵን ምድር በተግባርከ - ምድር በሥራህ የተረገመች ትሁን" የሚል አምላካዊ ርግማን ደረሰበት፡፡ ርግማኑ በእርሱ ተወስኖ አልቀረም፤ “ምድር” የሚለው ቃል “በስመ ማኅደር ይጼዋዕ ኀዳሪ!'' እንዲሉ አበው በምድር ላይ ለሚኖሩ የአዳም ልጆች ማለትም “በዘር በሩካቤ ለተወለዱ ልጆቹ" ሁሉ ተረፈ፡፡ መንፈስ ቅዱስ እፍ ያለበት አዳም ጸጋው ተገፈፈ፤ በረከቱ ተወሰደበት፡፡ የሰው ባሕርይ ማደፍ ጀመረ፡፡ “እግዚአብሔርም የሰው ክፋት በምድር ላይ እንደ በዛ፣ የልቡ አሳብ ምኞትም ሁልጊዜ ፈጽሞ ክፉ እንደ ሆነ አየ፤” (ዘፍ.6:15)፡፡ ጠቢባኑ እና ነቢያቱ ሁሉ ስለ ሰው ልጅ ለክፋት ተላልፎ መሰጠት ጻፉ፣ ተናገሩ (መክ.9:3፣ ኤር.17:9)፡፡ በአንድ በአዳም በደል የተነሣ ኃጢአት ወደ ዓለም ገባች፤ "በጌጋየ አዳም አሐዱ ብእሲ ቦአት ኃጢአት ውስተ ዓለም" እንዳለው ሐዋርያው (ሮሜ.5:12): ፡ ኃጢአቱን ተከትሎም በሰው ልጅ ላይ ሞት ነገሠ። "ኃጢአት ሰውን ሁሉ ኃጥእ አሰኘችው፡፡" አዳም ከመተላለፉ የተነሣ በዘፍጥረት 2:17 "ሞትን ትሞታለህ" የተባለው ድንጋጌ ተፈጸመበት:: ከእግዚአብሔር ፊት ሸሸ፣ ወደ ታች ተጋዘ፡፡ አማናዊው ሞት እርሱ ነበር - ከእግዚአብሔር መራቁ፣ መራቆቱ “ሞታ ለነፍስ ርኂቅ እምእግዚአብሔር” እንዲሉ መተርጉማን። ወይም “Death is being separated from God" እንዲሉ እነ ቅዱስ አትናቴዎስ እና እነ አቡነ ሺኖዳ፡፡ “ከመርገም በኋላ የመጣው ጸጋ አልባ ሁኔታ ኃጢአትን የሚጋብዝ፣ ለክፉ ነገር የተመቻቸ ነበር፡፡ ይህም ሁኔታ ለልጅ ልጆቹ የሚተላለፍ ሆኗል፡፡ ድርጊቱ ቀጥታ በዘር ተላለፈ ማለት ሳይሆን ጸጋ በሌለበት ጊዜና ቦታ የተፈጠረውን በኃጢአትና በመርገም የመጣውን የውስጥ የውጭ ሁኔታ መውረሳችንን መናገር ነው::”፡ “ሰይጣን በአዳም ላይ ኃይልን፣ መዊዕን ገንዘብ አደረገ፤ ምርኮው ሆነ፡፡ ... ልጆቹም ከሱ ጋር እንደሱ ተገዙ፡፡ .. በብዙ ነገር ለማሳ[ሳ]ት ሰይጣን ሠለጠነባቸው:: ... መከራ ሠለጠነባቸው፡፡"

ከመጽሐፉ ገጽ 153 የተወሰደ

መጽሐፉን 4ኪሎ ቅድስት ሥላሴ ዩኒቨርሲቲ ግራውንድ በሚገኘው ሱቃችን መውሰድ ይችላሉ። ኦሜጋ መጻሕፍት ነን!!!

!!!!!!!!

💎 Telegram: https://t.me/ethiofagos
📍 4ኪሎ ቅድስት ሥላሴ ዩኒቨርሲቲ ግራውንድ ላይ ያገኙናል።
🇪🇹 Addis Ababa, Ethiopia
📞 0941555550
👉 የቤተክርስቲያንን እውነተኛ የታሪክ አሻራ በሰነድ የተደገፈ እውነታ ለማወቅ ይህንን መጽሐፍ ያንብቡ!

አሁን ይዘዙ!