30/08/2026
MASHRUUCA QALABAYNTA CEELKA CEELBEN (DIBE) EE DEGMADA HUDET OO SI RASMI AH LOO SOO GABAGABEEYEY
Mashruuca Qalabaynta Ceelka Tuulada Ceelben (Dibe) ee Degmada Hudet, ayaa si rasmi ah loo soo gabagabeeyey.
Mashruuca waxaa hirgeliyey Xafiiska Biyaha Heer Deegaan oo kaashanaya Hay’adda UNICEF, waxaana fulintiisa loo xil saarey Shirkadda Furey General Construction, oo uu wakiil ka yahay qandaraasle Xaaji Siyaad Abdullah Isaaq (Siyad Furey)
Mashruuca ayaa si rasmi ah looga wareejiyey Shirkadda Furey General Construction laguna wareejiyey Maamulka Degmada Hudet.
Munaasabadda waxaa goob-joog ka ahaa Isuduwaha Biyaha Gobolka, Mudane *Axmed Cali Maxamed,* Guddoomiyaha Degmada Hudet, Mudane *Isaaq Maxamed Shuke* , iyo Madaxa Arrimaha Xisbiga Degmada Hudet. mudane Ahmed mahamed tuto
Mashruucu wuxuu ka kooban yahay:
• Rakibidda Pump-ka biyaha
• Rakibidda nidaamka tamarta cadceedda (Solar-ka).
• Kayd-biyood qaada 50m³
• Laba goobood oo biyaha laga cabo.
• Laba goobood oo xooluhu ka cabaan.
• Dhigista iyo isku-xidhka tuubooyinka biyaha soo saara iyo kuwa qaybinta. Iyo
• Dhisidda xayndaabka (Fencing) ee ceelka iyo kaabayaasha mashruuca
Mashruucani wuxuu wax weyn ka tari doonaa baahida biyaha ee bulshada iyo xoolaha deegaanka Ceelben (Dibe) .
Shacabka waxaa lagu dardaarmay inay si wadajir ah u ilaashadaan ceelka, qalabkiisa iyo kaabayaasha biyaha, dhowraan nadaafadda, isla markaana si wadajir ah uga shaqeeyaan joogteynta adeegga biyaha, maadaama uu yahay hanti ay bulshadu wada leedahay.
