WOW Books

WOW Books የሰው ልብ ሐሳብ እንደ ጥልቅ ውሃ ነው።
አስተዋይ ሰው ግን ከዚያ ቀድቶ ያወጣዋል።
የንባብ ባህላችንን እናዳብር

"የንግግር ጥበብ" Dale Carnegie The art of public speaking                    ትኩረት - ለራስ አንደበት የፈረስ ኮቴ ጫማ ሠሪዎች ለፈረሱ ጫማ በሚሠሩ ጊዜ...
11/01/2026

"የንግግር ጥበብ"
Dale Carnegie
The art of public speaking
ትኩረት - ለራስ አንደበት
የፈረስ ኮቴ ጫማ ሠሪዎች ለፈረሱ ጫማ በሚሠሩ ጊዜ ፈረሱ ላይ ትንሽ
የህመም ስሜት ይፈጠራል። ፈረሱ እዚህ የህመም ስሜት ላይ ትኩረት እንዳይሰጥ ለማድረግ የፈረሱ አፍንጫ ላይ ገመድ ጠበቅ አድርገው ያስራሉ። ከብርጭቆ ውስጥ ያለውን አየር የማስወጪያ አንዱ መንገድ ብርጭቆው
ውስጥ ውኃ መቅዳት ነው። ንግግር በምታደርጉ ጊዜ የፈረስ ኮቴ ጫማ ሠሪውን መርህ ተከተሉ። በንግግራችሁ ጉዳይ ላይ በጥልቀት ትኩረትን
የምትሰጡ ከሆነ ሌላ ነገርን የማሰብ እድላችሁ ያነሰ ይሆናል። ትኩረት እርባና ከሌላቸው ወይም ከማይጠቅሙ ጉዳዮች የመገላገያ መንገድ
ነው። ንግግር ለማድረግ መድረክ ላይ ከወጣችሁ በኋላ ስለ ኮታችሁ እጥፋት ማሰብ የረፈደ ጉዳይ ነው። ስለዚህ ልትናገሩት ባለው ጉዳይ ላይ ብቻ
ትኩረት አድርጉ። ብርጭቆውን በውኃ እንደመሙላት ባለ ሁኔታ አእምሯችሁን በምትናገሩት ነጥብ ቃላት ብቻ ሙሉት። ይህም አላስፈላጊ ፍርሃቶችን ያስወግድላችኋል።
ዓይን-አፋርነት በራስ ዙሪያ ገባ ላይ የሚደረግ ከመጠን ያለፈ ትኩረት ነው። ለነጻነታችሁ ሲባል ዋናው ጉዳያችሁ ንግግራችሁ እንጂ እናንተ ስለ ራሳችሁ ወይም ታዳሚው ስለ እናንተ ያለው አስተያየት አይደለም። እዚህ ጋ “ራስ”
የሚባለው ነገር ተቀጥላ እንጂ ዋና ጉዳያችሁ ሊሆን አይገባም።
ብልህ ከሆናችሁ ውስጣችሁን ሁኑ። በንግግር ጊዜ ታላቁ ጉዳያችሁ ንግግራችሁ እያለ አእምሯችሁን በ “ምን ይሉኛል?” ሐሳቦች መሙላት ሙሉ በሙሉ የተሳሳተ ራስ ወዳድነት ነው። እውነት ለእናንተ ለራሳችሁ
ኮስተር ያለ ነገርን በመናገር ዓይን-አፋርነታችሁን እንዲወገድ ያደርገዋል። ትያትር ቤቱ በእሳት ቢያያዝ ወደ መድረኩ በጥድፊያ በመሄድ ያለ አንዳች ዓይን-አፋርነት እና ፍርሃት ለታዳሚው ከአዳራሹ የመውጫ አቅጣጫዎችን
በማሣየት ትጮኻላችሁ። የምትናገሩት ነገር ሁሉንም ፍርሃቶች ከአእምሯችሁ ጠራርጎ ያስወግዳቸዋል። አንድን ነገር በጥሩ ሁኔታ ልከውነው እችላለሁን የሚለው ግምት
ከሚያመጣው ዓይን-አፋርነት ይልቅ - በማይረባ ሁኔታ ላደርገው እችል ይሆን? በሚለው ፍርሃት ውስጥ ያለ ዓይን-አፋርነት የበለጠ መጥፎ ነው።
የታላቅነት የመጀመሪያው ምልክት ታላቅ መስሎ አለመተወን ነው።
ኪፕሊንግ ራሳችሁን ከናካቴው “ሰው” ብላችሁ መጥራት ከመቻላችሁ በፊት
“በጣም አምራችሁ አትታዩ፤ በጣም ብስለት በተሞላበት ሁኔታ አትናገሩ”
ሲል ያረጋግጥልናል። ማንም በመታበይ ራሱን ታዋቂ ማድረግ አይችልም። የምትናገሩት ይኑራችሁ በብዙ ተናጋሪዎች ላይ ያለው ችግር ባልተዘጋጀ አእምሯቸው በታዳሚው
ፊት መቆማቸው ነው። ተፈጥሮ ባዶ ነገርን መጥላቷ ደግሞ ምንም አያስደምም፤ ስለሆነም ተፈጥሮ እንደዚህ ዓይነት ሰዎችን በጣም
ቅርባቸው በሆኑ ትርኪ ምርኪ ነገሮች ትሞላቸዋለች። ይህ ደግሞ በአጠቃላይ ሁኔታ ይከሰታል። “ይህንን በትክክለኛው መንገድ ማድረጌን እጠራጠራለሁ! ጸጉሬ ምን ይመስል ይሆን? እንደምወድቅ አውቃለሁ”
ከባዶነት የተነሳ ነፍሳቸውም ትክክል እንደሆኑ እርግጠኞች ያደርገቸዋል። የሚያስቡትንም ልምዳቸው ያደርጉታል። በንግግራችሁ ጉዳይ ላይ ሙሉ በሙሉ ትኩረት ማድረግ ብቻ በቂ አይደለም። በራሳችሁ እንድትተማኑ የሚያደርጋችሁ ተጨባጭ እና አውነተኛ ነገር ሊኖር ይገባል። ያለ ምንም በቂ ዝግጅት ወይም ስለምትናገሩት ጉዳይ ዕውቀት ሳይኖራችሁ
በታዳሚዎቻችሁ ፊት ብትቀርቡ የታዳሚውን ጊዜ በማባከናችሁ ማፈር ይገባችኋል። ስለሆነም ራሳችሁን አዘጋጁ። ስለምታወሩት ነገር እወቁ።
ጠቅለል ባለ ሁኔታም እንዴት እንደምትናገሩት ማወቅ ይኖርባችኋል።
የንግግራችሁን ጥቂት ዓረፍተ-ነገሮችን ሙሉ በሙሉ ተለማመዷቸው። እንደዚያ ካደረጋችሁ በንግግራችሁ መጀመሪያ ላይ ስሜቶቻችሁን ሊሸከሙ የሚችሉ ቃላት ለመፈለግ ብላችሁ ችግር ውስጥ አትገቡም። የምታወሩበትን
ጉዳይ ከታዳሚው ይልቅ እናንተ የበለጠ እወቁት፤ ስለዚህም ምንም የሚያስፈራችሁ ነገር አይኖርም

13/12/2025

የፊርማ ስነስርዓት ተጀምሮአል !!

በስመ ክርስትና አንድ መጽሐፍ ቅዱስ እያነበቡ ልዩ ልዩ የክርስትና ክፍልፋዮች(denominations) ሊፈጠሩ የቻሉት በዋነኝነት መጽሐፍ ቅዱስን በሚተረጉሙበት መንገድ ልዩነት ነው። ይህም ማለ...
29/11/2025

በስመ ክርስትና አንድ መጽሐፍ ቅዱስ እያነበቡ ልዩ ልዩ የክርስትና ክፍልፋዮች(denominations) ሊፈጠሩ የቻሉት በዋነኝነት መጽሐፍ ቅዱስን በሚተረጉሙበት መንገድ ልዩነት ነው። ይህም ማለት የመጽሐፍ ቅዱስ ዋና ነገሩ ገጸ ንባቡ ሳይሆን ትርጓሜው ነው ማለት ነው። የመጽሐፍ ቅዱስን ሐዋርያዊ ትርጓሜ ደግሞ የምናገኘው አካለ ክርስቶስ በሆነች ሐዋርያዊት ቤተክርስቲያን በኩል ነው። በዚህ ምክንያት ማንኛውም ሰው መጽሐፍ ቅዱስን በራሱ መንገድ የመተርጎምና የመረዳት መብትም ችሎታም የለውም።

ዲያቆን ያረጋል አበጋዝ መድሎተ ጽድቅ ቅጽ ፪ በተሰኘው መጽሐፉ "መጽሐፍ ቅዱስን የሚያነብብ ሰው በመጽሐፉ ውስጥ ያለውን የእግዚአብሔር መልእክት በትክክል ለመረዳትና ወደ ሕይወት ለመድረስ፣ ከስህተትም ለመጠበቅና ሕይወት በሆነው ቃሉ ላለመሰናከል ማድረግ የሚገባው ነገር አለ። ይህም የግሉን አረዳድ ከመከተል ይልቅ መጽሐፍ ቅዱስን ከመጀመሪያው ጀምሮ በውስጧ የያዘቸውና የአስተምህሮዋ ዋና አካል ያደረገችው ቅድስት ቤተ ክርስቲያ ናትና በቤተክርስቲያን በኩል መረዳት ይገባል ::" የሚለው ለዚህ ነው።

ትክክለኛው የመጽሐፍ ቅዱስ አረዳድም ቤተክርስቲያን የመጽሐፉን ቃል ከሐዋርያት ጀምሮ እንዴት እንደ ተረዳችው፣ እንደተረጎመችውና እንዴት በሕይወት ስትተገብረው እንደ ኖረች መረዳት ነው። ይህ መጽሐፍ ቅዱስን በትክክል መረዳት ለሚፈልግ ሰው ሁሉ አማራጭ የሌለው እና የመጽሐፍ ቅዱስ ንባብ የመግቢያ በር ነው።

መጽሐፍ ቅዱስ ግላዊ በሆነ መንገድ አይተረጎምም:: ልዩ ልዩ የመጽሐፍ ቅዱስ ክፍሎችንና ጥቅሶችን ቤተክርስቲያን እንዴት እንደምትተረጉማቸው፣ አንዳንዴ የሚጣሉ የሚመስሉ የመጽሐፍ ቅዱስ ክፍሎችን እንዴት እንደምታስታርቃቸው፣ ጥያቄ የሚፈጥሩ ( የሚያጭሩ) የመጽሐፍ ቅዱስ ጥቅሶችን ሊቃውንት እንዴት እንደምታብራራቸው ለመረዳት የሚፈልግ ሰው ይህ የየንታ በትረ ማርያም Betremariam Abebaw " ኦርቶዶክሳዊ ተዋስኦ " መጽሐፍ ከመደርደሪያው ሊጠፋ የማይገባ መጽሐፍ ነው። መጽሐፉ ከኦሪት ዘፍጥረት እስከ ዮሐንስ ራእይ ድረስ ያሉ ጥቅሶችን እያነሳ በጥያቄና መልስ መልክ ማብራሪያ ይሰጣል። የንታ በትረ ማርያም እድሜና ጤና ይስጥልን። አምላከ መምህራን ይጠብቅል

በቅርብ ቀን ይጠብቁን
29/11/2025

በቅርብ ቀን ይጠብቁን

Address

Addis Ababa

Website

Alerts

Be the first to know and let us send you an email when WOW Books posts news and promotions. Your email address will not be used for any other purpose, and you can unsubscribe at any time.

Shortcuts

Share

Category