Oromiyaaf Gola Ishee

Oromiyaaf Gola Ishee Page Keenyakana Like Yoogoota Odeeffannoowwan Wa'ee Oromiyaa Teessuma Lafaafi Gola Isii Isitti Himna

23/08/2023

Hooggantuusaa taatee💓

Jaalalan siif qabu
Baasee yoon siif ibsu,
Jechan fayyadamu
Garaa koo nan ciibsu.

Tilmaama siif kennuuf
Yaada buusee baasee,
Gita kee argachuufan
Ofiin of dhamaase!

Garuu gola maraa
Madaalee xiinxalee,
Anaaf tokkoffaa koo
Nan dhabe simalee

Ardiirra naanna'ee
Waliin ga'us biyya,
Qixakeetu hin jirtu
Situ qaalii kiyya

Imala jaalalaa
Isa karaa dheeraa,
Osoon siif dhama'uu
Ofuu dagadheera!

Maxxantuu naaf taate
Fuulduraafi booda koo
Filannoon koo suma
Naaf ta'i qooda koo!

Miira keessa kiyyaa
Isan qofaa aadu,
Isan booji'amee
Guyyuu si barbaadu

Tilmaamii madaali
Gara koo milladhu!
Garaa hin jabaatinii
Mee anaaf birradhu!

Bakka suga qabu
Onnee kiyya keessa,
Nuffii tokko malee
Kabajamtee teessa(Hin nuffamtu ati!)

Waa'ee kee ibsuudhaaf
An jechoota hin qabu,
Garuu si jaallachuu,
Gonkumaa hin dadhabu!

Faaya addunyaan raaju
Warqiidhaa fi meetii,
Isaaniin naaf caalta
Ati tokkee kooti.

Onneen koo si fedha
Jaalala kee baatee,
Situ booji'ate
Hooggantuusaa taatee!
💓💓💓💓💓💓💓💓💓

23/08/2023

Wantoota 17 Haadha Manaa Keessan Waliin Gochuu Qabdan!

1.. Ishee waliin taphadhu, tapha halaala kamiyyuu tasumaa (Nabiyyiin SAW Aayishaa waliin fiiguuf itti fayyadamu) Rabbiin yeroo abbaan manaa haadha manaa isaa waliin taphatu ni jaallata.

2. Gaarummaadhaan ishee ilaaluu fi waan qalbii ishee gara keetti lallaafatu hunda isheef dhiyeessu

3. Kennaa isheef bituu yeroo tokko tokko yoo toffee ta'ellee (akka daa'imaatti ilaalamuu waan jaallatuf).

4. Hojii mana keessaa irratti ishee gargaaruu fkn. Nyaata bilcheessuun, dhiqachuu, kutaa qulqulleessuu fi kkf yeroo argattan.

5. Warra ishee kabajuu fi yeroo tokko tokko kennaa isaaniif bitachuu.

6. Waan gaarii isheen siif hojjechaa turte dinqisiifadhu yeroo hunda sanaaf ishee galateeffadhu. Rabbiin akkana jedha; Kan nama hin galateeffanne Na hin galateeffatu.

7. Hammam akka siif hiika qabdu, hammam akka ishee Jaallattu fi hammam akka carraa ishee argatte itti himi.

8. Yeroo tokko tokko akka daa'imaatti ishee badhu gara sireetti geessu.

9. Ishee qeequun dura galeefadhu.

10. Urgaa gaarii urgaa’uudhaan (afaan fi qaama) yeroo hunda isheef hawwataa ta’i.

11. Yeroo tokko tokko yeroo waliin jirtan ishee waliin chat godhii.

12. Yeroo hojiitti jirtutti "I miss U" ,"I love U" jettee itti himuu.

13. Ishee waliin waan tokko hojjechuu, fkn. Nyaata bilcheessuu, nyaachuu, Qur’aana dubbisuu fi kkf.

14. Ishee rukutuu, reebuu ykn miidhuu irraa of qusadhu (Islaamummaa .

15. Uffaanna gaarii (dirqama ishii) uffachuu

16. Jireenya keetiif Rabbiin galateeffadhu.

17. Yeroo mara du'aa (salaata) kee keessatti ishee yaadadhu.

Karaa isheen Jannaata ittin seentu ta'i.

23/08/2023

Dhugaa Dubbachuudhaaf Namoota Tokko Tokkoo Osoo Isaan Lubbuun jiranii galata isaanii dubbachuun hedduu takka gaariidha. Garu Nuti wanti nutti baramee Nama Shoora, Gahee, Qooda bareeda tokko qabu eerga inni du’ee booda waa’ee Faaruu isaa dubbatan, eerga inni du’ee booda Galata isa dubbatan. Akkasirra Nama tokko osoo inni lubbuun jiruu galata isaa dubbachuun hedduu takka gaariidha. Keessaafu ObboleessaKeenya Kadiir Martuu (Kadiir Simalee) hedduu takkan Ajaa’ibsiifadha, Sababni isaa Yeroo amma kana Nama Miidiyaa Hawaasummaa kana irratti Waan Hedduu Uummata barsiisuu dhaan Nama qooda Leenca qabuudha.

Keessaafuu Duullifi Qabsoon ObboleessiKeenya Kadiir Martuu Miidiyaa Hawasaatin godhaa jiruu kan dargaggootafi shamarran baay’een safuu Amantiifi hawaasaa keessatti cabsan irratti gaggeessaa jirufi Warra gosaan wal nyaatu, Warra Fakkeessee jiraatu hunda Hanga danda’uu Gorsaan karatti deebiisaa jiru, Waan hedduu gaarii fi jajjabeeffamuu qabuudha.

Dabalataan: Waa’ee Kadiir Martuu Ibsii yoo naan jettan, Kadiir Anaaf Nama Addaati. Nama Ijoollummaa Kootirraa haasawafi Weelluu Isaa dhaggeeffachaa guddadhe. Haasawni isaa Akka konkoolaataan yeroo beenzila guutate Fuul-duratti tarkaanfatutti, Fuul-duratti Nama Tarkaanfachisa. Welluun isaatiis dhaggeeffattee hin quuftu, Welluun Isaa Durii Kaasee Hanga Ammatti Welluu Bareedaa fi Welluu Walaloo fi Jechoonni Inni Fayyadamu Soorgoo fi Sookoo Qabduudha.

Kadiir Martuu Qabsoo Oromoo Keessattiis wanti Uummata isaaf hojjate waan jecha qofaan ibsamee dhumuu miti. Kabajamoo Kadiir Martuu Artistii Qofa Osoo hin taane qabsaa’aa Gameessa qabsoo Oromoo keessatti guddateedha.

Leenca Ija Barbaada Kan Onneeni Isaa Sibiilaa Hortee Warra Guddaa Baga Oromorraa dhalattee DhalachuunKee Qoftii gahaadha.
- Ilma Jaarraa Abbaa Gadaa,
- dhiira Akka Itti Dubbataniif Bakka Itti Dubbatan Beeku,
- Dhiira Morkii Hin Qabne,
- Kadir Leenca Keenya,
- Albuuda Keenya Qaalii,
- Ati Nuuf Qabeenya!

- Kadiir Nama Dhugaa Qofa Irraatti Nama Qeequ Kan Fakkeessuu Hin Beeynee,
- Nama Arjaa Kan Obboleessaf Toltuu Yaadu,
- Nama Garaa Laafu Kan Onnee Irraa Nasiihaa Dubbatu,
- Nama Saba Isaatiif Dhukkubsatu,
- Nama rasuula Aalamaa jaalatu S.A.W,
- Nama Diinii Isaa Jaalatu
- Nama Yoo Haasawu Onnee Irraa Haasawu

Kabajaamoofi Jaalatamoo Kadiir Martuu
Beekumsa beekumsa caalu siif haa dabaluu. Rabbiin Umrii Sii Haa Dheereessuu Kadiir Martuu Leenca Oogummaan karaa gaarirratti nama gorsuudha ati jiraadhu. Umrii dheertuun ummata kee keessa sihaa tursiisuu!

Obboleessi kee si jaalata!♥️
Onneef mana koo keessatti siidaa siif dhaabeen jira!)

Oromoon Marti Naaf Eebbiisa namaan akka malee jaaladhu Kedir Mertu !!

Emran Ibrahim……✍️

24/08/2022

GAAFFILEE JIREENYA MILKAA'INAA JIRAACHUUF ║ Nama kakaasan:
▬▬▬▬▬▬▬▬
❏ Gaaffileen jireenyatti hiika godhan kunniin nama milkaa’ina hawwu tokkoof baay’ee murteessoo dha.
⁃ ANI EENYU ?
⁃ Maalifan Uumame?
⁃ Ergamni koo maali?
⁃ Karoorri koo maali?
⁃ Mul'anni koo maali?
⁃ Kaayyoon koo maali?

√ Eessaan dhufe?
√ Eessan Jira?
√ Eessan Deema?

√ Har'a maalin hojjadhe?
√ Maal hojjechuun qaba?
√ Wanta haaraan hojjedhu maaltu jira?

❏ Jireenya kee keessatti wanta hojjettee itti gammadduu fi si hin gammachiifne tarreessuu dhaan addatti maal gochuu akka qabdu hundumaa dursuun sammuu kee waliin marii gaggeessi!

√ Your Future is on your hand!
√ Success is behind you!

❏ Ganama obboroo yommuu hirriiba irraa kaatu wanta guyyaa kana hojjettu karooratti qabattee kaata. Galgala yommuu raftu immoo waan raawwatte miijanta, kunis ciminaa fi dandeettii kee fuulduratti itti adeemtuuf ragaa siif ta’a.

Address

Hirna

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Oromiyaaf Gola Ishee posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Oromiyaaf Gola Ishee:

Shortcuts

Share

Category