Life Experience

Life Experience Contact information, map and directions, contact form, opening hours, services, ratings, photos, videos and announcements from Life Experience, London.

حلقات ومحادثات مع ضيوف متخصصين في مجالات مختلفة. في كل حلقة بنناقش تجارب حقيقية ونطرح أسئلة ونشارك معلومات تفيدك في الحياة اليومية والمهنية.

هدفنا نتعلم من تجارب بعض ونقدم محتوى بسيط ومفيد لكل متابعينا.

كل حلقة = ضيف جديد + حوار هادف + فائدة حقيقية 🎤

10/09/2026

ازاي تحافظ على ولادك في الغربة؟

09/09/2026

شروط سداد القروض الطلابية

07/09/2026

▶️ نزلت الحلقة السادسة كاملة على اليوتيوب عن مرحلة التعليم في ال A-Level . لينك الحلقة السادسة: https://youtu.be/5D67amLoz10?is=-b7_07_0rG8PHDCd

شكرًا للجميلة رندا القاضي على حضورها ومشاركتها المميزة ومعلوماتها القيمة. ونتمنى تكونوا استفدتم حتى لو بمعلومة واحدة🌹

📸 انستجرام ريلز
instagram.com/life.experience.podcast

📘 فيسبوك ريلز
facebook.com/share/1C5ehMRcQM

▶️ يوتيوب حلقات كاملة
m.youtube.com/channel/UC7w58yPDvtA_swQKhsCJEJg

🎵 تيك توك ريلز وحلقات كاملة
tiktok.com/.experience.2025

🌟 تابعونا وشاركونا رأيكم!

01/08/2026

� آخر سؤال في الحلقة… سؤال إجباري! �

28/07/2026

حبيتوا الفكرة؟

09/07/2026

شكل الحياة في أمريكا

⭐ المميزات
أمريكا من أكتر البلاد اللي فيها فرص كبيرة للنجاح. أي شخص عنده مهارة أو تعليم كويس وبيشتغل على نفسه يقدر يطور حياته ويحقق دخل أحسن. كمان من مميزاتها النظام، واحترام المواعيد والقوانين، وقوة الجامعات والشركات، والتقدم الكبير في التكنولوجيا. غير كده، فيها ناس من كل أنحاء العالم، وده بيخلي الشخص يتعرف على ثقافات وتجارب مختلفة.

❌ العيوب
رغم كل مميزاتها، الحياة في أمريكا ليها صعوباتها. المعيشة غالية، خصوصًا الإيجارات والعلاج لو معندكش تأمين خاص، وكمان ضغط الشغل ممكن يكون كبير. بالإضافة إلى ان بعض الناس ممكن يحسوا بالوحدة بسبب اختلاف طريقة الحياة والعلاقات الاجتماعية.

08/07/2026

إمتى الحكومة ترجعلك جزء من فلوس الضرايب؟

في أمريكا، الحكومة ممكن ترجعلك جزء من فلوس الضرايب بعد ما تقدم الإقرار الضريبي السنوي (Tax Return)، لو اتضح إنك دفعت ضرايب أكتر من المطلوب، أو لو كنت مؤهل تاخد دعم ضريبي زي Child Tax Credit.

Child Tax Credit هو نظام بتقدمه الحكومة للأسر اللي عندها أطفال علشان يساعدهم في مصاريف تربية الأولاد. النظام ده بيقلل قيمة الضرايب اللي الأسرة المفروض تدفعها، وفي بعض الحالات ممكن الأسرة تاخد جزء من المبلغ كفلوس راجعة. الهدف منه إنه يخفف الضغط على الأهالي ويساعدهم في مصاريف زي الأكل، والتعليم، والرعاية الصحية.

في إنجلترا، الحكومة ممكن ترجعلك جزء من فلوس الضرايب لو كنت دفعت ضرايب زيادة عن المطلوب، مثلًا لو حصل خطأ في حساب الضريبة اللي اتخصمت من راتبك.

كان موجود في إنجلترا نظام اسمه Child Tax Credit، وكان بيساعد الأسر اللي عندها أطفال، خصوصًا الأسر ذات الدخل المحدود، لكن الحكومة وقفت استقبال طلبات جديدة للنظام ده واستبدلته بنظام Universal Credit.

Universal Credit هو نظام دعم مالي بتقدمه الحكومة للأسر والأشخاص اللي ظروفهم تستحق المساعدة. المبلغ بيتحدد حسب حالة الأسرة، زي الدخل، وعدد الأطفال، وتكاليف السكن، وإذا كان الشخص بيشتغل أو لا. ولو عند الأسرة أطفال، ممكن تاخد مبلغ إضافي يساعد في مصاريف تربيتهم.

03/07/2026

نظام ال Benefits:

⭐️ برنامج WIC في أمريكا
هو برنامج تبع الحكومة الأمريكية معمول علشان يساعد الحوامل، والأمهات بعد الولادة، والأمهات اللي بيرضعوا، وكمان الأطفال لحد سن 5 سنين لو دخل الأسرة قليل. الهدف منه إن الأطفال يكبروا بصحة كويسة والأمهات ياخدوا الأكل اللي جسمهم محتاجه أثناء الحمل وبعد الولادة.

البرنامج بيدي المستفيدين كارت إلكتروني بيتشحن كل شهر، ويقدروا يشتروا بيه أكلات صحية (محددة جداً) زي اللبن، والجبنة، والبيض، والحبوب، والعيش، والأرز، والشوفان، والفاكهة، والخضار، والعصير، والفول والعدس، وزبدة الفول السوداني، ولو الطفل محتاج لبن صناعي البرنامج بيوفره كمان حسب الحالة.

مش بس كده، البرنامج كمان بيوفر نصايح عن التغذية، ويدعم الأمهات اللي بيرضعوا طبيعي، ويتابع صحة ونمو الأطفال، ولو الأسرة محتاجة خدمات صحية أو اجتماعية تانية بيرشدوهم ليها. علشان تستفيد من البرنامج لازم تكون من الفئات المستحقة، ودخل الأسرة يكون في الحدود المطلوبة.

⭐️ برنامج Healthy Start في إنجلترا
في إنجلترا فيه برنامج شبه WIC اسمه Healthy Start، وهدفه يساعد الحوامل والأسر اللي دخلها محدود إنهم يشتروا منتجات ليهم ولأطفالهم.

البرنامج بيدي كارت إلكتروني بيتحول عليه مبلغ كل شهر، وتقدر تستخدمه في شراء المنتجات عامة.

البرنامج متاح للحوامل بعد الأسبوع العاشر من الحمل، وللأسر اللي عندها أطفال أقل من 4 سنين، بشرط إنهم يكونوا مستوفين شروط الدخل أو بياخدوا بعض المساعدات الحكومية زي Universal Credit.

بشكل عام، البرنامجين هدفهم واحد وهو دعم صحة الأسرة والطفل، لكن برنامج WIC في أمريكا بيقدم خدمات أكتر زي متابعة التغذية، ودعم الرضاعة الطبيعية، والإرشاد الصحي، بينما Healthy Start في إنجلترا بيركز أكتر على المساعدة في شراء المنتجات عامة.

02/07/2026

كنت تعرف إن في إنجلترا إذا كانت أقرب مدرسة مناسبة لطفلك بعيدة عن بيتك، ممكن يحق له نقل مدرسي مجاني؟

إذا كان عمر الطفل من 5 إلى 8 سنوات، وكان بين البيت والمدرسة أكثر من ميلين (حوالي 3.2 كم)، فقد يكون من حقه الحصول على نقل مجاني.

أما إذا كان عمره من 8 إلى 16 سنة، وكانت المدرسة تبعد أكثر من 3 أميال (حوالي 4.8 كم)، فقد يكون أيضًا مؤهلًا للنقل المدرسي المجاني، حسب شروط المجلس المحلي للمنطقة اللي انت عايش فيها. تواصل معاهم واسألهم عن الميزة دي.

26/06/2026

كل اللي محتاج تعرفه عن نظام ال Clearing للتقديم على أقوى الجامعات البريطانية!

Address

London

Website

Alerts

Be the first to know and let us send you an email when Life Experience posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Life Experience:

Shortcuts

Featured

Share