17/12/2023
至各位
首先同各位支持咗我哋咁耐嘅客人講聲多謝🙏！ 好遺憾及痛心咁同大家宣佈自由朔要同大家講再見了，我哋即將係2024年1月底暫停一切網店及零售營運！
呢個決定一啲都唔容易，話說我哋由開始到而家已經整整營運佐三年時間。呢三年我哋一齊同大家經歷過好多香港人歷史嘅時刻，由100萬人大遊行至宇宙國安法實施後，至依家移民潮. 我哋一直以來保持較為低調但有效地經營整個網站，全憑當初信念希望透過微細嘅力量盡可以幫助手足。不過老實講，我哋雖然唔係幫到好多手足，但亦無愧對手足。
結業對我哋嚟講係非常痛苦嘅決定，奈何地考慮過現時香港營商環境同埋不同因素，最後都係決定結束自由朔 SHOP 4 FREEDOM的營運.
好啦，我喺度都唔講咁多情緒勒索說話。為咗向所有支持咗我哋咁耐嘅客人表達小小心意，我哋決定即日起至到下個月一月尾網上所有產品以開倉價七折售賣！！（已經係最盡，我哋好多產品都係30%成本）
再次多謝各位支持咗我哋咁耐嘅客人同手足，一直以嚟陪伴我哋成長，可以令到我哋呢三年時間變得更加豐富。希望你哋可以喺呢個清倉時間內搵到啱用又平嘅貨啦，作為我哋對你最後一個分心意。
未來見
你我擁有相同信念，仰望天空亦是相同
自由朔
Shop 4 Freedom
