我愛日本雞 I love Japan chicken

30/01/2026

【尋覓日本47都道府縣特色雞肉🐔美食之宮崎篇】

嚟緊就到農曆新年，相信大家由細到大都會喺佳節期間見識到唔少「神秘嘅東方力量」aka好意頭嘅說話或者象徵🧧
其中企得直又生得快嘅「竹」一直都大受歡迎🎋，咁好寓意同獨特嘅清香真係好難令人唔鐘意，就連喺飯枱都會見到佢充足嘅戲份😋
大家見得最多嘅一定係竹筒飯啦🌾，但原來喺日本仲有得食竹筒雞「KAPPO雞（かっぽ鶏）」㗎🐔

小編已經對於「日本九州民眾熱愛食雞肉」深有印象🥰，今次tour都毫不意外係去到九州地區嘅宮崎縣🗾
話說宮崎縣有個盛產竹嘅地方叫做高千穗🎍，以前生活喺呢度嘅農民會將一節節嘅竹筒作為方便攜帶嘅器皿使用🍽
而竹筒雞嘅做法基本上都係就地取材，只要將調咗味嘅雞肉🐔同蔬菜🥗（牛蒡、菇、韭菜、胡蘿蔔等）塞入事先剖開嘅新鮮青竹節🎋，再整個竹筒攞去慢火烤熟，咁就可以開餐啦🤤

烤過嘅青竹除咗散發清新香氣之外，仲會自然瀝出有益健康、清熱化痰嘅竹瀝油精華✨️，喺竹筒入面同日本產雞肉完美融合，加埋啲鮮甜嘅蔬菜一齊食，簡直係突破天際嘅富足享受😍

至於點解個名會係「KAPPO雞」呢🤔？冇錯又係萬能嘅日文擬聲詞joke啦🤣
當地人覺得倒水入竹筒嘅時候會有「KAPPO KAPPO（かっぽかっぽ）」個聲音💧，所以就一於將「竹」叫做「KAPPO（かっぽ）」啦🤗
依加去到宮崎縣高千穗都可以體驗親手整「KAPPO雞」添，咁啱有機會嘅話大家都不妨去試下啦🤩

小編都循例講返個新年願望先🎆
喺新嘅一年，祝大家平步青雲、年年高升🎋
就算2026年「放馬過來」都唔使驚🐎，記得「有乜依郁，揸住碌竹」，馬到就會成功啦🏃‍♂️
食埋呢啖雞肉，願大家都有破土而出嘅生命力💪😌

參考資料：
農林水產省
https://www.maff.go.jp/j/keikaku/syokubunka/k_ryouri/search_menu/menu/kappo_dori_miyazaki.html

#日本產雞肉 #我愛日本雞 #日本食鳥協会 #日本食鳥協會
#宮崎 #宮崎縣 #竹筒雞 #かっぽ鶏

23/01/2026

【今鋪真係雞肉世一 優質蛋白質C位當仁不讓🐔👑】

大件事啦！！🤯🤯
話說小編因為間唔中會做下運動，所以都有留意開啲營養資訊🏃‍♂️
作為餐餐無肉不歡嘅「優質蛋白質信徒」🍗，前排見到美國公佈咗最新嘅《2025-2030年飲食指南》（Dietary Guidelines for Americans，簡稱 DGA）📑
個倒金字塔完全係小編嘅夢中情餐，最重要嘅原因梗係DGA鼓勵大家通過食用原型食物提升優質蛋白質嘅比重⏫️，仲要將雞肉擺咗喺第一排正中間Center位✨️，今鋪真係世一啊！！！🥳

呢個感覺簡直就係自己嘅本命終於畀全世界認識到有幾好幾權威🥹
大家諗下，又好味又有營養💪、對於身體同銀包都冇乜負擔😍，日本產嘅雞肉仲確保咗安心安全❤️，真係值得更加多人鐘意㗎，路過都想留名試一啖啦🤗🥄🥢
希望更加多人明白小編for real食得好好🤩，今日都係立志稱為「地雞鬼見愁」嘅一日😎🐔

講還講，大家除咗優質蛋白質之外都要食勻嗮個金字塔先得🍽，畢竟人類係雜食動物，「什麼都吃只會讓我營養均衡」係不變嘅真理😌
不過如果有特殊飲食需求嘅話，就記得咨詢返專業建議啦🩺🥼
祝大家身體健康，餐餐食飽😋

參考資料：
https://cdn.realfood.gov/DGA.pdf

#日本產雞肉 #我愛日本雞 #日本食鳥協会 #日本食鳥協會 #雞肉 #營養

16/01/2026

🇯🇵✨ 日本產雞肉 × 高知駅 × 高知城 和味雞肉祭 活動推廣✨🇯🇵
#高知駅 ＆ #高知城 特別於 2026年1月起 推出日本產雞肉菜單，大家可一次過品嚐到6款雞肉品種，各款料理都經過主廚用心研究每個品牌嘅特色，為大家帶來最滋味嘅享受❣

🎁 活動期間限定
凡點選圖片中的指定菜單，即可獲得「雞肉部位介紹大全文件夾」乙個
※ 數量有限，先到先得，送完即止

🍽 精選料理介紹
雞腎【使用白羽雞🐔】
日本產雞肉以嚴格衛生標準管理，更為安全安心。輕火炙烤至恰到好處，更能呈現雞腎本身的鮮甜與深層香氣。

雞頸【使用白羽雞🐔】
因運動量大而脂香豐盈、肉質緊緻彈嫩。外層微脆、內裡多汁，香氣濃郁而餘韻悠長，憑藉其稀有性，成為備受推崇的特別風味。

雞心【使用白羽雞🐔】
尺寸較其他國家產品更為飽滿，口感爽脆富彈性，帶來一口即知的奢華滿足。

雞胸骨【使用白羽雞🐔】
採用珍稀的三角軟骨部位，口感香脆輕盈，餘韻無窮，是令人難以忘懷的一道佳品。

雞肝【使用全農國產若雞🐔】
每日以紅酒、雪梨、蘋果等食材熬煮成香醇醬汁，細緻包裹著雞肝，完美引出其濃厚而細滑的獨特風味。

雞翼【使用名古屋交趾雞🐔】
尺寸較一般雞翼更為飽滿厚實。外皮炙烤至香脆金黃，內裡多汁馥郁，入口瞬間帶來極致的滿足感。

南蠻雞【使用錦爽雞🐔】
以洋蔥粒、蛋碎、橄欖油與醋調製成的自家製他他醬，以柔和的酸度巧妙平衡南蠻雞的油香，使整體風味更為清爽細緻。

免治雞肉蓋【使用南國元氣雞🐔】
由主廚精心調配雞肉與軟骨的黃金比例，口感彈韌而細膩。特別塑造成橢圓型，使整體都能完美沾附日本大分縣蘭王蛋黃的濃郁旨味，將雞肉的鮮香層次展現得淋漓盡致。

📍 高知駅：中環蘇豪嘉咸街46號地舖
📍 高知城：銅鑼灣駱克道487-489號駱克駅21樓
📅 活動期間：2026年1月起
🎁 贈品「雞肉部位介紹大全文件夾」數量有限，送完即止

活動已踏入後半，仲未試嘅朋友記得要把握時間前來一嚐❣😋

#和味雞肉祭 #我愛日本雞 #日本食鳥協會 #料理 #日本產雞肉 #高知駅 #高知城

09/01/2026

【長崎良美（長期糧尾）帶飯系列 嘆住壽喜燒 霜凍變心動🐔 🍗】

前兩日經歷咗今年第一個霜凍警告❄️，長崎良美（長期糧尾）嘅小編就嚟凍到結冰🧊，唔講以為某花式溜冰運動番嘅劇場版喺停擺咗咁多年之後靜靜雞喺香港地發生緊⛸️🥶
呢啲時候真係無法避免地switch咗做冬眠mode😴，縮喺個被竇度分分鐘可以see you next year咁款👋，朝早瞓多5分鐘都唔會夠，放假更加不得了，直頭完全唔想郁🛌

但唔係喎，就算天寒地凍、凍到入心，都要好好照顧自己🥹，始終喺呢個世界上，身（肌）體（肉）係唔會背叛你嘅💪，所以都要食啲好嘢、特別係好似日本產雞肉咁樣嘅優質蛋白質嚟keep住個身暖🌡，個心先至有機會暖返㗎嘛❣️
好彩仲有微波爐呢個大救星，喺蕭瑟寒風之中拯救咗行動力就嚟變樹懶嘅小編🦥，等我分享下點樣用文明嘅利器整返煲人見人愛嘅和風雞肉壽喜燒先🐔🍲

材料（2人份）
日本產雞髀肉🍗 1塊（約250g）
鴻禧菇或者舞菇🍄 100g
長蔥🌱 1/2條（約82.5g）

調味料
日本酒🍶 1大勺
味醂🫙 1大勺
白砂糖🍬 1/2大勺
日式醬油🫙 1.5大勺
飲用水💧 100cc

小編私心加餸
水菜或者其他沙律菜🥗 30g
溏心蛋🥚 1個
白飯🍚 1碗

做法
1. 將雞髀肉切成入到口嘅size🍗，留意唔好太厚身，薄啲先至易熟透🍴
2. 擇下啲菇，打斜切下啲蔥，你用食物鉸剪都得㗎✂️
3. 將調味料擺落可以入微波爐嘅平底耐熱容器🥣，全部溝埋之後鋪啲雞髀肉入去，盡量唔好令到啲雞肉互相重疊🐔
4. 用保鮮膜冚住容器，入微波爐600w叮2-3分鐘🔥
5. 叮完第一轉之後攞返煲嘢出嚟，拆咗啲保鮮膜之後將雞肉反面🔃，加入菇同長蔥🍄🌱，一樣用保鮮膜冚住之後微波爐600w叮4分鐘🔥
6. 叮完第二轉之後如果都係見到啲肉紅紅哋，就一路繼續加熱一路觀察👀，每次大概叮多10-20秒，切記要叮到熟嗮先食得🍽
7. 撈返熟嗮嘅雞髀肉出嚟擺盤，小編就加埋粒現成嘅溏心蛋同啲水菜送飯食🍚，咁就搞掂營養均衡嘅一餐啦💯

其實啲食材唔齊都冇咩所謂喎，有啲咩就揼啲咩落去叮到熟嗮就得🥣，橫掂壽喜燒都計邊爐啦，咁邊爐嘅精髓就係包容🤗，所以最緊要食得開心，求求其其當清埋個雪櫃都幾好😋

跟住呢個食譜，大概三個字就食到唔會令你失望嘅壽喜燒🍲，唔使次次都等到下晝三點先特登出街走去吹住風排隊等堂食🤭，今鋪真係「最慳電」啦🔋⚡️
好，食完繼續瞓，咁多位晚安好夢💤

參考資料：https://delishkitchen.tv/recipes/259373014691348886

#日本產雞肉 #料理 #我愛日本雞 #日本食鳥協会 #日本食鳥協會 #食譜 #食譜分享 #雞肉料理 #雞肉 #雞肉壽喜燒 #壽喜燒 #鶏すき煮 #すき焼き #便當 #帶飯 #冬眠 #慳電模式 #俳句 #最上川 #長崎良美 #長期糧尾

02/01/2026

31/12/2025

🇯🇵✨ 日本產雞肉 × 高知駅 × 高知城 和味雞肉祭✨🇯🇵

嚴選來自日本高品質雞肉，憑藉嚴格的飼養與衛生管理✔，將安心、美味與職人精神完美呈現俾你❣
#高知駅 ＆ #高知城 特別於 2026年1月起 推出日本產雞肉菜單，大家可一次過品嚐到6款雞肉品種，感受日本雞肉真正嘅魅力😍

🎁 活動期間限定
凡點選圖片中的指定菜單，即可獲得「雞肉部位介紹大全文件夾」乙個
※ 數量有限，先到先得，送完即止

🍽 6種日本產雞肉品種介紹
----------------------------------------------------------------------------------------------------
🐔白羽雞
來自北海道和青森縣。從生產到加工的一貫整合系統，能穩定供應安全、安心的產品。最大特色在於雞肉獨特的異味極少，美味可口。此外，營養價值非常豐富，與一般雞肉相比，所含的維生素E超過3倍。

-----------------------------------------------------------------------------------------------------
🐔全農國產若雞
來自全農合約農場及直營農場的日本產若雞，會按照雞隻成長所需要飼餵合適飼料，讓雞隻生長更健康。因此若雞肉質飽滿，適合各式料理。

-----------------------------------------------------------------------------------------------------
🐔名古屋交趾雞
為日本有名的地雞之一。承襲日本原生品種「Kawashi」的特徵，並透過充分運動，使雞肉本身的旨味更加凝縮。略帶紅色、緊實適度的肉質，富含濃郁香氣與強烈旨味，每一口咀嚼，都能感受到肉的甘甜與美味。
此外，使用添加木醋酸的飼料，可有效降低雞肉特有的異味，經過約120天的長期飼養後才出貨，使風味更深層、肉質更具個性。
-----------------------------------------------------------------------------------------------------
🐔錦爽雞
以洋蔥粒、蛋碎、橄欖油與醋調製成的自家製他他醬，以柔和的酸度巧妙平衡南蠻雞的油香，使整體風味更為清爽細緻。
-----------------------------------------------------------------------------------------------------
🐔南國元氣雞
來自於鹿児島縣。從雛雞到出貨的整個飼養期間，皆以完全不添加抗生素與合成抗菌劑的飼料飼養，為安全又安心的若雞雞肉。其特色是幾乎沒有雞肉特有的腥味，且肉質柔嫩。
-----------------------------------------------------------------------------------------------------
📍 高知駅：中環蘇豪嘉咸街46號地舖
📍 高知城：銅鑼灣駱克道487-489號駱克駅21樓
📅 活動期間：2026年1月起
🎁 贈品「雞肉部位介紹大全文件夾」數量有限，送完即止

美食已準備好，等大家與家人朋友聚餐❣❣一齊迎接新年🎆
祝各位新年快樂❣

#和味雞肉祭 #我愛日本雞 #日本食鳥協會 #料理 #日本產雞肉 #高知駅 #高知城

26/12/2025

【雞胸肉嘅療癒魔法 年末記得見攰就唞😴✨️】

終於都等到放大假啦大家Merry Christmas🎄
過去呢一年發生咗太多嘢，除咗瞓到冬眠咁款好好休息之外💤，其實都可以用優質嘅食物療癒自己🫂

講起減輕疲勞，一定唔可以錯過日本厚生勞動省認證嘅「活力之源」之一「咪唑二肽」 (Imidazole dipeptide)啦🤩！
「咪唑二肽」係存在於動物肌肉與大腦中的天然雙胜肽，主要包含「肌肽（Carnosine）」同「甲肌肽（Anserine），常見於需要長距離飛行嘅候鳥🐔同埋洄游魚類🐟體內，而整隻雞裡面「咪唑二肽」最豐富嘅就係支撐住雞翼嘅部位aka雞胸肉啦😍！

到底「咪唑二肽」有幾威水呢🤔？
大家都知道候鳥遷徙需要飛行超過1萬公里🫨，呢個時候「咪唑二肽」就負責預防同恢復長時間使用肌肉產生嘅疲勞，仲有得抗氧化添🤗！咁樣幫啲候鳥見縫插針見攰就唞，先至可以持續飛行嘛🪽

所以喺我哋食雞胸肉嘅時候，雞胸肉嘅被動技能「咪唑二肽」就一路畀緊回血buff我哋🪄，特別係做完運動之後，「咪唑二肽」仲可以有效修復肌肉嘅良性損傷🩹，喺享受嫩滑雞胸肉嘅同時有得增加肌肉量，咁就有多啲力量繼續向前啦🏃‍♂️

同埋睇開呢個page嘅大家都知小編係長崎良美（長期糧尾），比起各種洄遊魚類，雞胸肉可以話係「CP值之鬼」🤭，低脂高蛋白易取得又可以整日食，療癒埋個銀包都好重要㗎😎

最後話埋畀你知小編嘅聖誕願望🔔：無論我哋面對緊啲咩，希望食咗呢塊雞胸肉之後，都可以好似候鳥咁相信自己”I’ll be back”💪記得見攰就唞啦😌

參考資料：
https://www.j-chicken.jp/quiz/
https://www.maff.go.jp/j/pr/aff/2009/spe1_01.html

#日本產雞肉 #我愛日本雞 #日本食鳥協会 #日本食鳥協會 #雞肉 #營養 #見攰就唞 #聖誕快樂

19/12/2025

【長崎良美（長期糧尾）帶飯系列聖誕特別篇 冇人可以拒絕一隻炸雞槌🐔🍗】

隨住Mariah Carey就嚟「解凍」完畢🧑‍🎄，相信大家都漸漸進入holiday mood係咪呢😏
講起holiday，一定唔少得各式各樣開party嘅機會啦🥳
長崎良美（長期糧尾）嘅小編都一度煩惱緊可以雞手鴨腳咁整啲乜先好🤔，諗諗下發覺原來謎底就喺謎面度🤣，不如就整冇人可以拒絕嘅炸雞槌（雞手）啦🐔🤩

「但原味嘅雞槌有啲唔夠surprise喎，會唔會畀美食判官覺得boring㗎😱？」
放心啦小編收到你😉！驚喜呢家嘢其實唔需要太fancy嘅功夫，秘密就係安心安全又好味嘅日本產雞肉🐔、仲有夠嗮refreshing嘅和風調味柚子胡椒🍋🧂！
喺享受獨特美味嘅同時補充優質蛋白質💪，分分鐘美食判官要畀騎士勳章你啦🎊

材料（2人份，可以按照party參加人數等比例調整🎉）
雞槌🍗 4-5隻
低筋麵粉🫙 3大勺
生粉（片栗粉）🫙 3大勺
炸嘢用嘅油🫗 適量（根據鑊嘅尺寸調整，需沒過食材）
生菜🥬 適量
番茄仔🍅 適量
檸檬角🍋 適量（擠檸檬汁前記得問過其他人啦😎）

調味料
乳酪🥛 2大勺
柚子胡椒醬🧂🍋 2-3小勺
鹽🧂 1/2小勺

做法
1. 準備好已解凍嘅日本產雞槌🍗，用牙籤喺雞槌表面篤啲窿以確保入味😋。
2. 將調味料全部混合，醃雞槌半日或者過夜😴。醃嘅時候記得擺返雪櫃冷藏啦🧊。
3. 夠鐘之後，用廚房紙輕輕印乾醃好咗嘅雞槌表面嘅水分💧。
4. 混合低筋麵粉同生粉（片栗粉），裹滿雞槌😶‍🌫️。
5. 鑊落油，加熱到160°C左右再落雞槌🍗。炸咗2-3分鐘之後攞返出嚟，靜置3-4分鐘之後，再用180°C左右嘅油炸多1分鐘到，咁就大功告成🤩！

整定一大兜柚子胡椒味炸雞槌攞去party🎁，你鐘意嘅話擺盤嘅時候仲有得用雞槌、生菜同番茄仔砌棵靚靚聖誕樹添🎄
小編宣佈呢個就係「第一屆最好味聖誕樹大賽」嘅贏家💯，畢竟冇人可以拒絕炸雞槌，如果有咪食多隻先囉🤤

參考資料：
https://paonogohan.blog.jp/archives/21447371.html

#日本產雞肉 #料理 #我愛日本雞 #日本食鳥協会 #日本食鳥協會 #食譜 #食譜分享 #雞肉料理 #雞肉 #炸雞 #柚子胡椒味炸雞槌 #柚子胡椒クリスマスチキン #便當 #帶飯 #派對食物 #美食判官 #長崎良美 #長期糧尾