08/07/2025
大家有向我買開磨砂霜嘅就知道，其實我有正職😅 因想專心正職同休息多d，決定唔做了。所以呢個舖頭會停業，謝謝大家一直支持🙏🏻
其實做呢個，夏天嘅時候係真係好攰 訓得好小……因為真係好多好多單….
返咗一日工已經好攰，番去包貨 寄貨，仲要覆message ，解答好多問題（因為未用過呢件產品嘅人，正常都好多問題，一開頭我都係😂😂）
做咗呢幾年，最開心就係多咗人認識呢件產品，幫到大家解決流汗臭嘅問題！大家嘅經歷，其實我都經歷過，我完全理解嗰種尷尬 （我覺得承認自己流汗臭係一件好尷尬嘅事）
仲要比人歧視…… 其實邊個想流汗臭啊，我自己都唔想㗎嘛，天生冇辦法架麻🫠🫠
回想起好多年前，我係網上睇到人哋分享呢件產品，決定一試。我用咗一次，第二日流汗唔臭。我仲好記得嗰陣時係暑假，好熱好熱嘅時候，我覺得呢件嘢真係好神奇！ 如是者keep住用咗幾年，仲發現竟然汗味係少咗好多。
（呢度延伸講一講，我之前同供應商嗰邊傾開計，我話呢隻嘢我用咗幾年之後，我啲汗味竟然比起之前唔臭，係超明顯。之後供應商嗰邊話，係呀，我哋個代言人：游飈 都係咁。佢依家已經唔使再用。 以前舊包裝呢，係貼咗前TVB藝員游飈先生嘅相上去。我諗應該冇咩人見過呢個包裝😂已經係好多年前😂 供應商再講佢哋同游飈先生之間嘅故事。原來游飈先生都係磨砂霜嘅真實用家，佢未用磨砂霜之前，又係試過林林總總嘅產品，外國幾貴嘅產品都無用😓佢都好開心呢件產品幫到佢）
但係其實未用呢件產品之前，我都好似大家咁用止汗劑、止汗石、甚至淘寶所謂嘅偏方啦，都冇用。試咗好多方法都解決唔到嘅時候真係好洩氣😓又覺得嘥左好多錢
而身邊嘅人見我成日咖啡、食特辣，就叫我飲食清淡啲。之後我戒咗咖啡、唔食辣，但係流汗都係臭😑 （我自己覺得體味、流汗臭同飲食無關）
我自己都好慶幸遇到呢件產品，如果唔係真係一世俾人歧視，一世流汗都臭😓
雖然我唔再賣呢件產品，但係其實大家可以直接向供應商嗰邊買
謝謝大家一直支持🙏🏻
#無患子植物香體磨砂霜 #汗味 #僻除汗味體味 #僻臭 #香體 #身體磨沙 #香薰海鹽磨砂 #無患子 #白滑腋下 #減少身體粒粒 #毛孔閉塞 #暢通毛囊 #腳臭 #磨砂膏 #去異味 #身體異味 #液下異味 #胯下異味 #去體臭 #去臭狐 #臭狐 #體臭 #天然磨砂膏 #美白 #天然美白 #女性護膚 #代購 #雜貨 #香港行山
