IN Personal Audio

15/07/2022

屋企除咗會用🔊喇叭聽歌，亦有人鍾意用🎧Headphone，其中一個原因係俾到喇叭音場開揚嘅感受同質感，又不失私人空間🤫。有時做咗成日嘢，食完晚飯想聽歌輕鬆下😌，就算夜闌人靜時，鍾意幾時開聲都得😁

由於頭戴式耳機🎧與一般入耳式👂🏼嘅結構不盡相同，尤其阻抗方面可以去到 80 甚至 300ohm 之高😲，推力要求相對提升，用手機或電腦提供嘅音(電)量只能叫"有聲"😅，但未必夠力"餵飽"😩，一般要用座枱耳機擴音推動為佳。如果初玩，唔想咁大投資，或者地方唔夠放，簡簡單單有無得諗呢🥹？

Audirect 品牌嘅 Beam 3Pro 相信能夠滿足你嘅要求😃，只係一隻手指嘅size🤏🏼，竟然夠力推 600ohm 嘅大耳牛🦬😳😳 設計上參照大型音響系統嘅前後級做法：提供一級放大↗️ (前級) -> 次級放大↗️🎮 (後級)，夠力之餘同時減低干擾，訊噪比達 -118dB，而左右聲道獨立擁有運放，令聲音質素及細節都能充分發揮✌🏼

解碼採用 ESS ES9281 AC PRO，支援 PCM32bit/768kHz，DSD512 及 MQA 格式，連 Apple Music Lossless 都玩到。正前方有訊源偵測燈號💡，即時顯示音源解碼效能🔴🔵🟢🟡⚪🟣

為照顧唔同靈敏度及阻抗嘅耳機，設三段增益調節🚥，由 16 到高達 600ohm 🎢都能搞得掂。廠方特別提示❗16ohm 以下耳機一定要開低 gain 以防輸出太大💥爆親對耳機 (同保障聽覺安全⛑️)

電腦/手機/平板通用🙆🏻，3.5mm 輸出，方便用家配置不同音響組合。想喺自己房聽，定出廳用，甚至想帶埋出街🤳？任你話事😁😁

💬大家如果想知多啲，例如點揀、接駁個人音響等等，不妨喺下面留言問我哋，我哋盡量解答🤗

02/07/2022

🖲️打開機嘅，無論手提遊戲機定手遊，玩動作game定經典大作，聽到 BGM 😍 個feel 都即刻醒神晒🤩，要聽聲分辨位置嘅遊戲(如第一身射擊🔫，食雞🍳之類)對聲音定位更重要。不過晌條街開 speaker 只會鬥大聲又嘈住人，雖然好似 Switch 咁有 3.5mm 耳機插，但聲就似乎單薄咗少少😬，打手遊用藍牙又會 delay...點搞好？🫥

市面有唔少可以俾手機用嘅小解碼，能夠加強推力💪🏼及聲音表現，有少數更可用於手提遊戲機👾，Atom 2 係其中一款，即插即用🔌。除咗打機🎮，聽歌🎧睇戲🎞️都掂，仲支援 Hi-Res、MQA、DSD多種音樂格式🎶，一物幾用，實用度大大提升！！

Atom 2 便攜解碼備有 Type-C 及 Lightning 2️⃣個版本。Type-C 版除支援 Switch 外，大部份 Android 裝置及用 Type-C 插座嘅 iPad Pro 2018 / iPad Air 4 / iPad mini 6 及以上版本；至於 Lightning 版就支援其插座如 iPhone, iPad 等裝置，按大家需要選擇👐🏼

💬大家如果想知多啲，例如點揀、手機點駁有線耳機咁，不妨喺下面留言問我哋，我哋盡量解答🤗

26/06/2022

點為之高清音樂？ 同普通質素有幾大分別？

🗣️成日有人講嘅 Hi-Res Audio，全寫 High-Resolution Audio，中譯有 高解析度音訊 或 高清音樂 等。若要講解，就要先提 "取樣率"：每秒記錄或提取訊號資料嘅次數，以赫茲(Hz)表示。例如 CD 取樣率係 44.1KHz，即係每秒鐘記錄咗 44,100次訊號，次數越高，代表保留嘅細節越多，相對 file 會越大📂

以一般💿 CD 儲存規格 16bit/44.1kHz 為標準，16bit 代表 Bit Depth (位元深度，如聲音強弱變化)；44.1kHz 代表 Sampling Rate (採樣率)。更高嘅取樣📈，即係 48KHz、88.2KHz、96KHz、176.4KHz、192KHz、352.8KHz、384KHz 皆可稱之為高解析音樂，無論其編碼格式係 WAV(PCM)、FLAC 還是 ALAC 等。另外 "SACD" (Super Audio CD) 唱片係採用 DSD (Direct Stream Digital) 錄音格式，其取樣為傳統 CD 嘅 64 倍💪🏼，即 2822.4KHz，簡稱 DSD2.8MHz，或稱 DSD64，都係高解析格式的一種🤩

再睇返以 PCM 編碼格式 立體聲(兩頻道)計算方式例子：
MP3 bitrate 最大為 320kbps
16bit/44.1kHz = (44,100 x 16) x2頻道 = 1,411.2 kbit/s
24bit/192kHz = (192,000 x 24) x2頻道 = 9,216.0 kbit/s

可以明顯見到數據量差別有幾大😳，用手機/電腦音樂軟件 或 DAP 播放都可以顯示其檔案數據資訊。最易分出嘅方法，可以用兩首唔同質數嘅同一首音樂作 AB 比較，相信會更易分辨👍🏼

至於「Hi-Res Audio」"小金標" 認證🌟，其實係由 SONY 所提出及定義，由JAS (日本音頻協會) 和 CEA (消費電子協會) 制定嘅音頻產品設計標準，與設備播放 "Hi-Res" 音樂嘅能力無直接關係😉

18/06/2022

#音樂解碼器 🤔？即係用嚟解咗啲咩😆？

音樂解碼器全名為 Digital to Analog Converter，直接叫法為 DAC "數位類比轉換器"。

例如一隻CD💿，你望住佢👀唔會"聽"到任何嘢😆；當你放落CD機或電腦光碟機，機內嘅 DAC 晶片執行程序，就會將數碼化咗嘅資料轉換成人類聽到嘅類比訊號：即係"聲音"。

最簡單嘅例子就係大家用手機聽歌，音樂file或者經串流app播放音樂，就係以手機內嘅DAC轉換處理。想聽好聲啲，用有線耳機係首選，但手機廠多以速度、螢幕及攝影效能等作考慮為先，而且大部份手機都取消咗耳機插頭🥲

用手提音樂播放器 (Digital Audio Player) 就最理想；想方便，用便攜音樂解碼器就fit晒，效果顯然易見，大多數都可以唔駛充電即插即用，in personal audio 網站入面都有呢類型嘅產品資訊，更提供租借服務，可以借返屋企慢慢玩😁

💬大家如果想知多啲，好似租借方式、有咩選擇、甚至手機點駁有線耳機咁，不妨喺下面留言問我哋，我哋盡量解答🤗

16/06/2022

耳機保養 | 小貼士 2

上次講咗入耳式及藍牙耳機，今次講 Headphone (頭戴式耳機)

無論係屋企打機🎮，定出街聽歌睇戲🎭，頭戴式都係幾爽嘅🤩，因為單元相對大好多，又唔洗塞住耳仔，無論空間感，包圍感，音壓等都較易做到效果。不過頭頂支架軟墊最易沾到頭油同汗水，其次就係放在耳仔位嘅耳罩🙆

出街嗰陣🚶‍♂️，唔用嘅時候通常都會放晌頸度，由於體積比較大，除咗汗水，手掂過🐾，外間嘅混濁空氣，甚至食嘢時都有機會整污糟對耳機，呢個時勢更加要注意衛生❕

金屬或塑膠外殼較易清理，如果木製/凹凸紋理/有孔(如開放式)要特別小心處理，可先用小形掃把輕輕掃走外殼灰塵🧹，再用抹布清潔，以免刮花表面。

頭頂支架軟墊部份🎧及耳罩位要睇物料，可睇包裝或上網查返資料ℹ️，根據唔同物料處理，例如合成皮/皮質/天鵝絨等可先用乾布抹走表面油脂，再用半乾嘅濕毛巾輕輕抹，然後自然風乾🌬️

清潔耳機最忌大力摔同用熱水🔥，亦唔好貪快用風筒🙅🏻‍♂️，可能會影響耐用度。耳機線材同樣需定期清潔，做法同上。較少用嘅時候，清潔好後可放入原裝盒內，擺放到乾爽地方🤲🏽

收納方面，放入軟袋雖然可以防止耳機同袋內其他物件翹埋一堆。如想有效阻擋擠壓，可轉用硬盒裝💪🏼

⚠️清潔前請睇清楚有邊個地方例如單元設計成外露，或者某些物料不能接觸水等等😉 仲要記得所有配件要完全風乾先裝返好呀！！

11/06/2022

耳機保養 | 小貼士

耳機用上一段時間，都會有啲異物積聚咗晌周圍，依家天氣咁熱🌡️，汗水更易增加細菌滋生機會🦠，唔處理嘅話，分分鐘有耳道感嘅染風險🫣！所以耳機清潔不可少，點做？以下有少少貼士俾大家參考下：

耳膠係重災區，因為最貼耳孔，灰塵或耳垢最易聚積由此，甚至跌到耳機發聲口濾網，到時要處理就更麻煩，要經常留意👂🏼

先將耳膠拆下，用棉花捧通通耳膠中軸位，再用酒精棉布清潔表面，注意有些耳膠只可用低刺激(如 1:99 漂白水)或清水，耳棉就水都唔用得，只能用抹布(如抹眼鏡用的微纖維布)，或定期更換，請睇返說明書或相關資料。

耳機外殼及耳機線耳掛位一樣要定期清潔表面，可換線耳機於連接線材之間嘅插位，可能有毛髮夾住，或汗水等污垢積聚，定期清潔可減低接觸不良及提早氧化。

如果係訂制耳機，導音管會直接放入耳道，要經常留意有無阻塞，清潔要更細心👁️‍🗨️。訂制耳機通常會附設一把專門俾耳機用嘅清潔捧，如污垢情況不嚴重，可小心用清潔棒末端嘅金屬圈，或者幼細嘅金屬針將導音管污垢清除🧹

全藍牙耳機要睇埋充電位，包括充電盒內嘅金屬接觸點，一般插線藍牙耳機中嘅充電插位蓋要揭開睇睇，以酒精棉布清埋就ok👌🏼

⚠️清潔前請睇清楚有邊個地方例如開關按鍵，或者某些物料不能接觸水等等😉 仲要記得所有配件要完全風乾先裝返好呀！！

09/06/2022

耳機小知識｜耳機小孔有咩用

一對耳機除了發聲單元，物料以及結構的設計外，更重要的是調音🎼

為針對每款耳機的特徵偏好，一般會設置補償性的腔體結構，平衡耳機內部的氣壓效果，得到更接近期望的聲音，儘量突出其設計上的優勢，彌補不足等，其中一個方法是在耳機上"小孔"😯

由於耳機的腔體結構多屬於封閉設計，在發出聲音(單元振膜振動)的時候，內部的聲波能量無法釋出，會導致低頻過量☄️，聲音顯得模糊，混濁不清😵‍💫。加入小氣孔，便能夠使其他地方的低頻聲波釋放出來，同時平衡內部氣壓😌，尤其是入耳式耳機，耳道壓力也得以釋放👂🏼

這些小孔大部分耳機都存在，基於設計，其位置大小也略有不同，大家可以留意一下自己的耳機，並不是做工問題或瑕疵呢😉

03/06/2022

翳焗嘅端午連假🌦️
大家努力食糭之餘
有無消暑歌曲推介下😎

02/06/2022

【睇戲要 Delay No More】啱啱上畫無耐嘅經典🛫戰機電影相隔35年，續作終於上映，各大影評更加零腐皮✨ 朋友為咗完整度，上iTunes買返舊作重溫，但屋企無音響，貪方便用手機配藍牙耳機，睇睇下就出事😳，因為藍牙耳機有delay，平時唔覺，但一有快速動作畫面，聲畫唔同步更明顯。加上刺激緊張嘅音效，藍牙耳機又發揮唔到，勁無mood😒

我聽完佢講，立即建議佢用返有線耳機，加隻手機便攜解碼...朋友一試就即時feel到，仲X咗出聲🤭，感覺即刻返晒嚟🤩，可以盡情欣賞前作，再入場睇新戲😎

有咩手機便攜解碼？耳機介紹？唔想買錯？🤔
咁就要試下 in personal 嘅租借服務，每日低至 $9就借到返去慢慢聽試，試完啱嘅租金仲可以全數減去借件價值🤑

試完啱嘅全數租金仲可以減去借件價值買走，真正做到先試後買，即上 https://in-personal-audio 睇下啦！

24/05/2022

點揀我嘅便提音響 Perfect Match😍? (入門篇)

市面咁多款音響產品，各廠商都有其自家調音準則，或加入獨家專屬技術，為咗令用家知道買嘅係咩"料"，都會列出有關軟/硬件規格俾大家參考

規格有得睇，但每個人嘅標準都唔同，你鍾意澎湃，我鍾意清底，規格只係純參考，配套先係重點，即係個個都知GTR勁，但唔係人人適合(或者鍾意)揸😆，加上預算唔同，唔需要一步登天🤯

可先了解自己想要聽咩聲底，就以手提電話聽歌作例子，假設你鍾意聽流行曲，拍子感強烈啲，可試下揀動圈或混圈鐵單元耳機，因為動圈俾到較好底頻，動鐵單元俾到中高頻及人聲等細節

如果想要求多啲細節，或者奏樂器定位等，配置上就需要加強，市面有俾手提用嘅解碼，數百元可入手，已輕鬆提升音色及推力。當然音源係一大關係，好多串流服務已經有高清音源提供，或可選擇購買高清檔案，軟硬件互相配合先能夠充分表現理想效果。

13/05/2022

【揀耳機🤔 入耳式 定 頭戴式 好啲呢？】
雖然話每個人要求唔同，好難一概而論，但點樣揀要睇大家嘅聽歌要求，同使用習慣有關。

入耳式耳機攜帶方便係一大好處，依家已經可以做到混合多單元，無論物料外形，都十分多元化，價格由幾十到幾萬蚊一對都有，最多人選擇拎出街用🚶🏻🚶🏼‍♀️

另一特色係隔聲效果好，好似耳塞咁放入耳道，一般需配上耳膠/耳綿使用。但對油性耳，耳型較細，耳道較窄嘅人就未必舒服，有機會戴唔穩，甚至好易戴到耳仔痛😲， #訂製耳機 可能其中一個選擇👍🏼

頭戴式一般以全罩式及貼耳式兩種為主🎧，前者能蓋過整隻耳朵👂🏼，由於無須塞入耳道，配戴舒適，體積亦較大，頭頂位有支架減輕重量；後者更為輕量化，但貼耳式因要壓住耳仔，配戴感及隔音唔夠全罩好，優點係可以摺疊，更細更輕，出街唔駛大大舊。

當然體積大有其好處，單元大小會比入耳式彈性很多，可達 20-50mm，聲音無咁埋身，減低對耳道嘅壓力之餘，聲音定位明顯，空間感更加難以取代，有聽喇叭嘅感覺🔉🔊，對須長時間配戴，例如從事音樂工作有關嘅人就最適合😃。其實依家嘅"大耳牛"(俗稱)體積雖大，經過多年進化，已經做得十分輕身，唔駛再戴一陣就要除低。

加上依家嘅 DAP 及 便攜解碼耳擴嘅推力越嚟越好，無論 250 定 600 Ohm 都搞得掂💪🏼，唔需要擔心推力問題。長氣都要提提大家‼️，使用前要先調較合適音量以保護聽覺，咁先可以長聽長有😁

【未完成嘅一站式耳機平台】查實呢個平台前前後後、斷斷續續搞咗5年，多次有人叫我哋「照出街先啦，唔好諗啦」，又有人同我哋講「唔好出啦，實得罪人」，但開咗個頭，唔出又唔甘心，總覺得未做完，就一拖再拖。事實.....

06/05/2022

Ipa post
360 Reality Audio 全方位音效

除咗 Dolby Atmos，唔少得黑科技之鬼 Sony 亦推出自家的技術，名為 "360 Reality Audio"，同樣採用 Object based Spatial Audio (物件導向空間音效) 技術來計算物件方位及距離，能以一般立體聲耳機或喇叭，提供更寬廣的音場，聽到360度實景音效。

現時各音樂串流平台如：Tidal, Amazon Music Unlimited, deezer, nugs.net 相繼支持，配合自家 的 Headphones Connect app 分析耳形套用至相容應用程式，能體驗更好的真實音效。

雖然暫時需配合認證耳機或喇叭，仍不乏知名品牌如 McIntosh, Sennheiser, Audio-technica 及 amazon 支援 360 Reality Audio。希望將來有更多產品，甚至其他品牌支援。

網站有示範提供 music.com/360ra