Ignite.hk

Ignite.hk -Handmade candle
-100% imported high-quality organic essential oils
-No fragrance, colourants or dyes
-Eco friendly materials
-Vegan Friendly

11/06/2026

對香味過敏嘅人，點樣開一間香薰公司？

我聞到化學香精會頭痛到想嘔，
但市面上九成香味都係香精。
所以我開始自己試做，用天然配方，一次又一次失敗，
直至有一晚，我隻貓喺我點住嘅香薰蠟燭隔離，
瞓到好熟。
嗰一刻我知，可能我真係整啱咗。

放上 IG 試下賣，先發現原來好多人都同我一樣，
聞到香精會唔舒服，但又好想生活有香味。
呢一刻，我決定正式開公司。

呢條係我公司五周年小紀錄嘅 第 1 集，
之後會再講，我點樣由「一個人」，去到而家 6 人團隊。

👉 你聞到香水、家居香薰，會唔會都覺得唔舒服？
喺下面打個「2」等我知，原來我唔係一個人。

👉 你身邊有冇一個朋友，成日話自己對香味好敏感？
tag 佢／send 呢條片俾佢，
可能佢會發現，原來自己都有得揀，唔一定要逼住捱香精。🌿

#香精過敏 #天然香薰蠟燭 #創業女生 #五周年故事 #香港品牌

10/06/2026

每一日返工都會見到同事做啲好奇怪嘅嘢😂
除咗好認真，要做好自己嘅份內事
其餘時間，都唔知點解 見到佢哋 做緊啲唔知乜嘢🤣

我哋公司希望work life balance,
希望輕鬆嘅員工都會用輕鬆嘅心情接待我哋每一位顧客🫶🏻

5年・搬咗4次・由 1 個人 → 6 個人團隊 🔥一開始，我喺屋企一個細角落倒蠟。生產、包裝、回覆、送貨——全部一個人。好快，間屋已經放唔落啲蠟同紙箱。未真係「準備好」，我就搬去第一間工作室。之後幾年，我哋幾乎係用「搬大一半」嘅節奏上緊：每...
09/06/2026

5年・搬咗4次・由 1 個人 → 6 個人團隊 🔥

一開始，我喺屋企一個細角落倒蠟。
生產、包裝、回覆、送貨——全部一個人。

好快，間屋已經放唔落啲蠟同紙箱。
未真係「準備好」，我就搬去第一間工作室。

之後幾年，我哋幾乎係用「搬大一半」嘅節奏上緊：
每搬一次，租金大一半，壓力都大一倍。

呢條路冇你想像中咁靚仔——
👉 炒過人、請錯人、蝕過好多錢
👉 幾千粒過咗黃金期嘅貨返晒嚟，基本上全部蝕
👉 以為「放多啲寄賣店＝多人識」，結果啲蠟擺到過期，最後要自己收返

但有一樣嘢我從來冇減：對質量同服務嘅要求。

倒模溫度唔啱、出貨唔細心、覆客敷衍——我會直接講「我唔要」。
慢慢我先發現：唔止產品要好。
出貨、覆 message、對客嘅態度，全部都要 match 到我心目中嘅標準。

而留得低嘅隊友，從來唔係「淨係想玩」嗰啲 💪

📍睇到呢度，留言話我知：邊一頁最戳中你？
🕯️ 仲未試過我哋啲蠟？由五周年開始，今日試吓啦。

Episode 3 會講：我哋點樣將配方愈做愈好。

#香港品牌 #香薰蠟 #小店故事 5周年

05/06/2026

一粒香磚,點解要等三個月?😮‍💨

好多人以為調香就係溝埋啲精油落蠟度,搞掂。
但其實我哋每一粒都要熟成最少三個月——

🕰️ 第一次熟成:精油要靜置兩個月以上,
啲分子先會真正融合,香味先會圓潤

🕯️ 揀蠟都有學問:輕嘅香味(好似橙)
要用薄啲嘅蠟先帶得起;
重嘅味(好似木調)就要實啲嘅蠟先拉得住

🤝 之後加精油、第二次熟成、脫模、包裝、貼批號……
每一步都唔可以快

所以我哋成日講:粒粒皆辛苦 🥹

想試吓三個月嘅誠意?👉
留言「粒粒皆辛苦」,送你優惠碼試我哋嘅香磚 🎁

#香磚 #香氛 #手工香氛 #精油 居家香氛 香港品牌 小眾香氛 療癒系 香港手作 aromatherapy scentedwax 居家生活

【由信樂到益子，我哋為咗一種「白」走多咗一步】做香氛五年，我哋一直好揀盛載香氣嘅器皿。最初，我哋揀咗日本 信樂燒——溫潤、樸實，自有一種沉穩嘅美。直到而家，信樂燒一直都係我哋嘅主打之一 🤎但好多香港客人同我哋講得最多嘅一句係：「想要 偏白、...
04/06/2026

【由信樂到益子，我哋為咗一種「白」走多咗一步】

做香氛五年，我哋一直好揀盛載香氣嘅器皿。
最初，我哋揀咗日本 信樂燒——
溫潤、樸實，自有一種沉穩嘅美。直到而家，信樂燒一直都係我哋嘅主打之一 🤎

但好多香港客人同我哋講得最多嘅一句係：
「想要 偏白、米白 嗰種陶瓷爐」

於是我哋諗，與其將就，不如再行多一步。
我哋專登飛上 🇯🇵 日本東北嘅 益子町——
因為益子燒，最出名就係佢嗰種白釉同溫潤質樸嘅色澤。

—

喺益子，我哋搵到承襲幾代手藝嘅陶人 佐藤敬先生。
佢嘅恩師，係少數被人間國寶島岡達三親口稱許為「傳統正統派」嘅陶人成井恒雄。
佢承接落嚟嘅，唔只係 蹴轆轤拉坯 同 登窯 嘅手藝，
更係嗰一份近乎固執嘅安靜。

由零開始，店主同師傅逐個細節傾——
空氣對流嘅位置、深度同厚度要加 0.5mm、點樣令香氣表達得更好……
每一次都即場測試樣板，一步步改良出最啱嘅形態。

🌿 所以而家，無論你鍾意邊種質感，都揀到啱你嗰款：

信樂燒系列｜沉穩樸實
益子燒・Wabi-sabi 侘寂系列｜偏白溫潤

以天然陶土成形，蹴轆轤每一下嘅快慢輕重，
都誠實咁記錄喺器物嘅形態裡。
適合臥室、書房等個人空間，
為你嘅每一日，留一份安靜。

04/06/2026

自從上次拍咗 ling ling 整蠟燭嗰條片之後，
好多人 message 我哋問：「請唔請人呀？」🥹

真係好多謝大家咁有心，
但今日想同大家講少少心底話
我哋暫時都係未請人嘅😅

可能大家以為整蠟燭好 chill、好療癒，
但其實背後好多功夫㗎😮‍💨
就好似洗模具呢樣嘢，已經足以令人想喊👇

🕯️ 第一步：放入焗爐，焗到啲蠟完全溶晒走清
🧻 第二步：用消毒紙巾一個一個抹乾淨，洗得唔夠乾淨就要重頭嚟過
⏳ 第三步：等足足 24 個鐘風乾，等啲酒精完全揮發
✅ 之後先可以重新再用

聽落好似好簡單，但每一個模具都要咁樣慢慢嚟，
真係好嘥時間又好考耐性🥲

我哋唔係想呻苦，只係想俾大家睇下我哋嘅日常係點樣🥰
每一粒香磚背後，其實都係我哋一手一腳整、
一個一個洗返嚟嘅心血。

所以下次見到 ling ling 喺度埋頭苦幹，同Joyce 抹模
記得幫佢打氣呀！💪🔥

繼續支持我哋呢個小店啦❤️
我哋會努力做好每一件出品俾大家🕯️✨

你有冇試過揭轉個擴香樽,睇成分表,結果一個字都讀唔明?DPG、DEP、Phthalates… 一大串化學代號👀講真,香味聞落幾好都好,呢啲嘢日日喺屋企吸入,你真係知自己聞緊咩?我哋用咗五年時間研究,發現一支好擴香,其實淨係需要 3 樣嘢👇1...
03/06/2026

你有冇試過揭轉個擴香樽,睇成分表,結果一個字都讀唔明?

DPG、DEP、Phthalates… 一大串化學代號👀

講真,香味聞落幾好都好,呢啲嘢日日喺屋企吸入,你真係知自己聞緊咩?

我哋用咗五年時間研究,發現一支好擴香,其實淨係需要 3 樣嘢👇

1️⃣ 天然精油 —— 決定個味自唔自然、舒唔舒服
2️⃣ 載體溶劑 —— 把香氣帶到空氣中,我哋用嘅係有機認證乙醇
3️⃣ 適量,唔靠大量水溝稀去慳成本

就咁簡單。冇石化溶劑、冇塑化劑、冇人工香精。

成分表短到你一眼睇得明,先係我哋覺得「應該」嘅樣。

有客人同我哋講:用過好多本地牌子,我哋係唯一一支聞落舒服、完全無不良反應嘅香薰,佢決定長期用落去。呢句說話,係我哋做落去嘅原因。

家裡聞到嘅每一口香氣,都應該係舒服、簡單、講得清楚嘅。

如果你都在乎屋企每日聞緊咩——
👉 收藏呢篇,下次買擴香逐項對返
👉 想要完整成分清單,留言「成分」send 你

🏠 IGNITE｜新蒲崗爵祿街35號百勝工廠大廈A座12樓A2室
🔗 www.ignite-candle.com

開咗五年，好多客都同我哋買咗好耐香氣，但原來大家都未見過我哋成班人平時喺度做緊乜😆今次就帶大家行入我哋嘅小小工作室，睇吓每個角落忙緊乜👀🌝Show Room擺晒啲香薰爐同熱賣香磚，歡迎嚟試香☺️✨包裝物料貨架區紙盒、貼紙、香磚物料都收喺呢度...
02/06/2026

開咗五年，好多客都同我哋買咗好耐香氣，
但原來大家都未見過我哋成班人平時喺度做緊乜😆

今次就帶大家行入我哋嘅小小工作室，
睇吓每個角落忙緊乜👀

🌝Show Room
擺晒啲香薰爐同熱賣香磚，歡迎嚟試香☺️

✨包裝物料貨架區
紙盒、貼紙、香磚物料都收喺呢度，整整齊齊先安心開工

★ Sharon・客服擔當
WhatsApp、inbox、email、電話、IG 、FB全部佢一個人耐心回覆
你每句查詢背後都係佢

★ Ling Ling・萬能玲玲
一個早上做完剪裁、整蠟燭、包裝、清潔、寄貨、採購⋯冇嘢難到佢

★ Joyce・製作部
勤奮嘅00後，每日低溫小批量手工製作，仲記低每批 lot number，R&D 從不馬虎

★ Kitty・快狠準
執貨、處理查詢同包裝，動作快又準

★ 店主 Hinny
雜工，咩都做㗎😈

一個小小工作室，靠呢幾個人撐起 ♥
睇完覺得有趣，記得 share 俾朋友，
等多啲人認識我哋👀

02/06/2026

今日喺工作室執貨架，
喺最入面發現一批「失蹤咗嘅蠟燭」

本身係放咗去寄賣店嘅貨，
賣唔晒之後退返嚟，
我又順手塞咗去架後面，
今日先再搵返出嚟。

香味仲好充足、燒起上嚟都係安全嘅，
不過比起我哋而家 每個月新整嘅產品，
外表未必係最「完美新鮮」嗰種。

所以決定：
呢批 唔會再拎出嚟賣，全部免費送俾上嚟工作室搵我哋嘅你哋。
✅香味足，可以當試味小禮物
✅ 想要最新鮮、最靚包裝、
啱送禮嗰啲就記得睇埋我哋而家每個月新整嘅正式系列

大概得 20個，送完就真係冇啦。
‼️小小聲講多句：
平時同事真係好多嘢做，
冇得幫手留貨、冇得預留位，
早到就早有，遲到就可能真係冇喇～

想嚟之前，可以DM 我哋或者 WhatsApp 我哋，
問吓仲有冇剩；
確認咗再出門都得。

01/06/2026

內部票選：
「同事們最唔想再整，但客人們最想不停再買」
嘅產品第一名：就係呢粒天然小蠟燭

點解成班同事都咁怕見到佢？
因為佢太麻煩喇：
•全部用 100% 天然大豆蠟
•細細粒，但工序完全唔「細」
•要手工逐個倒、逐個插芯、逐個檢查容器做得少少唔好，就要全部重做。

做到 Ling Ling 話佢夜晚都會發蠟燭惡夢。
但係偏偏，
就係你哋最鍾意呢一款。
每次補貨都好快賣清光，

我每次宣佈：「要再開一 round 生產喇。」
全公司一齊：「😰😰😰😰」
老實講，呢款產品真係唔係好賺錢，
但我哋都仲係繼續做，
就係因為想喺市場上

留低一個對身體好啲、
對環境友善啲嘅選擇俾你

如果你都想成為
令同事又攰又感動果班人之一：
👉🏻去 bio / shop 度搵返呢款小蠟燭試下
👉🏻同時喺留言打句：「Ling Ling 加油」俾佢知道，
佢唔係白白喺夢入面插蠟芯。

#最唔想整但最好賣＃天然蠟燭＃大豆蠟＃手作品牌
唔好再發惡夢啦

Address


Telephone

+85255435656

Website

Alerts

Be the first to know and let us send you an email when Ignite.hk posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ignite.hk:

Shortcuts

  • Want your business to be the top-listed Shop?

Share