04/06/2026
大家好 我係專業GK呀森
E幾年黎講其實真係好難捱，移民/covid/又小朋友出世，大家對GK既熱情冷卻，我係無可奈何既情況下都慢慢轉型去做本地設計，由咩都唔識一個人企係維園開始不停擺檔一直日曬雨冧到開始有人識欣賞開始接到d分享會體驗班，所有野都得來不易…
我檯頭一直都擺住E兩隻野，女樸森森子絕對係我甘多隻收藏入面最醜最嘔心既存在，老婆都一直話好核凸掉左佢啦，但其實佢對我黎講係有極大既意義，係2018-19既黃金時代，大家買1萬幾千蚊隻雕像都好似食餐老麥甘簡單，但如果一班群組既人會願意夾錢整一隻野送比你，成件事對我黎講就有更深一層既意義，快樂…信心…肯定…歸屬感…我曾經講過GK代理我會做到有一日市場唔再需要我，我就自動消失..只係估唔到甘快就會有Covid既出現…
另一隻收藏品路飛就更好似預言一樣每次到交租出糧個陣都會對我大叫：就算死也要給我活下去！結果我一次又一次奇蹟地捱到過去…唔係根本就唔會有bardorder既出現…
但日子耐左人就會慢慢改變，我由一個天不怕地不怕靠一張咀一對手既肥仔，變左做一個上有老豆呀媽下有家室既肥佬，包袱一日比一日大，人就開始慢慢怕輸，越怕越開始坐咗喺度，估唔到今日會撞到一個同我完全兩個世界既龜頭Bob ，雖然只係好簡單好短既對話，佢俾咗好多建議我，亦都講咗一D從來冇人同我講過嘅嘢，但佢好似將我的起咗起身打左幾十拳甘，佢叫我唔好再坐係度啦，再坐就一世架啦，唔好成日諗個輸字，我本來就得一個環保袋係地鐵站交收行出黎既，佢徹底點返著左我團火….
我諗我真係休息夠啦………..
雖然唔知個群仲有幾多人睇緊，但如果你都曾經同我交過手，覺得我份人還可以既，留個言，俾個like，等我知道我唔係一個人從頭黎過
https://www.facebook.com/share/p/1GEiP5Mq2c/?mibextid=wwXIfr
![[少量現貨]S11 日版(另有一盒爆左膜，自爆良品)有興趣歡迎inbox查詢](https://img4.shops1000.com/269/606/870811262696061.jpg)
