小豬批錶仔&雜貨

Website Contact the business

小豬批錶仔&雜貨 手錶仔⌚、包包仔👜、服飾配件🐣~
不定時發佈，要多加留意哦！！
商店?

終於都有好朋友回來了！💘💘💘今日探我的朋友仔係：『崑崙-CORUM』型號：B113/03440。機芯：手動。錶殼：直徑38mm。點解今次要講佢嘅資料呢？其實大家睇完相後，感覺佢有幾重呢？是咁的，因為我覺得，齋睇同拎上手好有差距囉。🤣🤣🤣開盒...
20/07/2022

終於都有好朋友回來了！
💘💘💘
今日探我的朋友仔係：
『崑崙-CORUM』
型號：B113/03440。
機芯：手動。
錶殼：直徑38mm。

點解今次要講佢嘅資料呢？
其實大家睇完相後，感覺佢有幾重呢？
是咁的，因為我覺得，
齋睇同拎上手好有差距囉。
🤣🤣🤣

開盒嗰一刻，見佢係皮帶，
純粹只預計佢無鋼帶咁重。
跟住拎上手，先發現係鈦合金，
不單止唔重，而且係超輕！
(話說我覺得完全沒質感😆)
即係輕到...輕過OM隻超霸鈦金屬。
唔，其實，我覺得似係...
揸住2粒普通型士多啤梨吧...
😑😑😑

**題外話，最過癮係個放大鏡，
影相好玩嘅，我同隻豬影咗好耐。
🥰🥰🥰

話說CORUM的金橋系列，
咁耐都係該品牌的主打系列~
(雖然我比較喜歡泡泡系列😆)
個人認為CORUM的金橋抵玩，
係有幾個原因的：
一來條橋真心靚+型仔嘅，
二來齋睇呢隻款的工藝都興奮，
二來呢個牌子並非高炒品牌，
分分鐘可享折扣就能買到心頭好，
唔使炒價或有折扣喎，
係咪諗起都爽先？
🤣🤣🤣

諗起以前首次見呢條橋的時候，
其實真係有點驚訝，
唔...甚或係無知兼白痴咁，
問咗好多低能的問題~~~
點解個機芯係打直咁得意嘅？
真係識郁的？真係手錶嗎？
會唔會好易斷裂然後壞呢？
識嘅那位擁有者就反我白眼，
唔識的人就望住擁有者，
然後加多句：又係喎，易唔易壞？

慶幸當年唔係好多朋友識條橋，
所以唔止自己一個咁無知~🤣
其實唔識而好奇的事，
我真係會唔怕醜去問嘅；
但嗰次我都有啲鄙視自己，
竟然比班豬隊友沒耐性，
好快地問晒所有低能問題囉！
😭😭😭

#崑崙 #手錶 #金橋
#透明底蓋 #放大鏡 #鈦合金 #超輕身
#話說咁輕身 #其實無乜質感
#但條金橋 #併全透明 #真心靚嘅
#有人講過 #呢啲全透明款
#係要比手毛多的人戴
#因為能夠試下 #數得清唔清楚 #超賤格
🤣🤣🤣🤣🤣

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/
Carousell (睇下有咩錶仔)：
https://www.carousell.com.hk/pigpiesmallstore/

登登登登~~~拿，朕無甩底呀！收到黑色就即時上報啦！🥰🥰🥰個人而言呢，係較喜歡黑色物件的，不過就呢個型號來說...真係好似白色面比較突出。再退一步來說，如果你想要三眼位置較搶眼，應該係要選白面。而呢個型號的炒價，已經被定出來了，黑面係比白面...
18/05/2022

登登登登~~~
拿，朕無甩底呀！
收到黑色就即時上報啦！
🥰🥰🥰
個人而言呢，係較喜歡黑色物件的，
不過就呢個型號來說...
真係好似白色面比較突出。
再退一步來說，
如果你想要三眼位置較搶眼，
應該係要選白面。
而呢個型號的炒價，
已經被定出來了，
黑面係比白面貴價的。
所以有心買呢，就要自己衡量一下了~
😆😆😆
講起炒價，有個題外話：
好多愛錶之人，
其實都唔想個品牌被越炒越高。
唔係因為佢買唔買得起，
而係唔想買一個品牌只為保值，
而完全忽略其他功能或內涵。
舉個例，可能明明我喜歡朗格，
但會因為二手市場的價格問題，
最終會選擇咗買ROLEX。
愛錶人會覺得，喺咁嘅循環之下，
睇機芯睇內涵的人會少咗，
而真正去欣賞的人，只會更少。
其實我覺得觀念上是沒錯的，
佢哋的出發點係唔想好錶被埋沒；
但現實卻是相反，有啲好的品牌，
越來越炒得、
越炒越貴價、
越貴越瘋搶......
咁嘅情況，都難怪佢哋會慨嘆的。
就連我都會慨嘆：
雖然我係預計買唔起紫色AP，
但我唔買啫，都唔使越來越貴㗎嗎...
當佢貴到連幻想都不能的時候，
我人生還有甚麼希望呢？
😭😭😭
#愛彼 #手錶 #黑面
#50周年紀念版 #特別版
#紫色真係靚㗎 #仲要深紫色
#而家連希望都沒有了
#實在傷心到 #都唔知講乜好
🤣🤣🤣🤣🤣
**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/
Carousell (睇下有咩錶仔)：
https://www.carousell.com.hk/pigpiesmallstore/

朕終於都回歸IG啦！首先要恭喜吓自己先！！🤣🤣🤣之前被迫在家工作、然後被隔離唔準出門口，呢段時間日日對住屋企部腦，真係PO嘢的心情都無晒......其實自從有智能電話後，屋企真係好少用得著電腦，部機都是N年前的產物了，又慢又唔就手，最緊要係...
06/05/2022

朕終於都回歸IG啦！
首先要恭喜吓自己先！！
🤣🤣🤣

之前被迫在家工作、
然後被隔離唔準出門口，
呢段時間日日對住屋企部腦，
真係PO嘢的心情都無晒......

其實自從有智能電話後，
屋企真係好少用得著電腦，
部機都是N年前的產物了，
又慢又唔就手，最緊要係，
其實網速真係太慢，
真係字都唔想打...😞😞😞
用慣咗公司個大屏+高速網，
想認真地在屋企辦事都力不從心...
最衰都係公司，係佢錯㗎啦！
😆😆😆

好啦！呻完！要介紹番今次嘅戰友先！
對哦，又係AP仔的時間！🥰
呢隻錶係紀念50周年的，
全名係：
皇家橡樹系列-
自動上鍊計時碼錶 「50週年紀念款」！

其實我接手前無乜研究過佢，
於是第一眼睇，真係唔覺有幾特別，
三眼囉...格紋面...鋼帶囉...
原來特色又係在錶背~
(我其實唔喜歡啲特色在錶背，
因為不能與眾同看👀👀👀)
透背底有"50years"的字眼，
我拎住佢自轉咗幾次，係幾好睇嘅~
🤣🤣🤣

跟住玩完錶背再望番個錶面時，
覺得隻銀色襯格仔都好睇，
不過硬係覺得有啲怪怪的...
然後，吖，突然間叮一聲，
我終於發現佢嘅特別之處啦！
平時的款式，在12點下方位置，
係會有AP的品牌名字，
就是"AP"縮寫+"Audemars Piguet"全名，
但呢隻錶，只有全名，沒有縮寫~
靚唔靚就唔太影響嘅，
不過就真係算有特別之處~
以保值來說，呢隻無問題啦！
🤪🤪🤪

我已經知道咗，
後面將會有隻同款黑面，
到時我再比較一下邊隻靚先！
等我呀各位愛卿！！
🤣🤣🤣

#愛彼 #手錶 #白面
#50周年紀念版 #特別版
#特色處在錶背 #真心唔喜歡
#即係我只能自知 #但好難分享
#不能與眾同樂 #真係唔開心
#我依然係覺得
#你懂嗎 #超正的組合
🤣🤣🤣🤣🤣

**歡迎 加IG 加Carousell 支持隻港豬**

Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

新年後第一次回歸IG！竟然連情人節都過埋！！咁耐唔分享實在唔啱！！！😥😥😥因為放假後有點忙吖嗎...係囉，只係有點忙啫，唔使做咩？唔使執貨？唔使影相？咁...其實呢，主因係，我錯了，係我錯，因為我懶到無朋友！🤣🤣🤣其次，係因為班朋友仔，已經...
22/02/2022

新年後第一次回歸IG！
竟然連情人節都過埋！！
咁耐唔分享實在唔啱！！！
😥😥😥

因為放假後有點忙吖嗎...
係囉，只係有點忙啫，
唔使做咩？唔使執貨？唔使影相？
咁...其實呢，主因係，我錯了，
係我錯，因為我懶到無朋友！
🤣🤣🤣

其次，係因為班朋友仔，
已經好耐無返嚟飲湯了...😞
實在無辦法，又長假、又疫情、
最主要原因係，
喜歡名錶的朋友仔都應該知道，
這幾個月，沒有炒價，只有天價。
然後雖然天價，依然炒到斷貨，
咁嘅環境，仲邊有朋友仔返嚟呢？
😭😭😭

但我真係無忘記，
要將朋友仔開心SHARE呢件事㗎！
所以，而家一見到佢哋，
就即時影低做個紀錄，
一來，真的係時候要放下靚相；
二來，唔知下次再見係幾時了。
😑😑😑

好，講番我今次的老友先~
長假後第一次返嚟飲湯的名牌，
竟然唔係我以為的RX，而係AP！
其實我一直諗住：
雖然R仔今年個價超級海鮮，
但這幾個月仲係咁多人求，
所以公司應該點都會有買賣；
於是，一直自以為實係重遇R仔先。
今天回來一開：竟然係圍骰！
😂😂😂

我：哇，近來AP好多款都天價，
一次過來幾隻咁勁既？
老闆：使乜講？傾到口水都乾晒！
(自我懶叻MODE)
我：(我係唔會讚佢的) WELL，
呢幾款同系列，影相靚好多~正！
我見全部天價，仲以為會入R仔。
老闆：唉，呢幾個月全部都天價啦，
但既然幾隻大牌都天價，
咁唔揀R仔啦，啲價位太飄了。
我：唔...咁AP都係天價，都飄喎。
老闆：咁即使現在AP係好貴，
但比起以往升幅率，都未算超誇張。
我：係咩？咁你之後入多啲比我影啦！
老闆：...你係咪發燒？仲有咁多貨咩？
知唔知出面有幾多人求貨？
唔使比錢買呀？係咪你比錢？
XY@ #%$%^%X!*@^%^&^%
我：......
又講錯嘢啦，我都係歸位影相算了。
😥😥😥😥😥
(我哋對話中天價的意思，
係指短短幾個月裡面相差超遠，
唔係講緊2-3年前😂😂😂)

其實我成日都會諗，
有啲男人好喜歡手錶，
咁夢想擁有一隻係好正常的。
如果以一個正常的上班男來說，
當你每個月都拎舊錢來儲，
你儲起來的就係血汗錢；
當有日儲到一個可觀數目，
咁然後買一隻大牌錶的價格，
足夠比新樓首期的時候...
唔......咁......
到底係買個安樂窩準備結婚好呢？
定係買一隻DREAM錶完夢好呢？
OH，媽呀，諗起都好煩呀！
🤣🤣🤣🤣🤣

#天價錶 #手錶

#當手錶媲美首期 #真係好難揀
#好多男人喜歡錶 #我明呀
#但呢啲選擇題 #真係好難答囉
#你救阿媽定救老婆 #好彩我唔係男人
#我自己做錶 #我都有夢想
#雖然一定不能成真
🤣🤣🤣🤣🤣

**歡迎 加IG 加Carousell 支持隻港豬**

Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

拿拿拿，話咗呢兩天要擺佢上網，襯明天放假前我做到啦~🤣🤣🤣🤣🤣呢3隻都係33mm嘅BB，粉紅色同白色，出世好耐了，一直都係熱門款。而呢隻銀藍BB，只係剛出世不久，我都係第一次影佢寫真。官網說這是銀藍色，其實睇真身後，我認為呢個形容好精準，因...
07/01/2022

拿拿拿，話咗呢兩天要擺佢上網，
襯明天放假前我做到啦~
🤣🤣🤣🤣🤣

呢3隻都係33mm嘅BB，
粉紅色同白色，出世好耐了，
一直都係熱門款。
而呢隻銀藍BB，只係剛出世不久，
我都係第一次影佢寫真。
官網說這是銀藍色，
其實睇真身後，
我認為呢個形容好精準，
因為佢唔算粉藍，亦都唔係淺藍。

真實感覺：
拎上手睇同睇相真係有唔同，
實物隻色比較偏淡，
我覺得係傾向清雅斯文。
而睇相嘅色會有啲似粉藍，
我諗起嘅形容係活潑大方。

相片沒有用修飾/濾鏡那些功能，
如果只係去影單一隻銀藍款，
或者你喜歡粉藍的話，
應該都會覺得唔係那件事。
但如果3姊妹擺埋一齊影，
你就會覺得佢隻藍其實都算特別。
😏😏😏😏😏

其實唔想白色咁齋、
又唔想粉紅咁嬌，
呢隻藍係唔錯的選擇。
因為白色的話，我成日覺得太"清簡"。
或者咁講，我個人覺得，
自己戴錶都會望吓，
咁顏色會影響心情架嗎，
咁緊係睇到有顏色會開心啲啦。
😂😂😂😂😂



#其實應該係各有捧場客
#因為顏色不同感覺就不同
#如果揀唔到 #一係買晒3隻輪住戴
#咁咪唔使煩惱囉
😂😂😂🤣🤣🤣

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

又新一年啦，終於有空PO下嘢啦~祝大家~~~生生猛猛！發過豬頭！萬事如意！最緊要係沒病沒痛、健健康康！🥰🥰🥰🥰🥰好啦，一開工首先要探下班朋友仔，同埋要整理一下12月嘅資訊。點知...唉，一開相片檔就見到呢張相，即時諗起了12月的"盛況".....
05/01/2022

又新一年啦，終於有空PO下嘢啦~
祝大家~~~
生生猛猛！發過豬頭！萬事如意！
最緊要係沒病沒痛、健健康康！
🥰🥰🥰🥰🥰

好啦，一開工首先要探下班朋友仔，
同埋要整理一下12月嘅資訊。
點知...唉，一開相片檔就見到呢張相，
即時諗起了12月的"盛況"......

基本上由11月開始，就一直忙，
其實到底忙啲乜呢？
就係忙住睇手錶嘅價格及走勢，
睇下到底甚麼水位，生意要點做。
咁其實年年某啲時間，尤其年尾，
撈仔價格就會比較動盪，
所以係預咗要忙的。
但今年係特別忙上加忙囉，
一來講緊撈仔2022年會加價啦，
二來跨年前後嘅價格無定位可言，
三來加上年尾氣氛點都會有啲買賣，
於是，12月因為撈仔個價一日幾變，
搞到好似炒緊牛熊要睇住個市咁。
😭😭😭😭😭

咁既然剛巧開咗呢張相，
不如就講吓，
這個系列在12月時的"盛況"吧！
呢位2020年出世嘅小朋友，
叫做 124300 tiff. blue，
喺出世時就已經成功跳出公價了。
佢係Oyster Perpetual 41系列裡面，
幾胞胎嘅其中一位。

之前一出爐，我已經同老闆講---
我：HEY，幾時拎隻粉藍色比我影呀？
我睇好呢隻喎，
佢同粉紅色做情侶裝真係一絕，
我要影佢地一PAIR...
佢：你唔好玩啦，呢啲色呢個價，
肯定又吸一批客啦，你以為會有？
我：咁始終會有貨架嗎，快啲入啦。
佢：話說，當你覺得2隻都靚，
你估吓會唔會同時拎到2隻呀嗱？
我：....唔...well，你啱，咁分開影囉。

後來一年過去了，
比卡超、小火龍那些兄弟，
我已經見過晒，亦拍晒寫真。
唯獨係，始終都無見過車厘龜。
😥😥😥😥😥
(遺憾係永遠唔會同期到埗，
影唔到大合照。
所以，想影呢張合照嘅欲望超強烈，
雖然，或者到死都未必做到。🤣)

點知，驚喜話來就來，
原來，佢竟然選擇咗，
在12月呢個瘋癲嘅月份出現！
於是，我喺2021年結束前，
終於見到全新的tiff.blue真身。
不過純個人意見：
影相睇照片的屬於偏淡藍，
比起真身較厚感的實粉藍，
我會喜歡相片的粉藍多啲！
🤣🤣🤣🤣🤣

< 當時出爐公價係：HKD 46000 >
咁大家都知道，
以公價買到嘅或然率係幾多啦，
所以，當時已經要食炒價，
不過佢唔係幾胞胎中最高價的。
< 當時炒價大約係：HKD 65000 >
當後面有現貨開始到香港了，
我路過見人家街舖有真身賣。
< 街舖的標價係：HKD 80000 >
再後來8月時，有客問呢隻，
咁公司沒現貨就去八下價啦。
< 當時八到個價係：HKD 127000 >
真係估100次都估唔到，喺12月尾，
經過一輪瘋狂買賣後，
佢，已經遠離咗我嘅想像......
< 12月尾賣出價係：HKD 310000 >
唔好以為我打錯，同時你都無睇錯，
人家真係呢口價，係真的超出30萬。
而到今天，都只係落番啲啲，尚未正常。
😵😵😵😵😵

其實呢個品牌，經常都估佢唔到，
不過無估過，在2021年尾，呢個系列，
竟然可以上位上到咁囉。
我知道，當捧場客見到呢個價會唔開心，
所以，我只能安慰一下各位：
後面升跌幾多呢，我就唔估了，
我只想講，雖然差唔多全部款都貴了，
但唔係全部都好似OP系列升咁多的，
如果你唔係必需揀粉藍色的話，
其實仲有好多選擇的，放心吧~
放心咁去買新年禮物吧！！
🤣🤣🤣🤣🤣

P.S.：
知唔知Cartier出咗隻銀藍色呢？
睇相有啲似粉藍色的，
朕將會見到佢真身，然後影佢裸照😏。
等我研究完真身先再PO，
比粉藍控嘅小世界多個選擇！
等我呀！！！I will be back！！
😆😆😆😆😆

#124300 #124300-0006
#又再超出我想像 #真係無諗過 #蠔式咁貴
#如果可以重來 #早知買街價現貨啦
#我曾經 #妙想天開過 #自己儲一套影相
#一諗完就發現 #都係早啲訓 #發夢時見下
#然後起身返工吧 #算吧啦 🤣🤣🤣
#知唔知卡地亞都有淺藍
#下回分解

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

『今天貓事兒』琴晚開始好凍，然後，陳西多決定唔理我……於是，我不斷地：陳多多？陳---多---？阿多？阿多呀？阿多阿多？👀👀👀雖然我咁煩，但佢依然我行我素地，繼續保持住哺蛋的姿勢，繼續視我如無物……🙄🙄🙄其實我都唔係好想煩佢，我都知佢怕凍又...
21/12/2021

『今天貓事兒』
琴晚開始好凍，然後，
陳西多決定唔理我……
於是，我不斷地：
陳多多？陳---多---？
阿多？阿多呀？阿多阿多？
👀👀👀
雖然我咁煩，
但佢依然我行我素地，
繼續保持住哺蛋的姿勢，
繼續視我如無物……
🙄🙄🙄
其實我都唔係好想煩佢，
我都知佢怕凍又喜歡匿埋。
但係呢-----
佢當時佔用的，
係我拎出來想更換的梳化套……
拎走個套又好似虐待佢咁，
但唔拎走我又換唔到……
正喺進退兩難之際，
陳雞批突然間行過來，
望咗陳多多2秒後，
施施然行去阿多的糧兜度，
準、備、偷、吃！！
跟住阿多見到佢準備偷嘢後，
就忍唔住跳下來先吃一步了~~~
🤣🤣🤣
好啦，唔好偷吃啦，見今晚好日，
開罐好嘢比兩隻肥主子食啦。
因為，佢哋都想做節㗎嗎！！
😍😍😍

祝大家冬至快樂，團團圓圓，健健康康！
🌚🌘🌗🌖🌝

今年冬至，終於唔使著短袖衫出街啦~
🤣🤣🤣🤣🤣

.carcar
#我家肥主子 #陳雞批 #陳西多
#肥批終於有建設性一次
#救我一命 #令我唔使比阿多怨
#其實佢有幾個點可以訓
#但唔知點解 #佢一見到有機會匿埋
#就好叻叻咁 #不惜一切捐入去
#最奇怪係 #明明怕凍 #但都要轉位
#真係唔明啲主子 #係要攞苦來辛
🤣🤣🤣🤣🤣

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

16/11/2021

『今天貓事兒』

兩位主子近來開始發寒，
只要一開門有風吹入來，
佢哋就會不停咁亂跑；
然後，只要我一起身離開張梳化，
佢哋就會即時跳上去我個位坐---
想坐住我未散嘅暖氣...

而因為主子呢個怕凍嘅性格，
令我前兩天放工後，
見到一件實在有趣嘅趣事！！
🤣🤣🤣🤣🤣

我那天一入到屋，
發現張地毯"拱"起晒，
其實一睇就知隻貓地毯下面，
奇就奇在，明明雞批都無搞佢，
佢做咩要匿埋呢？
於是我慢慢行過去啦，
然後佢以為我見佢唔到，
竟然慢慢咁移動離開囉！！
🤣🤣🤣🤣🤣

頂，嗰一刻真係笑咗出來，
大佬呀，你又沒減肥，
點解會覺得我睇你唔到先？
然後...明明在梳化上，
我出門前就舖好左張絨被，
比你2隻嘢放心咁訓覺...
但係點解，
你會選擇行落凍冰冰的地下，
然後匿在地毯下面呢？
因咩事咁睇唔開先？
😆😆😆😆😆

唉，講起涼涼地，
奴才都覺得晚上開始凍，
有時收工行行下好想打冰爐。
但礙於限人數，叫嘢食不盡興...
於是，到而家，
都只係打過一兩次冰爐。
😭😭😭😭😭

**應該唔會再熱住㗎啦，
大家都要小心冷親呀**

.carcar
#我家主子 #陳雞批 #陳西多
#我是朕亦是奴才 #實在超搞笑
#你有無想像到 #當你一開燈
#見到一張移動嘅地毯
#然後自以為 #你睇佢唔到
#好叻叻咁 #慢慢雜開
#最奇怪係 #地面冰涼涼
#做咩有絨被唔訓 #攞苦來辛
#又唔知自己怕凍
🤣🤣🤣🤣🤣

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

今日收到2隻錶，唔係AP、唔係RX、唔係HUBLOT，而係我好少見的CHOPARD-蕭邦。因為款式、價格、市場的因素，呢隻牌子唔係好多客會訂，所以呢，朕對呢個牌子有點陌生，實在係少見多怪的一群。🤣🤣🤣🤣🤣一拎出來，就覺得個錶面幾好睇，跟住隨...
08/10/2021

今日收到2隻錶，
唔係AP、唔係RX、唔係HUBLOT，
而係我好少見的CHOPARD-蕭邦。
因為款式、價格、市場的因素，
呢隻牌子唔係好多客會訂，
所以呢，朕對呢個牌子有點陌生，
實在係少見多怪的一群。
🤣🤣🤣🤣🤣

一拎出來，就覺得個錶面幾好睇，
跟住隨便影咗張相啦，
有燈光後花紋出晒來，堅係靚喎！
有啲啲特別又有些微突出，
但睇落去感覺唔誇，好實在的。
然後望住幅相...好低能地...
突然間諗起梵谷的"星夜"，
因為啲紋路有點似繪畫出來咁~
🤪🤪🤪🤪🤪

可能呢一刻，你哋望住相中的錶，
已經覺得熟口熟面，
或者已經知道佢點解會出名...
但是，我，實在，真係唔知囉......
跟住我咪走去問老闆問題囉，
唉...點知被重撃嘅時候到了...

本人：隻錶幾靚喎，新出㗎？
未見過喎，幾靚吖，之前無人買咩？
老闆：呢隻...新過吓囉...
你唔認得呢個款咩？？
咁你知唔知點解有人訂？
本人：呀？幾靚吖而且質感不錯呀，
有人訂好出奇咩？
老闆：客人係咪因為靚而買我唔知，
但係套劇播出後好多人搵是真的...
本人：哦？即係...
呢隻錶係因為一套劇彈出咗？
老闆：係呀，"愛的迫降"呀嗎，
都幾好睇吖。
本人：...呢套...劇名來㗎？韓劇？日劇？
老闆：.............................
頂，其實你到底係咪香港人呢？
你戒咗追劇我明吖，
咁你唔睇劇我都知吖，
但唔會留意香港媒體咩？
你唔睇面書唔睇娛樂㗎咩？
班粉絲日日洗版截圖你唔知？？
上年講南北韓的大熱劇都唔知？？
x@yZ**%@%$@ #%@ (下刪數字)
本人：......係，我真係唔知...
係我唔好...我應該要追劇的...
我錯了大哥...唔好再講了好唔好？
😭😭😭😭😭

頂~~~就係咁樣，自投羅網地，
無啦啦，因為南北韓被噴滿面囉！
🤣🤣🤣🤣🤣

咁人哋戒咗睇劇啦嗎，
萬一收到風好睇咁點算？
唔通又要開始追劇生涯咩？
為咗唔再令自己不見天日，
這幾年一切有關劇集的事，
我一概唔點擊、唔讚好、唔留意，
其實合情、合理、合法，對不對？
😆😆😆😆😆

睇劇呢件事，在我來說，
其實真係好恐怖囉！
因為，我追劇嘅過程...
係毫無自制能力可言的！
🙄🙄🙄🙄🙄
即係舉例...太舊的劇唔好提了，
講我記憶中最後的兩套吧...
睇完鬼怪之後...
最後一套應該係"花遊記"？
鬼怪：返工係10-6，用2.5天完成。
兩晚都通頂，到第3天收工-死咗。
花遊記：都係返10-6，
用了近3天完成。
兩晚睇到0600，跟住0800起身，
那幾天...對眼直接紅筋滿佈。
😞😞😞😞😞
我真係好衰㗎，就係知套劇完咗，
硬係想快啲睇完佢，
仲要睇到幾攰都唔願訓覺...
後來一追劇時，
面色又差、又好攰又易病...
唉，其實知自己咩料子啦，
呢種唔到結局唔會放手的病態，
終於令我決定唔再咁樣落去！
所以最後，我好叻咁決定，
唔再開始睇任何一套劇，
咁就唔會有呢個問題啦~~~
🤣🤣🤣🤣🤣

雖然呢個動作係有逃避嘅成份，
但好就好在，
我一決定唔睇就斷晒啲資訊，
所以直到現在都無再病發囉！
😆😆😆😆😆

"沈迷煲劇=來回地獄又折返人間"
希望大家唔會似我咁變態咁失控啦！！
🤭🤭🤭🤭🤭

#蕭邦 #愛的迫降 #李武赫手錶
#2986003001 #2986003002
#又被暴擊 #老爺冤枉呀 #我都唔想㗎嗎
#其實我好慘的 #幾耐沒追劇了
#你哋講到幾好睇 #我都無得睇
#一講煲劇 #即時諗起那段暗黑期
#超病態患者 #完全唔理天昏地暗
#只知要睇結局 #為完結而戰
🤣🤣🤣😆😆😆

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

🌈🌈🌈✨✨✨🔮🔮🔮2021年嘅中秋節又到啦~我成日都覺得，只要過了中秋，就好快見到年尾了！🤣🤣🤣點解中秋用呢張相呢？事緣係咁的：朕之前種咗好多瓜類---青瓜我唔食的，不過班子民話OK；香瓜種出來雖然好似過於迷仔，無販賣的咁大個，但又真係好甜...
21/09/2021

🌈🌈🌈✨✨✨🔮🔮🔮
2021年嘅中秋節又到啦~
我成日都覺得，只要過了中秋，
就好快見到年尾了！
🤣🤣🤣

點解中秋用呢張相呢？
事緣係咁的：
朕之前種咗好多瓜類---
青瓜我唔食的，不過班子民話OK；
香瓜種出來雖然好似過於迷仔，
無販賣的咁大個，
但又真係好甜喎~~~
於是，自從將青瓜同香瓜與眾同樂後，
而家班友仔轉移目標，
吼住我最比心機種的哈蜜瓜囉！
😒😒😒

這個呢，就真係迷你品種來的，
不過近來都好似無乜再大了，
但硬係好似顏色不對、未係時候咁...
只係一直擺都唔係辦法喎，
於是，我琴晚已經決定咗-----
我今晚要幫佢開封，等佢完成使命！
中秋食瓜大行動，今晚開始！！！
😆😆😆

預祝大家中秋節及追月快樂~
預祝今晚停雨大家唔使濕身~~
預祝各位做節食多啲食肥啲~~~
🍗🥩🍻🍇🍌

溫馨提示：
記得買六合彩多寶試下運氣！
大家一齊發一發大富翁夢！！
🤣🤣🤣

#中秋節 #中秋快樂 #食月餅 #玩燈籠
#青瓜 #香瓜 #哈蜜瓜 #做節日
#限聚多時了 #有呢啲日子 #約一班人聚下
#其實吹下水 #就算講低能野 #都爽嘅
#今年有月餅 #但唔記得買燈籠
#唔知一陣去買多唔多人呢
#聽日放假啦 #記得玩得開心啲
🍻🥂🍹🍻🥂🍹🍻🥂🍹

**歡迎 加IG 加Carousell 支持隻港豬**
Instagram (港豬無聊事)：
https://www.instagram.com/pigpig.carcar/

Carousell (睇下有咩錶仔)：
https://www.carousell.com.hk/pigpiesmallstore/

Address

Hong Kong

Website

Alerts

Be the first to know and let us send you an email when 小豬批錶仔&雜貨 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 小豬批錶仔&雜貨:

Shortcuts

Share

Category