21/08/2024
【145年前👸🏻聖母顯現於愛爾蘭Knock🇨🇮】
．
講起聖母顯現，大家會諗起露德（Our Lady of Lourdes）、花地瑪（Our Lady of Fátima），對於喺愛爾蘭Knock嘅聖母顯現（Our Lady of Knock）可能認識無咁多。
．
1879年8月21日星期四夜晚8點左右，聖母瑪利亞、聖若瑟同聖若望宗徒出現喺愛爾蘭Knock聖堂山牆。喺佢哋嘅左邊有一個祭台，祭台上有十字架和羔羊嘅形象，天使亦喺周圍盤旋。當時有15名信眾喺大雨下目擊到事件，喺差不多兩個鐘頭內，信眾聚集埋一齊見證呢個顯現，並誦念玫瑰經。而兩個分別喺1879年和1936年嘅調查委員會都認為目擊者嘅證詞係值得信納同滿意。Knock聖地喺2021年3月被教宗方濟各透過當時嘅宗座促進新福傳委員會（the Pontifical Council for New Evangelization）正式認可為國際聖體聖事同聖母朝聖地。
．
1️⃣目擊者對Knock嘅聖母顯現嘅描述📋
聖母戴住一頂巨大而明亮嘅金色王冠，著白色衫。聖母企喺離地面只有幾呎高嘅位置，著住件白色嘅斗篷，目擊者形容佢係非常美麗。兩隻手臂彎喺身前，雙手掌心向內，雙眼望住天空，似係祈緊禱嘅狀態。喺聖母右邊係聖若瑟，佢個頭恭敬地向聖母傾斜；而喺聖母左邊係聖若望宗徒左手揸住一本書，似喺到講緊道。聖若望左邊有一座祭台，上面擺咗一個十字架同一隻羔羊。
．
2️⃣天有異象🌦️
聖母顯現嘅時候，天氣後來轉壞落大雨。不過喺顯現出現嘅地方，即係聖堂嘅山牆周圍，地面竟然一直都係乾，上空被一團光雲籠罩著。
．
3️⃣Knock聖母顯現同其他地方顯現嘅不同
瑪利亞一直保持沉默，冇講過任何說話或預言
祭台上出現天主嘅羔羊，聖體聖事嘅恩賜同奧秘嘅視覺呈現
．
1979年，教宗聖若望保祿二世拜訪了Knock聖地，教宗稱自己係「作為朝聖者」而嚟。朝聖之餘，教宗將新起嘅聖堂升格為大殿（Basilica），就即係而家嘅The Basilica of Our Lady, Queen of Ireland。
．
教宗方濟各於2018年曾到訪Knock聖地，並喺2021年講過：「Knock聖母顯現傳達嘅信息係：（聖母嘅）沉默對我們嘅信仰有巨大嘅價值。呢個奧秘帶嚟嘅沉默，我哋唔係要放棄理解。耶穌基督為我哋成為羔羊，犧牲以贖罪，我哋就係要靠住佢嘅幫助和支持去對呢種沉默有所領悟。同樣地，我哋必須徹底放棄自我、服膺於慈悲天父嘅旨意，先可以對得住呢種偉大愛情嘅奧秘。」
．
#天主教 #一站式天主教網購平台
