05/09/2026
പൂർണ-ഉറൂബ് നോവൽ അവാർഡിനും പൂർണ-ആർ. രാമചന്ദ്രൻ കവിതാ അവാർഡിനും രചനകൾ ക്ഷണിക്കുന്നു. 2025 ജനുവരി 1-നും ഡിസംബർ 31-നും ഇടയ്ക്ക് ആദ്യ പതിപ്പായി പ്രസിദ്ധീകരിച്ച മൗലിക നോവലുകൾക്കാണ് 25,000 രൂപയും ശില്പവും പ്രശസ്തിപത്രവുമടങ്ങുന്ന പൂർണ-ഉറൂബ് അവാർഡ് നൽകുന്നത്. പരിഭാഷകൾ പരിഗണിക്കുന്നതല്ല. നോവലിൻറെ മൂന്നു പ്രതികൾ സെപ്തംബർ 30-നു മുമ്പ് അയയ്ക്കണം. കഴിഞ്ഞ രണ്ടു വർഷത്തിനിടെ പുസ്തകരൂപത്തിൽ പ്രസിദ്ധീകരിച്ച കവിതാസമാഹാരങ്ങൾക്കാണ് 'പൂർണ'യും 'ആർ. രാമചന്ദ്രൻ അനുസ്മരണ സമിതി'യും ചേർന്ന് ആർ. രാമചന്ദ്രൻ കവിതാപുരസ്കാരം നൽകുക. പതിനായിരം രൂപയും ശില്പവും പ്രശസ്തിപത്രവുമടങ്ങുന്നതാണ് അവാർഡ്. 2023 ജനുവരി ഒന്നു മുതൽ 2025 ഡിസംബർ 31 വരെ ആദ്യപതിപ്പായി പ്രസിദ്ധീകരിച്ച കവിതാസമാഹാരങ്ങളുടെ മൂന്നു കോപ്പികൾ സെപ്തംബർ 30-നു മുമ്പ് അയയ്ക്കണം. മത്സരങ്ങൾക്ക് അയയ്ക്കുന്ന രചനകൾ തിരികെ നൽകുന്നതല്ല. വിലാസം: പ്രസിദ്ധീകരണ വിഭാഗം, പൂർണ പബ്ലിക്കേഷൻസ്, ടി.ബി.എസ്. ബിൽഡിങ്, ജി.എച്ച്. റോഡ്, മുതലക്കുളം, കോഴിക്കോട് 673 001
കൂടുതൽ വിവരങ്ങൾക്ക് 7560822223
