13/06/2026
എന്തുകൊണ്ട് സെഡാൻ കാറുകളിൽ റിയർ വൈപ്പർ (Rear Wiper) ഉണ്ടാകാറില്ല?
പലരും ചിന്തിക്കുന്ന ഒരു കാര്യമാണിത്; ഹാച്ച്ബാക്കുകളിലും എസ്യുവികളിലും റിയർ വൈപ്പർ ഉള്ളപ്പോൾ, വിലകൂടിയ സെഡാൻ കാറുകളിൽ എന്തുകൊണ്ട് ഇതില്ല? ഇതിന് പിന്നിൽ കൃത്യമായ ചില ശാസ്ത്രീയ കാരണങ്ങളുണ്ട്.
1. സെഡാനിലെ വായുപ്രവാഹം (Aerodynamics)
• ഡിസൈൻ: സെഡാൻ കാറുകൾക്ക് നീളമുള്ള ബോണറ്റും, യാത്രക്കാർക്കുള്ള ക്യാബിനും, അതിന് പിന്നിലായി പുറത്തേക്ക് നീണ്ടുനിൽക്കുന്ന ഒരു ബൂട്ടും (Trunk) ഉണ്ടായിരിക്കും.
• എയർ ഫ്ലോ: വാഹനം വേഗത്തിൽ ഓടുമ്പോൾ കാറ്റിന്റെ ഒഴുക്ക് മുൻവശത്ത് നിന്ന് തുടങ്ങി റൂഫിലൂടെ വന്ന്, പിന്നിലെ ഗ്ലാസിന് മുകളിലൂടെ വളരെ സ്മൂത്തായി ബൂട്ടിന്റെ അവസാന ഭാഗത്തേക്ക് ഒഴുകിപ്പോകുന്നു.
ഈ സുഗമമായ വായുപ്രവാഹം കാരണം പിന്നിലെ ഗ്ലാസിൽ വെള്ളത്തുള്ളികളോ പൊടിയോ തങ്ങിനിൽക്കാനുള്ള സാധ്യത വളരെ കുറവാണ്. വായു തന്നെ അതിനെ അടിച്ചു കളയും.
2. ഗ്ലാസിന്റെ ചരിവ് (Sloped Glass)
• സെഡാൻ കാറുകളുടെ പിൻഗ്ലാസ് കൂടുതൽ ചരിഞ്ഞതാണ്
• അതുകൊണ്ട് തന്നെ പെയ്യുന്ന മഴവെള്ളം ഗ്ലാസിൽ നിൽക്കാതെ പെട്ടെന്ന് താഴേക്ക് ഒഴുകിപ്പോകുന്നു.
എന്തുകൊണ്ട് ഹാച്ച്ബാക്കുകളിൽ റിയർ വൈപ്പർ അത്യാവശ്യമാണ്?
ഹാച്ച്ബാക്ക്, എസ്യുവി (SUV) മോഡലുകളുടെ പുറകിലെ ഡിസൈൻ സെഡാനിൽ നിന്നും തികച്ചും വ്യത്യസ്തമാണ്.
1. ലോ-പ്രെഷർ സോൺ (Low-Pressure Zone)
• ഹാച്ച്ബാക്കുകളുടെ പിൻഭാഗം കുത്തനെ (Vertical/Flat) ഉള്ളതാണ്.
• വണ്ടി വേഗത്തിൽ മുന്നോട്ട് പോകുമ്പോൾ, ഈ കുത്തനെയുള്ള പിൻഭാഗത്തിന് തൊട്ടുപുറകിൽ വായു ശൂന്യത അല്ലെങ്കിൽ ഒരു Low-Pressure (വാക്വം) മേഖല രൂപപ്പെടുന്നു.
2. ടർബുലൻസ് (Turbulence & Vortex)
• ഈ കുറഞ്ഞ മർദ്ദമുള്ള ഭാഗത്തേക്ക് ചുറ്റുമുള്ള വായുവും ടയറുകളിൽ നിന്ന് തെറിക്കുന്ന ചെളിയും വെള്ളവും വട്ടത്തിൽ കറങ്ങി (Turbulence) അടിക്കാൻ തുടങ്ങും.
• റോഡിലെ പൊടിയും മലിനജലവും ഈ വായുപ്രവാഹം നേരെ പിന്നിലെ ഗ്ലാസിലേക്ക് വലിച്ചടുപ്പിക്കും .
• തൽഫലമായി, പിൻഗ്ലാസ് പെട്ടെന്ന് അഴുക്കാവുകയും ഡ്രൈവർക്ക് ബാക്ക് വ്യൂ കണ്ണാടിയിലൂടെ പുറകിലെ കാഴ്ചകൾ കാണാൻ പറ്റാതാവുകയും ചെയ്യുന്നു
