22/07/2026
Eitt af því skemmtilegasta sem við hjónin gerum saman eru svona verkefni.
Við (ég) fáum hugmynd, teiknum hana upp, veltum lausnum fyrir okkur og svo byrjum við bara. Að þessu sinni ákváðum við að breyta leikkofa og grillhúsi, sem nýttust ekki nógu vel, í sól- og skjólhús.
Við gátum notað pallinn og veggina að hluta. En það var bras að púsla þessu saman og hefði kannski verið auðveldara að gera allt upp á nýtt.
Við endurnýttum nánast allt efnið – timbrið og skrúfurnar. Gler, báruplast í þakið, málning og nokkra planka þurftum við að kaupa.
Birgir sá um alla útreikninga og smíðavinnuna. Ég málaði, bar á (það á reyndar eftir að klára málningarvinnuna því það hefur ekki stytt upp í margar vikur) og kom með athugasemdir sem voru ekki alltaf vel þegnar 🤭
Útkoman er nákvæmlega eins og við vonuðum. Rými til að njóta, rækta og vonandi lengja aðeins sumarið.
Svo sjáum við til hvort að næsta skref verði að loka húsinu meira eða hafa það svona. Sólin hefur lítið látið sjá sig svo við vitum ekki hversu heitt verður þegar hún fer að skína ☀️
Við fengum frábæra þjónustu og ráð hjá Íspan, Metal og Húsasmiðjunni Hafnarfirði.
Glerið
Báruplastið, Metal.is
Timbur og málning
Built to stretch the Icelandic summer just a little bit longer.
