18/06/2026
ព្រះរាជពិធីបុណ្យចម្រើនព្រះជន្ម
សម្តេចព្រះមហាក្សត្រី នរោត្តម មុនិនាថ សីហនុ
សូមព្រះបរមរាជានុញ្ញាត ថ្វាយព្រះពរជ័យ ក្នុងឱកាសដ៏មហាមង្គលនៃព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត គម្រប់ព្រះជន្ម ៩០ ព្រះវស្សា យាងចូល ៩១ ព្រះវស្សា ពុទ្ធមណ្ឌល,ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦។
ក្នុងឱកាសដ៏វិសេសវិសាល និងប្រកបដោយសិរីមង្គលដ៏ឧត្តុង្គឧត្តមនេះ សូមថ្វាយព្រះពរជ័យ សិរីសួស្តី វិបុលសុខ មហាប្រសើរ និងព្រះសព្វសាធុការពរ បវរមហាប្រសើរ ថ្វាយសម្តេចព្រះមហាក្សត្រី សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះរាជកិច្ចគ្រប់ប្រការសម្រេចជោគជ័យ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរ។
សូមព្រះបារមីនៃព្រះរតនត្រ័យ ព្រមទាំងទេវតាឆ្នាំថ្មី វត្ថុស័ក្តិសិទ្ធិទាំងឡាយក្នុងលោក និងបុណ្យបារមីព្រះមហាក្សត្រគ្រប់ព្រះអង្គ តាមជួយអភិបាល ថែរក្សា និងប្រោសប្រទានព្រះពរជ័យ ថ្វាយសម្តេចព្រះមហាក្សត្រី សូមទ្រង់ប្រកបដោយព្រះរាជសុខភាពល្អបវរ ព្រះកាយពលរឹងមាំ ព្រះបញ្ញាញាណឈ្លាសវៃ ព្រះជន្មាយុយឺនយូរ និងព្រះសិរីសួស្តីជ័យមង្គលគ្រប់ប្រការ ស្ថិតស្ថេរគង់វង្សជានិច្ចនិរន្តរ៍។
