https://www.facebook.com/537207799478006/

សៀវភៅសួគ៌ - Seavphovsour, Phnom Penh (2026)

17/09/2026

សួស្តី! បេីកកក់សៀវភៅ “កាលនោះមានអ្នក | Back When You Were There, THE ‘90”

• Signature Edition

ព័ត៌មាននៃការកក់៖ អូសមេីលខ្លួនឯងទៅ‼️

កំណត់ចំណាំ៖ ទិញហេីយមិនពេញចិត្ត សូមយកទាំងកេសមកគប់កណ្ដាលមុខអ្នកនិពន្ធ ភីក ដាវ៉ាន់ ធានាសងលុយវិញហេីយ មិនទារថ្លៃព្យាបាលសូម្បី ១០០៛ (រូបខាងស្ដាំជារូបរបស់អ្នកនិពន្ធ ភីក ដាវ៉ាន់)💀

Message from ភីកដាវ៉ាន់៖ រឿងនេះ បេី Me អ្នកនិពន្ធ Me លក់ 12 ម៉ឺនបាត់ហេីយ ព្រោះឈុតពិសេស Research ចុះជ្រុះសក់ទាំងក្ដាប់ៗអស់ពីរខែ តែព្រោះស៊ីលេងជាអ្នកនិពន្ធថ្មីទេីបលក់ចុះថ្លៃពាក់កណ្ដាល អ្នកណាមិនកក់ ប្រយ័ត្នដេកស្ដាយ១០០ឆ្នាំណា៎💀

•••

Find us on Telegram: https://t.me/seavphovsour

#សៀវភៅសួគ៌ #កាលនោះមានអ្នក

16/09/2026

ណែក៎...
សៀវភៅសួគ៌ស្ងាត់បាត់មាត់បាត់ក
ទៅណាទៀតហើយ?

14/09/2026

🤍✨

13/09/2026

ដើម្បីបានអ្វីដែលខ្លួនប្រាថ្នាបំផុត តើយើងសុខចិត្តបាត់បង់អ្វីខ្លះ? សុខចិត្តបោះបង់នរណាខ្លះ? សុខចិត្តជាន់កម្ទេចអ្វីខ្លះនៅតាមផ្លូវ? ហើយនៅទីបំផុត យើងសុខចិត្តក្លាយជាមនុស្សបែបណា ដើម្បីបានទៅដល់កន្លែងដែលខ្លួនឯងហៅថា «ឋានសួគ៌»?

13/09/2026

🪖នៅពីក្រោយឯកសណ្ឋាន គឺជាមនុស្សម្នាក់ដែលចង់ត្រឡប់មកផ្ទះវិញ🪖

ជាមុនសិន សៀវភៅសួគ៌សូមបញ្ជាក់ថា ប្រលោមលោករឿង «កាលនោះមានអ្នក | Back When You Were There, THE '90s» មិនមែនជាប្រលោមលោកប្រវត្តិសាស្ត្រ ឬប្រលោមលោកដែលផ្ដោតលើសង្គ្រាមនោះទេ តែជាប្រលោមលោកស្នេហា និងគ្រួសារ ដែលយកជីវភាពជនបទខ្មែរនៅដើមទសវត្សរ៍៩០មកធ្វើជាបរិបទ✨

ព្រឹត្តិការណ៍ប្រវត្តិសាស្ត្រមិនមែនជាស្នូលនៃសាច់រឿង ហើយក៏មិនត្រូវបានរៀបរាប់លម្អិតដូចក្នុងសៀវភៅប្រវត្តិសាស្ត្រដែរ។ បរិបទទាំងនោះមានតួនាទីជួយឱ្យអ្នកអានយល់ពីជីវភាព ការសម្រេចចិត្ត ការបែកឆ្ងាយ និងអ្វីដែលតួអង្គម្នាក់ៗត្រូវឆ្លងកាត់ក្នុងសម័យកាលមួយជិតសាមសិបឆ្នាំមុន... ទោះជាយ៉ាងណា ដោយសារតួអង្គប្រុសជាទាហាន ដូច្នេះភាពជាទាហានរបស់គាត់ក៏មិនអាច «មិននិយាយដល់» បានឡើយ។ នៅពីក្រោយស្នេហារបស់គាត់ មានទាំងឯកសណ្ឋាន បេសកកម្ម ការទទួលខុសត្រូវ និងការចាកចេញដែលគ្មាននរណាអាចប្រាកដថា គាត់នឹងត្រឡប់មកវិញនៅថ្ងៃណា✨

ទាហានមិនមែនជាមនុស្សដែលមិនចេះភ័យខ្លាចទេ។ ភាពក្លាហានរបស់ពួកគាត់ គឺការនៅតែដើរទៅមុខ ទោះដឹងថាផ្លូវខាងមុខពោរពេញដោយគ្រោះថ្នាក់គ្រប់ជំហាន។ ពួកគាត់ត្រូវផ្ញើក្ដីនឹករលឹកទុកនៅឯផ្ទះ និងទទួលខុសត្រូវលើសុវត្ថិភាពរបស់អ្នកដទៃ ខណៈដែលខ្លួនឯងក៏មិនប្រាកដថា នឹងបានត្រឡប់ទៅជួបគ្រួសារវិញឬអត់✨

មុនក្លាយជាទាហាន ពួកគាត់ក៏ជាកូនប្រុសរបស់ឪពុកម្ដាយពួកគាត់... ពួកគាត់អាចកាន់កាំភ្លើងដោយដៃដ៏រឹងមាំ ប៉ុន្តែនៅក្នុងហោប៉ៅអាវ ប្រហែលនៅតែមានសំបុត្រមួយសន្លឹក ឬឈ្មោះរបស់មនុស្សជាទីស្រឡាញ់ម្នាក់ ដែលធ្វើឱ្យពួកគាត់ចង់រស់ និងចង់ត្រឡប់មកវិញ🌾

ការគោរព និងលើកសរសើរទាហានមិនមែនជាការលើកតម្កើងសង្គ្រាមទេ។ វាគឺជាការដឹងគុណចំពោះមនុស្សដែលត្រូវឈរនៅកន្លែងគ្រោះថ្នាក់ រ៉ាប់រងភារកិច្ចដ៏ធ្ងន់ធ្ងរ និងលះបង់ពេលវេលា ដែលពួកគាត់គួរតែបានរស់នៅក្បែរមនុស្សជាទីស្រឡាញ់ ដើម្បីមកការពារជនរួមជាតិ ដែលមានឈាមជ័រតែមួយ វាជាការលះបង់ដ៏ធំធេងណាស់✨

ដូច្នេះ សិទ្ធីនៅតែជាតួប្រុសនៅក្នុងប្រលោមលោកស្នេហាមួយ—not តួអង្គដែលត្រូវប្រើដើម្បីរៀបរាប់ប្រវត្តិសាស្ត្រសង្គ្រាមទាំងមូលឡើយ ប៉ុន្តែឯកសណ្ឋានរបស់គាត់ធ្វើឱ្យស្នេហានោះមានការរង់ចាំ មានភាពមិនប្រាកដប្រជា និងមានការសន្យាដ៏ស្ងប់ស្ងាត់មួយថា៖

«ខ្ញុំនឹងព្យាយាមត្រឡប់មករកអ្នកវិញ» 🤍

•••

Find us on Telegram: https://t.me/seavphovsour

#សៀវភៅសួគ៌ #កាលនោះមានអ្នក

12/09/2026

🌾[BEHIND THE COVER] ហេតុអ្វីសៀវភៅសួគ៌ជ្រើសរើសគូរក្របបែបនេះ?🌾

មូលហេតុដែលសៀវភៅសួគ៌ជ្រើសរើសគូរក្របប្រលោមលោក «កាលនោះមានអ្នក | Back When You Were There, THE '90s» ក្នុងទម្រង់បែបនេះ ព្រោះពួកយើងមិនចង់បង្ហាញត្រឹមតួអង្គប្រុសម្នាក់ និងតួអង្គស្រីម្នាក់ដែលឈរក្បែរគ្នាប៉ុណ្ណោះទេ តែពួកយើងចង់ឱ្យវាមើលទៅដូចជា ទំព័រមួយដែលត្រូវបានដកចេញពីអាល់ប៊ុមរូបថតសេសសល់កាលពីជិតសាមសិបឆ្នាំមុន🌾

«កាលនោះមានអ្នក | Back When You Were There, THE '90s» មិនត្រឹមតែជារឿងរ៉ាវស្នេហារបស់មនុស្សពីរនាក់នោះទេ លើសពីនេះ វាក៏បង្ហាញអំពីការឆ្លងពេលវេលារបស់កូនស្រីម្នាក់ ទៅស្គាល់អតីតកាលរបស់ឪពុកម្ដាយ ស្គាល់ប្រទេសកម្ពុជានៅដើមទសវត្សរ៍៩០ និងស្វែងយល់ថា មុនពេលមនុស្សពីរនាក់ក្លាយជាឪពុកម្ដាយរបស់ពួកយើង ពួកគាត់ក៏ធ្លាប់ជាយុវជនពីរនាក់ដែលមានក្ដីស្រមៃ មានការភ័យខ្លាច និងមានអនាគតដ៏ស្រពិចស្រពិលដែរ🌾

ឯកសណ្ឋានពណ៌បៃតងអូលីវ ឬកាគី របស់តួប្រុស តំណាងឱ្យស្ថានភាពប្រទេសកម្ពុជានៅដើមទសវត្សរ៍៩០៖ សន្តិភាពកំពុងចាប់ផ្ដើម ប៉ុន្តែសង្គ្រាមមិនទាន់ចាកចេញពីជីវិតមនុស្សគ្រប់គ្នានៅឡើយ🌾

សម្លៀកបំពាក់របស់តួស្រី មានចំនួនពីរឈុត ទាំងនៅលើក្របខាងមុខ (រ៉ូបផ្កាបែបទន់ភ្លន់) និងនៅលើក្របខាងក្រោយ (អាវដៃវែង និងសំពត់សារុងសាមញ្ញបែបជនបទ) ។ ក្រមា សារុង ថាសនំ និងផ្កាក្នុងដៃ សុទ្ធតែជាបំណែកតូចៗដែលនាំយើងទៅស្គាល់ជីវភាពប្រចាំថ្ងៃរបស់មនុស្សសម័យនោះ...

«ស្នេហាដ៏មានន័យមួយ មិនចាំបាចទាល់តែ់ចាប់ផ្ដើមឡើងនៅកន្លែងប្រណីតៗនោះទេ... ពេលខ្លះ វាចាប់ផ្ដើមពីនំមួយថាសដែលដាក់លក់នៅក្នុងបុណ្យវត្ត»🌾

ផ្កាតូចៗចម្រុះពណ៌លើក្រប តំណាងឱ្យភាពស្រស់ស្អាត និងក្ដីស្រឡាញ់ដែលនៅតែអាចដុះឡើងក្នុងសម័យកាលមិនប្រាកដប្រជា ផ្ទុយទៅវិញ ឯកសណ្ឋានយោធា និងទឹកមុខនឹងធឹងរបស់តួប្រុសដែលសម្លឹងទៅឆ្ងាយ បង្ហាញពីភារកិច្ច ការបែកឆ្ងាយ និងអនាគតដែលគ្មាននរណាម្នាក់អាចធានាបាន🌾

មុនមានយើង តើប៉ាម៉ាក់ធ្លាប់ជួបរឿងរ៉ាវអ្វីខ្លះ?
ក្របនេះមិនត្រឹមតែជាមុខមាត់របស់សៀវភៅទេ តែវាជាច្រកដំបូងបង្អស់ដែលនាំមិត្តអ្នកអានត្រឡប់ទៅកាន់ភូមិមួយក្នុងដើមទសវត្សរ៍៩០ កន្លែងដែលមាននំខ្មែរ ផ្លូវដី បុណ្យវត្ត សំបុត្រស្នេហា ឯកសណ្ឋានទាហាន និងមនុស្សពីរនាក់ដែលមិនទាន់ដឹងថា ការជួបគ្នារបស់ពួកគេ នឹងក្លាយជាចំណុចចាប់ផ្ដើមនៃគ្រួសារមួយនៅថ្ងៃអនាគត🌾

•••

Find us on Telegram: https://t.me/seavphovsour

#សៀវភៅសួគ៌ #កាលនោះមានអ្នក

12/09/2026

📖✨ [CLOSER LOOK | SPRAYED EDGE]✨📖

ក្របស្អាតមិនទាន់គ្រប់គ្រាន់ទេ ព្រោះពេលខ្លះ ផ្នែកដែលធ្វើឱ្យយើងចង់លើកសៀវភៅមួយក្បាលមកមើលម្ដងហើយម្ដងទៀត គឺជាគែមរបស់វា ឬភាសាងាយៗដែលកំពុងពេញនិយមហៅថា «Sprayed Edge» ហ្នឹងឯង✨

សៀវភៅ «កាលនោះមានអ្នក | Back When You Were There, THE ’90s» ក្នុង Signature Edition ត្រូវបានរចនាឡើងជាមួយ Sprayed Edge ឬគែមសៀវភៅដែលមានពណ៌ និងរូបភាពពិសេស... នៅពេលបិទសៀវភៅ វាធ្វើឱ្យក្រប ខ្នង និងគែមរួមគ្នាក្លាយជាស្នាដៃមួយដែលមានរូបរាងពេញលេញ ទោះដាក់បញ្ឈរ ដាក់ផ្ដេក ឬរៀបនៅលើធ្នើ ក៏នៅតែអាចមើលឃើញពីភាពខុសប្លែករបស់វា✨

Sprayed Edge មិនប៉ះពាល់ដល់ការបើកអានឡើយ... នៅពេលបើក សន្លឹកខាងក្នុងនៅតែដាច់ពីគ្នាតាមធម្មតា ប៉ុន្តែនៅពេលបិទ គែមទាំងអស់នឹងត្រឡប់មកបង្កើតជារូបភាពដដែលវិញ វាជាព័ត៌មានលម្អិតតូចមួយ ប៉ុន្តែជាផ្នែកដែលធ្វើឱ្យ Signature Edition មិនមែនគ្រាន់តែជាសៀវភៅសម្រាប់អានទេ តែជាសៀវភៅដែលអាចរក្សាទុកជាអនុស្សាវរីយ៍ និងដាក់តាំងនៅលើធ្នើដោយមោទនភាព✨

Sprayed Edge នេះមានតែនៅក្នុង Signature Edition ដែលផលិតសម្រាប់រយៈពេលបើកកក់តែមួយលើកប៉ុណ្ណោះ ក្រោយបិទកក់ យើងនឹងមិនផលិតរូបរាងដដែលនេះឡើងវិញទៀតទេ✨

•••

Find us on Telegram: https://t.me/seavphovsour

#សៀវភៅសួគ៌ #កាលនោះមានអ្នក

11/09/2026

🎁[SURPRISE!]🎁

សួស្ដីអូនទាំងពីរនាក់! មានមនុស្សចិត្តល្អ ពីរនាក់ផ្សេងគ្នាបានកក់សៀវភៅជូនអូនទាំងពីររួចរាល់ហើយ! សូមអូនម្នាក់ៗផ្ញើឈ្មោះអ្នកទទួល លេខទូរសព្ទ និងអាសយដ្ឋានសម្រាប់ដឹកជញ្ជូនមកកាន់ Inbox ផេក ដើម្បីខាងបងរៀបចំ Signature Edition ជូនណា៎🎁

***

Find us on Telegram: https://t.me/seavphovsour

#សៀវភៅសួគ៌ #កាលនោះមានអ្នក

សៀវភៅសួគ៌ - Seavphovsour

17/09/2026

16/09/2026

14/09/2026

13/09/2026

13/09/2026

12/09/2026

12/09/2026

11/09/2026

Address

Website

Alerts

Shortcuts

Share

Category

Listing takedown request