05/09/2026
“මෙන්න මේ ත්රීවිල් එකේ තියන පෙට්ටිය ගෙදරට අරන් ගිහින් හෙමීට බිමින් තියපන්.”
“මේ මොනවද මේ?”
“ගිහින් තියපන්කෝ ඕක.”
ඒ තඩි කාඩ් බෝඩ් පෙට්ටිය උස්සන් ගිහින් බිමින් තියලා, මොනවද තියෙන්නේ බලන්න ඇරියා විතරයි තරමක සයිස් කුකුල් පැටව් හය දෙනෙක්ගෙන් දෙන්නෙක් පැනපි එළියට. මළකෙළියයි, කෙළලා හමාරයි, අරුන් දෙන්නා දහ අතේ දුවනවා. දැන් මං උන් දෙන්නා අල්ලන්න දුවනවා. මොන ඇල්ලිලක්ද? මුන් නිකං ජෙට් ඔයිල් බීලා වගේ දුවන්නේ. අන්තිමට කොහොමහරි එළියට පැන්න ජෝඩුවත් අල්ලලා දැම්මා පෙට්ටියට.
“ඔය මැගීලගේ ගෙදරට හම්බුණ පැටව් හයක්. සේරම කිකිළියෝ බං. උන්ට හදන්න බැරිය කියලා මට දුන්නේ. නිකං දුන්න හින්දා මං ගෙනාවා. අපිට බිත්තරයක්වත් ගන්න පුළුවන්නේ. මෙන්න මුන්ට බත් ටිකක්වත් දියං. කොල්ලා ආවම කූඩුවක් හදවමු කැලේ හරියට වෙන්න.”
එදායින් පස්සේ පටන් ගත්තේ චිකන් භීෂණේ. උදේට ඉස්කෝලේ යන්න කලින් වතුර අදිනවා මදිවට කුකුල්ලුන්ටත් කෑමයි, වතුරයි අදින්න ඕනේ. ඒ මදිවට ඒ හැතිකරේ වත්ත පුරා අඟලෙන් අඟලට බෙටි ගහනවා. අපි අඩිය තියන්න ඕනේ බට්ටෝ පනිනවා වගේ. ඒ පැනලත් දවසකට පහ හයක් පෑගෙනවම තමයි. කුකුල්ලු හය වුණාට මුන් බෙටි දාලා තියෙන්නේ දහයේ ගූණාකාරවලින්.
*******************************
සෙල්ලංද කොල්ලෝ...(Pre Order)
කල්පනා කස්තුරිආරච්චි
20% වට්ටම් මිල රු.1360යි
ඩිලිවරි ගාස්තුව රු 400යි.
