05/11/2023
📚
නිල ඉතිහාස ලියන්නන් බලය හිමි පන්තිය නියෝජනය කරමින් ලියනු ලබන ඉතිහාසය යනු ප්‍රාණය සිඳි ගිය මළ ලියවිල්ලකි.එය ඉතිහාසයේ මිනිස් සබඳතා කලාපය දැනුවත්ම මඟහරින අතර අර්ධ සත්‍යක් නියෝජනය කරයි එහෙත් ඉතිහාසයෙන් සත්‍ය සඟවනු නොහැකිය.
සිවානන්දන්ගේ ‘මතක මිය ඇඳෙන සඳ’ ලාංකීය සමාජයේ ඉතා වැදගත් එකිනෙකට අසම්බන්ධිත කාල වකවානු කිහිපයක් සනිටුහන් කරයි.එම යුගය තුළ මිනිස් නිදහස වෙත යා යුතුව තිබු දේශපාලන අරගල දෙකක් පරාජයට පත්වන්නේ ජීවිත ලක්ෂ ගණනක් අහිමි කර ගැනීමෙනි.එහි ඛේදජනකම තත්වය වන්නේ එම සටන් ඉතිහාසය පාලක පන්තිය පමණක් නොව සටන් කරන ලද පාලිත පන්තිය විසින්ද සඟවාලීමට දරනු ලබන නිර්ලජ්ජිත ප්‍රයත්නයයි.
මෙම කෘතිය අපට වඩාත් වැදගත් වන්නේ එතැනදීය.එය ඉතිහාසය අප තුළින්ම කියවාගැනීමට කැඩපතක් වන අතර එයම උත්තර සංවාදයකට කෙරෙනඅරගලයක් වශයෙන් පෙනී සිටියි.
~මො.ල. සෙනෙවිරත්න~
