15/06/2026
දෙවන කොටස .... ❤️✨️
"ආලෝකා"
තිගැස්සී ගිය ඈ සිය සුරතින් දෑසට උනා තිබූ කදුලු මිතුරියගෙන් වසන් කරන්නට මහත් ආයාසයක් දරන්නට වූවාය.
"වෙලාව හරි, එන්න අපි පාඩම් කරන්න යමු"
යෙහෙළිය නිතිනි කී පසුවයි ඇය සිහිනයකින් පිබිදෙන්නියක මෙන් යථා තත්ත්වයට පැමිණියේ. ළමා නිවාසයක හැදී වැඩෙන්නට සිදු වුවද උපතින්ම අධ්යාපන කටයුතුවලට සමත්කම් දැක්වූ ආලෝකා නිරන්තරයෙන්ම පාලක මණ්ඩලයේ සෙනෙහසට බදුන් වූවාය.
"උබයි මමයි විභාගෙ ගොඩ දාගත්තා කියන්නෙ ජීවිතේම ගොඩ"
සුපුරුදු පරිදි නිතිනි කියවන්නට වූවාය. ඇය ප්රධාන පාලිකාවගේ දෙවන දියණියයි. දුක සතුට සම සේ බෙදාගන්නට ආලෝකාට සිටියේ ඇය පමණකි. පාලිකාවන්ට නිතරම ළමුන්ගේ දුක් දොම්නස් සිත් තැවුල් ආදිය අසා සිටීමට තරම් කාලයක් නොමැතිවාක් මෙනි. පෑ විසි හතරම වැඩ කරන ඔවුන්ගේ සිතැගි බෙදා ගන්නට කවරෙකුනම් සිටිනවා කියාද? ඔවුන් කරනා වැඩ තොගය දන්නේ ඔවුන් පමණක්මය. එහෙව් විටෙක ඔවුන්ට කරදරයක් වීමට ආලෝකා සතුටු නොවුනාය.
මවකගේ පියෙකුගේ තුරුලේ හැදී වැඩෙන්නට යුතු වයසක පසු වුවද ඇයට සියල්ල තනිව දරාගන්නට සිදු වූවාය. මෙහි පැමිණ වසර දහයක් ගත වුවද මව්පිය සෙනෙහස සොයන ඈ තුල සිටින කුඩා දරුවා එලෙසින් සිටියදීම ඇය සිය මිතුරිය සමග උසස් පෙළ විභාගයට මුහුණ දුන්නාය.
අද ඇය බාධක හමුවේ නොසැලී සිටින, තමාට නොලැබුණු ආදරය අන් අයට ලබා දෙන ආදරණීය ගුරුවරියකි. තමාට ජීවිතය ජය ගන්නට දිරිය දුන් නිදහස් අධ්යාපනයට ණය ගෙවීමක් ලෙස දහස් දෙනෙකුගේ ඇස් පාදන්නට ඇය සමත් විය. ❤️🖋️📚
ඔයාලා මේකට ගැළපෙන මාතෘකාවක් comment කරගෙන යන්න.....
