Little book pack

13/05/2026

ඔන්න අද මම ඇරන් ආවේ ටිකක් වෙනස්ම විදිහේ පොතක්.
Oxford reading tree traditional tales , Level 1+ යටතේ එන " Get the rat" සහ " Lots of nuts" යනු කුඩා දරුවන් ඉංග්‍රීසි කියවීමට හුරුකරන ඉතා ආකර්ෂණීය පොත් දෙකකි. සරල වාක්‍ය , උද්‍යෝගීමත් කතාන්දර සහ සිත්ගන්න සුළු චිත්‍ර නිසා දරුවන්ගේ කියවීමේ කුසලතාවය සහ ඉංග්‍රීසි භාෂා දැනුම වැඩ්දියුණූ කරගැනීමට මේවා කදිම කෘති වේ.

🐭 Get the rat 🐭

මාළිගාවක සැගවී සිටින මීයෙකු අල්ලා ගැනීමට දරන උත්සාහයක් ගැන කියවෙන හාස්‍යජනක කතාවකි .

දරුවන්ට පහසුවෙන් තේරුම් ගත හැකි වචන භාවිතා කර ඇත. පොතේ අන්තර්ගත වෙන කතාව, කතාන්දර සිතියම මගින් දරුවන්ට නැවත කතාන්දරය පැවසීමට පහසූවේ.

මෙහි චිත්‍ර දරුවන්ගේ පරිකල්පනය අවදිකරයි.

🐿🥜 Lots of nuts 🐿🥜

The town mouse සහ country mouse ( නගරයේ මීයා සහ ගම්බද මීයා) යන සාම්ප්‍රදායික කතාව පදනම් කරගෙන ලියැවුණු පොතකි.

අනතුරේ අසීමිත සැප සම්පත් වලට වඩා, ආරක්ෂිතව කුඩාවට ජීවත් වීම වඩා හොද බව මෙයින් අවදාරණය කෙරේ.

කියවීමට අලුතෙන් හුරුවෙන දරුවන්‍ට සුදුසු ,නිතර භාවිතා වන ඉංග්‍රීසි වචන ඇතුළත් පොතකි.

💓💓💓 ඇයි මේ පොත් විශේෂ 💓💓💓

⭐️ Oxford reading tree මට්ටම අනුව සකස් කර ඇත.

⭐️ Phonics ක්‍රමවේදයට අනුව කියවීමේ හැකියාව ඉහළනංවයි.

⭐️ දෙමාපියන්ට දරුවාට කියවීමට උදව් කළ හැකි උපදෙස් පොතේ අඩංගු වී ඇත.

මෙම පොත දරුවන්ගේ ඉංග්‍රීසි කියවීමේ පදනම ශක්තිමත් කිරිමට ඉතා සුදුසුයි .

13/05/2026

Shout out to my newest followers! Excited to have you onboard!

Chathu Nisansala, Sadishan Dunhinda, Mashi de Koonama, Prabhashi Manodya, Nimashi Ekanayake, Nalika Dilrukshi, Malithi Nanayakkara

12/05/2026

ඔන්න අද දවසේ මම ඇරගෙන ආපූ ලස්සන කතන්දර පොත.

ඇත්තටම මමත් ගොඩක් ආස වුණූ පොතක්. මොකද මගේ ලොකු පූතාට මේ කතන්දරය හරහා ඉතා වටිනා ආදර්ශයක් කියලා දෙන්න පුළුවන් වුණූ නිසා. 📕🥰

මම නොකඩවා මේ විදිහට පොත් review ගෙන්නේම ඔයාලාටත් මේ story read කරන්න උනන්දු ඇති කරන්න වගේම, මේ පොත් වලින් අපි කොච්චර ලොකු වුණත් පොඩි වුණත් ජීවිතයට ගන්න පුළුවන් වටිනා ආදර්ශ බොහෝයි කියන පණිවිඩය ගේන්නමයි.😘

මගේ Little book pack , page එක හරහා මේ ලංකාව පූරා චූටී දූ පූතාලා පොත් ඇරන් තියෙනවා දාස් ගණනක් . ඉතින් දවසෙන් විනාඩි 10 ක් වෙන් කරන්න මේ වගේ හරවත් කතන්දරයක් ඔයාලත් තමන්ගේ දරුවන් වෙනුවෙන් කියලා දෙන්න. 💓💓💓💓

බලමූ අද කතාව Mattie's twirly whirly tale. ( මැටිගේ කැරකෙවෙන වලිගය)🐒🙈

🙉 මෙය තමන්ගේ අමුතු ආකාරයේ, කැරකෙන වලිගය ගැන කණගාටුවෙන් සිටින චූටී වදුරු පැංචෙකුගේ කතාවකි. තමන්ගේ වලිගය අන් අයගේ වල්ගයට වඩා වෙනස් නිසා ඔහු එයට අකමැති වේ. අවසානයේ මේ චූටී වදුරු පැටියා තේරුම් ගන්නවා, වලිගය දිග වුණත්, කොට වුණත්, මහත් වුණත්, කෙට්ටු වුණත් තමන්ට ලැබුණූ දේ භාර ඇරගෙන සතුටින් ජීවත් වෙන්න.

🌹පණිවිඩය
තමන්ගේ වෙනස්කම් භාරගැනීම සහ ආත්ම විශ්වාසය වැඩිදියුණු කරගැනීම මෙමගින් කියාදේ.

🌹අන්තර්ගතය
කතාව පූරා වර්ණවත් රූප සටහන් හා කවියෙන් ලියැවුණූ වදන් අන්තර්ගතවේ.

🌹නිගමනය
ළමයින්ට තමන්ගේ සුවිශේෂීත්වය අගය කිරිමට ඉගැන්වීමට කදිම, ආකර්ෂණීය පොතකි.
වයස අවුරුදු 3-7 දක්වා දරුවන්ට ඉතාමත් සුදුසුයි

12/05/2026

With little nest – I'm on a streak! I've been a top fan for 5 months in a row. 🎉

11/05/2026

ඔන්න අද මම ඇරගෙන ආව පොත.Julia donaldson විසින් රචිත සහ Axel Scheffer විසින් චිත්‍රණය කරන ලද The snail and the whale යනු දරුවන් සහ වැඩිහිටියන් අතරද අතිශය ජනප්‍රිය , සම්මානනීය ළමා චිත්‍රපට පොතකි.
🐳🐌

💙 Summery

🐌 කුඩා ගොළුබෙල්ලාගේ සිහිනය- තමන් ජීවත් වන කළු ගලෙන් ඔබ්බට ගොස් ලෝකය දැකීමට කුඩා මුහුදු ගොළුබෙල්ලෙකුට දැඩ් අවශ්‍යතාවයක් ඇත.

🐌 අසාමාන්‍ය ගමන - එක් දිනක් , හම්ප්බැක් තල්මසෙකු, ගොළුබෙල්ලාට තම වලිගය මත නැගී ලෝකය වටා යාමට ආරාධනා කරයි.

🐌 ත්‍රාසජනක චාරිකාව - ඔවුන් දෙදෙනා ගිනි කදු, අයිස්කදු සහ විවිධ මුහුදු සතුන් සහිත පුදුමාකාර ලෝකයකය සංචාරය කරති.

🐌 විපත සහ බේරාගැනීම - දිනක් තල්මසා අවසනාවන්ත ලෙස වෙරළට ගොඩ ගසා අසරණ වේ. එවිට කුඩා ගොළුබෙල්ලා තමන්ගේ දක්ෂතාවය සහ බුද්ධිය භාව්තා කර, පාසලක දරුවන්ගේ සහාය ඇතිව තල්මසාව බේරා ගැනීමට කටයුතු කරයි.

💙 Key features

⭐️ Rhyming text නිසා ශබ්ද නගා කියවීමට ඉතා සුදුසුයි

⭐️ වර්ණවත් සහ සවිස්තරාත්මක චිත්‍ර දරුවන්ගේ නෙත් සිත් වසග කරගනී

⭐️ අවුරුදු 3-7 දරුවන්ට සහ නින්දට යාමට පෙර කියවීමට ඉතාමත් සුදුසු පොතකි.

💙 Themes and moral

⭐️ ඔබ කුඩා වුවත් ලොකු දේවල් කළ හැකිය - ගොළුබෙල්ලා කෙතරම් කුඩා වුවත් , තල්මසා වැනි විශාල සතෙකු බේරාගැනීමට ඇයට හැකිවිය.

⭐️මිතුරුකම සහ උදව් කිරිම - එකිනෙකාට වෙනස් වුවද, මිතුරන් අතර ඇති බැදීම සහ උදව් කිරිමේ අගය පෙන්වා දෙයි.

⭐️ පරිසරය - ලෝකයේ ඇති අලංකාරයට සහ ස්වභාවික පරිසරයට ආදරය කිරීමට දරුවන් දිරිගන්වයි.

💙 Review

The snail and the whale යනු කතාව, රිද්මය සහ චිත්‍ර යන අංශ තුනෙන්ම ඉහළ තත්වයක පවතින පොතකි. එය දරුවන්ට ලෝකය ගැන කුතුහලයක් ඇති කරන අතරම , තමන්ගේ හැකියාවන් පිළිබදව විශ්වාසය ඇති කිරිමටද උගන්වයි. මෙය නිසැකවම දරුවන්ගේ පොත් රාක්කයක තිබිය යුතු ඉතා වටිනා පොතකි.

10/05/2026

ඔන්න අද mother 's day දවසේ මම මගේ චූටී පූතාලා දෙන්නා වෙනුවෙන් තෝරා ගත්ත කතන්දර පොත තමයි මේ.

The greatest mummy of all 🌹🌸

මෙම කතාවේ මූලික තේමාව වන්නේ අම්මා සහ දරුවා අතර ඇති ආදරණීය බැදීමයි. දරුවා තම අම්මාව දකින්නේ ලෝකයේ සිටින හොදම, කරුණාවන්තම සහ ආදරණීයම අම්මා ලෙසයි. අම්මා දරුවන්ට සවන් දෙන,ආදරය කරන සහ ආරක්ෂාව සපයන ආකාරය මෙහි ඉතා සුන්දරව විස්තර කර ඇත.

⭐️⭐️විශේෂ ලක්ෂණ⭐️⭐️

🌸 ආදරණීය බැදීම - අම්මා සහ දරුවා අතර ඇති නොබිදිය හැකි ආදරය සහ සෙනෙහස කතාව පූරාම ඉස්මතු වේ.

🌸 සුන්දර නිදර්ශන - වර්ණවත් සහ සෙල්ලක්කාර හුරතල් නිදර්ශන දරුවන්ගේ සිත් ඇදගන්න සුළුයි.

🌸 සරල භාෂාව - කුඩා දරුවන්ට තේරුම් ගැනීමට පහසු, සරල ඉංග්‍රීසි භාෂාවෙන් ලියා ඇත.

🌸 හදවතට දැනෙන කතාව - විශේෂයෙන්ම අම්මාගේ සෙනෙහස ගැන කියවෙන, නින්දට පෙර කියවීමට සුදුසු කතාවකි .

⭐️⭐️ පොත නිර්දේශ කරන්නේ කාටද?

🌸 අවුරුදු 2-5 අතර දරුවන්ට සුදුසුයි

🌸 දෙමාපියන් සහ දරුවන් අතර බැදීම ශක්තිමත් කිරිමට කැමති අයට

🌸අම්මාට සෙනෙහස දැක්වීමට සුදුසු තෑග්ගක් ලෙස ( gift )

The greatest mummy of all යනු දරුවාට ආදරය සහ ආරක්ෂාව පිළිබදව හැගීමක් ලබාදෙන චිත්‍ර කතාවකි . මෙහි ඇති චිත්‍ර හරහා කතාවේ ඇති හැගීම්බර බව තව තවත් වැඩ් කර ඇත. මෙය දරුවන්ගේ පරිකල්පනය වැඩිදියුණු කරන අතරම, අම්මා ගැන උනන්දුවක් ඇති කිරිමට සමත් වෙන පොතකි.
කුඩා දරුවන්ට කියවාදීමට ඉතා සුදුසු , ආදරණීය පොතක් ලෙස මෙය නිර්දේශ කළ හැකියි.

🌹 දරුවෝ කියන්නේම අපේ ලෝකය 🌹

10/05/2026

Happy mother's day to all the super ladies . Your kindness and compassion make this world a better place 🌸🌹

09/05/2026

නිවාඩු දවසේ මම දරුවෝ වෙනුවෙන් story read කරන්න තෝරා ගත්ත පොත . Bright stanley යනු කුඩා දරුවන් සදහා ඉතාමත් ආකර්ෂණීය ලෙස නිර්මාණය කරන ලද වර්ණවත් පින්තූර වලින් සමන්ව්ත හරි අපූරු පොතකි.📕

🐡 ස්ටැන්ලි යනු ගැඹුරු මුහුදේ වෙසෙන, දිදුළන කොරොපොතු සහිත කුඩා මාළුවෙකි.එක් උදෑසනක stanley ප්‍රමාද වී අවදි වන විට ඔහුගේ මාළු රෑන සීතල දිය සොයා ඒ වන විටත් පිටත්ව ගොස් අවසානය. තනිවු stanley තම මිතුරන් සොයා යන ගමනේදී විවිධ සාගර ජීවින් මුණගැසෙයි.

🦞 දඩබ්බර පොකිරිස්සෙකු මුණගැසෙයි

⭐️ දීප්තිමත් මුතු ඇටයක් දැක එය තම මිතුරෙකු කියා රැවටෙයි.

🐋 බියකරු මෝරෙකුගෙන් බේරිමට ගුහාවක සැගවෙයි.

අවසානයේ stanley තම දහිරිය උපයෝගී කරගෙන බිය පරදවා නැවත තම මිතුරන් සමග එකතුවේ.

👉 මෙම පොතෙහි ඇති විශේෂත්වය වන්නේ
එහි ඇති gold- foil තාක්ෂණයෙන් යුතු දිදුළන රන්වන් කොරොපොතු සහිත චිත්‍රයි. මෙය කුඩා දරුවන්ගේ අවදානය දැඩි ලෙස දිනා ගැනීමට සමත් වේ.

👉ඉතා සරල ඉංග්‍රීසි භාෂාවක් භාවිතා කර ඇති බැවින්, ඉංග්‍රීසි කියවීමට හුරුවන දරුවන්ට මෙය කදිම පොතකි.

👉 කිසිවිටෙකත් උත්සාහය අත්නොහැරිය යුතු බවත් ( Never give up) , තමන්ට අවශ්‍ය දේ වෙනුවෙන් දහිරියෙන් ඉදිරියටම යායුතු බව මෙයින් කියාදෙයි.

👉 සාමාන්‍යයෙන් අවුරුදු 2-6 දක්වා දරුවන්ට වඩාත් සුදුසුයි .

09/05/2026

A must - read article for all moms
🌹🥰

අම්මා කෙනෙක් වුණත්, ඔබේ "හීන" මිය යන්න දෙන්න එපා! 🌸මේක පුංච් තෑග්ගක් ඔයාට💫💫💫

ඔයා වෙනුවන් දවස් කිහිපයක් ක් දෙන්න…

ජීවිතේ එකම තැන පල්වෙනවා වගේ දැනෙනවද?
උදේ ඉඳන් රෑ වෙනකල් එකම දින චරියාවකට හිරවෙලා, තමන්ගේ දියුණුව ගැන හිතන්නවත් වෙලාවක් නැද්ද?

ඔබ රැකියාවකට ගියත්, නිවසේ සිටියත්, අම්මා කෙනෙක් විදිහට මුළු පවුලම බලාගන්න ගමන් "ඔබව" අමතක කරලා නම්

අද මේ කියවන දේ ඔබේ ජීවිතේ හැරවුම් ලක්ෂ්‍යයක් වෙන්න පුළුවන්. ❤️

ඔයා වෙනුවන් දවස් 31ක් දෙන්න…

✨✨ඒ කාලයේ.මේ පියවර 5 අද ඉඳන් ඔබේ ජීවිතයේ පදනම කරගන්න 👇

🛑 1. නිශ්ඵල “සතුටු” වලට සමුදෙන්න (Cut the Noise)

අපේ මොළය අද පුරුදු වෙලා තියෙන්නේ ලේසියෙන් ලැබෙන සතුටටයි.
දරුවෝ නිදාගත්තම ලැබෙන පොඩි නිදහස් වෙලාවෙත් අපි කරන්නේ පැය ගණන් Facebook හෝ TikTok බලන එක.
ඒකෙන් වෙන්නේ ඔබේ කාලය වගේම මානසික ශක්තියත් අඩුවීමයි.

✔️ අදම ඔබේ Screen Time එක සීමා කරන්න
✔️ අනුන්ගේ ජීවිත බලලා තමන්ව පහත් කරගන්න එපා
✔️ ඔබේ හිතට වටිනාකමක් එකතු කරන දේවල් තෝරාගන්න

🛑 2. ඔබේ “රන්වන් හෝරාව” අත්පත් කරගන්න (Master the Morning)
බොහෝ අම්මලා දවස පටන් ගන්නේ කලබලයෙන්.
හැබැයි දිනන කාන්තාවන් දවස පටන් ගන්නේ සන්සුන්වයි.

✔️ මුළු ගෙදරම ඇහැරෙන්න කලින් විනාඩි 30 කට කලින් අවදි වන්න ( රෑ තිස්සේ දරුවො වෙනුවන් නොනිදා ඉන්න ඔබ මේ ගැන හිතන්න එපා ❤️🙏)

✔️ තේ කෝප්පයක් එක්ක අද දවසේ වැඩ සහ ඔබේ goals ලියාගන්න

✔️ සීතල වතුරෙන් මූණ හෝ ඇඟ සෝදන්න හිතටත් ඇඟටත් අලුත් energy එකක් ලැබේවි

🛑 3. ඔබ වෙනුවෙන්ම “දක්ෂතාවයක්” ගොඩනගන්න (Build a Skill)
ඔබ රැකියාවක නිරත වුණත්, ගෘහණියක් වුණත් අලුත් දෙයක් ඉගෙන ගැනීම නතර කරන්න එපා.

අම්මා කෙනෙක් දැනුමෙන් වැඩෙද්දී තමයි දරුවොත් ලස්සනට වැඩෙන්නේ. 🌱

✔️ Crafting, Digital Skills, Language එකක් වගේ ඔබ ආස දෙයක් තෝරාගන්න
✔️ දවසට විනාඩි 30ක් හෝ ඒ වෙනුවෙන් වෙන් කරන්න
✔️ පොඩි පියවරක් වුණත්, හැමදාම ඉස්සරහට යන්න

🛑 4. “Mom-Guilt” එකෙන් මිදෙන්න (Release the Guilt)

බොහෝ අම්මලා තමන් වෙනුවෙන් දෙයක් කරද්දී,
“මම දරුවන්ව මගහරිනවද?” කියලා හිතනවා.
හැබැයි මතක තියාගන්න 👇

❤️ සතුටින් ඉන්න අම්මා කෙනෙක්ට විතරයි සතුටින් ඉන්න පවුලක් හදන්න පුළුවන්.
ඔබ වෙනුවෙන් විනාඩි 15ක් හෝ 20ක් වෙන් කිරීමselfish දෙයක් නෙවෙයි…ඒක ඔබේ mental health එකට අවශ්‍යම investment එකක්.

🛑 5. අත්හැරිය නොහැකි පුරුදු 5 (The Non-Negotiables)

මේ දේවල් 5 දවස් 31ක් නොකඩවා කරන්න 👇

1️⃣ විනාඩි 30ක් exercise කරන්න
ඇවිදීම, stretching හෝ yoga වුණත් හරි

2️⃣ පොතකින් පිටු 10ක් කියවන්න
ඔබේ mindset එක වෙනස් වෙන්න පටන් ගනීවි

3️⃣ ඔබටත් හොඳින් කන්න
ඉතිරි වෙන දේ කන එක නතර කරන්න 🌸

4️⃣ Digital Break එකක් ගන්න
නිදාගන්න කලින් පැයක් phone එකෙන් ඈත් වෙන්න

5️⃣ Gratitude practice කරන්න
දවසේ ලස්සන දේවල් 3ක් මතක් කරලා සතුටු වෙන්න

මේ ලිපිය දහස් ගණනක් අම්මලා කියවාවි…
හැබැයි ඇත්තටම වෙනස් වෙන්න තීරණය කරන්නේ ඉතාම සුළු පිරිසක් විතරයි.
ඔබත් ඒ ශක්තිමත්, වෙනසක් කරන කාන්තාවන් අතරේ කෙනෙක් වෙන්න. ❤️

✨ ඔබ මේ 31 Days Challenge එක භාරගන්න සූදානම්ද?

🌸✨ 31 Days Challenge – Your Soft Glow Up Journey ✨🌸

📅 Week 1 – Reset Your Mind 🌿
💫 හිත සන්සුන් කරගන්න
💫 Screen time අඩු කරන්න
💫 Morning routine එකක් හදාගන්න
👉 අලුත් දවසක් අලුත් හිතකින් පටන් ගන්න

📅 Week 2 – Build Discipline 💪
💫 දිනපතා පොඩි exercise එකක්
💫 පොතක් කියවන්න පටන් ගන්න
💫 අලසකම වෙනුවට consistency තෝරගන්න
👉 ඔබේ strength එක ඔබම හදන සතිය

📅 Week 3 – Learn & Grow 🌱
💫 අලුත් skill එකක් ඉගෙන ගන්න
💫 දවසට විනාඩි 30ක් practice කරන්න
💫 ඔබව improve කරන දේවල් තෝරගන්න
👉 ඔබේ future version එකට investment එකක්

📅 Week 4 – Glow Up (Inside & Out) ✨
💫 හොඳ health habits
💫 gratitude practice 💛
💫 consistency maintain කරන්න
👉 අද ඔබම ඔබව ආලෝකමත් කරන සතිය
🌷 මේක perfect life එකක් ගැන නෙවෙයි…
✨ ඔබේ better, calmer, stronger version එකක් ගැනයි ❤️

✨“මේක perfect life එකක් ගැන නෙවෙයි…
මේක අඩු කාලයකින් ඔබේ better version එකක් හදාගන්න පටන් ගැනීමක් ❤️

පොඩි පියවරවල් එක්ක, ලස්සන වෙනසක් ඇතිවෙයි.”

🌸✨ මේ ගමන අපි එකට යමු… ✨🌸

මේ 31 Days Challenge එක අපිට තනියම කරන්න තියෙන දෙයක් නෙවෙයි ❤️

👉 අපේ homeschool group එකට සම්බන්ධ වෙලා ඉන්න හැම අම්මා කෙනෙක්ම
මේකට එකතු වෙලා, තමන් වෙනුවෙන්ම මේ වෙනස පටන් ගන්න පුළුවන් 🌿

ඒකට සම්බන්ධ වෙලා නැති උනත් ඔයාට පුළුවනි මේ ලිපියෙන් යමක් අරගෙන එක ආරම්භ කරන්න ඒ වගේම හැකි හැම වෙලාවෙම ඒ වෙනුවෙන් ලිපි පළ කරන්නම්.

දරුවන් වෙනුවෙන් අපි හැමදේම කරනවා වගේම…

💛 දැන් කාලය ඇවිත් “ඔබ වෙනුවෙ
නුත්” පොඩි කාලයක් වෙන් කරන්න
👉 ඔබ සතුටින් ඉන්න අම්මා කෙනෙක් නම්
ඔබේ දරුවොත් තවත් ලස්සනට වර්ධනය වෙනවා ❤️
✨ Let’s grow together… as mothers, as women, as a community 🌷

💬 “I’m in” කියලා comment කරන්න, අපි එකට පටන් ගමු 🌸

👉“ඔබ අදම පටන් ගන්නවාද? නැත්නම් තවත් ‘කවදාහරි’ දවසක් බලන් ඉන්නවාද?”

👇
Comment if you choose YOU today ❤️

මම ඒ වෙනුවන් සමුහයක් ඉක්මනින්ම හදන්නම් ❤️🙏

🌷 ඔබට මේක වටිනාකමක් දැනුනා නම්…
👉 අනිත් අම්මාවරුන්ටත් මේක share කරන්න 💛
එක්කෙනෙක්ගේ හරි ජීවිතයක් වෙනස් වෙන්න පුළුවන් 🌿

The Parenting Hub | මව්වරුන්ගේ ජීවිතයට අරුතක්

උපුටා පලකිරීමෙන් වලකින්න 🙏

08/05/2026

ඔන්න අද දවසේ මම story read කරන්න ගත්ත පොත . ඉතින් මේ පොත ටික කාලයක්ම බබාලාගේ book rack එකේ තිබුණු පොතක්. ඒ කතාව තේරුම් ගන්න දරුවාට නිසිම වයස එනකල් මම මග බලාන හිටියා. 📚

🟠 The boy from mars

Simon james විසින් රච්ත The boy from mars යනු මව නිවසින් බැහැරව සිටින කාලය තුළ කුඩා දරුවෙකු තම හැගීම් පාලනය කරගන්නා ආකාරය පිළිබදව ලියැවුණු ඉතා සංවේදී සහ නිර්මාණශීලී ළමා පොතකි.

📕 කතාවේ සරාංශය

ස්ටැන්ලිගේ මව රැකියාවකට හෝ වෙනත් අවශ්‍යතාවයට දින කිහිපයකට නිවසින් බැහැරව යයි. තම මව නොමැතිව පාලුවෙන් සහ කනස්සල්ලෙන් පසුවන ස්ටැන්ලි , කාඩ්බෝඩ් පෙට්ටියකින් සාදාගත් අභ්‍යවකාශ යානයක නැගී අගහරු ( Mars) ලෝකයට පියාසර කිරිමට තීරණය කරයි.

පසුව මේ ලෝකයට ( Earth) නැවත පැමිණෙන්නේ ස්ටැන්ලි නොව,ස්ටැන්ලි වැනි පෙනුම ඇති අගහරු ලෝකයෙන් පැමිණි පිරිමි ළමයෙකි. මෙම කුඩා අගහරු වැසියා ස්ටැන්ලිට වඩා හාත්පසින්ම වෙනස්වේ.

👉 ඔහු පෘථිවියේ ආහාර කෑමට අකමැති වෙන අතර එළවළු කෑම ප්‍රතික්ෂේප කරයි

👉 ඔහු දත් මැදිම හෝ ස්නානය කිරිම නොකරයි

👉 පාසලේදී තම මිතුරන් සමග රණ්ඩු දබර වලට පැටලෙයි.

අවසානයේ මව නැවත නිවසට පැමිණෙන විට, අගහරු වැසියා නැවත අගහරු ලෝකයට ගොස් සැබෑ ස්ටැන්ලි නැවත කරළියට පැමිණෙයි.

📕 Review

මෙම කෘතිය දරුවන්ගේ මානසිකත්වය පිළිබදව ගැඹුරු අවබෝධයකින් යුතුව ලියැවී ඇත.මෙහි මූලික කරුණු කිහිපයක් හදුනාගත හැක.

⭐️ හැගීම් ප්‍රකාශනය - දරුවෙකුට තම මව හෝ පියා නොමැතිව දැනෙන තනිකම සහ බිය ( Anxiety ) ප්‍රකාශ කිරිමට ඔවුන් මවාගත් ලෝක( Imagination ) භාවිතා කරන ආකාරය මෙහි මැනවින් නිරූපණය වේ

⭐️ නිර්මාණශීලී සිතුවම් - සයිමන් ජේම්ස්ගේ ජල සායම් සහ තීන්ත ආශ්‍රිත සිතුවම් කතාවට පණ පොවන අතර, ස්ටැන්ලි ගේ හැගීම් ප්‍රකාශ කිරිමට ඒවා බෙහෙවින් උදව් වේ.

⭐️ දෙමාපියන්ගේ කාර්‍යභාරය- දරුවා අගහරු වැසියෙකු ලෙස රගපාන විට පියා එය ඉවසීමෙන් සහ දයාවෙන් යුතුව පිළිගන්නා ආකාරය දෙමාපියන්ට කදිම ආදර්ශයකි.

The boy from mars යනු දරුවන්ට කියවාදීමට මෙන්ම දෙමාපියන්ට දරුවන්ගේ හැසිරීම් තේරුම් ගැනීමට උපකාරීවන ඉතා වටිනා පොතකි.

වයස අවුරුදු 4-8 දරුවන්ට ඉතා සුදුසුයි

08/05/2026

ඔන්න මගේ මැයි මාසේ book collection එකේ දිනයක් පොඩ්ඩක් වෙනස් කරා. 18-21 වෙනිදා වෙනකල් දවස් 4කට. පොත් 400ක්. නැත්නම් ඔයාලාට දවස් 5ක්ම පාන්දර ඇහැරෙන්න වෙනවානේ. ඒ නිසා දවස් 4කින් පොත් 400ක් ගේන්න තීරණය කරා
22,23 delivery