رتوش كيك _ Rottoush Cake

09/10/2026

ماشاء الله 🤍
فتحنا الحجز في اصابع الكُنافه
معسّلة وفوقها فستق🤍

07/10/2026

انتقل الي رحمة الله تعالى : مِضربي ،رقم عشرطاش😭

05/10/2026

يا عويييلة تعالو اكتشفت حاااجة ✌🏻
في الساعة 2:25 صباااحا

وفي هالساعة وفي هالعمر كيف اكتشفت اسم هالكوااااغط
😎
.كل واحد يحطلي شن يسمي فيه وتو نديرلكم تعديل ونقوللكم شن اسمه الحقيقي

#تعديل
طلع اسمهم " بلاسيه " هادا ياحنة خشيت للمحل خديت حاجات بعد ماروحت قريت الفاتورة فيها كلمة بلاسيه ونقول شنو هذا بسم الله ماخديتاش قعدت نفركس نين عرفت انهم الكواغط😂😂😂

#معنى اسمهم انهم مطويات ومكسرات علي شكل خطوط متوازية منتظمة وثابتة ..

توا تعالو نقوللكم شنو يقولولهم الناس من التعليقات باش كان ذكروهم يكون مش فايت عليكم شي😎..

#بليسيه ، بارتيات ، السنافر، سبليهات، مجرود، كشاكيش، كْويسات ، بغاطيس ، كزيطات ورق امبلس ، بجيوات،كريشة ،فوانيس

بالله ماتقولوليش كيف لتوا ماتعرفيشي لان ناخد من زليتن ومصراته وطرابلس وماحد كتب في الفواتير انه بلاسيه الا توا شكله المحل هاذا وين اثقف..

جماعة #زليتن كان لقيتو حد كاتب بلاسيه اعرفو انهم خطمو عالبوست متاعي 😂

04/10/2026

ماشاء الله 🤍
تارت بحشوات فرش 🍋🍒🍓.
ألف مبروك لأصحاب المناسبة🤍

28/09/2026

28/09/2026

اللَّهُمَّ اكْفِنِي بِحَلَالِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكَ».

اللهم بــارك
جزء من طلبيات الايام الماضية ..

27/09/2026

مُدللة ابوها وآخر بناته
اليوم فضانها ..

الف مــبارك " رحــاب "

22/09/2026

ماشاء الله الحجز مفتوح فيه🤍

21/09/2026

من يقول شن نوع السيارة 🤔

جماعـة الانجلــيزي طاحت موضتكم
لان خشيتلكم عالروسـي 🤣

سامحوني درتها مظلمة 😎

رايكم في رسمتي بالكريمة ..