Home of sweet

27/08/2026

السلام عليكم ورحمة الله وبركاته 🌸

بنات وين ممكن نحصلوا سكر الفلورنتين (سكر الحلويات التونسية)مختفي نهائي تقريبا في كل ليبيا !!!

11/08/2026

من أجمل الحاجات بالنسبة لي كمدرّبة إني نشوف نتيجة الكورس مطبّقة قدامي 🤍✨

شغل إحدى طالباتي وتطبيقها للأصناف اللي خذيناها في الكورس 👏🏻
ما شاء الله، تطبيق جميل ومرتب، وواضح فيه اهتمامها بالتفاصيل وإتقانها للي تعلمته 💕

شكراً ليك على ثقتك واجتهادك، وفرحانة جداً إني نشوف الأصناف اللي قدمتها في الكورس تتحول لشغل جميل بأيدي طالباتي 🤍

ربي يوفقك، ومنها للأفضل والأجمل دائماً 🌷
وفخورة بكل طالبة تستفيد، تطبّق، وتضيف لمستها الخاصة✨

04/08/2026

من أكثر الكورسات اللي فرحتني بكمية الاستفادة اللي شفتها، هو الكورس هذا تحديدًا. 🤍

كل يوم توصلني على الخاص صور وفيديوهات من المتدربات وهم يطبقوا الأصناف اللي تعلموها، والأجمل إن التطبيق ما وقفش عند البيت، في ناس بدوا ينفذوا ويبيعوا ويطوروا شغلهم.

لما نشوف كل واحدة أخذت اللي تعلمته وطبقته بإتقان، نعرف إن الهدف من الكورس تحقق، وهذا أكبر إنجاز بالنسبة ليا.

فخورة جدًا بكل واحدة حضرت واجتهدت، وسعيدة بكل رسالة توصلني فيها نتيجة تعبكم. ربي يبارك لكم في رزقكم، وإن شاء الله نشوفكم دائمًا في نجاح أكبر، ونفرح بشغلكم أكثر وأكثر. 🤍

17/05/2026

ما شاء الله تبارك الرحمن 🤍
طالبة أمس خذت عندي الكورس، واليوم طبقت كل الأصناف بروحها 👏🏻✨
من أكثر الحاجات اللي تفرحني لما نشوف التطبيق السريع والثقة في الشغل بهالشكل 🤍
فخورة بيك وبشغلك المرتب، وإن شاء الله منها للأفضل دائمًا

17/05/2026

اخر كورس قبل العيد ✨🤍

ما شاء الله تبارك الرحمن، من أجمل الكورسات اللي درتهم فعلًا
مش بس شغل وتطبيق، حتى الذوق والأخلاق والشغف اللي شفته من البنات كان حاجة تفرح القلب 🥹

أكثر شي فرحني إن أغلب البنات أول ما روحوا بدوا يطبقوا الأصناف مباشرة، وكل شوي تجيني صور وتطبيقات وشغل يفتح النفس 😭🤍
وهذا أكبر دليل إنهم كانوا فعلًا حابين يتعلموا ومتعبين على روحهم.

وجود ناس تقدر تعبك وتستفيد منك ويكون عندها هذا الحماس… يعطيني دافع كبير ويخليني نفرح بكل لحظة تعبت فيها 🤍

شكرًا لكل بنت حضرت، وشكرًا على كلامكم الحلو وطاقتكم الحلوة وثقتكم الكبيرة بيا 🤍
وربي يوفقكم وتشوفوا نجاح وتعبكم قدام عيونكم يا رب

10/05/2026

الحمدلله تم الاكتفاء بالعدد المطلوب 🤍
شكراً من قلبي لكل وحدة حجزت ووثقت فيا وفرحتني بالحماس والرسائل الجميلة
ممتنة جداً ليكم وإن شاء الله نكون قد ثقتكم ونقدم لكم كورس يليق بيكم

08/05/2026

ومن الطالبات المجتهدات اللي فعلاً نفتخر بيهم 🤍
ما شاء الله عليها عندها اسمها وشغلها المعروف في طرابلس، وزاد فرحني إنها طبّقت أصناف الكورس بإتقان وحب واضح في التفاصيل 👏🏻✨
لما تكون الطالبة شاطرة وعندها شغف، النتيجة أكيد تطلع بهالجمال 🤍

صنف جديد ينضم لقائمتنا 🩷
رحبوا بيه 😂✊️
للمناسبات الراقية 💯
للناس اللي تحب التميز وادور على حاجة واو 👑
بحشوة العبمبر البستاشيو وكريم البستاشيو والفستق الصنوبري 💯

جميع المواد المستخدمة مواد خام بلجيكية أصلية 💯

للحجز والاستفسار راسلونا الأن 📨
📍زناته الجديده بالقرب من مسجد خلوة الزرارقة

08/05/2026

جمعة مباركة عليكم 🌸
والطالبة الرابعة اليوم ما شاء الله عليها طبقت أصناف الكورس بكل حماس وإتقان 👏🏻✨
فرحتي كبيرة لما نشوف البنات يطبقوا ويتطوروا بهالشكل، وطلباتكم المتحمسة تزيدني شغف أكثر ❤️
ربي يبارك لكم وإن شاء الله دايمًا من نجاح لنجاح

07/05/2026

حتى لو الوقت متأخر، لكن والله ما قدرتش نصبر إني ننزل شغل طالبتي الثالثة ❤️
ما شاء الله عليها، طبّقت أصناف الكورس بطريقة تفرّح وتخليني نفتخر بيها من قلب 🥹👏🏻
الحاجة اللي تفرح بجد إنكم متابعات ومجتهدات ودايمًا تعطوني دافع نكمل أكثر 🤍
ربي يباركلكم وإن شاء الله ديما نشوف نجاحكم وتطوركم قدامي ✨

07/05/2026

ما شاء الله تبارك الرحمن 🤍
طالبة ثانية من طالباتي تطبق أصناف الكورس بكل إتقان 👏🏻✨
فخورة جدًا بالمجهود والتطور اللي قاعدين نشوف فيه وحدة وراء وحدة، وهذا أكثر شيء يفرحني 🥹🤍
الله يبارك في الطالبات المجتهدات اللي ما وقفوش عند الكورس، بالعكس طبقوا وطوروا من روحهم وقدّموا شغل يشرّف🔥🔥✨

تارت بيكان
حرف B